#1  
قديم 05/01/2007, 01:30 AM
زعيــم فعــال
تاريخ التسجيل: 12/04/2006
المكان: الريآض
مشاركات: 351
Post الجمهور * والإدارة مع الاعبين * >>>>جلسة مصارحة

(( بسم الله الرحمن الرحيم ))

السلام عليكم ورحمة الله وبركاته
وبعد :-

من مشجع أزرق إلى صرح الهلال الكبير وإلى الرقم الصعب كلمات بكتبها ومهم نعرفها
زين وأبيكم تقرونها بقلوبكم وعقولكم وإتزانكم وبلاشي تهور وإستعجال .

نعمه وتوفيق إننا نشجع فريق مثل الهلال بطولات وإدارات واعية ولعيبة كبار لطالما
سطروا أمجاد بلادهم مع المنتخب قبل لاينحتون إنجازاتهم على صخور الأندية ، وجمهور
أشبه مايكون بالموج العاتي أو بالمد المدمر سموه زي ماتحبون المهم إنه هو الرقم الصعب
، هذا الشئ الي ذكرته كلكم تعرفونه لكن تساؤلات دوختني أبيكم تساعوني على حلها :-

_ الهلال بالصدارة وأقنعنا إلى حد كبيير بالدور الأول ولله يعطيهم الف عااافية
والمدرب الي إعتلى الصدارة هو نفسه الي تعادل مع الخليج والوحدة وخسر من الحزم!!
ياعالم ياهوه تبون المدرب يقال أو يغير عشان هالمباريات الثلاث ؟؟؟؟؟؟

_ ريال مدريد يخسر من فرق صغيرة والمان يونايتد يخسر وشيلسي يخسر والارسنال
يخسر والبارسا يخسر والهلال يخسر طيب وش المشكلة فديتكم ؟؟؟؟؟

- نملك جمهور كبييير في كل منطقة - ومن المعروف عن نادينا إنه قدوة الأندية على مستوى إدراته ولاعبيه وجمهوره ركزوا أقووول جمهوووره وفجأة في هالسنتين طلع لنا
مندسين يدعون حب وعشق الهلال يقطعون المباريات يكسرون السيارات ياليتها كذا بس
لا وينزلون لأرض الميدان ويرقصون السامبا وفريقهم يتفرج مايدري من وين يلقاها من المباراة وإلا من هالمهرجين - وربي إن هالمهرجين ذولا بينكبون فريقنا ، يعني كل مانهزمنا وإلا صار لنا أي ظرف ضدنا بيطلعون لي شلة بوزوا !! ياناس لانصير مضحاكة للفرق وربي بعضهم يتابع مبارياتنا يقول نبي نشوف هالاغبياء ليادخلوا بالملعب
وهستروا بالعسكر خلونا نضحك عليهم !! ياناس لانصير مسرحية للي يسوى والي مايسوى -


- لاتخافون على الزعيم هم يعرفون كيف يصلحون أنفسهم وعندهم إدارة على مستوى تطلعاتنا ولعيبة دمهم أزرق وأعضاء شرف مخلصين ومجلس جمهور يوصل صوتنا_
طيب وش بقى وش نبي بعد احمدوا ربكم غيركم على مشارف النزول للدرجة الاولى
وفريقكم شامخ معتلي الصدارة وبكل سنه يكحل عيونكم بالذهب والإنجازات _ بقى حنا
نصلح انفسنا ونراجع أمورنا ونتدارك الوضع - نبي كتاباتنا بالشبكة الأولى عالميا تفيد
نادينا وجمهورنا -

أتمنى إني قدرت أفيد نفسي وأفيدكم بمشاركتي هذي - وإذا الكلام ماأعجبكم أبيكم تعرفون
إن هالكلام الي كتبته من قلب أزرق إلى قلوب زرق _

*** حياتي قبل تحياتي ***
اضافة رد مع اقتباس
  #2  
قديم 05/01/2007, 02:08 AM
زعيــم فعــال
تاريخ التسجيل: 15/12/2006
المكان: تبوك الورد
مشاركات: 225
كلامك عين العقل
مشكور عالموضوع
اضافة رد مع اقتباس
  #3  
قديم 05/01/2007, 03:07 AM
زعيــم فعــال
تاريخ التسجيل: 12/04/2006
المكان: الريآض
مشاركات: 351
تشرفت بمرورك يالتوقيع الهلالي
اضافة رد مع اقتباس
  #4  
قديم 05/01/2007, 04:38 AM
زعيــم مميــز
تاريخ التسجيل: 04/12/2006
مشاركات: 1,607
ولله المدرب ماعنده الى الدجه وإذا قصدك الدور الأول كله بمجهودات العيبه وبعد منخفض مستواهم ضاع
اضافة رد مع اقتباس
  #5  
قديم 05/01/2007, 08:45 AM
الصورة الرمزية الخاصة بـ ▐ĞћмĐỗй▌
في انتظار تفعيل البريد من قبل العضو
تاريخ التسجيل: 03/05/2005
مشاركات: 3,657
يعطيك العاااافيه
اضافة رد مع اقتباس
  #6  
قديم 05/01/2007, 08:47 AM
الصورة الرمزية الخاصة بـ الــهلاليABADI
زعيــم مميــز
تاريخ التسجيل: 31/08/2006
المكان: الــريــــاض
مشاركات: 2,255
مشكور على الكلام الرائع
اضافة رد مع اقتباس
  #7  
قديم 05/01/2007, 02:40 PM
زعيــم فعــال
تاريخ التسجيل: 12/04/2006
المكان: الريآض
مشاركات: 351
تشرفت بمروركم يازعماء
تحياتي الحارة لكم .
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:57 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube