بيسيرو هو الأفضل. . . وليس هناك أفضل منه للهلال !! (موضوع للمناقشة أدخلوا جميعكم) - نادي الهلال السعودي - شبكة الزعيم

t.r.k911 · #1 04/01/2007, 01:25 AM

السلام عليكم

كيف حالكم حبايبي جمهور الزعيم .. هارد لكم الخسارة .

المهم نخش في الموضوع مباشرة ..

اليوم شفنا بيسيرو في أسوأ حالة وأسوأ مباراة يقودها للهلال أكيد معظمكم يقولون نسقوه
ليش ؟..!!

ماهو بيسيرو هو اللي كنت تبغونه في الدور الاول ماتذكرون مباريات الهلال مع الاتفاق والاتحاد والقادسية والنصر والاهلي الشباب .. وماتذكرون كيف سار الهلال بخطى ثابته
وهو مازال الى الان متصدر الدوري .. لاتقولون بيسيرو ماعمل حاجه كيف !!

أجل يعجبكم يوردنيسكو اللي درب الاتحاد ونسقوه .. ولا بلاتشي اللي يدرب (....)<<فريق إماراتي الله واعلم وش اسمه ؟ . . !

يا أخوان بيسيرو سيعيد أيام باكيتا والمباريات والبطولات التي سيحققها مع الزعيم ستشهد على ذلك بإذن الواحد الصمد ..!!

ياحبايبي ياجمهور الزعيم أقتدوا باوروبا شوفوا كيف فيرغسون مدرب المان يونايتيد 10 سنوات بدون بطولات لكن فريق

المدرب غلط في مباراه ولا مباراتين مشوها له شوفوا كيف تصدرنا الهلال يمر بظروف صعبه شوي مثل : غياب المرشدي والتايب والخثران وعزيز ترا الدعوى مي سهله

ملاحظه : يبو سلطان تكفى توصي بيسيرو يهتم في اللعيبه الاحتياطيين تذكرون يوم الهلال بالبطولة العربية ياخذ المركز الثالث وبالاحتياطيين وغيرها مثل بطولة فيصل بن فهد .. المهم نتمنى الاهتمام بهذه الناحية وعدم اهمالها

يله يازعماء كل واحد رأيه وأتمنى تقرون الموضوع زين

هلالي راقي · #2 04/01/2007, 01:33 AM

بوسيرو مدرب عالمي هذي معك فيها...

بس تكتيكاته غريبة عجيبة !!

تذكر اول لمن كان مايدخل التايب الا اخر 15 دقيقة ؟؟

تذكر كيف كان يلعب بالمحاور ؟

تذكر لما كان يعقدنا بالهليل الله يذكره بالخير ..

مشكلة بيسيرو انه مايعرف الفرق السعودية .. الكبيرة والصغيرة يلعب بنفس التكتيك والخطة والمنهج ؟

برأيك هل يعقل ان تلعب امام الخليج بمحوران ؟؟

امام الحزم بمحوران ؟؟

هذا اكبر خطا .. هذي الاندية ضعيفة وصغيرة .. يجب اللعب معها بمحور واحد ومهاجمان ..

اما اندية قوية كالاتحاد والاهلي فيجب اللعب بمحوران ...

مايصير كل مباراة نسكت عليه ...

اذا كل مباراة بنسكت عليه ... فهالسنة انسوا البطولات

...

وحنا في أمس الحاجة للاسيوية ... باذن الله نحققها..

اتمنى الغاء عقد بيسيرو ويكون البديل مدرب وطني سعودي عربي

....

او مدرب يعرف الدوري السعودي...100%

لان الغاء عقده في هذا الوقت يفيد الفريق...

لان لو تأخر قليلا بينتهي الموسم ونلغيه قبل النهاية بشوي مايصلح

....

اتمنى اني ادليت بدلوي في هالموضوع ..

..

بالتوفيق..

العقل@ · #3 04/01/2007, 01:37 AM

^^^
والله انك صادق J@M@L >>كح كح

اقصد هلالي راقي اي والله صدقت مافيه امل ناخذ بطلوة مع الغبي اجل اليوم 3محاور

خير ان شاءالله؟

سعودي أصيل · #4 04/01/2007, 01:39 AM

إلغاء عقده سيريحنا

البعدالثالث · #5 04/01/2007, 01:41 AM

المشكله انه يلعب بنفس الخطه مع جميع الفرق

ولايعرف يغير

ومايعرف امكانيات فريقه

t.r.k911 · #6 04/01/2007, 01:48 AM

مشكوورين حبايبي على ادلاء اراءكم بس أصبروا على بيسيرو والله ان تندمون اذا خليتوه بس انتوا اقروا الموضوع زين مو تردون على عماها

عالعموم شاكر لكم مرة أخرى ردودكم