الا ماسوو فيهم شئ

يستاهلون اكثر

وهذا اللي يخليني مااحضر مباريات من هاه المبزره

الله يعافيهم ولا يبتلينا بس

الحين نفسي اسأله سؤال نطيت بالملعب ولفيت لفتين وبعدين وش يستفيد ؟؟

عقليات الله يشفيهم ويطالبون بحضور المباريات والله اللي ماحضرت مع هاه السملق

ونت متأكد انهم هلاليين
هذولا مندسين ويحملون شعار الهلال للتأكيد بأنهم هلاايين

لاتــعــلـــيــق

انا من وجهة نظري
يستاهلون أكثر وأكثر ياشيخ ملينا من هذولا المتخلفين ادنى شي يصير ينزلون الملعب

والموسم هذا كثرت هذي الظاهرة وسبق ان شفنا في مباراة الهلال والطائي أعتقد نزل اثنين لأرض الملعب
وفي مباراة الهلال والنصر نزل العشرات لأرض الملعب والمشكلة انهم اعضاء شرف ورئساء النادي
ومباراة الحزم والهلال نزل العشرات وماشفت ولا رجل أمن فكر انه يلحق واحد منهم الا بعد مانزلو بدقيقة

وتذكرون اللي نزل للملعب في مباراة البرتغال واليونان عام 2004 ماامداه يحط رجله في الملعب الا ولحقوووه رجال الأمن

اعزائي كم أتمنى ان يكون الدوري السعودي مثل الدوري الأسباني في التنظيم تحس فيه نوع من الرسمية عند الجماهير (رئساء النادي يكونو جالسين في منصة كبار الشخصيات )وقمة الادب والاحترام يااخي ناس متطورة

واحنا جالسين في جحيم التخلف

في الامارت يستعينون بالكلاب البوليسيه حتى ماحد يفكر في الشغب ابدا

إقتباس الرسالة الأصلية كتبت بواسطة bobon مو كل من لبس شال الهلال ودخل الملعب وسوا شغب اصبح مشجع هلالي ياجماعة فيه ناس يتخذون هذه الطريقة لتشويه صورة الجمهور الهلالي والمباراة القادمة راح يكون فيه اعمال اكبر من اعمال مباراة الحزم الله يستر بس 0

وأنت لا تحسب جماهير الهلال ملائكه ما يغلطون أبد
كل الي انزلو لأرضية الملعب هلاليين رضيت أو مارضيت

والله انهم يستاهلون أكثر

يستاهلون والمفروض يعاقبونهم علشان يكونوا عبر لغيرهم

شباب انا ابصم بالعشره ان اللي نزلوا مو جماهير هلاليه وبعد بزوره مو حقين كوره

جايبين عربيه معهم على بالهم زريبه قال ايش مباراه دوري ممتاز

وربي ياناس فضيحه صوره العربيه احذفوهاااااااااااااا

يستاهاون

والله المشجع يستاهل ما جاه وإلا بالله عليك هذا منظر جمهور؟؟

وين حقوق الانسان

جعله من ذا الحال واردى .... مشكلة البزارين اذا راحوا ملعب !!!!!!!!!!!!!!!!!!!!!

المشجع غلط بس رجل الأمن ما له حق انه يضربه بهالشكل

والله حرام لوهم حاطين المباراة في ملعب زي الناس ان كان ماصار اللي صار