436 +12 ضرب 4 ، أحسن من شراب الكحه - نادي الهلال السعودي - شبكة الزعيم

alhawey · #1 09/01/2007, 09:55 AM

السلام عليكم ورحمة الله وبركاته،،

كيف الحال عساكم بخير..

أبشركم ما بقى شي وتذلف المربعانيه وتجي الشبط وعقبها العقارب ويقولون الأولين إذا دخلت العقارب ترى الخير قارب

، يعني اصبروا وعن التشكي والبربسه اللي مالها سنع كل من شفته قال ذبحنا البرد!!

على العموم أيها العضو الكريم وأيتها العضوة الجميله لايهمكم ماجد مقبل والبرد اللي جالس يروّج له

، فالموضوع حله بسيط وكل من يشعر بالبرد لا عليه سوى أن يقوم بالآتي :

أيقظ العملاق الذي في داخلك وتخيل أنك حطبه محلوته في جهنم ، أو دفايه تيوب لس مشبوكه على 220فولت/سكند أو فحمات كرسيدا اكس إل 91، وعندها ستدفى ، وعندها صورتك اللي سكنت بروازها طول السنين صارت جسد وبروازها الروح والأماكن اللي مريت انتا فيها أنواع الحر والعرق..

مدخل

.. برررررررررررد ..

مخرج

رز
جريش
سليق
هريسه
مرقوق
قرصان

لحم
دجاج
سمك
روبيان
نعام
بط
أرانب
فخذ فيل

كوسه
قرع
بزاليا
فاصوليا
فول
عدس

بطل ملح
بطل بهارات
بطل صويا
كرتون معجون طماط
ما صورتين زبده

تجمع هذه المكونات السابقه وتوضع في قدر كاتم وتبطخ على نار هادئه لمدة يوم

وبالهناء والشفاء إلى أن يطلع الشتاء

_____________________________________

ياجماعة الربع ليش النفسيّات هاليومين خايسه؟؟

كل من شفته أو كلمته يقول ضايق صدري!! ، ما ودي أقول إن الأجواء هي السبب ، لكن بالتأكيد هي واحد من أهم الأسباب..

اتذكر أن آخر برد قارس جانا في عام 1418 هـ وقتها كنا نشوف الشاهي يجمد داخل البياله ، وهالموقف تكرر هالسنه في ثاني أيام العيد بأطراف الرياض..<<<<< أنواااع المبالغات

____________________________________

ما علينا أبخشخش على الموضوع

تغني أم كلثوم الله يعفو عنا وعنها:

أيها الساهر تغفو ... تذكر العهد وتصحو ... وإذا ما التئم جرحٌ ... جد في التذكار جرحُ .. فتعلم كيف تنسى .. وتعلم كيف تمحو ..

وكاتب هذه الكلمات هو الدكتور/ إبراهيم ناجي ، وإذا كنا سنأخذ الحكمة من أفواه المهبل فمن باب أولى أن نأخذها من بعض كبار الأدباء والشعراء ..

قبل كم ليله كنت جالس مع أحد الأصدقاء الكرماء ، وعندما جاء تالي الليل بدأت السواليف تأخذ منحنى لا أدر ما ذا يبي!! ..

بدأها الصديق حينما قال انه لا ينام زين وإذا نام يفزفز من نومه ، ولأني أعلم قساوة الظروف التي يمر بها ما حاولت إني أسأله وش السبب وإنما اكتفيت بقول : يابو عبدالله لازم تحاول تنسى وتشغل عمرك بأي شي قبل لا تنام ، وذكرت له بعض الوسائل والطرق الغير مألوفه و السلسه والبسيطه واللي ممكن تساعد على النوم ، ولأن هناك الكثير من أعضاء وزوار هذا المنتدى قد يعانون من نفس المشكله، فلقد أحببت وودت وبغيت أن أنقل لكم بعضاً لا يتبعض من هذه الطرق..

ممنوع الضحك أو الاستخفاف ببعض ما سأذكره

، وقبل كل شي سأقول لك أيها الساهر( وهذه نصيحة مجرب) لا أحد يلعب عليك ويقول لك أن عندك أرق ولازم تروح لطبيب نفسي

، وصدقني أنك إن فعلتها وذهبت لأحد أطباء النفس من غير حاجة قصوى فانك ستندم وتروح ملح مع العلاجات الكميائيه..

نمبر ون :

لا تروح لغرفتك وتنسدح على فراشك وأنت مصحصح ما عندك طاري للنوم.

نمبر اثنين:

يا خي ويا اختي توضوا قبل لا تنامون ترى الوضوء سهل وما ياخذ وقت والماء سعره رخيص ولله الحمد، وهنا أحذرك من الوضوء ثم الذهاب إلى الفراش مباشره لازم تاخذ لك أقل شي 10قائق.

نمبر ثري:

ان كانك رجال فيك خير أو حرمةٍ صالحه خذ المصحف وأقرأ صفحه من كتاب الله تكفل لك انشراح الخاطر، وان كان ابليس عيـّا عليك اقرأ أحد الجرايد وركز على قراءة المقالات اللي يعجبك عنوانها ولا تبدأ بمقال وتتركه.

نمبر أربعه:

قبل لا تروح للفراش خذ منديل(لاتستخدم مناديل المحطات) واتجه إلى المغسله واسكب عليه قليلاً من الماء البارد وامسح به أذنيك من الخلف ، ثم انزع الشّراب المدوده وامسح أطراف أصابع رجلينك بهالمنديل، ولا ترجع تلبس الشراب نوبتن ثانيه ، ولا أحد يستغبي وينشّف أذانه أو رجليه.

نمبر فايف:

أطفأ محرك اللمبه واتجه فوراً إلى الفراش وانفضه ثلاث نفضات ، وانسدح وحاول أن تجري أي عمليه حسابيه داخل دماغك مثلاً 436 + 625 + 12 ضرب 4 تقسيم 1 ، واستمر حتى يجهد مخك.

نمبر سته:

عندما تحس بأن الارقام بدأت تلعب براسك تعوذ من ابليس الملعون واقرأ المعوذات وبعدها استمر في قول استغفر الله العظيم إلى أن تنام باذن الله نومة ً طيبة ً هنيئه.

الاهم من هذا كل ابوه هو ان تكون مقتنع تماماً بالحيل ان هذه الخطوات ستساعدك على النوم الهاااادئ

والله ياجماعه ان الطريقه مجربه وفعاله وناسبت كثيراً من خلق الله، ووالدتي الله يحفظها ويطول عمرها على عمل صالح هي من علمتني الخطوه نمبر فور، أما باقي الخطوات فلا أظن أن أغلبكم يجهلها.

وفي النهاية لا يسعني الا أن أذكر نفسي قبلكم وبعدين أذكركم بأن المحافظة على الصلوات بوقتها وقراءة ولو جزء بسيط من القرءان في كل يوم تجلب الطمأنينه والراحه وانشراح الخاطر في كل وقت وعند أي موقف.

الله يصلح الحال ويكتب اللي فيه الخير للجميع

لحظه شوي

تذكرت أيام الجامعه كنت اذا ما جاني نوم أقرقع من شراب الكحه لين أنعفط

لا تضحك

تحياتي+أشواقي ،،

2 صامولي بيض جبن + شاهي شوي سكر= واعذاب القلب من شي يذوقه

عاشق مدريد · #2 09/01/2007, 10:24 AM

هلا بالهاوي المهوي

يعطيك العافية على النصائح يابعدي

عاد تصدق جتني فترة اتوهق لابغيت انام يعني عادي اقعد اتلقب على الفراش 3 ساعات ادور النوم

لكن الحق ينقال عرضت مشكلتي على اخوي وهو طبيب نفسي

لكن ابشرك ماوصفلي لاادوية كيميائية ولاهم يحزنون لكن قالي ياطويل العمر تروش قبل لاتنام لان التروش سبحان الله يجيب النوم

وحتى عطاني نصيحتك نمبر ثري

والحمدلله الامور الحين تمام حتى لو ماطبقت النصايح ولله الحمد قدرت انام

دمت بود;)

الجاحظ · #3 09/01/2007, 12:07 PM

شكرا لك يا أيها (الهاوي/الحاوي) على هذا الموضوع

من أسباب صعوبة النوم هو عدم بذل مجهود بدني كافي خلال اليوم
فهي علامة على الحاجة لبعض التمارين الاضافية

تذكرني بقصة عن شخص عندما يريد ان يجعل أطفاله ينامون بأي وسيلة،
يجعلهم يشربون من الماء المستخدم في "المعسل"
الرجل هداه الله وسارع الى فحص اطفاله ووجدهم بخير والحمدلله
لكن في حالات اخرى قد تكون العواقب جدا وخيمة

البعض يلجأ لدواء الكحة كما ذكرت "الكافوسيد"،
واعتقد ان المخاطرة في ذلك موجودة ايضا
معظم الادوية يتم طرحها من الدم عن طريق الكبد والكليتين
لذا فالجرعات الزائدة والاستخدام الغير ضروري قد يؤدي الى نتائج غير حميدة
لمزيد من المعلومات، اسألوا أخينا "قرقاص"

دمت بخير،،،

الكلاسيكي · #4 09/01/2007, 01:53 PM

هــلا وغــلا بأبــو الهوياتـ الهــاوي ..
نورت الحته .. ماشاء الله صاير طبيب نفسي بس شعبي ..

من ناحية البــرد انا من الناس اللي يجي البرد وانا ساكت ما اهر جكثير لاني اصلا عهجزان عن الكلام ..
بس الحمد لله هاليومين البرد خاف وصاير الجو حلييييو ..

بعدين يالدب تراك بتتسبب على خلق الله الحين يروح واحد ولا وحده من الطيبي زياده
ويسوون الخلطه اللي قلت عليها .. وما يردهم الا مستشفى التخصصي ..
كشكلك رحت المطبخ وكتبت كل الاكلات .. او انك جايع .. ترا الاكل في الشتاء ماينشبع منه ..

عــاد تصدق انــي مثل خويكـ .. صاير احوس وادوس في السرير ساعه قبل ما انام كل ابوها تفكير ..
وبعدها اذا غفيت وغطست نطيت مع اني الحمد لله ما انام الا قاري المعوذا ت ..

بس بنجرب النمبر فور ونقول لك وش صار .. بس انا احس انها نفسيه اكثر من ان فيها شي يخليك تنام ..
وجزاك الله الف خير ع النصايح قبل النوم مثل قراءة القران والصلاة ..

وعلى فكره بدال الحساب اجلس احرفش في جوالي لما اتعب مخي من الحوسه والدوسه
ولا اخذ لي دفتر الكشكول واخربط وارسم واكتب لما اتعب وانام .. بس مو كل يوم

وشراب الكحه مفوله قوي من نعطي اخواني الصغار وهم خامدين خمده انما ايــه ...
صرنا اذا شفناهم ازعجونا صرفت لهم علاج الكحه وخليتهم ينامون << دكتور

وتقبل ارق التحايا ..
دمت بخير .. ياهاوينــااا

فرصه ضايعه · #5 09/01/2007, 02:39 PM

وعليكم السلام ورحمة الله وبركاته

هلا والله بالهاوي .... اللي تجيه العلّه ويداوي

....

ياهووووووووووة طلعت بيت شعر

>>> برى

إقتباس


	أبشركم ما بقى شي وتذلف المربعانيه وتجي الشبط وعقبها العقارب ويقولون الأولين إذا دخلت العقارب ترى الخير قارب ، يعني اصبروا وعن التشكي والبربسه اللي مالها سنع كل من شفته قال ذبحنا البرد!!

برد طيب وش السواة

انا مكتّبه ذا الكلام من جدي الله يحفظه جلست جلسه معه ذاك اليوم وهاتك علوم الأولين

....
ناويه انزله موضوع بس مابعد شاف النور

ترقبوه قريبا:p >>> تسوي دعايه

إقتباس


	أيقظ العملاق الذي في داخلك وتخيل أنك حطبه محلوته في جهنم

إذا فيها جهنم لا والله مانيب ميقضته

خله نايم ابرك

...
الله يبعدنا عنها وكل مسلم

....
عليك تشبيه بعد

إقتباس


	نعام بط أرانب فخذ فيل

كلهن مشيناهن لك

بس عاد ماتوصل لفخذ الفيل

الله يكرم النعمه بس

إقتباس


	بطل ملح بطل بهارات بطل صويا

وهذولي وش يبون

عساك تقصد بطاطس البطل بالملح والبهارات والصويا

:p

<<< لا تشره جوعانه احتري الغداء

إقتباس


	ياجماعة الربع ليش النفسيّات هاليومين خايسه؟؟

يعني تسوي نفسك ماتدري عن القلق اللي مسوي أزمه للكل

....
النفسيه دمار عشان الأختبارات

.... هذا أول سبب رئيسي لضيقة الصدر:sad:

إقتباس


	اتذكر أن آخر برد قارس جانا في عام 1418 هـ وقتها كنا نشوف الشاهي يجمد داخل البياله ، وهالموقف تكرر هالسنه في ثاني أيام العيد بأطراف الرياض..<<<<< أنواااع المبالغات

أخوال أمي المهبل <<< تمون

كاشتين بالعيد ومصورين بلاستيك فيه مويه وبيالاتهم وهو جوى الخيمه وطبقة الجليد فوقه الصبح

ذيك الرقيقه اللي تتكسر بسهوله :p
أقولهم وش حادكم تروحون

...
يقولون حرام تعبانين على المخيم:p :p

إقتباس


	لا تروح لغرفتك وتنسدح على فراشك وأنت مصحصح ما عندك طاري للنوم.

مافيه أمل اروح لفراشي إلا وأنا منتهيه وخالصه

عيوني مرة تغمض ومرة تفتح

إقتباس


	وهنا أحذرك من الوضوء ثم الذهاب إلى الفراش مباشره لازم تاخذ لك أقل شي 10قائق.

وش المقصد من العشر دقايق

ليش يعني بالعربي

طيب يصلح بعد الوضوء تركع لك ركعتين وتوتر وخلصنا

إقتباس


	قبل لا تروح للفراش خذ منديل(لاتستخدم مناديل المحطات) واتجه إلى المغسله واسكب عليه قليلاً من الماء البارد وامسح به أذنيك من الخلف ، ثم انزع الشّراب المدوده وامسح أطراف أصابع رجلينك بهالمنديل، ولا ترجع تلبس الشراب نوبتن ثانيه ، ولا أحد يستغبي وينشّف أذانه أو رجليه.

هذي جديده جاري تطبيقها إذا عيا النوم يجيني ;) ....
<<< مافيه أمل مايجيك ذا الوقت:p ...أحسن شي النوم في ذا البرد:p :p
طيب ليش ماالبس شراب

عادي البس جديد إذا قصدك على التعفين

إقتباس


	وفي النهاية لا يسعني الا أن أذكر نفسي قبلكم وبعدين أذكركم بأن المحافظة على الصلوات بوقتها وقراءة ولو جزء بسيط من القرءان في كل يوم تجلب الطمأنينه والراحه وانشراح الخاطر في كل وقت وعند أي موقف.

جزاك الله خير

إقتباس


	لحظه شوي تذكرت أيام الجامعه كنت اذا ما جاني نوم أقرقع من شراب الكحه لين أنعفط لا تضحك

عادي انت دمارك على نفسك :p ....
بنت عمي تعطي عيالها هستوب مدري وش اسمه المهم دواء الكحه ذا

لا ركبوا الطيارة ووراهم سفرة طويله تقول عشان مايزعجونا بالطيارة ماغير نايمين

جزاك الله خير أخوي الهاوي على هالنصايح الذهبيه ....
لا تحرمنا منها ...

ياسفابي ماتهنيتوا بي

الهنوووف · #6 09/01/2007, 02:46 PM

\

/

\

هلا بالهاووووي مدري الهوواوي اهم شي انه اخو جورج:p

إقتباس


	أبشركم ما بقى شي وتذلف المربعانيه وتجي الشبط وعقبها العقارب ويقولون الأولين إذا دخلت العقارب ترى الخير قارب ، يعني اصبروا وعن التشكي والبربسه اللي مالها سنع كل من شفته قال ذبحنا البرد!!

ترى التشكي من البرد زين علشان اذا جا البرد نسكت لاننا اكيد متوقعينه غير :p
يعني بيكون اخف من الخيال الي عشناه:p الي تخيلت نفسي زرقاء على قولة ابوحاتم

إقتباس


	ياجماعة الربع ليش النفسيّات هاليومين خايسه؟؟ كل من شفته أو كلمته يقول ضايق صدري!! ، ما ودي أقول إن الأجواء هي السبب ، لكن بالتأكيد هي واحد من أهم الأسباب..

مدري والله يمكن من قسى القلوب

بعد فية مرض عندنا بالزعيم اسمه حمى النفسيات

والله اعلمـ
واول ماتتعب النفسيه تتعب زياده اول مادخل الزعيم

إقتباس


	بدأها الصديق حينما قال انه لا ينام زين وإذا نام يفزفز من نومه

ايه انا مثل صديقك

بس غالبا اذا فزيت يكون حلم شين

الله يبعد عني وعنكم هالاحلام
والا الحلم الزين اصحى وانا مبسوطه واحاول انام غصب ابي اكمل الحلم:p

مدري صايره احوس وادوس بالسرير مايجيني نوم والا انام متاخر وااصحى بدري بس اجلس شوي وانام ثانيه

يعني عندي نظام مدري وشو من تالي لو انام الساعه 9 الصبح لازم اتوعى الساعه 10 او 10 ونصف بس اشوف الساعه وارجع انام

إقتباس


	نمبر ون : لا تروح لغرفتك وتنسدح على فراشك وأنت مصحصح ما عندك طاري للنوم.

طيب اذا كان الوقت متاخر بالحيل ضروري ارووح

خصوصا اذا عندي موعد الصبح او دراسه او شي من هالقبيل
واحيانا يقول ابوي نامي اقول مافيني نوم يقول روحي ويجيك النوم

إقتباس


	قبل لا تروح للفراش خذ منديل(لاتستخدم مناديل المحطات) واتجه إلى المغسله واسكب عليه قليلاً من الماء البارد وامسح به أذنيك من الخلف ، ثم انزع الشّراب المدوده وامسح أطراف أصابع رجلينك بهالمنديل، ولا ترجع تلبس الشراب نوبتن ثانيه ، ولا أحد يستغبي وينشّف أذانه أو رجليه.

بس ماتصلح بالبرد
اما اني انزع الشراب فهي مستحيل

مع هالبرد
واحس حتى هالطريقة ماتنقع بالصيف لاني بكون مقابل التكييف اخاف يجيني شي خصوصا اني الماء بارد

إقتباس


	أطفأ محرك اللمبه واتجه فوراً إلى الفراش وانفضه ثلاث نفضات ، وانسدح وحاول أن تجري أي عمليه حسابيه داخل دماغك مثلاً 436 + 625 + 12 ضرب 4 تقسيم 1 ، واستمر حتى يجهد مخك.

لا انا اسمع الي عد الارقام الى مالانهايه
امل ولايجيني النوم واوقف

يعطيك العافيه نوما هنيئا واجواء متميزة باذن الله ستكون لكـ

دمت في حفظ الله

الهنوووف

كانت

هنا

ورحلت

عزوز الأزرق · #7 09/01/2007, 03:29 PM

هلا بالهاوي .. يامرحبا ...

اولا الله يجزاك بالخير ع البشاره .. لو ان الجو عندنا ( جده ) بدء يسترد البرودة شيئا فشيئا ...
تصدق !! يوم الجمعه الماضي كانت درجة الحراره وحسب احد الالكترونيات الموجده في الشوارع .. 30 درجة(( حرر)) .. الساعه 1 ليلا ... اما امبارح نقصة شوي ووصلت الى 24 لكن انشدني .. ذا جونا ماينعرف له .. يوم حر ويووووم برررررد ...< < احسكم تضحكون اذا قلت 15 بررد

..

** برد جدة لوجود الرطوبة .. يكون اشد و ع العظم على طوووول ..لذلك يطقنا الشيب شوي بكيييير .. ==> اقطع ع اللهجة

< < اخوك فالله مايبي البرد يخلص ... مشتري له ثوب شتوي ماكشخ به غير مره وحده .. وراح البرد خخخخخخخخخخ

إقتباس


	أيقظ العملاق الذي في داخلك

ههههههه امبارح ليلي كله وانا ايقظ فيه واشجعه .. على بالي اني بحل زين فالاختبار ... خخخخخخخ لكن طلع ثقيل طينه ومايقدر خخخخخخ

< < < يبني باليل و بالصبح يهدم > > >
على فكره هذي مو دعاية لدورة مدري من يكون ؟؟!

إقتباس


	بدأها الصديق حينما قال انه لا ينام زين وإذا نام يفزفز من نومه

زي حالتي والا اردى ؟؟!
مشكلة اعاني منها اذا كانت علي ضغوووووط نفسيه وهي ( انقطاع النفس اثناء النوووم ) الله لايبلاكم.. اتشهد ع الصامت .. حتى وصية ماوصي .. فذيك اللحظة تنسى الهلال و المنتخب حتى حبيبك واللي خلفوه.. حتى هدف الجابر الشهير في مرمى الشباب تنساه .. ماودك من ذا الدنيا الا .. اوكسجين .. وان كانت الضغوط قووويه قد تتكرر 8مرات واكثر الى ان تكرررره النوووم وتبطل ...<< الحمدلله خفت الحاله ..

إقتباس


	لا تروح لغرفتك وتنسدح على فراشك وأنت مصحصح ما عندك طاري للنوم.

طيب وان كان زي ماقلت الهنوف .. وراي اختباااااار والا دوام ...
مااقول الا الله يلطف بحالنا ... ماهنا حل الا ............( وانت ادرى )

< < يعرف واحد من المتزوجين .. ماشاء الله عليه الساعه 3 الفجر شبعاااااان نووووووم - حسب مايقول -... ( ذا الوقت انا لسا اقردن النوم واشحده غفوة لله

)

إقتباس


	وحاول أن تجري أي عمليه حسابيه داخل دماغك مثلاً 436 + 625 + 12 ضرب 4 تقسيم 1 ، واستمر حتى يجهد مخك.

هههههههه برضه البارح .. قاعد اعد .. وصلت الى 290 واني اشوف النووووم مو حوولي .. بطلت .. وغيرت الاسلوب ..
<<<< يمكن 10 اساليب استخدم ..
وااااااخرتها اكتشف اني مستحيل ااناااااااام وصوت المكيف مو في اذني..خصوصا مع التهاب انفاسي الدافئه .. وقرقعت قلبي ..

شغلت المكيف .. وقعد يداعبني بصوته الحنوووووون

.. ==> ==> حتى نمت..

يالهااااااوي .. دمت كويس و نهي مشاكل ..

انتهى , , ,

تغريد · #8 09/01/2007, 04:56 PM

اهلين الهاوي

ابشرك فهمت الموضوع كلو

إقتباس


	ياجماعة الربع ليش النفسيّات هاليومين خايسه؟؟ كل من شفته أو كلمته يقول ضايق صدري!!

صاادق والله من جد

تتوقع من البرد!

إقتباس


	ما علينا أبخشخش على الموضوع

مشاء الله كل هذا ولسه ماخشخشت:p

إقتباس


	وعندما جاء تالي الليل بدأت السواليف تأخذ منحنى لا أدر ما ذا يبي!! ..

نااااموووو بدررري:p

إقتباس


	قبل لا تروح للفراش خذ منديل(لاتستخدم مناديل المحطات) واتجه إلى المغسله واسكب عليه قليلاً من الماء البارد وامسح به أذنيك من الخلف ، ثم انزع الشّراب المدوده وامسح أطراف أصابع رجلينك بهالمنديل، ولا ترجع تلبس الشراب نوبتن ثانيه ، ولا أحد يستغبي وينشّف أذانه أو رجليه.

الله يحفظها لكم ان شاء الله

طيب في سر يعني في انو نفس المنديل!!!

إقتباس


	أطفأ محرك اللمبه

حلوه

بضيف نمبر 7
قراءة دعاء النوم وسورة الفاتحه وآية الكرسي والمعوذات

وتقعد تعد الخروفات زي افلام الكرتون والله تفيد

والواحد يحاول مايفكر كثير قبل ماينام لان التفكير يطير النوم

إقتباس


	تذكرت أيام الجامعه كنت اذا ما جاني نوم أقرقع من شراب الكحه لين أنعفط لا تضحك

هههههههههههههههههههههههههههههههههه
ذكرتني بدواء حق كحه برضو
كل الامهات يشربونو عيالهم اخر يوم بالاجازه قبل المدارس واذا بيروحون زواج

وتلقاهم ينصحون بعضهم فيه

بس منعوووه من الصيدليات!
اكيد عرف عنهم الصليب الاحمر هع

إقتباس


	2 صامولي بيض جبن + شاهي شوي سكر

اكيد واحد ليا صح

بس بدون جبن لو سمحت:p

شكرا الهاوي عالموضوع الي طمنا عن البرد

وان شاء الله نسوي وصفتك:p

البارق · #9 09/01/2007, 05:25 PM

هلا وغلا والله بالهاوي الداج <---- مسوي مطيح الميانة مع مزح ثقيل ..

كل عام وأنت بخير يالغالي بعد الزحمة ..

والله نقاطك واجد حتى لو إنها ماهيب رئيسية ..لكن يجب أن نوقف عندها ..

يعني الحين إذا جاء الحر قلتوا فطسنا وصرنا ضبان ما نقدر نطلع من مكاننا ومستحيل الواحد يطلع إلا بالليل ..!!

وإذا جاء الشتاء قلتوا وش هالبرد اللي ما نتحمله ..!!!

احترنا بكم ..يا أخوي بالصيف رح لأوربا ( عاد أنت تخير المكان ..

) والشتاء نيوزلندا أو أستراليا ولا تزعجنا ..!!

يعني نغير جونا عشانه ما أعجبك ..

بس تصدق عاد مع كل اللي يسويه بنا الشتاء يا حبي له ويازين أيامه ..

نجي عاد لموضوعك بعد ما دخلت مع الدريشة عشان أبعد عن مدخلك ومخرجك اللي أنت حاطها ..

صحيح الهواجيس قبل النوم مقلقة <--- قل والله ..

حبيت أقول إن الناس في هالأمور يختلفون ..بعضهم ما شاء الله مع كل ما تسويه فيه الدنيا عند النوم ما عنده معاناة ..!!

وناس لا ..

هذا غير إن الناس يختلفون في طريقتهم ..فتلقى واحد خسران كل اللي عنده بالأسهم والدنيا لعبت به لعب ..

ومع ذلك ما أثرت لعليه بشء ..

- ما شاء الله - ..

وناس لو يكون بخاطره بيبسي بارد ولا يلقاه ببقالة حارتهم يشيل هم الدنيا كلها ويواصل يومين ..

الطرق اللي ذكرت زينه وتساعد ولكن أحيانا تكون الظروف أقوى من العلاج ..!! طبعا هذي أيام وتروح يعني ماهيب على طول .!!

لكن الكل يعترف إن الأرق والتعب عند النوم من أصعب الأشياء على الإنسان الله يحمينا وإياكم منها ..

تسلم والله يا الهاوي على هالموضوع ..وخل عنك موضوع البرد ..

تقبل تحياتي ،،،

الزعيم الغيور · #10 09/01/2007, 06:51 PM

السلام عليكم

بصراحة جاتني دوخة وأنا اقرا الموضوع

بس بصراحة حلوووومررررة

لك جزيييييل الشكر

مـمـالـكـ ضـبـابـيـة · #11 10/01/2007, 04:26 AM

نمبر ون :

لا تروح لغرفتك وتنسدح على فراشك وأنت مصحصح ما عندك طاري للنوم.

؟؟؟ وين أروح طيب إذا طفشانه؟؟؟؟؟

نمبر اثنين:

يا خي ويا اختي توضوا قبل لا تنامون ترى الوضوء سهل وما ياخذ وقت والماء سعره رخيص ولله الحمد، وهنا أحذرك من الوضوء ثم الذهاب إلى الفراش مباشره لازم تاخذ لك أقل شي 10قائق.

ويش اسوي بهالعشر دقايق؟؟؟؟

نمبر ثري:

ان كانك رجال فيك خير أو حرمةٍ صالحه خذ المصحف وأقرأ صفحه من كتاب الله تكفل لك انشراح الخاطر، وان كان ابليس عيـّا عليك اقرأ أحد الجرايد وركز على قراءة المقالات اللي يعجبك عنوانها ولا تبدأ بمقال وتتركه.

والعياذ بالله اذا سمعت شي من القران يجي في راسي جني واذا قريته ما اعرف انام
وأصدع من اي شي اقراه

نمبر أربعه:

قبل لا تروح للفراش خذ منديل(لاتستخدم مناديل المحطات) واتجه إلى المغسله واسكب عليه قليلاً من الماء البارد وامسح به أذنيك من الخلف ، ثم انزع الشّراب المدوده وامسح أطراف أصابع رجلينك بهالمنديل، ولا ترجع تلبس الشراب نوبتن ثانيه ، ولا أحد يستغبي وينشّف أذانه أو رجليه.

أحاول أجرب

نمبر فايف:

أطفأ محرك اللمبه واتجه فوراً إلى الفراش وانفضه ثلاث نفضات ، وانسدح وحاول أن تجري أي عمليه حسابيه داخل دماغك مثلاً 436 + 625 + 12 ضرب 4 تقسيم 1 ، واستمر حتى يجهد مخك.

يثقل راسي ويصير يروح يمين وشمال وتدهور افكاري واصير اغط واقوم طوووول الليل لين يجي الصبح

نمبر سته:

عندما تحس بأن الارقام بدأت تلعب براسك تعوذ من ابليس الملعون واقرأ المعوذات وبعدها استمر في قول استغفر الله العظيم إلى أن تنام باذن الله نومة ً طيبة ً هنيئه.

أنشاء الله

مشكور اخوي على الموضوع

سندريلا الهلال · #12 10/01/2007, 07:29 AM

ماشاء الله تبارك الله على هالوصفة ..يعني وشو نكيسها باكياس ونطلع نسخنها

اما نصائح النووم ماشاء الله عليك عز الله ان جانا أرق بسم الله علينا

بنجربها ياشين الأرق يجيب الاكتئاب

..

اذكر اذا العيال الصغار طلعوا مزعجين

.. نعطيهم علاج عشان يهجدون الله يصلحهم

مدري ليه حنا يالسعوديين مانسمي العلاج باسمه

ان كان مرسوم عليه وردة نقول عطوه شارب ابو ورده

وان كان مرسوم عليه حصان قلنا عطوه شراب ابو حصان

ماتعوق معنا ابد ..

سنين يكتشفون وحنا نسمي كيفما اتفقنا

على قولة ناصر الاحمد..

الله يطول بعمر امك ان شاء الله ويمتعها بالصحه والعافيه .. والله يجزاك خير على هالنصائح اللي كلها خير وبركه ..

...SoMe OnE... · #13 10/01/2007, 08:38 AM

,,,
,,
,

alhawey

صبحكـَ الله بالخير

<<----- يبي يعلمكـ انه نايم زين البارح وصاحي بدري

يعطيكـ العافيه على الوصفه الرائعه والله يديم المحبه بيننا وبين الصيف
وبيني وبينكـ احلى مافي البرد انكـ تشوف الشوارع فاضيه كل واحد ( راجن ) عند
دفايته

لكن الغريب ان العالم تسمن في ذا البرد من كثر الملابس
الواحد من كثر ماهو حاط طبقات على جسمه صاير فص بصل

إقتباس


	أطفأ محرك اللمبه واتجه فوراً إلى الفراش وانفضه ثلاث نفضات ، وانسدح وحاول أن تجري أي عمليه حسابيه داخل دماغك مثلاً 436 + 625 + 12 ضرب 4 تقسيم 1 ، واستمر حتى يجهد مخك.

اخاف الواحد يتهور ويجيب منقله ويبدا يخطط لبيت المستقبل

بس فيه بعض الناس تلقاه حاط آله حاسبه تحت المخده لزوم الضروره احيانا :p

إقتباس


	والله ياجماعه ان الطريقه مجربه وفعاله وناسبت كثيراً من خلق الله، ووالدتي الله يحفظها ويطول عمرها على عمل صالح هي من علمتني الخطوه نمبر فور، أما باقي الخطوات فلا أظن أن أغلبكم يجهلها.

الله لا يخلينا من نصايحكـ يالغالي .. وعسى عمركـ طويل ,,
دعواتي لكـ بالتوفيق والله يجزاكـ خير على هذي الاسطر والاسلوب الرائع ..
لي الشرف تواجدي هنا .. ومزيد من التالق ..

****

كن بخير
...SoMe OnE...

alhawey · #14 10/01/2007, 10:16 AM

هلا صباح الخيرااات،،

دايم الاربعاء أحسن واااحد ياحبيله

_________________________________

عاشق مدريد

يا هلا والله ومسهلا ،،

أنت تدري ان مهوّي معناها مطلق العنان لذاك وذاك

إقتباس


	عاد تصدق جتني فترة اتوهق لابغيت انام يعني عادي اقعد اتلقب على الفراش 3 ساعات ادور النوم

ياشين كذا

يعني لو انك مشغل البلاي ستيشن تو وحاط دوري وماخذ ريال مدريد كان أخذت الكاس

إقتباس


	لكن الحق ينقال عرضت مشكلتي على اخوي وهو طبيب نفسي

اكشخ

بس ترى نص الاطباء النفسيين ملحوسه روسهم ويحتسون واااجد ولا يحبون الفصفص والشاهي ، مع حبي وتقديري لاخوك

إقتباس


	لكن ابشرك ماوصفلي لاادوية كيميائية ولاهم يحزنون لكن قالي ياطويل العمر تروش قبل لاتنام لان التروش سبحان الله يجيب النوم

تمام عليه

بس تروش بماء دافي(مهوب حار

) لأن الماء البارد ينشط الدوره الدمويه وبعدها كل شوي تبي تاخذ فريق وتفوز بالدوري ويحترق البلاي ستيشن وانت مصحصح

إقتباس


	والحمدلله الامور الحين تمام حتى لو ماطبقت النصايح ولله الحمد قدرت انام

الحمد لله وماشاء الله تبارك الله عليك،،

عوافي ياغالي

وتشكرات
_________________________________

الجاحظ

العفو اخوي ، بس انت متأكد ان الحاوي مدحه

إقتباس


	من أسباب صعوبة النوم هو عدم بذل مجهود بدني كافي خلال اليوم فهي علامة على الحاجة لبعض التمارين الاضافية

صدقت وهي ملاحظه مهمه ، لكن لا تنسى ان المجهود الذهني له فعاليه كبيره(موظف جالس على مكتبه لكن ينتج)

فالعقل اذا كان يتحرك طوال النهار معناها انه بالليل وقبل النوم ماعنده استعداد يفكر بأي شي...

إقتباس


	يجعلهم يشربون من الماء المستخدم في "المعسل"

هذا مهوب صاحي والله لو ان عيالي يسهرون مع مقتدى الصدر ما عطيتهم موية معسّل

إقتباس


	البعض يلجأ لدواء الكحة كما ذكرت "الكافوسيد"، واعتقد ان المخاطرة في ذلك موجودة ايضا

بالتأكيد ان الاكثار من استخدام أي علاج يحوي مركبات كيمائيه سيكون أمراً ضاراً ومهوب زين

عوافي ياغالي

وتشكراات

_________________________________

الكــلاسيكي

ياهلا والله وغلا ، والحتايت منوره بوجودك يابعدي ، أشوفك ضبطت وما جبت طاري الرجال هالمره

إقتباس


	وانا ساكت ما اهر جكثير لاني اصلا عهجزان عن الكلام ..

هَـه

وش جاك ياعادل ؟؟ وش جكثير وعهجزان!! هذولا عرب الشيخ جنكيز خان

إقتباس


	وما يردهم الا مستشفى التخصصي ..

افلقني بحجاره من حديد اذا استقبلهم التخصصي

إقتباس


	عــاد تصدق انــي مثل خويكـ .. صاير احوس وادوس في السرير ساعه قبل ما انام كل ابوها تفكير .. وبعدها اذا غفيت وغطست نطيت مع اني الحمد لله ما انام الا قاري المعوذا ت ..

الله يعينك يابعدي ، بس أنت صف النيه واضبط الخطه وان شاء الله تبي تنام زين

إقتباس


	بس بنجرب النمبر فور ونقول لك وش صار .. بس انا احس انها نفسيه اكثر من ان فيها شي يخليك تنام ..

كلامك صحيح تأثيرها نفسي ، وعشان كذا قلت الاهم من هذا كل ابوه هو ان تكون مقتنع تماماً بالحيل ان هذه الخطوات ستساعدك على النوم الهاااادئ

إقتباس


	وعلى فكره بدال الحساب اجلس احرفش في جوالي لما اتعب مخي من الحوسه والدوسه

ايــــــــــــــه قل كذا من زمان

الظاهر ان المطرسه بالجوال قبل النوم سبب رئيسي للحوسه للي أنت فيها

بالنسبه لي قبل لا أنام لازم أبعد الجوال مترين

إقتباس


	صرنا اذا شفناهم ازعجونا صرفت لهم علاج الكحه وخليتهم ينامون << دكتور

حالتهم حاله البزران مع شراب ابو ورده

عوافي ياغالي

وتسلم على تواصلك ، أشوفك ضبطت وما جبت طاري الرجال هالمره;) يقولون انه لاصار كثيف يسبب الارق

_________________________________

فرصه ضايعه

ياهلا والله غلا ،،

إقتباس


	هلا والله بالهاوي .... اللي تجيه العلّه ويداوي ....

الصراحه وناااااسه

ما عندك واحد ثاني

ايه هيّن بس بدينا بالترقيص

الا تجيه العله ويتعلعل معه ويبلش به

إقتباس


	انا مكتّبه ذا الكلام من جدي الله يحفظه جلست جلسه معه ذاك اليوم وهاتك علوم الأولين .... ناويه انزله موضوع بس مابعد شاف النور

ياحبي للأولين وسواليفهم ، الجلسه معهم فيها فايده ومتعه وقبل كل شي ِبر لهم

عجل علينا بالموضوع بس لا تحطين ألوان ودناديش

أكثر شي يحوم التسبد بمواضيع العضوات هو هالدناديش اللي توجع العيون.

إقتباس


	إذا فيها جهنم لا والله مانيب ميقضته خله نايم ابرك ...

بكيفتس

خلي البرد يلعب بتس لعب ، هذا اذا قالوا ناصح القوم بالنار

إقتباس


	وهذولي وش يبون عساك تقصد بطاطس البطل بالملح والبهارات والصويا

اقسم بالله العظيم ان أنتم يالحريم الله لا يكثرّ عينتكم عندكم مشكله مع البطاطس ذا

ماعمري جيت اطلع من بيتنا وكان فيه خواتي الا وقالوا لي " جب تكفى بطاطس ليز واحد بالملح وواحد بالجبن"

لا واذا قعدوا يسولفون عن المطاعم يقولون احسن بطاطس ماكدونالدز

!!! وآخرتها أروح أتغدى عندي اختي والقاه طابخه رز ولحم وجادعه فوق الرز بطاطس

ايـــه الهـُبال دا ؟؟!!

إقتباس


	يعني تسوي نفسك ماتدري عن القلق اللي مسوي أزمه للكل .... النفسيه دمار عشان الأختبارات .... هذا أول سبب رئيسي لضيقة الصدر

لا تنافخين طيب

أنا وش يدرّين عنها؟؟ مبطي جدا عن الموضوع وما بديت أسمع عنه الا بهالمنتدى
وشلون يعني اختبارات

( بسم الله علي ما شاء الله تبارك الرحمن)

إقتباس


	كاشتين بالعيد ومصورين بلاستيك فيه مويه وبيالاتهم وهو جوى الخيمه وطبقة الجليد فوقه الصبح ذيك الرقيقه اللي تتكسر بسهوله

سلم لي عليهم هذولا اللي يعيشون الوناسه على اصولها

بلااستراحات بلا تلفزيونات بلا مباريات بلا فيديو كليبات بهن حريم زينات ، جالسن بهالبر ويـــــــــــــالله من فضلك الخاطر تمام

إقتباس


	وش المقصد من العشر دقايق ليش يعني بالعربي

هما هو اذا توضيتي عشان كذا يعني

ياشين الاسئلة المحرجه

لأن الماء اذا جاء الوجه والراس يخلي الواحد يصحصح لدقائق حتى وان كان الماء حار

وان كانك ما صدقتي اسألي خالتي لولوه ..

إقتباس


	طيب ليش ماالبس شراب عادي البس جديد إذا قصدك على التعفين

لأن الخطه هي ان الرجلين لازم تبرد شوي

وبعدين المفروض ان الحريم ما تدود رجلينهن والسبب هالكريمات اللي ما غير انواع واشكال

إقتباس


	بنت عمي تعطي عيالها هستوب مدري وش اسمه المهم دواء الكحه ذا

هستوب وابورده وكل الطرق تؤدي الى كمخة رأس الطفل بالجدار عشان ينام

عوافي يالفرصه الضايعه

وتشكراات، بس الى متى ياسفابتس

_________________________________

جاءني انشغال سوف أروح وسوف أرجع باذن الله للغالين

ياسفاب الجريش حق اسم<<<< مسرووقه

عـز الهلال · #15 10/01/2007, 03:12 PM

وعليكم السلام والرحمه ...

والله يا اخوي يبغالنا نصبر ونصابر على البرد .. الى ان ينتهي

أو يخف ع الأقل

امـ ـا بخصوص الطرق للـ نوم فأظن ان الغسل قبل النوم و قراءة القرآن هي الأفضل
وانـا عن نفسي اطقها هوااااااجيس الى ان احس ان النوم قرب فـ ابدأ بالمعوذات
وبعدها انام ..