بسم الله الرحمن الرحيم


يسعد صباحكم يازعماء بكل خير وعافيه باذن الله تعالي...لليوم الثاني على التوالي حاولت افيد شبكة الزعيم بقدر المستطاع بتغطية للاعبي الزعيم بالمنتخب والبعض من زملائهم ....

التدريب الصباحي لم استطع الوصول اليه .. لكن التدريب المسائي نعم


خالد عزيز كان متحمس بالتدريبات وكان كالعاده الجوكر

أما عن ياسر القحطاني ماشاء الله عليه اكثر من يلفت النظر

وعمر الغامدي وضح عليه الاستماع المتكرر لتوجيهات باكيتا وتعدد هذي اللقطات توضح تركيز باكيتا عليه

اما قلب المنتخب النابض الشلهوب ... كان مبسوط جدا وروحه المزاحيه انتشرت داخل المعسكر وبالتمرينات خصوصا

----------------------------------------
بالفندق ... ياسر القحطاني .. التقطت له الكثير من الصور من قبل المشجعين حت ان مجموعه من المعجبين طلبو التصوير معه اكثر من مره فرد مازحا ( لاتكونون القناة السعوديه الاولى ؟ وابتسم للكاميرا ولم يمانع بالتصوير تكرارا )

الغامدي عمر رأيته بكامل جديته وتضح عليه روح العزيمه والاصرار على اثبات النفس واكتفى بالسلام على المعجبين والصعود الى غرفته ولكن لم يفلت من تشيلساوي وسلمت عليه ووصلت سلام كل اعضاء الشبكه له .. وهمستله بتركيز باكيتا وجاوبني بابتسامه جميله ورد السلام على اعضاء الشبكه وغادر مع بقيه زملائه للمصعد

وخالد عزيز قضية الاسبوع الماضي ... الرجال ماشاء الله ثقته بنفسه كبيره واخر علومه .. انه الباب انتهى وتفاهم بكل شي مع الاداره الهلاليه واما عن تصريحه له فلم يصرح رسميا باي شي حت الان وتصريحه سوف يكون عبر الاعلام يوم الغد باذن الله .. سالته انشالله تصريحك بمصلحه الزعيم جاوب : طبعا اكيد والهدف ايضاح الصوره عن حقيقه ظروفه وعن عدم صحة كل ماقيل عنه من قبل الاعلام المنافس .. وانبسط على صورته بشعار الزعيم اللي طرحتها البارح .. الله يوفقه ابو عزيز على فكره الشخصيات الهامه مطيحه عند ابو عزيز هاليومين ماتلقونه الا يسولف مع شباب في كامل كشختهم يبون يقولون للعالم تراني (طويل العمر ) اله يرجك يبو عزيز
(للتذكير فقط .. ان اي نقل مني او من اي كاتب في اي منتدى لايعتبر تصريح ) والتصريح المقصود بالاعلام (للقنوات الفضائية +الصحافة)
الموهووووووووووب الشلهووووووووب

ابد الوقت مايطير بسرعه البرق الا مع محمد الشلهوب .. لكن فدى الوقت كله لك يامحمد

اول ماسلمت على الرجال .. كان ثقيـــل جدا وساكت ويتلفت ! قلتله سلامات ؟ لايكون في احد مزعلك بس يامحمد تر والله مايفلت مننا (كل شي الا الشلهوب عاد) ولكن نفى محمد انه يكون في اي شي مزعله وتسائل عن سؤالي له وطلبت منه ابتسامته المعهوده فابتسم وطلبت منه طلب بانه مايردني فيه ! قالي امر (قول وفعل ولد الشلهوب )

قلتله انت لاعب محترف بس ودي اعطيك وظيفه ثانيه بالنادي ( شعنده ابو سلطان ) ضحك محمد وقال امر


ابدا ماودنا الا كل ماطلعت اشاعه عن لاعب انه بينتقل او قرب عقده ينتهي .. تحن على راسه ومايمر الليل الا وانت متاكد انه موقع للزعيم انت وسامي وباقي ابناء الهلال المخلصين وعلى راسكم العمده الدعيع لاتنسى تجيبه معك .. وتعرف اللي الي اقصدهم ( الهارب + واحد عقده بينتهي )

ضحك كثيرا الشلهوب ووعد انه مافي اي هلالي ممكن يطلع من الهلال خاصه اللي في بالي وقال لاتشيل هم ابدا

عزيز والغامدي والدعيع والتمياط والصويلح والعنبر والعبدسلام وكلهم مب طالعين .. وتفاريس بعد

وتناقشنا وتكلمنا عن كاس الخليج .. حمسني الشلهوب اني ارافقهم وباذن الله اكون معهم ... والشلهوب يتوعد فرق المجموعه وعزيمته كبيره جدا جدا جدا جدا جدا جدا جدا جدا في هذه الدوره

المصيبيح يناظر من بعيد ويفتح باب الاصنصير :p فهمناها انا والشلهوب وسلمت عليه ووصى بالسلام عل اعضاء الشبكه


محمد امين ضايق صدره ويدري اني هلالي وماوده افتح معه الموضوع ... بس وعدني بعد دوره الخليج له كلمه في وضعه الحالي مع ناديه الاتحاد او غيره ...

المنتشري ماغير يطارد حراس المرمى ... اليوم مبسوطين الشباب كلهم

الحارثي استمر على كبره من باب به حارس امن الى باب به حارس امن ويتحاشى التصوير والجماهير

كريري يلاحق عزيز ! واكثر لاعب شفته بالفندق مع اصدقائه والجماهير ( اللي مايعرفه مايتوقع انه لاعب منتخب)

رضا تكر : حبيب ماشاء الله وتحس انه قائد المجموعه ... ولكن احرجته الجماهير الهلاليه كثيرا بممازحته وابدى تقبل جميل

عبدالغني : كان قمه في الاخلاق وكان اكثر لاعب يعطي فرصه للجماهير بالاسئله والتصوير والمناقشات الطويله

عبدالرحمن القحطاني :روحه جميله واختلط بجميع اللاعبين بروح المزح والمداعبه

ويوسف السالم : الكل يتحدث انه مفاجاة واعده للهجوم السعودي ... وكل امنياتي ابتعاده عن الغرور

واعتذر باي تقصير او عدم الوصول لاي لاعب احببتوه ولم التقيه

ولكن صعوبه المقابلات للاعبين وقصر الوقت المسموح لهم بالتجول بالفندق دقائق معدوده جدا ...

وانتظروا اليوم الثالث ... واخبار جديده

وانشالله الله ان الله كتب الاخبار بتمتد معكم الى ابو ظبي


بامان الله

تحياتي لكم جميعا هلالــــــــــــــــــي تشــــــــيـــــــــلـساوي

يعطيك العافيه يالغالي وبالتوفيق للمنتخب

يعطيك العـــــــــــــــــــافية على الاخبار الحلـــــــــــــــــــــــــــوة

هلا أخوي هلالي

ماشاء الله وش هالتغطيه الرائعه

الله يوفق المنتخب و اللاعبين إن شاء الله كلهم ..

إقتباس الحارثي استمر على كبره

إذا قصدك متكبر فما أظن إن اللي يتحاشى التصوير متكبّر أحس إنّه شي عادي , والاّ وش رايكم ؟!!!!

إقتباس واعتذر باي تقصير او عدم الوصول لاي لاعب احببتوه ولم التقيه

ماهنا قصور ماشاء الله عليك راااائع

بانتظار الأخبار والتغطيات الجديده ,, قوّاك الله ..

ماقصرت يالهلالي بوركت

مرحبا يازعماء

بالنسبه لتعليق الاخت قمر الهلاليه ... اولا شكرا على مشاركتك معي

واحب اعلق على الانتقاد او بالاصح تعليقك على وصفي للحارثي بالمغرور

اولا بالمنتخب كلنا حبايب وكلنا جمهور واحد ولا فيه نصراوي ولا هلالي اذا كان في بالك انه من باب العنصريه

ولكن في التقرير الاول عن اول يوم بالمعسكر للاعبين ذكرت انه رفض التصوير وطلب رجل الامن للهروب من جماهير نصراويه ترجت التصوير معه بما ناها اتت من منطقه الاحساء فقط من اجل الحارثي الذي فاجأ الجميع بهذا التصرف

اذ ان التصوير او السلام لن ياخذ من وقته دقائق ... وان الفتره التي تسمح له بالبقاء بين الجماهير اصلا لاتتعدى ال 5 او 10 دقائق وقتها فليس هناك اي مانع طالما بقيه زملائه اعطوا وقتهم للتصوير والسلام مع معجبيهم

فاذا لم يكن هذا بعينك كبر ؟ فماهو الكبر اذا ؟

للتوضيح فقط واشكرك مره ثانيه على المشاركة وادعوك لموضوع التقرير الاول اذا انك ماشفتيه لانه فيه تقرير حلو عن بقيه اللاعبين وتحياتي لك

هلالي تشيلساوي

مشكور على الجهد الواضح
وتستاهل كل تقدير وتصلح
مراسل ما شاء الله عليك

تدري ليه أنت مبدع
لأنك هلالي .....

كفيت ووفيت يعطيك العافيه....... ثاني يوم متابعه لتقريرك يا تشلساوي غطية على الإدارة في النقل كلت الجو...... عليهم عليهم ههههههههاي

مشكور يالغلا

والله ياخوي اخبار حلوه ماتقصر والله
وشكلي بعد بخاويك للابوظبي خخخخ
ويالله شد حيلك بابو ظبي
بالتوفيق للصقور الاخضر