#1  
قديم 04/01/2007, 02:09 PM
زعيــم متواصــل
تاريخ التسجيل: 06/08/2005
المكان: *-,..,-* الـــــرس *-,..,-*
مشاركات: 123
(جماهير المباراة..&..مدرب المباراة..&..رجال الأمن)..لقطات ومشاهد من أرض الملعب

بسم الله الرحمن الرحيم

أولا الجماهير
اللي ما حضر المباراة أبعلمكم شي
أنا كنت جالس بالمدرجات الجانبيه
يعني من أقرب الجماهير للبوابه وللزاويه اللي منها دخلوا البزران للملعب

وأبعلمكم وش اللي صار عشان محد يسب الجماهير وهو مايدري عن شي
------
البوابه من قبل المغرب مفتوحه ولا فيه ولا حارس

وقبل تبدأ المباراة بنصف ساعه فتحو البوابه
يعني مافيه لا تفتيش ولا دفع تذاكر الدخول مجاني ولا فيه حارس أو رجل أمن

أبغى واحد يثبت لي هل الجماهير اللي دخلت هلاليه ولا تخريبيه شافت الباب مفتوح
ودخلت عشان ترجم ولا تدخل الملعب ولا أي شي

وثانيا فيه مساحات ليست كبيره ولا صغيره بجوار المدرجات الجانبيه الصغيره
ولا حطو فيها ولا مدرج خشبي مؤقت
يعني حطو ثلاث ومتكسره بعد

يعني العالم تدخل وين تروح
عند الحاجز تتفرج
وامتلأ كل الحاجز حتى وصلوا الزاويه المفتوحه على الملعب
وما كان فيه ولا رجل أمن منتشر حول الملعب
الموجودين كم واحد وعن دكات الاحتياط


صارت الجماهير التخريبيه تدخل من قبل بداية المباراة بدون رادع
وباخر الدقايق دخل كم واحد ومالقو شي يشيلونه الا علم الهلال
وشالوه ودخلو الملعب شوي ويوم بغو يطلعون رمو العلم بالارض

وين اللي يقول جماهير هلاليه جماهير هلاليه ترمي العلم بأرضية الملعب تحت أرجل اللاعبين؟؟



ومع كل هالأحداث أبي واحد يقول لي هل كل هالشغب سببه جماهير الهلال ولا جماهير التخريب ولا نادي الحزم

ما اعتقد جماهير الهلال لها ذنب
ولا نقدر نقول شي لجماهير التخريب لأنهم لقو الباب مفتوح ولا فيه تفتيش ولا فيه رجال أمن ولا فيه مدرجات كافيه
ولو مؤقته

يعني الخطأ يتحمله 100% نادي الحزم على سوء التنظيم مع علمهم أن أكثر شعبيه بالرس للهلال
وثاني أكبر محافظه بالمملكه مساحة وعدد القرى التابعه هي الرس
ولا استعدو أبد

-----------------------------------------------------
مدرب الفريق
--
بالله أبغى اللي يقولون هو اللي فوزنا بكم مباراة الدور الأول
أبيك تقول مباراة واحده تكتيكيه لعبوها اللاعبين
لا ما أبيك تقول مباراة كامله

أبي هدف واحد ملعوب سجلوه اللاعبين

ما أبغى أعدد مباريات
بس مباراة الفيصلي البركه بالقحطاني وفاوله اخر الدقايق
ومباراة النصر والأهلي نعترف أننا استفدنا من التحكيم
مباراة الشباب هدف مجهود فردي من القحطاني وهدفين فاولات
وهدف مجهود من القحطاني مررها للشلهوب ثم للتايب وللباب على طول

يعني وين التكتيك
وين اللعب الملعوب والانفراديات
المفروض هذي من مسئوليات المدرب كيف تفتح وكيف تمرر وينفرد اللاعب
واللمسه الواحده بالهلال ماعمرنا شفناها الا من التايب والخثران مره واحده

والفاولات كل مباراة لاعب يشوت مره القحطاني ومره رودريجو ومره الشلهوب ومره التمياط

يعني بالله وش سوى المدرب

أيام كان ما عندنا محاور كافيه كان يلعب الهليل محور

وأمس نبغى الفوز رايح يلعب الدوسري بدال الشلهوب ليه أيام كان ماعندنا محاور كافيه ما لعبته
هذا وقت تجريب لاعبين

أبغى فريق بالعالم من الدوري البنقالي الى الدوري الانجليزي
أبغى مدرب لعب بثلاث محاور ولو لخمس دقايق ولا شوته ناديه
وحنا طول الدوري نلعب بثلاث ولا قلنا شي

وبعض الأعضاء قالو بأحد ردودهم على أحد المواضيع أن المدرب حمار

الحمار تهوشه يمشي ويسرع

هالمدرب بحت أصواتنا وحنا نقول لا تلعب بالخطه
4-2-3-1
راح يلعب بالخطه
4-3-2-1

نقول له شرك بعض اللاعبين ببعض مباريات الدور الأول
عشان اذا غاب أحد اللاعبين يلعب مكانه ويغطي الخانه

لا تلومون الجري ولا الدوسري ولا خليل
طول الدوري ما لعبوا وتبونهم من مباراة يصيرون نجوم !!! مستحيل
على الأقل خليل شارك المباراة اللي غاب فيها تفاريس لكن باقي اللاعبين ما شاركوا..

والان داخل بمشروع تطفيش الصويلح وإطفاء نجمه

مانقول اطردوه ما يمدي
لكن حاسبوه

رايح يلعب الدوسري بمكان الشلهوب بوقت أحوج ما نكون الى الفوز!!!!!!
ومهب هذا الخطأ الأول ولا اعتقد راح يكون الأخير

وبمباراة الحزم الظاهر ما فيه هجمه الا هجمة القحطاني اللي تفلسف فيها
ما نقسو على ياسر وأنه كان يبغى الهدف له مو للهلال
ولا نقول أنه ما أخطأ
ولكن خطأ يتعلم منه الكابتن ياسر اللي تنقصه الخبره بمثل هالمواقف
وأنا أجزم لو تتكرر مثل هالكوره للقحطاني والله أن يشبكها ولا يقعد يتفلسف فيها
يعني لحد يقسو على القحطاني خطأ ويتعلم منه إن شاء الله



وأنا عندي أمل ولو أنه ضعيف أن الفريق بيتحسن مع المدرب بعد الفتره الاحترافيه الثانيه
لأننا سمعنا أن بعض اللاعبين بيعارون الى انديه ثانيه وكثير بيعطون إجازه الى نهاية الموسم

يمكن ياخذ راحته المدرب اذا قلو اللاعبين وتطلع اللعبات التكتيكيه والأهداف الملعوبه

وبعدين أنا لاحظت بلاعبين الهلال اذا ضغطو يضغطون الى أن يجيبون هدف
ويوقفون عن الضغط تقول ضامنين المباراة


وحنا على قلوبنا وشفنا مباراة النصر اللي ستر الله ولا كان متعادلين

هذا اللي كتبته على المدرب واللي بقلبي أكثر من هذا مع تشفير التلعين والسب والشتم للمدرب
-------------------------------------------------
رجال الأمن
--
مثل ما قلت محافظه من أكبر المحافظات
وأكثرها هلاليه

ولا فيه أي استعدادات أمنيه
والباب مفتوح والسياج الحديدي مفتوح ولا فيه مدرجات كافيه
لدرجة أن بعض الجماهير ما تقدر تشوف المباراة إلا بالصعود على الجدران

كل هذا ولا فيه رجال أمن
بعض الناس يقول أكثرهم منتدبين للحج

طيب قضو رجال الأمن كلهم بالحج!!!!!!
على كذا بيصير رجال الأمن أكثر من الحجاج

واترك رجال الأمن على الأقل حطو حراس وبوابين للتفتيش عند البوابه
ولا البوابين رايحين للحج بعد؟

عالعموم حضر جمهور كبير أول مره يحضر بالرس

ورجال الأمن
الظاهر أقل من عشرين

وبالملعب أقل من عشر وكلهم عند دكات الاحتياط
يعني اللي بيدخل الملعب يدخل براحته
السياج ومفتوح ورجال الأمن ما فيه
ويمديك تسلم على لاعبي الفريقين ورجال الأمن الى الحين يفكرون يطردون وراك ولا لا

وبالنسبه للضرب من رجال الأمن كلكم شفتوه
وأنا من أشد المؤيدين للضرب من رجال الأمن وقدام الكاميرا والجمهور لكن بالعصي مو بالرجلين

وش الفايده من ضربه داخل خل الضرب برا عشان يتأدبون البزران اللي يدخلون
وشفنا السياج قصير جداً وأيضا السور يعتبر قصير بالنسبه لنادي بالدرجه الممتازه

ومن المشاهد بالمباراة من الجمهور

-أول من دخل للملعب حراس الهلال يتدربون ودخل أول واحد من الجمهور
وسلم على الدعيع وشوت كور وطلع بدون أي مطارده

-كل شوي يزيد عدد الجماهير اللي تدخل الملعب

-وباخر الوقت دخل حوالي عشره مشجعين داخل الملعب وشالو علم الهلال ويوم بغو يطلعون رموه بالأرض

-مع مرور كل رجل أمن سواء من أمام المدرجات أو من أمام زاوية برمودا يتم رجمه من قبل الجماهير

-مع صافرة النهايه من الحكم ركض لاعبين الهلال والاحتياط والمدربين للداخل هربا من الجمهور الغاضب

-بعد المباراة انقلبت الآيه وأصبح بعض الجماهير التخريبيه اللي تدخل من زاوية برمودا هم من يطاردون رجال الأمن بالحصى

-مع هروب جميع رجال الأمن للداخل قامت بعض الجماهير بالتكسير داخل الملعب والضحيه لوحات موبايلي
ما بقي ولا واحده على قيد الحياة

-خلف المدرجات وبعيداً عن الكاميرات انقسم رجال الأمن بين من يؤدي دوره باحترام وتفهم مع الجمهور
وبين القليل منهم ولله الحمد اللي فاهمين عملهم غلط
ويهددون الجمهور بالعصي لأتفه الأسباب
وواحد من الجمهور طلب فتح أحد الأبواب ليذهب الى سيارته
ورجال الأمن يقولون لا رح من برا وخذ لفه على النادي ورح لسيارتك
وبدأ واحد من رجال الأمن بالتهديد بالعصى
وقال بالحرف الواحد العصا هذي وش جايبينها له
وقال ترا اذا ما أسكت ورجعت بتذوقها

وحدثت مشاده بينهما وكادت أن تتطور الى مشاجره لولا ستر الله وتدخل رجال الأمن الاخرين
مع تهديد رجل الأمن (العصا هذي وش جايبينها له)
وتهديد المشجع (اذا كنت رجال عطني اسمك وشف وش يصير لك)


-كانت مدرجات الهلال أو بالاصح جهة الهلال لأن معظم المساحه بدون مدرجات واقفين العالم
كان معظمها من الهلاليين وبعض التخريبيين اللي لقو الباب والسياج مفتوحين بدون أي حراسه

وكانت مدرجات الهلال مختلطه ما بين هلالي وحزماوي
لكثرة جماهير الهلال والذين لم تستوعبهم مدرجات الهلال
ولم يحدث أي شغب أو تخريب من جهة المدرجات الحزماويه مع تواجد كثير من الجماهير الهلاليه هناك
والسبب وجود الحراسه والتفتيش من تلك البوابه وعدم دخول المخربين من هناك


---بقي نقطه أخيره وهي أن ما سمعتم من تكسير للزجاج وضرب ومشاجرات بين الجمهور غير صحيح اطلاقا
ولم يحدث أي شيء من هذا القبيل
ولم يحدث أي شغب خارج الملعب
بالعربي كلن ركب سيارته ومشى



هذا ما كان بودي أن اطلعكم عليه لكثرة ما سمعت وقرأت من متهم للجمهور الهلالي بالمشاغب ومتهم للأمن بالقسوه ومن متهم للمدرب بالذكاء

أي سؤال عن اللي صار أنا مستعد أجيب عليه لأني جلست من قبل المباراة بحوالي ساعه وأنا آخر من طلع من الجماهير
وما طلعت الا بعد ما طلعت الرابطه اللي شفتهم داخل ينتظرون فتح الباب من أحد رجال الأمن الذين قامو بقفل الباب وهذا اللي جيدين فيه أما الحفاظ على الأمن من جنبها ومنعو الناس من الذهاب لسياراتهم ومنع الرابطه من الخروج حتى تحرك باص الهلال

والسلام عليكم ورحمة الله وبركاته
اضافة رد مع اقتباس
  #2  
قديم 04/01/2007, 02:18 PM
الصورة الرمزية الخاصة بـ !!هلالي الرس!!
زعيــم مميــز
تاريخ التسجيل: 29/12/2006
المكان: الـ عـآصمة
مشاركات: 5,135
مشكووووووروالله باين أنك تعبان بالموضوع وهاردلك الخساره وأما الأمن ذولا من جنبها
اضافة رد مع اقتباس
  #3  
قديم 04/01/2007, 02:18 PM
زعيــم نشيــط
تاريخ التسجيل: 10/09/2005
مشاركات: 833
الي مو كفو تشجيع لا يجي الملعب
اضافة رد مع اقتباس
  #4  
قديم 04/01/2007, 02:29 PM
زعيــم مميــز
تاريخ التسجيل: 19/07/2006
المكان: ميدان كلية الملك عبدالعزيز الحربيه :D
مشاركات: 1,563
مشكور ع الموضوع م اقصرت

::اخوي هلالي الرس! اباخذ التوقيع الله لايهينيك
اضافة رد مع اقتباس
  #5  
قديم 04/01/2007, 02:29 PM
زعيــم مميــز
تاريخ التسجيل: 11/07/2005
المكان: وسط المدرجات
مشاركات: 7,319
مشكور يالغالي

مانقول الا حسبنا الله ونعم الوكيل على اللجنة المنظمة للمباراة
اضافة رد مع اقتباس
  #6  
قديم 04/01/2007, 02:30 PM
زعيــم فعــال
تاريخ التسجيل: 29/09/2006
مشاركات: 424
قالوا أيش قالوا جماهير الهلال هذا الموضوع دليل بأن الجماهير ليست هلاليه

باين عليك يالغالي تعبـان على الموضوع

يعطيك العافيه
اضافة رد مع اقتباس
  #7  
قديم 04/01/2007, 02:31 PM
زعيــم مميــز
تاريخ التسجيل: 18/10/2006
المكان: الريــاض
مشاركات: 1,582
مشكوور على التوضيح...
اضافة رد مع اقتباس
  #8  
قديم 04/01/2007, 02:46 PM
الصورة الرمزية الخاصة بـ افتزيت
زعيــم متألــق
تاريخ التسجيل: 15/10/2005
المكان: عروس البحر الأحمر
مشاركات: 1,223
الله يكتب مافيه الخيــر
اضافة رد مع اقتباس
  #9  
قديم 04/01/2007, 02:49 PM
موقوف
تاريخ التسجيل: 27/10/2005
مشاركات: 667
تسلم
اضافة رد مع اقتباس
  #10  
قديم 04/01/2007, 02:51 PM
الصورة الرمزية الخاصة بـ 9الذئب9
زعيــم مميــز
تاريخ التسجيل: 11/08/2005
المكان: في قلب الزعيم
مشاركات: 1,742
والله مهزله حتى الأمن بدوا يرمون؟!!!!!!!!!!!!!!!!!!!!!!1
اضافة رد مع اقتباس
  #11  
قديم 04/01/2007, 04:18 PM
زعيــم مميــز
تاريخ التسجيل: 26/08/2005
المكان: الريــــــــــاض
مشاركات: 1,631
مشكور على التوضيح أخوي طيب ماحصل مشاجرات بين الجماهير خارج حتى باالكلمات
اضافة رد مع اقتباس
  #12  
قديم 04/01/2007, 04:25 PM
موقوف
تاريخ التسجيل: 03/01/2005
مشاركات: 47
الجماهير اللي نزلت للملعب محسوبة على الهلاليين و حتى لو مافيه امن المفروض نرضى بالخسارة افضل من الهمجية اللي كانوا فيه جمهور الهلال و القيام بالحركات الطفولية و انتظروا العقوبة من لجنة الانضباط
اضافة رد مع اقتباس
  #13  
قديم 05/01/2007, 02:11 AM
زعيــم متواصــل
تاريخ التسجيل: 06/08/2005
المكان: *-,..,-* الـــــرس *-,..,-*
مشاركات: 123
السلام عليكم

بالنسبه للي يسأل عن المشادات الكلاميه

أصلا مدرج الهلال مليان كله ومدرج الحزم أيضا مليان وأكثر المتواجدين فيه هلاليين

يعني تقريبا 80% جماهير الهلال

والباقي حزم والا جايين يخربون

يعني من بيتكلم ولا يتهجم ومافيه الا جماهير الهلال؟

ولو قلنا أن اللي بمدرج الحزم حزماويه..
بوابة الحزم تفتح شمال

وبوابة جماهير الهلال تفتح بالجهة الثانية من النادي جنوب

يعني ما فيه تخالط بين جماهير الحزم والهلال حتى تحصل مشاكل

وشكرا
اضافة رد مع اقتباس
  #14  
قديم 05/01/2007, 02:23 AM
زعيــم متألــق
تاريخ التسجيل: 08/09/2005
مشاركات: 1,121
مشكوووووووووووووووووووووووور
اضافة رد مع اقتباس
  #15  
قديم 05/01/2007, 02:50 AM
زعيــم فعــال
تاريخ التسجيل: 21/12/2004
المكان: in my house
مشاركات: 355
مشكور اخوي على الموضوع


انا كنت قاعد عند مدرجات الحزم مافيه الا الرابطة حقتهم وكم اتهادي وكم واحد نصراوي والباقي كلهم هلالية


وانت تقول فيه تفتيش من جهة جماهير الحزم ابد مافتشونا ولا شي ودخلنا ببلاش بعد


اروح وطي مع التنظيم البايخ حقهم;)


ومشكور مرة ثانية على الموضع اللي متعوب عليه
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 02:45 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube