حيوانات ليست كالحيوانات (استعطاف-قصه طريفه.. وأخرى)
السلام عليكم ورحمة الله وبركاته ..
ما كان ودي اكتب موضوع .. لكن بما اني ولاني في حاجة دعواتكم قلت اكتب لكم موضوع وان عجبكم ادعوا لي .. وان ماعجبكم برضه ادعوا لي
**استعطاف /: والله جايني اسبوع انواااااع الهم فيه .. وثقل المسئولية فيه .. مابقولكم وش كثر واجبات .. وش صعوبة البحث .. بس باقولكم عندي اختبار نهائي .. ثم دوري .. ثم نهائي .. كلللللل هذا واكثر أجده فقط وحصريا في هذا الأسبوع
** قف!! <<<<<<< ورا مادعيت له ؟؟!
هيا تكفى أدع .. ثمن كمل باقي الموضوع ... ( يالله يارب انك توفق عزوز دنيا و أخره)
وراها مو من قلبك ؟؟! اقول ارفع يدينك وانظر الى السماء واستشعر عظمة خالقك ثمن ادع لي
تعرفون الناس والاقارب والاحبة والجماعه والجيران و الاصدقاء و الاصحاب و رفقاء الخير .. و مزينين السؤ..(اخلص ) جمييييييييع اللي سبق يهنئون بعضهم بالعيد ويتجمعون .. حتى وان قالوا عيد بلا صدام كالجيب بدون دعامه الحاصل ان ربكم راد واجتمعنا ذاك اليوم من ايام عيد الاضحى المبارك السعيد المسرور .. وانا والله متكي مع ذاك الرجال الطيب ( شرواك يالهامور ولايهونون الجماعه ) متزوج بنت حلال ( شرواكم يالبنات) << لزوم المساواة..:p المهم هاتك حكي و قصص وعلومن زينه ... جاب طاري العمل .. وقالي ذيك القصه اخليه يقصها لكلم ... (المايك لك,,تفضل)
السلام عليكم ..صبحكم مساكم الله بالخير.. وكل عام واحنا بخير .. القصه ومافيها انه عندي رفيقن مدري رئيس فالعمل... ابن حلال .. عاد وانا رجال شقردي معه ( لعيون الراتب و خدمة للوطن:p ) المهم اذا طلب شيء والا امر بشيء من صلاحيات العمل وكذا انا الحمدلله انفذه على احسن مايكون .. عاد وهو يعجب بشغلي وعلومي .. وكثيرا مايستشيرني.. وكل مادخلت عليه بمكتبه قالي ( ياأسد) وعلى ذا الحال .. مايناديني الا ( ياأسد) وخبركم احنا السعوديين اذا واحد مدحنا يصير اكوس واحد فالدنيا .. واذا واحد انتقد والا قالنا شيء من مايرى .. يصير حاقد ..
المهم ذاك اليوم وادخل عليه .. مرحبا يااسد استريح .. ونتكي وعلوم زينه .. عاد وانا اقوله .. ترى عندنا المشهور اذا بتمدح واحد والا شيء .. تقوله ( ياذيب) مانقوله ( يااسد) .. رد النيات ذا .. قال والله انك صادق .. واللي احسن منها لما تقول ياثعلب ( ابا الحصين )هههههه ( عندنا تعتبر سبه ) والله انه ذكي وعنده حكاوي كتييييييره ... عاد وانا فهمت ان الرجال متأثر من كتب القراءه والاناشيد ومن حكاوي الثعلب في المكر و الخديعه ... قلت ايه ايه .. له قصص كثير وهو ماكر وخداااااع .. ياكثر القصص عنه ... وعلى طاري الثعلب ابذكر لكم قصه حكاه لي واحد من الجنوب .. يقول فيها ... عندي قهوه (استراحه) على الطريق السريع . ومسوي فيها مطعم وعلوم زينه ... المطعم فيه عامل اذا طلبت دجاجه والا ثنتين يذبح لك من الحي و يسوي.. ذاك اليوم وروح انا كعادتي اشري دجاج من مكه .. ومحمله في صناديق .. وموديه القهوه .. ونحطه في شبك .. والشبك مليااااااان . . عاد واليماني يذبح و يسوي .. ذاك اليووووم .. اجي وان الدجاج نصه ماااايت .. واللي مقطوعه رجلها واللي منتفه واللي تصيح ( كو كو كو) واللي في زفرات الموت... وان ذاك الشيء المنبطح في نصها .. بعد ماشبع ناااام .. وانه ابا الحصين ( الثعلب) اجيه اطالع فيه وانا حاقد ( المعيار على H) مسكت عصا .. ادقه وانه مايتحرك... اقلبه مره مافيه امل .. اضربه على خشمه .. وانه منتهي مافيه حركه .. طلعت فيه قلت وش اسوي به الضعيف مات خلاص << كان حاقد >> المهم وانا اشيله وارمييييه بعيد عن القهوه اخذته ورميته ... ومشيت ... ماطلعت سيارتي الا وهو منطلللق قدامي . جرررررري ..ههههههههههههه وشلون ذا ماكان مات ؟؟! وسلامتكم..
نشكر عزوز اللي اتاح لنا المشاركه .. معكم ..وله المايك..
منذ القدم اشتهرت بعض الحيوانات و الطيور بصفات عديده .. يتبادلونها احيان الناس ويطلقونها على بعضهم البعض من باب المجامله احيان كقولهم ( الصقور الخضر ) وهم مافيهم الا صقرين او ثلاثه بس..واحيان صقور واحيان من جنبها.. فمن باب الفضاوة فقط .. اذكر كم ببعض مااشتهرت به الحيوانات ...
تسخين قبل الاختبارات : حاول تقرأ الصفه اولا.. واستنتج من هو هذا الحيوان.. ان لم تعرفه .. قل ( اظهر و بان عليك الأمان) ثم ظلل بالماوس وستراه.
الأسد > > اشتهر بالقوة و الحكمه و حسن السياسه..
الكلب > > اشتهر بالوفاء عند العرب .. و اايضا بالدناسه والنجاسه كصفه سلبيه..
الذئب > > اشتهر بالشهامه و حفظ الخوه والرفاقه ..و بالشجاعه..
الثعلب > > اشتهر بالمكر و الخديعه و الذكاء .. و بالنذاله..
الجمل > > اشتهر بالصبر .. و الحنين .. وقوة الذاكره.. والحقد فيقولون ( أحقد من جمل )
*الحيوانات عندها احساس فالجمل يبكي و يحقد ويحن (يقولون فالقصص)..
* كتاب ( الحيوان ) للجاحظ ( الاديب مو العضو ) من الكتب القيمه جدا ..
* كليلة و دمنه ( اختلفوا من الفها مره هندي مره صيني والشاهد ان اللي ترجمها ابن المقفع ) كتاب لن تمل منه .. به قصص على السنة الحيوان..ذا فوائد جمه..
* فصيلة الصقور .. ترفع شكوى الى لجنة حقوق الحيوان .. ضد المنتخب السعودي..
* ::::::::::الذئب ذئبٌ و النعام نعامُ:::::::::: *
قبل الوداع .. أخي العضو أختي العضوه.. لاتدعي علي .. فأنا مسلم مثلك .. ادع لي ..
اياك ان تقول ( الله يرجك .. الله ياخذك .. ) لكن تكفى قل ( الله يوفقك .. الله يرزقك.. الله يهديك .. الله يزوجك):p واذا لي مكان فقلبك ... قف هنا!! ... وادع لي بظهر الغيب ولاتنسى من فالسماء يقول ( ولك بالمثل )
(موقف خاص لمن يدعي لي)
الرجاء كل الرجاء ..في ردودكم .. النيره .. لا تخلون الموضوع ياخذ منعطف اخر .. فانا لاأملك القدره على منع الردود المخالفه ....
ختاما .. هذا الموضوع حقوق نسخه و نشره محفوظه للكاتب ( عبدالعزيز - جده) .. ولا يجوز استخدامه و نشره او نقله .. الا بعد استئذان الكاتب..< < غريبه مو ؟؟!
* فصيلة الصقور .. ترفع شكوى الى لجنة حقوق الحيوان .. ضد المنتخب السعودي
إقتباس
والله جايني اسبوع انواااااع الهم فيه .. وثقل المسئولية فيه .. مابقولكم وش كثر واجبات .. وش صعوبة البحث .. بس باقولكم عندي اختبار نهائي .. ثم دوري .. ثم نهائي .. كلللللل هذا واكثر أجده فقط وحصريا في هذا الأسبوع
صعوبة البحث .. بس باقولكم عندي اختبار نهائي .. ثم دوري .. ثم نهائي .. كلللللل هذا واكثر أجده فقط وحصريا في هذا الأسبوع
من بيحكم المباراة لا يكون ابو المطرسه وحصريا عندكم تشفير بعد صرت تنافس الارتي
إقتباس
<<<<<<< ورا مادعيت له ؟؟!
ابصبر لين الجمعه الجايه العصر ساعة استجابه <<<تبي تعقدها
ولا اقوول ابدعي لك هالحين بررد واختبارات صراحه شئ كااايد
الله يووفقك ويسهل اختبارك ويجعله مثل الموويه ..
إقتباس
ذاك اليووووم .. اجي وان الدجاج نصه ماااايت
ههههههههههههههه مثل اختي تقوول مايت
وش الحمكه من مايت ؟؟
قولوو ميت ميتااات ........... مايت على وزن بايت
إقتباس
ثم ظلل بالماوس وستراه.
مشواااااار <<زووله
إقتباس
النعامه > > اشتهرت بالجبن و عدم مواجهتها ودفن راسها بالتراب عند اي موقف صعب يواجهها..<< حتى الاسم مؤنث
ههههههههههههه بالعكس عشانها ناعمه ودلووعه لازم احد يخدمها ويبعد العدووين عنها ..
..
اخووي عزووز موضووعك فله حيوانات وقصص الله مير يسلمك ويعافيك ويقوويك
ويسهل دربك ويجعل لك في كل خطووه سلامه <<<منصحه بالدعاء .. في رعاية الله ..’’
من بيحكم المباراة لا يكون ابو المطرسه وحصريا عندكم تشفير بعد صرت تنافس الارتي
هههههههه عاجبني ابو المطرسه هههههههههههههههههههه اما تشفير الهم فلا اظنه الا مشفر علي لووحدي بس...
لان مافيه ولا طالب اعرفه عنده نفس الشعب اللي عندي ..
إقتباس
ههههههههههههههه مثل اختي تقوول مايت
وش الحمكه من مايت ؟؟
قولوو ميت ميتااات ........... مايت على وزن بايت
الله يحفظني و يحفظ كل من يقول ماااايت .. خخخخخخخخخ ميتات خطأ لغوي .. وميت صحيحه ... لكن مايت .. هنا زيادة المبنى تدل على زيادة المعنى ( كذا يقولون علماء العربيه .. ) والمعنى ان زيادة الحروف تدل على زيادة في المعنى ...<< فايده لا تنسونها..( اخخخخ لو يحطوني محاضر فالجامعه)
إقتباس
مشواااااار <<زووله
هههه هذا كله و زوله .. ماشاء الله عليك ..الله يحفظك ياام السنع كله ..
إقتباس
اخووي عزووز موضووعك فله حيوانات وقصص الله مير يسلمك ويعافيك ويقوويك
ويسهل دربك ويجعل لك في كل خطووه سلامه <<<منصحه بالدعاء .. في رعاية الله ..’’
ردك الفله.. والله يحفظك لعين ترجيك .. دمتي سنعه في كل شيء حد ردودك..
اليزابيث..مدري ريري
إقتباس
مساء الخير او صباح الخير كله واحد>>> لاخوي ((الاسد_ الذيب_الفهد_الض......)) لعزوز _جده
مسائك ورد وصباحك جوري
إقتباس
في البدايه كلنا شايلين هم في هالاختبارات لكن الله يوفقنا ويوفق الجميع وينجحنا واياهم وكل مسلم..........
عشان اوضفه مع اخوه الهامور>>>>>>>>> يونس وحشته ويسليه
وتوفقن وكل مسلم ومسلمه.... ((ريررررررررررررري))
ربي ان يسلمك .. ياريري .. وترى وظيفه مابدي ... انا ان شاء الله انفذ مشروعي اللي براسي .. وواوظف نفسي واوظف كل من اراد من حبايبي واقاربي ومن يعز علي ....
سي يااااا ياريري .. مشكوره ع المرور .. خيتو..
سندريلا ... مرورك الاروع خيتوووووو .. والله يبارك فيك .. و يستجيب دعائك .. وان شاء الله ربي يوفقنا لاكثر مما نطمح ..
عالم الحيوان من أمتع العوالم,,اللي تستشعر فيها عظمة الخالق,,
ههههههههههههههه عاجبتني عوالم .. بالفعل عالم فضيع ..ورائع .. انصحكم بقناة على ايار تي اسمها national geographic فيها شيء فضيع عن الحيوانات والاشياء الغريبه <<< وش علاقتك بصالح كامل خخخخ
إقتباس
موضوع ممتع بمعنى الكلمة ولتيـــف وزريف من اول كلمة حتى آخر رشفه ,,,, تسلم يمينك خيووو,,
ننتظر الجزء الثاني <<ماودك تقرا مواضيع زينه,,!! :p
ويمينك اختي .. كلك ذوووووق ..
اما الجزء الثاني ههههه .. مدري .. ع فكره كثير من مواضيعي السابقه كنت بنزل لها جزء ثاني .. بس ابطل ... يمكن انا مزاجي ..<<زي الجابر خخخ