بسم الله الرحمن الرحيم
اخواني واخوتي الزعماء .. اخبار جديدة لليوم الخامس على التوالي من اقامة لاعبي الزعيم بمعسكر المنتخب وبعض زملائهم بالمنتخب ..... واعذروني عن عدم التغطية ليوم واحد والذي يوافق يوم المباراة الوديه لصعوبه الوصول ولاعطاء اللاعبين التركيز والراحة التامة ونلتمس منكم العذر ..
بسم الله ونبدا بباكيتا باكيتا كان مبتسم ومسرور جدا حينما رايته .. وهلالي تشيلساوي قال ما افوت هالضحكه عل اعضاء شبكة الزعيم ونعرف وش سالفتها ... 
شغل الصحفين واللقافة ماشيه معي اوكيه بالايام هذي وبعد التحدث مع باكيتا وعن سبب ابتسامه وهل هو بسبب وصول الفريق لمرحله جاهزية كبيره جدا .. فابتسم اكثر وجاوبني بانه مبتسم وسعيد من الاختصاصي الغذائي !!
:p قلت في نفسي والله الكرشه ماطلعت من بلاش في بطن مدربنا ..
مازحته بانه المفروض يوفر فرحته بانهاء مشكلة الدفاع بالاول ثم مشكله الطعام ..
ااجبني بان اهم الاسباب في تأخر الكرة السعوديه (الكبسه - اللحوم ) والتغذية الخاطئه من اللاعبين ....
احرجته وقلتله انا طالب جامعي وحسب دراستي اللحم ماده مشبعة بالدهون والبروتينات بدرجة كبيره واللي تزيد من طاقة الجسم ووتحفظها لمده طويله
غير السالفه .. وطلبت منه طلب انه مباراة قطر يعتبرها محمد الشلهوب والله يعينه لو رجع السعوديه والشلهوب مالعب مبارة قطر كاملة وردني بابتسامه معناتها (تراني المدرب ومحترمك لاننا بالفندق )
مب هين باكيتا يحط بقلبه
حمدالله اوقاتي واوقات زيارتي للاعبين دائما اوقات جيده ووقت سماح لهم بالتحرك .. واللي يساعد اكثر هو معرفتي باصدقاء سكان بالفندق...
وسهل على كثيرا اللقاء والاسئله بوقت الزحمه
ابو عزيز مايعقل ... بعد ما اخذ اهتمام الكرة السعوديه كلها بسالفه هروبه ... الحين قام يدلع ويسوي مصاب
بالاول نجد كل الشخصيات عند عزيز (ها للاتحاد ولا باقي للهلال ) ؟
واليوم .. الكل عند خالد عزيز ... ها انشالله الاصابه خفيفه ؟ انشالله سليم ؟
وابو عزيز مبسوط على وضع الشهره اللي عايشه وانشالله مايأثر على مستواه بالملعب ... بس باذن الله الرجال مافيه شي وبيلعب باذن الله تعالى
عمر الغامدي .. بعد ان سرق الاضواء خالد عزيز ... جا ء الدور على الغامدي .. بس بكل صراحة الغامدي عجبني وعطى درس لعزيز ... عزيز كان بارد وحارق اعصاب .. لكن عمر الغامدي مايقصر بالوجه جاوب الجميع بانه باقي هلالي للابد .. واعتقد شبكة الزعيم والصحف والمقربين فلم يكن احد وحيدا بتصريح عمر ! لانه لم يصرح .. بل اجزم ونفى ولم يتلكع يااااااا (ابو عزيز )
وبالميدان ... اجزم لكم باذن الله مره اخرى وخذوها من تشيلساوي قبل الدورة .. اتوقع عمر الغامدي بيكون له نصيب كبير كل المباريات اكثر من غيره لاعبين المحاور
صحيح الجميع يستفسر عن الاتحاد واكاذبيهم .. لكن اللاعب شديد الانتظام ..
وباكيتا حابه كثير هاليومين واكثر لاعب اشوف باكيتا متعاطف معه ويبيه يبرز هو الكابتن عمر الغامدي ولكن لوحظ قليل اللعب العنيف منه واتوقع تمت مناقشته برخي الاعاصب والتحكم بها باللقاء .. والله يوفقك ياغامدي وباذن الله بهذي البطوله تثبت انك افضل لاعب محور متقدم ومتأخر بنفس الوقت بالمملكة ... (طبعا ياليت محد يسال عن الاتحاد لانه موضوع منتهي منه خلاص )
محمد الشلهوب .. الموهوب كعادته .. اكثر اللاعبين الهلالين تعاطيا مع الجمهور ... وتوقيع للاطفال .. والسماع للاراء والنصائح .. ماشاء الله عليه لو تجيبله جمهور الهلال كله باستاد الملك فهد ماعنده مانع يتصور معهم واحد واحد ...
طبعا عن محمد الشلهوب بالملعب.. هو افضل صانع لعب لانه اشوف انه الوحيد !!
لكن لا اعلم لماذا لا اجد تعاطف باكيتا معه .... لانها واحده من الاخرى !
1- باكيتا واثق منه كل الثقه واعلم بمستواه ويريد تجربه الاخرين .... واتمنى هذه
2- باكيتا يريد اللعب من الاطراف واستخدام عبدالغني جناح ايسر والاستفاده بالشلهوب كورقه رابحه صانع العاب في احد شوطي المباراه ولا اتمنى هذه
لكن بالنسبه للشلهوب واثق من نفسه
جدا جدا جدا .. وابتسامته الجميله لاتفارقه عساها تدوم ابتساماتك يا سبب ابتسامات الملاين من عشاقك ..
وصراحة اكثر ما يميز هذا الرجل انه يرمي بكل تركيزه في شيئ واحد .. فلا تجده يفكر في غير المنتخب وغير وظيفته الحاليه مهما كان ويبتعد عن الاعلام او اي مسبب لتشتيت فكره في اشياء هو بغنى عنها .. ولكن الموهوب مايقصر مع احبابه اعضاء الزعيم ومشجعي الهلال ابدا واطيب تحيه لك ياكابتن وكان ودي اسال باكيتا عن الشلهوب لكن خفت صراحه (يطردني ولاعاد يسمحلي بالدخول )
ياسر القحطاني .... كبار السن وصغاره دائما مانجدهم عند القحطاني .. فهو نجمهم الاول وهم عشاقه !
والقحطاني هو الاخر جدا اعصابه رايقه ومرتاح ويتمازح مع الجميع ويضحك مع الجميع والنفسيه جدا اوكيه والظاهر السبب انه من اهالي المنطقه وعجبه المعكسر ... وطلبي من ياسر ان يحافظ على نفسه بالتمرينات والمباريات الوديه ولا داعي للاستعراض الذي قد يعرضه على اصابه يندم عليها ... وكما ان ياسر المهاجم الاول بالهلال
هو المهاجم الاول والخيار الاول لباكيتا من دون ادني شك .. واللاعب مريح باله جدا ويستاهل ياسر
حسين عبدالغني ..طبعا تدور اسئلة كثيره من المشجعين حول انتقاله لاحد الانديه السعوديه .. لن اذكر النادي لانه مو شغلنا ولكن اللاعب انزعج من الموضوع وطالب بالتركيز على المنتخب .. وعلى سؤاله بانه يفضل الظهير الايسر ام الجناح الايسر ... ليس هناك الى الان ثبات بالخطة او ان باكيتا لم يحدد وانه مستعد لاي واحده منهم
شكله باكيتا ناوي حركه كاس العالم على اساس يخدع المنافسين ... واخلاقه بالفندق والمعكسر مع الجمهور وزملائه تبشر بالخير انشالله بالملعب
حسن معاذ :
متحمس اخر حماس ... وينتظر مباراة البحرين على احر من الجمر وهو المرشح الاول لقيادة الظهير الايمن
عبدالرحمن القحطاني و يوسف السالم : البلوي بيجيب فيهم العيد ..... حتى هم انفسهم مايدرون اذا هم المقصودين من مؤتمر البلوي ام لا ... وانتقلت الزحمه اليهم .... الله يعينهم ولايشتت تركيزهم ( البلوي مايطلع الا وقت اهم البطولات )
كامل الموسى : هو الاخر مندمج كثيرا مع اللاعبين وبالاخص لاعبين الهلال والخوجه
اسامه هوساوي : االاعب وثق من نفسه كثير .. واتوقع انه بالتشكيله الاساسيه الرجال يستحق باذن الله
محمد امين : معنوياته ارتفعت عن السابق ولله الحمد كثيرا ودخل جو المعسكر اخيرا
وادارة المنتخب منزعجة تماما من وضع اللاعبين ( الاعلام الفاشل والاشاعات عن لاعبين الهلال والقادسيه والاتفاق ) وطلبو من الاستقبال بعدم الاجابه عن اي احد يسال او يستفسر عن المنتخب
والمفاجاة الاحلى .. ان مشاركاتكم قرات من اللاعبين وكان عندهم تعليقات كثيره وشكروكم كثيرا على رفع المعنويات .. وسوف يكملون قرائتها باذن الله ... بس لو فهد المصيبيح يعطيهم شوي من الراحه .. وتعذرو عن عدم الرد او المشاركة بالمنتديات لانهم في معكسر والرد سوف يكون بالملعب باذن الله تعالي
طبعا للتذكير والتنبيه .. الاخوان اللي ارسلوا على الاخص كثيرون جدا .. وتقريبا قرات اكثر الرسائل .. ومن طلب مني مقابله اللاعبين وتسجيل الصوت وما من ذلك لاثبات انهم لن ينتقلون الى الاتحاد فاعذروني لمنع ادارة المنتخب بمثل هذي التصاريح .. وخوفا من ازعاج اللاعبين واحرجاهم ومن خلق جو تشتيتي لاذهانهم ولاني اولا واخيرا لست اعلامي ولا انتمي الى اي جهة اعلاميه ...ولكن تقربي من بعض الاعبين والمنتخب هو الذي يسمحلي بنقل المعلومات والتقارير يوميا لكم بكل شفافيه .. وباذن الله رجال الزعيم كلمتهم اقوى من تسجيل لاثباتها.. فنحن في نادي الهلال مازالت لدينا قناعة بمصطلح (كلمة رجال ) والمال ليس له قيمة عند السنتنا ...
ومن لديه اي استفسار او سؤال لاي لاعب او ماشابه .. فباذن الله لن اتاخر عليه كثيرا
وانشالله التغطيه والاحداث والتقارير اول بأول لين ابو ظبي .. وباذن الله لين تقرير ماقبل النهائي ادعوا بذلك ولعل احدكم مستجابة الدعوه منه
وباذن اله كلماتكم لرجال الزعيم والمنتخب اكبر دافع لزيياده حماسهم والروح المعنويه لهم
تحياتي لكم جميعا
هلالي تشيلساوي
حصريا وجديد : اخبار لاعبي الهلال بمعسكر المنتخب بالتقرير لليوم الخامس (ومفاجأة احلى ) 
الوضع العادي
