أحلى كشته][ أربع أيام مصادق البرد][ صورX صور - نادي الهلال السعودي - شبكة الزعيم

LBa your heart · #1 05/01/2007, 08:37 PM

السلام عليكم كلوو نفرات

أخباركم

عارفين ان طلعات البر ماتحلى الا بالبرد وبعيد الاضحى <--ماجبت شي جديد

قبل العيد بأسبوع قررنا انا وعيال عمي نطلع البر بأول يوم بالعيد ونقعد أربع أيام

المهم ضبطنا أغراضنا وجهزنا كل اغراض البر ..

بليلة العيد رحنا رماح ونمنا في بيت ولد عمي

أول ماصحينا الصبح ركبنا السيااره وعلى طول لفياض الشملول;)

ماعايدنا أحد

ومسكنا خط شويه الين وقفنا بمحطه ...

أول مادخلنا البقاله اللي بالمحطه واشوف الهنود والسودانيين متجمعين عند التلفزيون

قلت شسالفه قالوا بيعدمون صدام قلت افا

...

وانواع اللعن بالشيعه وفي بوش حتى الهنود يلعنون

واسمعهم يقولون الله اكبر...شوي ويطلع لي اسامه بن لادن من ورى البقاله <--

شرينا الاغراض اللي نبيها وطلعنا

على فكره ترى ما شرينا كرز مالبورو ابيض واربعه ابكات دوفي دوف واربعه ابكات كارلتون

عددنا سته واللي يدخنون خمسه

المهم ماعلينا

وندخل العمانيه ونمسك ردميه(خط ترابي) الين الشملول

سمعنا ان فيه فياض حلوه هنااك

ونشوف أول فيضه وخيمنا فيها

التصوير بجوال N70 وعدد الصور 24 صوره <--ماني متأكد

^
^
^
علينا أشكال مدري وش تبي

والله من البرد

المهم

ومرت السنين <- وش يبي ذا

اليوم الثاني قلنا نبي نروح نتمشى ونشوف الفياض ..

ونركب الهلي

ونتمشى من فيضه لفيضه وقابلنا خويانا

^
^
^
أمحق خويا

....

قلت ياولد ورى مااركب بالصندوق عشان اصور زين

^
^
مو كأنها ركبتي :p

...

وحصلنا هذيك الفيضه وقفنا فيها وصورنا كم صوره بس بوريكم صوره وحده ولاحد يعلق عليها

^
^
^
وضعية الانبطاح بالفيضه

ترى نستهبل بهالصوره يعني لاحد يصدق

..

وخلصنا من التمشيه

وقلنا لازم نعبي بنزين

ونمشي مدري كم كيلو بر ونحصل سوداني قلنا له نبي محطة قال فيه ديره اسمها سحمه على ما اظن تبعد حوالي22 كيلو طريق بر...

المهم وصلنا الديره وماحصلنا فيها الا بيوت طين ومحطتين بنزين وكل محطه فيه مكينة بنزين

والمكينه مدفونه بالارض وطالع بس العداد ولي البنزين

صورتها بس مدري عن ولد عمي مسح الصور حقت مكاين البنزين

ونسأل الباكستاني وين اهل الديره قال ماكو أحد ..

واشوف بيوت من طيين ونروح لها وصورنا فيها

وصورت واحد من العيال وهو على الدرج

بصراحة خقيت مع الصوره

وهذي صورة ثانيه

...

ونطلع من الجهه الثانيه ونحصل سيارات شكلها من ايام العصر الحجري

خذينا كم صوره بددسن ماكله الزمن

صدق مهبل

....

كنا متفقين اربع ايام ونرجع بس الشله زودوها حبتين قالو بنرجع يوم الخميس

لان واحد توه جاينا ...جاي من الحج

قلت اقول انا راجع الرياض راجع

واركب سيارة واحد من العيال كان موقفها بديرة اسمها العمانيه وعلى طول رحت الرياض

واااااه يالرياض ;)

المهم فيه صور كثير مانزلتها بعضها امسحت وبعضها خاصه وبعضها مع باقي الشله بجوالاتهم...

تصدقون اذا صحيت الصبح احصل المويه مثلجه

وربي عذاب طلعتنا هذي برد في برد

نصايح:

/ قبل لاتطلع البر تأكد من كل الاغراض.
/ لاتغسل الصحون بالبرد عشان ماتتجمد يدك.

وسلامتكم

$ابوسعدالهلالي$ · #2 05/01/2007, 08:48 PM

واااااااااااااااااو موضوع خيالي خاصتا سيارة العصر الحجري تضحك

الف شكر على الموضوع الرائع

سلطان بن ناصر · #3 05/01/2007, 08:49 PM

الله يهنيكم دنيا واخره

يعطيك العافيه على هالطلعه كني معكم طالع اناظر الصور وضحك ههههههههههههههههههههههههههههههههه

LBa your heart · #4 05/01/2007, 09:19 PM

(ريفالدو)

هلابك والله ..مشكور على مرورك

...
سلطان بن ناصر

دوم الضحك

شكلي حاط جنب كل صوره نكته :p
مشكور على مرورك

♫ ROMAntico · #5 05/01/2007, 09:57 PM

وعليكم السلام والرحمه

وأنا أقول وين مختفي بأيام العيد ماأشوف يوزرك طلعت كاشت

ياربي كاشتين بالجميده !! الحمد لله ماجاكم شي من البرد يامهبّل << بتنجلد

إقتباس


	وانواع اللعن بالشيعه وفي بوش حتى الهنود يلعنون

ايه الله يلعنه بوش ولد الكلب

قسم بالله رفع ضغطي وغثّـ(ن) الله يغثّه ..

إقتباس


	على فكره ترى ما شرينا كرز مالبورو ابيض واربعه ابكات دوفي دوف واربعه ابكات كارلتون

إقتباس


	عددنا سته واللي يدخنون خمسه

أنت اللي ماتدخن ؟؟ << ايه هييين

الله يصبره بس ..

خخخخخخخخخخخخخخخخخخخخخخخخخخخخخخخخخخخخخخـ
خخخخخخخخخخخخخخخخخخخخخخخخخخخخخخخخخخخخخخـ
خخخخخخخخخخخخخخخخخخخخخخخخخخخخخخخخخخخخخخـ
خخخخخخخخخخخخخخخخخخخخخخخخخخخخخخخخخخخخخخـ

توووووووووحفه هالصوره قسم بالله تضحّك تضحّك تضحّك تضحّك << تأكيد :p

إقتباس


	واشوف بيوت من طيين ونروح لها وصورنا فيها

ماشاء الله عليكم ماخفتوا

ماأحب الأماكن هذي أحسه مليانه جن << براااااااااااااااااااااا

إقتباس


	/ لاتغسل الصحون بالبرد عشان ماتتجمد يدك.

طيب وش الحل ؟؟

( انتظر إجابه ) <<

ღكلي هلاليღ موضوع حلووووو والله ونّستنا كنّي كاشته معكم <<

معـ السلامهـ ,, ومعليش ردّي طلع طويل

▐ĞћмĐỗй▌ · #6 05/01/2007, 09:58 PM

يعطيك العااااااافيه

موضوع روووووووووعه

tofo · #7 05/01/2007, 10:23 PM

^
ياحلالات من شاته :p

< اهجدي تراه اول مشاركه

كلي هلالي < خطر اني اكرهك من اول يوم اشارك فيه بسبب هـ الموضوع . اولا لأنك ماحطيته الا يوم خرب الدي اصص ال . وثانيا لانكم طلعتوا للبر

اول صورة حقت الددسن حركه

. . حتى ربعك اللي بالصندوق باين البرد لاعب فيهم
كل واحد طاقن له كاب وفوقه شماغ :p

بس سؤال . وش معنى فيضه؟

. .
يمال العافيه على هـ الصور اللي برشا برشا تهبل

بنت فهد · #8 05/01/2007, 10:43 PM

كل عام وانت بخير
ورى ما أخذتني

معكم أنا أموت في البر

بنت فهد · #9 05/01/2007, 11:19 PM

عددنا سته واللي يدخنون خمسه

عساك تدخن ؟ ياشين اللقافه

LBa your heart · #10 06/01/2007, 12:41 AM

القمر الهلاليه

إقتباس


	وأنا أقول وين مختفي بأيام العيد ماأشوف يوزرك طلعت كاشت

يعني إلى هالدرجه فاقدتني

....

إقتباس


	خخخخخخخخخخخخخخخخخخخخخخخخخخخخخخخخخخخخخخـ خخخخخخخخخخخخخخخخخخخخخخخخخخخخخخخخخخخخخخـ خخخخخخخخخخخخخخخخخخخخخخخخخخخخخخخخخخخخخخـ خخخخخخخخخخخخخخخخخخخخخخخخخخخخخخخخخخخخخخـ توووووووووحفه هالصوره قسم بالله تضحّك تضحّك تضحّك تضحّك << تأكيد

دوم الضحك

...

إقتباس


	طيب وش الحل ؟؟ ( انتظر إجابه ) <<

الحل طال عمرك إذا الواحد بيطلع بر بالبرد يأخذ معه أكل جاهز وصحون بلاستيك

مشكوره على المرور

...

الزعيم 15

إقتباس


	يعطيك العااااااافيه موضوع روووووووووعه

مرورك الاروع

...

tofo

إقتباس


	كلي هلالي < خطر اني اكرهك من اول يوم اشارك فيه بسبب هـ الموضوع . اولا لأنك ماحطيته الا يوم خرب الدي اصص ال . وثانيا لانكم طلعتوا للبر

افا من أولتها تفكرين تكرهيني..

لاحد يكره أحد من الحين

إقتباس


	اول صورة حقت الددسن حركه . . حتى ربعك اللي بالصندوق باين البرد لاعب فيهم كل واحد طاقن له كاب وفوقه شماغ

اي والله البرد كان لاعب فينا <--لاعب ولا مدرب

وهذا واحنا بالصباح ..عاد بالليل كلن متلحف بعشرين الف بطانيه <--وين مسيلمه الكذاب عنك

إقتباس


	بس سؤال . وش معنى فيضه؟

سؤال صعب

الحين اذا امطرت وتجمع المطر بمكان واحد هذا يسمونه غدير

والارض المربعه(يعني فيها عشب يسمونها فيضه)

عسى فهمتي بس

إقتباس


	يمال العافيه على هـ الصور اللي برشا برشا تهبل

مرورك اللي يهبل ولاحد يكره أحد

...
بنت فهد

إقتباس


	كل عام وانت بخير ورى ما أخذتني معكم أنا أموت في البر

وأنتي بخير بس مو كأنها متأخره شوي

يالليل النشبات

:p

إقتباس


	عددنا سته واللي يدخنون خمسه عساك تدخن ؟ ياشين اللقافه

بلى وابتلينا فيه

مشكوره على المرور

برنسيسة الهلال · #11 06/01/2007, 02:49 AM

هـــــــلا واللــــه بــراعــي الكـشتــــات ......

اقـــــــول واللـــه ياانـــت وعيــــال عمــــك عليـكم امــاكـن مـاادري مــن وين تطلعــونها

بس حــــلوووه ....

وشكـل مكشاتكـم رهيييب بــس البــرد حايسكــم ....

ننتظــــر صــور الكشـته الجــايــه .....

يعطيـك الـــف عــافيه خيـوو ،،

سندريلا الهلال · #12 06/01/2007, 04:39 AM

ماشاء الله تبارك الله ..

كيف ماشاء اللة كشتوا ؟؟ البـرد مابهذلكم >>>>> وحده كان ودها تطلع بس البرد مهجدهم ..

ان شاء الله عقبال ماتكشتون مرره ثاانية .. وتشترون من البقالة مساويك ..

بالتوفيق يااارب للجميع ..

نـــــــ15ــــــمر · #13 06/01/2007, 09:32 AM

كلي هلالي
اسمحلي والله انك مهبول تطلع بهالبرد
انا قاعد بين اربع جدرات والدفيات شغاله ولا انتفظ بعد

بس تصدق الصور دخلتني جو حسيت اني طالع للبر

إقتباس


	ياحلالات من شاته

[COLOR="Blue"]قويه في حقك بس حلوه
لووووووووووووووول[/COLOR

تشــــــــــاو

هايم بحب الهلال · #14 06/01/2007, 10:19 AM

ياحلاوة عليك

الكلاسيكي · #15 06/01/2007, 11:11 AM

ماشاء الله .. معيدين في البراري ..

اهم شي انكم استانستوا ووسعتوا صدوركم .. وغيرتوا جو المدينه ..

والصور حلوه .. بس وراكم متسدحين كانكم تطالعون افلام كرتون .. !!

بس فيه صوره روعه ما اتوقع ان انت مصورها هههه ..

عموما .. بالتوفيق ..

دمت بخير ..