10/01/2007, 01:57 PM
|
زعيــم نشيــط | | تاريخ التسجيل: 14/10/2002 المكان: مـمـلـكـة الـزعـيـم
مشاركات: 662
| |
مع احترامي لوجهة نظرك يا الغالي بس انا اشوف ان قرار اقالة المدرب جا بوقته انا بصراحة كنت مثلك من اشد المعارضين لاقالة بيسيرو قلت لسه ما اخذ فرصته والفريق باقي لسه ما اكتمل وفيه غيابات وبعد ما اكتملت تشكيلة الهلال لعب اكثر من 7 او 8 مباريات بتشكيلة وحده يعني ثبات على التشكيله وهذي تحسب للمدرب والمفروض المستوى يتصاعد من مباراة لاخرى بحكم الانسجام بين اللعيبة وتفهم لخطط المدرب والمطلوب منهم بس الي شفناه العكس للاسف كل مباراة للهلال تكون اقل مستوى من الي قبلها ومايساعدنا على الفوز الا اجتهادات اللعيبة ومهاراتهم الفرديه بس مو في كل مره الاعب بيقدر ينقذ او يحقق الفوز بمجهود فردي او بكورة ثابته..!!
بعدين انا ما ألوم المدرب على عدم التسجيل الوم المدرب اذا ماكان مافيه اصلا فرصة حقيقه في المباراة لتسجيل..!!
يعني اذا كان الفريق يقدر يوصل للمرمى بس مايسجل نقول والله العلة با الهجوم او التسرع او عدم التوفيق بس مباراة كاملة 90 دقيقة ماتشوف فيها هجمة وحده حقيقيه لتسجيل فتـاكد ان العلة من المدرب..!!
حتى الاعبين اثناء المباراة الواحد منهم يستلم الكوره ويتلفت يمين ويسار يدور زميل يمررها له يعني لو فيه تكتيك صح تحصل الاعب قبل ماتوصله الكوره يعرف وين ولمين بيمررها..!!
واختلافنا مع بيسيرو مو عشانه يلعب بمهاجم واحد باكيتا قبله يلعب بمهاجم واحد وحقق جميع البطولات وكل الجماهير راضيه عنه تقريبا بس باكيتا يعرف يقرأ مجريات المباراة ويغير التكتيك اثناء المباراة اما بيسيرو والله ماشفنا منه غير طلع صانع لعب ونزل محور وطلع ظهير ونزل ظهير وياليت التغيرات هذي والفريق متقدم لا للاسف والفريق مهزوم او متعادل..
وفي النهاية سواء اتفقنا مع الادارة او اختلفنا معها في انهاء عقد بيسيور لازم نوقف معها وندعهما واذا احد يبي يعاتب ولا يحاسب الادارة يكون بعد نهاية الموسم وبعد مانعرف الي لنا والي علينا..!! |