مشكلة في خطوط الجوال ! ساعدوني رجاء .. - نادي الهلال السعودي - شبكة الزعيم

AS King 10 · #1 06/01/2007, 11:53 PM

السلام عليكم ..

يا شباب ما ودي أطول عليكم أن بالعربي حملت خطوط لجوالي n73 و ركبت أول خط حسب شرح المبدع فيقو622

و تماااااااااام مشت معي ..

لكن يوم جيت أبغير الخط حذفت الملف المسمى بـ fonts و ركبت خط ثاني غيره ، لكن المشكلة ما ضبط معي !! عاد أنا قمت و رجعت الخط الأول اللي ضبط سابقا و لكن حتى هو جاء بلاء أخوياه

مع أني أتبع نفس الخطوات

يا ليت اللي عنده خبرة يتكرم علي بالإجابة و لك شكري مقدما أو يعيد الشرح بخطواته ممكن اني ناسي شيء مهم

أنتظركم ..

figo622 · #2 07/01/2007, 06:37 AM

يالغالي امسح مجلد fonts عن طريق قارئ الذاكرة .. وليس عن طريق الجوال

وبعد ذالك سو إعادة تشغيل للجهاز ;)

AS King 10 · #3 07/01/2007, 12:06 PM

الله يجزاك خير و يوفقك بأبو عبدالله ..

أبجرب و أرد لك إن شاء الله ..

figo622 · #4 07/01/2007, 12:22 PM

بالتوفيق

AS King 10 · #5 07/01/2007, 01:54 PM

معليش أبو عبدالله أبتعبك معي لكن أبقولك اللي سويته و أنت شف إذا فيه نقص قل لي :

أولا ثبتت برنامج Y browser على كرة الذاكرة بعدين حطيت الذاكرة في الكارت ريدر بعدين فتحت مجلد الـ resourse و صغرت النافذة هذي ، و رحت لمجلد الخطوط و حطيت نسخ على المجلد الأصفر المسمى بـ fonts الموجود بجانب صورة الخط ، و فتحت تصغير نافذة مجلد الـ resourse و ألصقته هناك ، و أخرجت الذاكرة و أدخلتها بالجوال و سويت إعادة تشغيل .

هذا اللي سويته سابقا و ضبط الخط معي و لما جيت أبغير الخط مسحت ملف fonts و حطيت خط ثاني نفس الطريقة اللي فوق لكن ما ضبط بقي الخط الأصلي للهاتف حاولت أرجع الخط السابق لكن نفس المشكلة !!

أخيرا مسحت ملف fonts و سويت اعادة تشغيل و بعدين حطيت ملف fonts جديد و سويت اعادة تشغيل و المشكلة مستمرة !!!!

آسف للإزعاج أبو عابد بس اعذرن غشيم بهالأشياء لأنه جديدة علي ..

figo622 · #6 07/01/2007, 02:15 PM

يا أبو ياسر الله يجزاك الجنه هذا واجبنا ... لكن اللي فهمته منك انك تبي ترجعه لخطه الأصلي

الطريقه :

امسح مجلد fonts عن طريق قارئ الذاكره بعدين لا تضيف اي مجلد ... بعدين دخل الذاكره وسو إعادة تشغيل

واي سؤال انا بالخدمه

AS King 10 · #7 07/01/2007, 02:39 PM

مالك لوا يالغالي . قصدي أني حطيت خط و ضبط معي و بعدين حبيت أغيره لخط ثاني غير الأصلي و حذفت الخط الأول و حطيت جديد و ما ضبط معي .

يعني جربت أكثر من ثلاث خطوط و مع كذا الخط يبقى خط الجوال الأصلي دون أن يتغير ..

و تسلم و الله هذي الهقوة >>>>>>>>> مهي القهوه

figo622 · #8 07/01/2007, 06:16 PM

مسح المجلد بكامله

AS King 10 · #9 07/01/2007, 09:26 PM

يمال العافية يابوعبدالله

..

طلعت أنا حايس أبو الجوال و سويت له فورمات و ضبطت كل شيء من جديد و انحلت المشكلة ..

الله يعطيك العافية و يسلمك على صبرك علي و بيض الله وجهك ..

figo622 · #10 08/01/2007, 06:35 AM

ماسوينا شيء