السلام عليكم
اليوم وانا اناظر المباراه وشفت اعلام اتحاديه ونصراويه مع الجماهير وانا غاسل يدي
تمنيت اني بالرس عشان اتوطا ببطونهم بس ماحصل
طبعا الكل عارف ان الاتحاد السعودي وانتم بكرامه
مسوي حمله قويه ضد الهلال برئاسه عمهم البلوي وانتم بكرامه بعد
واكيد بعد تصرف جماهير الدلوخ الي هم من المرتزقه تاركين فرقهم تلعب وجايين يناظرون مباراه الهلال !!
ماراح يكتفي الاتحاد الغبي بنقل المباراه لان جماهير الهلال بكل مكان فبأي منطقه يلعب الهلال كنه بمنطقته
اتوقع الاتحاد بيجلس اسبوع كامل مهب نايم عشان يطلعون قرار جديد
فاوش رايكم مادامنا فاضين ومهزومين خخخخ اللهم لاشماته << استهبل قسم لحد يناظر كذا
نطلعلهم قرار من عندنا عشان نساعدهم شوي ونكون وطنيين
بالنسبه لي
انا اقول اممم
يخلون الهلال يلعب المباراه الجايه بالكابتن عبدالهادي والحارس منصور البلوي وبقيه اللاعبين مشكل من فريق النصر والاتحاد والاهلي
عشان نشوف الهجوم من جهه وحده
والجماهير يجيبونلنا جماهير من افغانستان عشان يكون معهم اسلحه ودبابات ملينا من تشويت النعل والمويه والبيبسي نبي تغيير شوي
معليش اتركوا الخرابيط الي فوق ونجي للجد
المباراه الجايه وين بيلعب الهلال ؟؟
وليه مانسوي مثل الفرق الثانيه نجلس نصيح ونقول مانبي تسوون معنا مقابلات ونجيب سامي يكذب ويقول فهد السبيعي قال ماراح اشوت الفاول لانه غش
عشان يروح عنا العقاب
وكل عام وحنا مهزومين من فريق الحزم << والنعم فيهم بس القهر انهم بالمركز الاخير