#1  
قديم 09/01/2007, 11:30 AM
زعيــم متواصــل
تاريخ التسجيل: 05/12/2006
مشاركات: 50
Post تحليل مباراة الهلال والقادسيه في كأس فيصل

السلام عليكم ورحمة الله وبركاته ....

أولا مبروووووك الفوز على القادسيه وعودة الزعيم لمكانه الطبيعي في الصداره في مجموعته ورغم الفوز الغير مقنع بوجهة نظري وذلك لطريقة المدرب اللعب بمهاجم واحد في ظل تكتل لاعبي القادسيه ولعبهم على الهجمات المرتده ومع تحفظي الشديد على بدر الخراشي ان ماعنده أي شيء يقدمه لامهاره ولاتسديد ولاسرعه يعني مع فريق يدافع تلعب بمهاجم وجوده مثل عدمه في الملعب تكملة عدد في وجهة نظري كان من الافضل ان يلعب الصويلح ونحاول نضرب عمق القادسيه باختراقات قوارو او مهارة الخثران او يلعب العنبر ولكن الاظهره عندنا يمكن في مباراة يطلع اوفر او 2 صح والباقي زي قلته باستثناء الذياب اوفراته اغلبها ممتازه وعلى المقاس وبالنسبه للهليل المفروض يكون احتياط اذا اصيب مدافع لاقدر الله لكن فكرة تلعيبه كمحور راح تكره الجمهور فيه وهو ماله ذنب في قناعات المدرب لانه في مكان المحور أدائه سيء جدا ويضر الفريق أكثر من أنه ينفعه ....

الآلآلآلآن نمسك كل لاعب ونحلل أدائه في مباراة الأمس

الدعيع .. في وجهة نظري انخفض مستواه بشكل كبير جدا وعند نقطه ضعف واضحه وكل الأهداف اللي دخلت فيه في المباريات السابقه هي عباره عن تسديدات من خارج المنطقه فالدعيع معها لايهش ولاينش وتدخل بكل سهوله يعني لو يركز اي فريق يلعب معنا على التسديد كان علوووم

تفاريس.... قلوووووب من هنا الى جده

المفرج ... مع ان مستواه وامكانياته متوسطه ولكن تعجبني جدا فدائيته وامس مستواه ممتاز

الجري ... لياقته ممتازه وسريع وعنده مهاره لكن اوفراته كلها سيئه فيا ليت يتدرب عليها شوووي

العبدالسلاااام .... لاعب يغطي خانه لا أكثر ولا أقل من عيوبه مايعرف يرفع انه يترك خانته من الحماس ويروح يلحق اللاعب اللي معه الكوره حتى لو عند الجري في اليسار وعنده فكر لعب الحواري وهو لازم يلقم كبري في اي لاعب من الفريق المنافس تى لو حساب الهجمه

الهليل .... صعب تقييمه واني اظلمه لانه يلعب في موقع ماهو موقعه ولكن هو سيء جدا في مكان المحور

الغنام ... ماينفع ابدا الا محور وغير كذا ماينفع لانه يستقعد للاعب الى ان يفقد الكوره او يمرر غلط ويعيبه مايعرف يطلع كور ودائما يرجع الكور

بدر الدوسري ... ماشفت منه لازين ولاشين

الخثران ... امس هو نجم المباراه بكل ماتعنيه الكلمه

قوارو ... أمس لاحظت عليه شيء قليله محاولات اختراقه ومايحتفظ بالكوره كثير يمكن قايله المدرب لكن تسديده لضربة الجزاء غلط كبير المفروووض لعبها الخثران او الغنام بداله ..

الخراشي .... امس يلعب باسمه فقط وبروده غير طبيعي

الصويلح .... دخوله متأخر وما أضاف شيء ولكن لو لعب من اول المباراه كان على الاقل سجل هدف بمشيئه الله ...

الذياب ... تغيير المدرب كان غبي جدا باخراج الدوسري وادخال الذياب ولكن لو لعب الذياب مكان الجري وركز المدرب على العرضيات من جهة الذياب كان يمكن تجيب نتيجه

العنقري ... هي كلمتين هو افضل بكثير لو يلعب مكان العبدالسلام ويريحنا منه

بالنسبه للتشكيلة اللتي اراها تناس الهلال في هذه الفتره

الدعيع

الخثران تفاريس المرشدي العنقري

الغنام البرقان

التايب قوارو

العنبر الصويلح

//////////

أمس جاي للمعلب بدري على بالي فيه جمهور واني ماراح القى مكان ولكن تحطمت بس اهم شيء قدرت اتربع واتمدد على كيفي مافيه جمبي احد ...


ونسأل الله التوفيق للهلال في كل مكان
اضافة رد مع اقتباس
  #2  
قديم 09/01/2007, 11:35 AM
الصورة الرمزية الخاصة بـ ea32
زعيــم نشيــط
تاريخ التسجيل: 25/11/2006
مشاركات: 905
يعطيك العاافيه... واناا معااك بالنسبه لدعيع انخفض مستووااه كثيراَ..
اضافة رد مع اقتباس
  #3  
قديم 09/01/2007, 01:36 PM
زعيــم متواصــل
تاريخ التسجيل: 05/12/2006
مشاركات: 50
في انتظار أراء باقي الأخوان وتحليلاتهم ...
اضافة رد مع اقتباس
  #4  
قديم 09/01/2007, 05:48 PM
زعيــم مميــز
تاريخ التسجيل: 28/02/2006
المكان: !! Old Trafford !!
مشاركات: 9,557
كلامك حلو بس امس غريبة ما فيه جمهور جاي انا بدري وما لقيت احد والله اني تحطمت من جد !!!
اضافة رد مع اقتباس
  #5  
قديم 09/01/2007, 07:16 PM
الصورة الرمزية الخاصة بـ أبو عزوووز الوايلي
زعيــم مميــز
تاريخ التسجيل: 29/12/2006
المكان: أسبطر عاصمة الجعافره
مشاركات: 8,608
يعطيك العافيه

بس ياليت قوارو ماضيع البلنتي
اضافة رد مع اقتباس
  #6  
قديم 09/01/2007, 07:50 PM
زعيــم فعــال
تاريخ التسجيل: 21/03/2006
مشاركات: 242
والله انواع التبطح امس الملعب فاضي
اضافة رد مع اقتباس
  #7  
قديم 09/01/2007, 07:57 PM
زعيــم فعــال
تاريخ التسجيل: 18/10/2006
المكان: الريــاض .!
مشاركات: 339
يعطيك العافيه على التحليل الممتاز
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 02:05 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube