|
مدرب عالمي الكل يتمناه ونحن نطالب بإقالته!!!!!!!!! بسم الله الرحمن الرحيم السلام عليكم ورحمة الله...................... وبعد: الحمد لله على كل حال لا تضيق صدوركم يازعماء وهذي حال الكورة عند الزعيم ( عشرين مرة فوز ومرة خسارة ) إن شاء الله والجاي أحسن بإذن الله ندخل بموضوعنا: يطالب البعض بعد خسارة مباراة الحزم بإقالة المدرب وإنه مدرب فاشل ومايفهم شي بالكورة.. و و و إلخ ماأدري ليش نسينا أو تناسينا وش سوا هالمدرب بالدور الأول.. خلونا صريحين هل كان المدرب سبب في الخسارة...؟ 1- وش ذنب المدرب وخالد عزيز ساحب على النادي؟ 2- وش ذنب المدرب و الخثران غير موجود................؟ 3- وش ذنب المدرب إن القناص يجلس يتفلسف قدام المرمى؟ (طبعا لا تزعلون علي أدري إنكم تحبون ياسر وأنا أكثر منكم بس ياسر تسبب ببعض الخسارة) 4- وش ذنب المدرب إذا كان فيه غيابات وإصابات مثل التايب والمرشدي؟ أنا أعتقد مافيه لوم على المدرب إلا التغيير الأول إخراج الشلهوب ويمكن إن الشلهوب هو اللي طلب التغيير وحتى لو ماطلب (موضوع التغييرات الخاطئة علاجه سهل وهو الإجتماع مع المدرب ومناقشته) نقطة أخيرة: قبل فترة بسيطة دخلت موقع النصر ولقيت واحد يمدح مدرب الهلال ويطالب إدارة النصر بمدرب عالمي مثل باكيتا و بوسيرو... فإحمدوا ربكم على المدرب العالمي اللي يحسدنا عليه الكثير والسلام..... s13s s13s s13s |
اقول سبب الخسارة ابو المحاور (الزفت بيسيرو ) بالله قدام الحزم يلعب بمهاجم واحد ترا بعدين لعلمك المدرب ما سوى شئ في الدور الاول مع الفيصلي هذف في آخر دقيقة سجله ياسر قدام الاتحاد هذف قاتل سجله ياسر قدام النصر الله يسلم الحكم قدام الشباب بمجهود الاعبين |
صـــــــدقـــيـــني والله صبر الجمهور وصير وصير لين جاه الملل |
معك حق وكلامك سليم الى متى تغيير المدربين !! المباراه كان فيها ضروف كثيره وغيابات كبيره !! وحتى الاحتياط فاضي لاعبين !! المدرب مايقدر يسوي شي بهاذي الحاله ! |
[quote=زعيم الاوطان;4497353]صـــــــدقـــيـــني وش دعوى يابو الشباب معك أبو نواف يعني (شنب) :D وبعدين هذي وجهة نظري بالموضوع وشكرا...s60s |
عين العقل هالكلام علموا هالناس |
عين العـقـــــل والله .. :) |
ثلاث مباريات ما نكسب إلا نقطتين والمنافسين فرق المؤخرة بإسثناء الوحدة وتقولي مدرب يبوه النصراويين خليهم ياخذووه ونبي كالديرون |
المدرب فاشل مع مرتبة اشرف اجل فية مدرب يلعب بثلاث محاور |
والله معك حق ما بقى الا المدرب ينزل ويسجل اهداف والمدرب ما قصر الفريق متصدر الدوري وبفارق كبير من النقاط |
اخي لو المشكلة في مباراة المفروض ما ترد على كذى موضوع ولا على كذى وجهة نظر لان اللي يرضى على مدرب وبعد كذى يقول علشان مباراة المدرب مو زين هذا اسحب عليه سيفون الموضوع طويل ويمكن يكون موضوعي الللي في التوقيع يفيدك لان فيه انطرحة امور كثيرة ونقاط كبيرة تحياتي |
ياخي صح عالمي بس تغيراته مدري هو مايدري ان المبارات بالدوري ولا وديه يدخل ظهير ويطلع ظهير بالعقل هاذا تفكير مدرب عالمي |
إقتباس:
أخي الكريم .. اولا انا ضد اقالة أي مدرب بهذه السهولة لكن أن ترى مدرب يتخبط في وضع تكتيك يتخبط في التبديلات يتخبط في اختيار الخطط يصر على اللعب بأكبر عدد من المحاور وأمام من ؟ متذيل الترتيب العام...... يكون الفريق في ضروف صعبة أثناء المباراة .... وتتفاجئ بتصرف منه ( يزيد الطين بلة ) فيا أخي الكريم ماذا تنتظر من مدرب كهذا ؟ قفلة من يوم شفته لعب بتفاريس مهاجم .. ودكة الاحتياط مليانه مهاجمين ... غسلت يدي منه ونشفتها بكلينكس.... |
الله يعوض علينا |
فااااااااااااشل انا اعرف ادارة الهلال واعرفها زيييييييين زيييييييين ينهزمون عااادي.....بس اصبرو اذا انهزمنا باربعه او خمسه بتقفل مع بندر بن محمد ومحمد بن فيصل وتسمعون خبر بيسيرو |
| الوقت المعتمد في المنتدى بتوقيت جرينتش +3.
الوقت الان » 02:05 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd