#1  
قديم 04/01/2007, 01:32 AM
زعيــم فعــال
تاريخ التسجيل: 02/07/2005
مشاركات: 257
العقل والركاده مطلوبه يا اعضاء منتدى الزعيم !!!!!!!





بسم الله الرحمن الرحيم


يازعماء

يجب ان نترك عواطفنا ونحكم بالعقول قبل القلوب.

لان القرارات العاطفيه لا تكون منصفه للواقع ولا المعطيات الموجوده في الوقت الحالي !!!

اللي يحز في النفس

انه من خساره انقلب الموقع الى مواضيع تهجم على الاداره والمدرب


هذا الاسلوب له سلبيات اكثر من ايجابياته

الدعوه مو خذني جيتك

ولا هي بسوالف

منتديات

تدرون ليه؟؟؟؟؟؟؟؟

انا بوصل الرساله بأمثله

ناخذ التهجم على الاداره واللى مانرضاه


الاداره الحاليه واللي ماهي معجبتكم الان

مو هي الاداره اللي فرحتكم بخمس بطولات خلال موسمين

ولا نسيتوا

مو هي الاداره اللي ضغطت على نفسها ماليا وجابت ياسر لكم يوم طلبتو

و الاداره هذي هي اللي فاتحه للجمهور باب الحوار بس الحوار اللي يخدم المصلحه مو حوار وطلبات عواطف!!!!


يعني ماننسى افضال هذه الاداره مهما بدر منها والفضل الأول والاخير لله سبحانه وتعالى.

يعني يجب ان نرتقي بطرحنا كجمهور محب لهذا الكيان

وان لا ننسى كل شي من خساره

الفرق الأروبيه تخسر وتتعادل وهي متصدره وهي تملك نجوم عالميين وتملك مدربين كبار في عالم التدريب!!!!!


ولا حلال عليهم وحرام علينا

اللعب فوز وخساره

النقطه الثانيه والمهمه المدرب

المدرب ما اشوف عليه اي ملاحظه مهما كان

الهزيمه اللي اليوم من الحزم

ماتلغي قدرات المدرب ولا نطالب بأقالته

بتكلم عن موقف للمدرب وبعدين ارجع لمباراة الحزم

فيه مباراه لعبها الهلال مع الطائي وكان الطائي يلعب ب 11 لاعب في الدفاع وكلهم طوال قامه ولا يوجد مهاجمين يقدرون ينافسونهم.

قام المدرب اللي ماهو معجبكم هذا وطلع مهاجم ودخل مدافع!!!! اكيد كلنا قمنا نسبه بس المدرب له نظره كانت غايبه عنا ولا عرفناها الا بعد ما انتهت المباراه. اتضح انه طلب من تفاريس انه يلعب في الهجوم!!! وهو اللي سجل الهدف.


يعني المدرب له نظره للمباراه غير اللي نشوفها وحنا في بيوتنا.


نرجع لمباراة الحزم المدرب ماقصر لعب بالتشكيله اللي تناسب الهلال والخطه اللي تناسب الهلال وهي نفس الخطه اللي كان يلعب فيها باكيتا ولا كنتوا معترضين وجبنا بطولات.

وكان الهلال افضل وضاعت فرص لسوء الحظ هذا اليوم يعني المدرب مايتحمل المسئوليه

تقول كان يلعب بمحورين اقول للي يقول ان المدرب لاعب بمحور اساسي واللي هو الغنام والغامدي محور متقدم يساند الهجمات وشفناه على راس ال 18 اكثر من مره انت لا يهمك الخطه لكن التكتيك هو المطلوب.


نجي للهدف الاول وشلون جاء ؟؟؟جاء اثناء التغيير

طلع الظهير الايسر على طول راحت الهجمه من الجهه اليسرى وجاء الهدف ما امدى اللاعب اللي دخل يوصل محلهيمسك

الهدف الثاني. مع اندفاع الهلال لتعديل جاء الثاني.


يعني ما ودنا نتفلسف على المدرب اللي صار اليوم حظ والله الفريق هاجم ووصل المرمى وكان فيه اكثر من فرضة هدف لكن الحظ ماخدمنا

مثل انفراد ياسر وعرضيت التمياط


مع اني متأكد الهلال مع اي فريق لو يسجل هدف بدري

تكون النتيجه كبيره لكن الانديه اللي تلعب ضد الهلال تقفل وتلعب على المرتدات تقولون يلعب بمهاجمين الهلال ماينفع له الا نفس الطريقه هذي كنا نلعب بمهاجمين وناكلها بالخمسات ومع باكيتا لعبنا بمهاجم والخطه الان نفسها لكن الفرق في التكتيك في ناس يساندون الهجوم يعني لا تكون نظرتكم سطحيه للارقام فقط.


الاداره بوجود ابو سلطان مافيها اي قصور والمدرب ماعليه كلام هي سوء حظ ولازم نجدد الثقه في اللاعبين والهلال مو بوجود لاعب ولا اثنين الموجودين فيهم الخير والبركه.


وشي مهم قريته في المنتدى هنا قالوا خالد عزيز له فراغ طيب لو ماجاء عزيز وراح انتهى الهلال لا اللي ينتهي اللاعب والهلال مستمر فيه بداله الف عزيز التايب كبير ومافيها كلام بس الهلال مو التايب بس!!!! الخثران رجال يلعب من قلب بس مهما كان حجم اللاعب الهلال مايعيش على لاعب مثل الانديه الاخرى. الهلال يروح جيل ويظهر جيل وهذي اهم شي.


يعني مانحكم على نادي سوى لنا كل شي وياما افرحنا كثير لاننا انهزمنا مباراه الهزيمه وارده ولا فيها عيب


وانا اقول لكم يازعماء الهزيمه هذي دفاعة بلا عنكم وعن ناديكم الى متى وانتم تفوزون يعني لازم تضحون شوي بهزيمه في العيد خلو الحزم يفرح ويعيد مثل العالم.

وانتم ان شاء الله بتفوزون لكن لازم نتكاتف ونمتنع عن المواضيع اللي مالها سنع ولا تخدم النادي ولا الجمهور


هذي وجهة نظري الشخصيه واسف على الأطاله


خالص الود

لزعماء
اضافة رد مع اقتباس
  #2  
قديم 04/01/2007, 01:47 AM
زعيــم نشيــط
تاريخ التسجيل: 11/05/2005
المكان: .:الشرقية:.
مشاركات: 560
والله يا اخوي كلامك عين الصواب وما فيه اي شي غلط وزي ما قالوا ((لكل جواد كبوة))

ولازم نجدد الثقه في لاعبينا

بس اخوي alzaeem wolf اليوم فيه شي ناقص الفريق المدرب قتل الاجنحه والنقص بعد اثر على الفريق لان الفريق في الاوقات الحرجه يحتاج الى الخبره واظن ان بعض اللاعبين ما عندهم خبره كفايه


وتحياتي لك اخووي على موضوعك الجميل

اخوك حسني الهلالي
اضافة رد مع اقتباس
  #3  
قديم 04/01/2007, 01:52 AM
زعيــم مميــز
تاريخ التسجيل: 22/06/2005
المكان: أم الدنيـــا
مشاركات: 2,226
كلامك صحيح اخوي الزعيــــم

واللـــــه يوفق زعيمنــــــا
اضافة رد مع اقتباس
  #4  
قديم 04/01/2007, 02:00 AM
الصورة الرمزية الخاصة بـ ابوجوري الهلالي
زعيــم متألــق
تاريخ التسجيل: 01/11/2006
المكان: الــــزعـــــيــم
مشاركات: 1,425
كلام سليم
لكن المدرب ماغير اي شي في الخطة من اكثر من مباراه ونقول نفس الكلام لو لعب راس حربه ثاني مع ياسر كان اصرف للزعيم
ياخي انت تلعب مع متذيل الترتيب العام في الدوري
والنقاط هاذي اتمنى ان لانندم عليها فى الاسابيع الاخيره من الدوري
اذاكانت الفرق الضعيفه تلعب بتقفيل المناطق الخلفيه والتعادل مع الزعيم فان الفرق القويه لاتفعل ذلك
وتحياتي
اضافة رد مع اقتباس
  #5  
قديم 04/01/2007, 02:01 AM
زعيــم فعــال
تاريخ التسجيل: 02/07/2005
مشاركات: 257
اخوي حسني الهلالي

شاكر لك مرورك

صحيح مافيه اجنحه

لكن ياسر ردريقو ونواف والشلهوب والغامدي لو لاحظت انهم متقدمين كثير يعني لا بد يحفظ المناطق الخلفيه من المرتدات

لان عندهم لاعب افريقي سلقه فمايقدر يخلي الاجنحه تندفع لكن كان لهم مبادرات

وبخصوص الخبره هذا المطلوب اننا نعطي اللاعبين الجدد ثقه علشان يقدمون افضل ماعندهم مو من اول مباراه نغسل شراعهم والنقص موجود وهذي النقص مو نهاية الهلال . نقص مؤقت وبيزول ان شاء الله



واشكر لك مره ثانيه تفهمك وروحك الطيبه


اخوك
اضافة رد مع اقتباس
  #6  
قديم 04/01/2007, 02:29 AM
الصورة الرمزية الخاصة بـ Barca10
زعيــم مميــز
تاريخ التسجيل: 12/03/2005
مشاركات: 1,838
اتفق معك في كل شي اتحامل على نفسي واقول طبيعي عادي ....

الا ان نقول ان ردريقو لاعب كرة قدم هذي مستحيلة ....
اضافة رد مع اقتباس
  #7  
قديم 04/01/2007, 02:32 AM
زعيــم نشيــط
تاريخ التسجيل: 11/05/2005
المكان: .:الشرقية:.
مشاركات: 560
العفوو حبيبي

بس عندك لاعبين ما عندهم سبرنت كويس مثل نواف التمياط ما يتابع على الكوره اذا انقطعت منه الكوره ورودريقو اي لمسه طاح وفاول وخاصة اذا كان في هجمه مرتده الهجمه المرتده تموووت بسرعه وهذا اللي ذبح الهجمات المرتده عندنا
اضافة رد مع اقتباس
  #8  
قديم 04/01/2007, 02:54 AM
زعيــم مميــز
تاريخ التسجيل: 13/10/2005
المكان: قلب الزعيم
مشاركات: 1,944
كلامك عين العقل بس من يفهم
اضافة رد مع اقتباس
  #9  
قديم 04/01/2007, 03:20 AM
زعيــم فعــال
تاريخ التسجيل: 02/07/2005
مشاركات: 257
بنت الزعيم

حياك الله

وشكرا على المرور العطر
اضافة رد مع اقتباس
  #10  
قديم 04/01/2007, 03:33 AM
زعيــم فعــال
تاريخ التسجيل: 02/07/2005
مشاركات: 257
ابو الجوري

حياك الله وشاكر لك مرورك والتعقيب الرائع


تحياتي لك

اخوك
اضافة رد مع اقتباس
  #11  
قديم 04/01/2007, 03:43 AM
زعيــم نشيــط
تاريخ التسجيل: 02/11/2006
المكان: كوزمين :_
مشاركات: 591
الله عليك
جبتها في الصميم بس ياليت يسمعوننا الباقين <<< ما يقصد احد
اضافة رد مع اقتباس
  #12  
قديم 04/01/2007, 03:50 AM
زعيــم فعــال
تاريخ التسجيل: 23/05/2005
المكان: K.S.A
مشاركات: 333
السلام عليكم . . .

والله لو كنت جنبي لاعطيك بوسة فوق راسك تسلم يمينك اللي كتبت الموضوع لاني بصراحه ضد فكرة الغاء عقد المدرب في هالوقت وضد تغييره.

بس الجمهور لاتلومه يغار على الهلال ومتعود على الفوز دايم وباذن الله البطولة ماراح تخرج من الهلال ولا المركز الاول باذن الله .

القادم احلى

عبدالله بن سعد
اضافة رد مع اقتباس
  #13  
قديم 04/01/2007, 04:20 AM
زعيــم متألــق
تاريخ التسجيل: 07/04/2005
المكان: المدينة المنورة
مشاركات: 1,220
كلام سليم
اضافة رد مع اقتباس
  #14  
قديم 04/01/2007, 04:32 AM
الصورة الرمزية الخاصة بـ zizo 5
زعيــم متألــق
تاريخ التسجيل: 26/01/2006
المكان: jeddah
مشاركات: 1,073
بغض النظر عن المدرب و طريقة لعبه في مباراة الحزم .. أعتقد إن الـلاعبين لم يساعدوه و يقدموا مستوى جيد في المباراة و منهم التمياط و الشلهوب
..
اضافة رد مع اقتباس
  #15  
قديم 04/01/2007, 07:08 AM
الصورة الرمزية الخاصة بـ ▐ĞћмĐỗй▌
في انتظار تفعيل البريد من قبل العضو
تاريخ التسجيل: 03/05/2005
مشاركات: 3,657
يعطيك العاااااااافيه ومشكور عالموضوع
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:11 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2018, Jelsoft Enterprises Ltd

Google Plus   Facebook  twitter  youtube