نادي الهلال السعودي - شبكة الزعيم - الموقع الرسمي - التفاصيل الكامله لما حدث في مباراة الهلال والحزم

- منتدى الجمهور الهلالي (http://vb.alhilal.com/f28/)

التفاصيل الكامله لما حدث في مباراة الهلال والحزم

بسم الله الرحمن الرحيم

تحية طيبة الى كل الزعماء وبعد
انا من سكان مدينة الرس وسوف انقل لكم ماحصل بالتفاصيل ::
قبل مبارة الهلال باسبوع او اكثر والناس مالهم هرجه الا ( تتحدى او اتحداك تدخل الملعب) وطبعا كلهم ليسو هلاليين وانا اتحدى ان اللي حضرو المبارة هلاليين رساويين لان اهل الرس عارفين ان الملعب صغير ولا فيه تنظيم ولا احد يقدر يشوف المباراة زي العالم والناس لانه كلها هواش وزحام وضرب والمشجع يبغى يناظر المباره ماهو جاي يضارب والا يستهبل في المدرجات واغلب اللي حضر المباراة مشجعين غير هلاليين والدليل ( واحد يهرج خويه بالمدرجات يقول مين رقم 20)؟؟؟؟ ويطلع واحد من الجماهير ينادي عنبر عنبر وتقوم الجماهير كلها معه واسال اللي جنبي واقوله وين العنبر ؟؟ يقولى شفه هذاك يشر على رودريقو!!!!
والدليل بعد انهم ماهم هلاليين هدف الحزم الاول كلهم قامو يشجعون الحزم . والمسكين حقوي قاعد يطالب الجماهير ويقولهم مايصير الكلام هذا ولا احد لمه ويقولهم فيه 11 لاعب بالملعب لاتركزو على لاعب بالتشجيع واول ماخلص كلامه ويبادون ياسر ياسر !!!!
مقتطفات حول المباراه::
1- بدر الخراشي كادت ان تصاب عينه عندما اقترب من المدرج ليحيي الجماهير انفجرت امام عينه احد الالعاب الناريه. والحمدلله لم يصب بأذى.
2- قامت الجماهير بقذف مقاعد الاحتياط الهلاليه والحزماويه ومعلق المباراة كذلك لم يسلم.
3- بعد انتهاء المباراه دخلت جماهير غفيره الملعب وقاموا بتكسير كاميرات الارتي وقذف رجال الامن بالعلب الفارغه.
4-اسفرت التحقيقات مع الذين دخلوا الملعب انهم من المحافظات الجاوره لمدينة الرس.

كانت الجماهير الهلاليه تود الحضور ومؤازرة الفريق ولكن لعلمها بامكانيات الملعب الحدودة لم تاتي والدليل انك تذهب لتقص تذكره فبل المباراة باسبوع ثم تاتي يوم المباراة وتجد البوابة مغلقة واغلب الحضور دخلو بدون تذكره.
ولكن ياجماعة الخير صدقوني ان الجماهير التي حضرت ليست هلاليه ولا حزماويه وانها لاتمثل ابناء مدينة الرس

صدقت لانة الي يقوم بالافعال هذة استغلعو الرياضة لي الشغب واتمنى انزال اقصى العقوبات على هولاء

صعب انك تقول ماهم هلاليين وهم لابسين شعارات الهلال !! يمكن انا وانت نصدق هالشي ..لكن غيرنا ماراح يصدق وراح ياخذها عذر علينا .
بعدين رمي العلب الفارغه على احتياط الهلال اعتقد انه يخلينا نقول ان البلطان ماحسبها صح !!!
مشكور اخوي

شكرا على المرور

غجر بمعنى الكلمة

انا اطالب ان مافيه مبريات تلعب بملعب الرس لانه بصراحه ملعب مدرسه مو ملعب مبارات لانديه ذو شعبيه عاليه مثل الهلال

انا اشهد انه ملعب فاشل بما تعنيه الكلمه
واما عن المباراه فنصف الجماهير داخلين بدون تذكره

ماتقدر تقول انهم كلهم موب هلالين وبعد موب كلهم من الرس

انا من اهالي الرس ولم احضر للمبارة لأني اعرف ان هاذا الملعب مهزله وما يتحمل الطاقه الجماهيريه للزعيم ولكن كلا من حضر المباراة يقول بملأ فيه انه غجر لا يعرفون الكوره والدليل انهم ليسوا هلاليين انك تجد بين جمهور الهلال جمهور حزماوي وكذلك في مدرجات الحزم تجد جمهور هلالي يعني الطاسه ضايعه. لكن مدرجات الهلال لم تسلم وكذلك الحزماويين لم ويسلموا وأتمنى نقل مباراة الحزم في الملاعب المجمعه بالرس او في عنيزه

طيب الفوضى صايره من العام الماضي ليش ماعدلوا من الوضع ؟؟

ملعب حواري ولو لاعبين في برحة الصراحه احسن .

ليش العناد من ادارة الحزم واصرارها على اقامة المبارة في ملعبهم ؟؟

طيب مشيها هذي ملعبهم ومن حقهم يلعبون فيه ..

طيب اذكر لي سبب عدم تواجد اي رجل امن بين الجماهير في المدرج ؟؟

وش تنتظر من الجمهور اللي نصه داخل بدون تذاكر وبدون تفتيش وكاسرين البوابة مع اذان المغرب في ظل عدم تواجد اي رجل امن او حارس ؟؟

بدو وطاحو في مريس

موب وجه ملاعب ولا مباريات

إقتباس:

الرسالة الأصلية كتبت بواسطة ضحية مجاملة (مشاركة 4502514)

بدو وطاحو في مريس

موب وجه ملاعب ولا مباريات

:thumbup: s60s :thumbup: s60s

من يوم ما شفته الموسم الماضي وانا غاسل يدي من الملعب ذا ؟؟

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!