#1  
قديم 03/01/2007, 01:17 AM
زعيــم نشيــط
تاريخ التسجيل: 27/01/2005
المكان: في بيتنا وقدامنا هاللي يحفرون الله يصجهم
مشاركات: 551
الـرياض بـقدرة قـادر تـحولت إلى حـلب ..

كـل عـام وأنتم بخـير بمنـاسبة عيـد الاضحى المبـارك
واحسن الله عزاكـم بوفاة القائد العربي الـشجاع صـدام حسين


وشلون خرفانكم عسى ماصار فيهن طـلوع

حنا هالحين أيام عيد اللي قال فيهن رسول الله صلى الله عليه وسلم " أيام اكل وشرب وذكر لله "


والبرد اللي جانا ماخلا لنـا مكـان نروح له الا الأماكن المغلقه من بينـها الاسواق
وبعد مشـاورات ومناوشات وكلن يقول محل

أتفقنا على مركز صحارى منها نلعب البزران ومنها نتعشى بمجمع المطاعم

مشينا على بركة الله

ويوم دخلنا ولا وش نشــوف

تسـني داخله في سوق "بحلـــب" نتلفت يمين يسار ولا مافيه الا اشوام
ماتسمعون الا تئبروني ويعدمنياك وروح العـب ولييييييييييييييك

وفي الجانب الثاني "القاهره "
جايبين زمزميـات وحب وبزر وريحة الثوم تعج منهم

لا ومن زين الطبايع أطفالهم أنواع الحوسه وقلة الحيـا
السوق حاطين مهرجان الفراشات وشكل الفراشات طالع مررره يجنن

كمـا هو آتي





وصاروا عيال هالاشوام والمصاريا يركبون فوق الطاولات وهاات ياتمزيع بهالفراشات

شافوا 2 من قريباتي بنت صغيره مصريه مزعت لها فراشـه

قالوا لها بأدب عيب عليك لا تاخربين الفراشات ..
بسم الله مادرينا الا الأم ناطه عليـهم قالت


فيــــــــــــــــــــه إيـــــــــــــــه بتعلوا صوتكوا على بنتي ليــه أنتي وصيه على صحارى دنا حندهلوكوا الشرطه

قالت قريبتي اندهي للشرطه وباااس انتي وبنتس الغلطانين خربتوا المال العام << بيكبرونها هع هع

قالت المصريه انتي لابـسه نقاب بتعملي نفسك مهزبه "مهذبه" وأنتي اخلاقك في الواطي
قالت قريبتي أخلاقي في الواطي عشان قلت لبنتس تعقل وتخلي الفراشات في محلهن !!

جت سعوديه فزعت معنا

قـالت الا جعل بنتس الكسار اللي يكسر ايدياتها من زمان وانا محتره ابي اهاوشها بس ابي احد يشجعني

تخبرون المصريات upسايز هع هع هع

قلنا لها اخر شي ياغريب كــن أديب

قالت أنا حسكت وحكون احسن منكوو

قالت قريبتي جعله في بياضتس اللي أعمـانا << يقالها تسبها هع هع هع


المهم جلسنا نـدور طاولات وكراسي نبي نقعد ونتلين تعبنا من المشي

وكـل الطاولات مــتكوم عليها هالاجانب

يا اما ماسكين طاولات ومحجزينهم

ولا تلقون اربع اشخاص على ثلاث طاولات !!


أنا ماسكّـت على الوضع هذا وقلت لازم اخــذ مـوقف

رحت لم طاوله عليها سورييـن وجريت الطاوله حتى من غير لا أستـئذن لأني أولى اني اجلس فيها
بدال اهلهم هاللي يحترونهم مابعد جو


قالت لي السوريه لا شــو هااد ليه اخدتياا

قلت ابرقص انا وياها باليه !!!

يعني وشوله ماخذتها ؟؟ ابتلين ابجلس تورمت رجليني من المشي


قالت بس هيي محجوزي

قلت محجوزه لمن ؟
قالت لئرايبي

قلت وينهم قرايبتس ؟
قالت هلـئ يجوو


قلت هذا مهوب عـدل انتس تجمعين الطاولات وفيه ناس مالقوا لهم مكان جالسين فيه !!
بينما اللي ببيتهم ولا بعد جو مولم لهم مكان !!

أطلعـي من مخي بس
وأخذت الطاوله ومعها كرسيين بعد


وكنا حنا 13 مابين بنت واطفال " ماشاءالله "

يعني يبي لنا حول طاولتين علـى الأقل

شفت واحد سوري ثاني هو وحرمته ومعهم رضـيع

وجالسين على طـاولتيـن

هالمره استئذنت عاد

قــلت هالطاوله لأحد ؟

قالوا إيه

قلت كم عددكم؟؟ قالوا أربعه

قلت اربعه على طاولتين ؟؟

الطاوله الوحده تكفي حول 6 أشخـاص

وأجر معي الطـاوله بكل شمـوخ وإباء

وتم تجميع الكراسي بنفس الطريقه

لقينا مصري جالس على كـرسي ورجلينه معلقها على كـرسي ثاني
طبعاً حنا نظام اذا شفنا شي غير حضاري نغيره بيدينا

قامت وحده من قريباتي سحبت الكرسي وتدودلت رجليه خخخ

السوق كــان مالكم فيه مبـط إبره من الزحمه وكان ا غلبهم أجانب
قليل شفنا سعوديين

أنا ما أقول لا يطلعون ولا يوسعون صدورهم بس أنا كسعوديه وفي بلدي اولوية الترفيـه لي أنا هذا أولاً

ثـانيـاً تخريب المنظر العام للسوق
شفنا الفراشات قلعوها من محلها

فيه اشجار كسروها

الطاولات والكراسي احتلوها بغير وجـه حــق





الأجانب بالضبـط وش يبون ؟؟

من قلة السعودييـن يعني بالشوارع اذا التفتنا ولا مافيه الا اجـانب
في الأسواق اجانب بالملاهي أجانب بالمحلات العامه اجانب

ياليت وجودهم قليل او عادي صار وجودهم مـلفت


هـذولا لو مهوب في بـلدنا مهوب الأولى بوظـائفهم العـاطل من أبنائنـا ؟؟

يعني أكيد جايين هنا عشان العمل ماجوا عشان غبرة الرياض<<ياا مـلح الرياض وهـ بس


تبــون الريـاض تخف زحمتها انخلوا هالاجانب وكل واحد يروح لديرته وتشوفون وشلون اللي بالسويدي
يسمعه اللي بالريان من الفراغ


عــاد باتسر ان الله أحيـانا ودفا الجو شوي نبي نكشت في البر ان سمحوا لنـا الأجانب
اضافة رد مع اقتباس
  #2  
قديم 03/01/2007, 01:47 AM
زعيــم مميــز
تاريخ التسجيل: 29/10/2005
المكان: زمن اغبر
مشاركات: 2,790
هلا وغلا

والله موضوعك طلع قطره من بحر من الي بقلبي

صحارى قولي كبير يشيل شوي من هالعالم , بس لو صارت الفيصليه الي هي ضيقه خلقه

وفيها نفس هالموقف الي قلتيه !!

مدري ليه انا يالسعوديين لو ولدنا رفع صوته شوي والا ماجلس زين وهو ياكل قمنا نصارخ علشان مانخرب شي
وهالاجانب يطامرون ويخربون بدون اي مبالاه.

والا لازم تدخل العائله كلها المحل من اب وام واطفال وعربيه (وتسد العربيه الباب وتجلسين ساعه لو سمحتي .. ومحد يرد عليك)

وش نقول وش نخلي ,, الرياض كلها مافيها وسيلىة ترفيه الاالسوق ومضايقينا فيه.

يعطيك الف عافيه بردتي قلبي .
اضافة رد مع اقتباس
  #3  
قديم 03/01/2007, 01:53 AM
زعيــم متألــق
تاريخ التسجيل: 06/08/2002
المكان: طنط الدنيا "الرياض"
مشاركات: 1,195
بعدي والله ماينفع والله مع هالاجانب الا كذا

ماعاد الا هي البيت بيت ابونا والقوم حاربونا

خذي مثلا انا امس قاعد انا وخويي نطقطق على لاب توباتنا في كافي عند ملاهي الخيمه

والا واقز لكم " طارق التايب" عاد حنا يالسعوديين "حياويين" اذا شفنا واحد مشهور نسوي كننا مانعرفه ونطير سحاب

المهم والا اثنين من هالاشوام الا يتميلحون ويغثون طارق التايب "بدنا نتتصور معك"

عاد اقول لخويي نجيب اللاعب والاجناب يصورون معهم


إقتباس
تبــون الريـاض تخف زحمتها انخلوا هالاجانب وكل واحد يروح لديرته وتشوفون وشلون اللي بالسويدي يسمعه اللي بالريان من الفراغ

اجل ساكنه بالسويدي سيتي

اخر تعديل كان بواسطة » عبدالعزيز الأول في يوم » 03/01/2007 عند الساعة » 02:55 AM
اضافة رد مع اقتباس
  #4  
قديم 03/01/2007, 02:07 AM
الصورة الرمزية الخاصة بـ عسيريه
مُصممه محترفه
عضو استشاري سابق للمجلس العام
تاريخ التسجيل: 21/11/2005
المكان: في رجا اللي عيونه ماتنام
مشاركات: 2,402
ايه والله انك صادقه الرياض كلها أجانب

أجل تقولين صحارى فيه مصاريه وسواريه أزيدك من الشعر بيت روحي غرناطه تلقين نص اللي
بالسوق من الصين ولاّ من اليابان

بس صراحه تعجبيني انتي وقريباتك اجل تسحبين الكرسي من المصري ايه هذولا السعوديات ولا بلاش


ثانكس ...<--مالي خلق اكتب اسمك تويل مررررره
.
.
.
عسيريه مصرقعه
اضافة رد مع اقتباس
  #5  
قديم 03/01/2007, 02:25 AM
زعيــم فعــال
تاريخ التسجيل: 12/04/2006
مشاركات: 225
هلا فيتس أختي

انتي صادقه بكل اللي قلتيه الرياض كأن فيها غزو من هالأجانب وهالشي يزيد بشكل مو طبيعي

والله انتس تعجبيني اللي مايجي معك بالذوق لا تصير ذوق معه مابقى الا هالصعيديات يتكلمون عليكم

مالقاها لاالا هم يدرسونا دروس خصوصيه وكونوا ثروة مننا

بس الفراشة شكلها حلو ماتعودت على هالاشكال متعوده على فرخة

صاحبة المجد الهلالي شكرا لك ولقريباتك في مكافحة الاجانب
اضافة رد مع اقتباس
  #6  
قديم 03/01/2007, 03:37 AM
زعيــم مميــز
تاريخ التسجيل: 18/03/2005
المكان: سّــــــــــــــــــــواح
مشاركات: 2,772


أنتم دخلوني بس وأنا اتفاهم مع هالأشكال << اشوا لو انه وطوط المواقف حشوا الهيئه رجوله ,,


عموما حنا اللي سمحنا لهم يتجرؤون ونستاهل!!
اضافة رد مع اقتباس
  #7  
قديم 03/01/2007, 03:42 AM
زعيــم فعــال
تاريخ التسجيل: 18/07/2006
المكان: الريــــــــــــــــــاض
مشاركات: 451
يووووووووووووووه احس انك حااااااقده

تصدقين احس انهم كثيرين ......بس عادي تعودت

بكيفك بسلامتهم


بس انا ينرفزوني بالمدرسه حشى اجل الفصل اكثر من نصه اجانب
وجع صرت اشك بنفسي


عاد بصراحه دخلتي في بالي فكره اننا نطردهم << ننفع نصيرحكام مشاء الله علينا


يالله يالله ما اطول عليك <<<<<<< ثم قولو اسلوووب ماسنجر وش علي منكم هذا اسلوبي ....
اضافة رد مع اقتباس
  #8  
قديم 03/01/2007, 03:57 AM
زعيــم مميــز
تاريخ التسجيل: 02/12/2002
مشاركات: 3,762
سلااااااااااااااام,,,

كل عام وأنتي بخير يا أمر,,


شوفي خيتو,,


بسراحه أنا أتفق معك أن فيه بعض الأجانب مزودينها شوي(ديرتي كلا حلاها عداها),,


وياما سمعنا كلام وشفنا مواقف تشيب الرأس,,


بس مو كلهم,,فيه منهم ناس قمة في الذوق والاحترام,,


وبعدين حتى لو كانت أخلاقهم مش ولابد,, هذا شي راجع لهم,,


لكن احنا ما نغير أخلاقنا وننزل لمستواهم,,!!


المفروض نفرض احترامنا عليهم,,;)


وجعل اللي حدهم يتغربون ويتركون أهلهم وديارهم ما يحدنا,,


وعلى فكره,,


فيه سعوديين ألعن منهم مليون مره,, بس ألقي نظره على مدينة الملك فهد الطيبه,,!!


وووووووووووبس,,,


يسلمووووووو صاحبة المجد أسلم شي,,!!
اضافة رد مع اقتباس
  #9  
قديم 03/01/2007, 04:58 AM
شمعة المجلس العام
تاريخ التسجيل: 07/02/2005
المكان: ريــ العز ــاض
مشاركات: 2,687
Thumbs up

هلاااااا والله بصاحبة المجد ..

إقتباس
قالت المصريه انتي لابـسه نقاب بتعملي نفسك مهزبه "مهذبه" وأنتي اخلاقك في الواطي



مابقى الا هي البيت بيت ابونا وجو القووم وطردوونا .. وجهها وسيع على الاقل المفروض تقول جزاتس الله خير مهوب تنفخ فعلا اذا لم تستح فاصنع ماشئت وتعجبيني انكم ماسكتوووو هذي بلدنا لازم نحافظ عليها

اجل تقولين حلب وحمص .... اجل الزلمات منتشرين وشوو هاااظ في اسوواقنا ؟؟؟
يختي حومووتسبدي ... ان رحتي لشاليهات لقيتيهم وان رحتي لمطاعم
لقيتييهم اكوااام وان رحتي لسوووق لقيتي العايله الكريمه منتشرين
الى الجد والجده جايبينهم وعربيات بزارينهم تصقيع في ذا العالم
ااااااه الى متى ودي احس اني بالسعوديه


يختي ماشاء الله عليهم يحللوون كل شئ تحليل
ذيك اليوم شايفتن مصررريه تهوش ولدها بقت تذكره شووويه وتذبحه
عشانه ماحللها اعنبووهم انحن تذاكر ترجع معنا ....


صاحبة المجد وش هالزين موضوووعتس فله ويهبل يختي نبيتس تطلين علينا دايم
بها المواضيع الحلووووه .. ميغسي ..
اضافة رد مع اقتباس
  #10  
قديم 03/01/2007, 05:22 AM
عضو استشاري سابق للمجلس العام
تاريخ التسجيل: 28/01/2005
المكان: الريـــــاض
مشاركات: 6,514
هلا وغلا بالغالية ...

كل سنة وانتي بصحة وعافية يارب ..

واحسن الله عزانا جميعاً بصدام ...

ــــــــــــــــــــــــــــــــ

الأجانب .. احنا ماننكر .. ان فيهم رائعين ويمكن فيه اجانب افضل من ابناء البلد .. في بعض الأعمال..

لكن فعلا الشيء اللي يضايق .. هو كثرتهم واحيانا قلة الذووق منهم ..

ــــــــــــــــــــــــــــــ

الله يعطيك ألف عافية صاحبة المجد الهلالي ...وملاحظتك الجميع لاحظها ..لا تحرمينا من ملاحظاتك..
اضافة رد مع اقتباس
  #11  
قديم 03/01/2007, 05:42 AM
الصورة الرمزية الخاصة بـ ريفيلينو
زعيــم متألــق
تاريخ التسجيل: 17/12/2000
المكان: http://ez.site90.com/
مشاركات: 1,315
سلاااااااااااااااااااام


موضوع مسككككككككت بفكرته وطريقة كتابته

منتيب سهله يالعصلا

اجل سحبتي الكرسي وتدودلن رجلينه

خخخخخخخخخخخخخ




اقول ....... الله لايهينس

بكره احجزي لي محل في البر ....... حطوا فيه زمزمية شاهي او كرتون فاضي

ناوي اطلع للبر انا وعيالي وخايف ما القى مكان


تشكراااااااااااااات


وسلاااااااااااااااااااااااام
اضافة رد مع اقتباس
  #12  
قديم 03/01/2007, 06:21 AM
الصورة الرمزية الخاصة بـ hilalemooot
مشرف منتدى الرياضة العربية والعالمية
تاريخ التسجيل: 07/09/2003
المكان: جــــ الجــوفـ ــــوفـ
مشاركات: 20,215
وأنا أقول ورى السوارية و المصريين والزلام يكرهونا لا جينا ديارهم

أثاريه من عمايلكم بهم
اضافة رد مع اقتباس
  #13  
قديم 03/01/2007, 06:22 AM
زعيــم مميــز
تاريخ التسجيل: 02/09/2005
المكان: الرياض
مشاركات: 3,545
هلا والله باختي صاحبة المجد

عظم الله اجرنا جميعا بموت صدام بهذه الطريقة ( البشعة ) والمهينة لنا جميعا



شوفي الاجانب مثلهم مثل غيرهم فيهم الصاحي وفيهم الطاحي

لكن بالفعل اللي يتمادى منهم يوصل مواصيل حنا يالسعوديين مانوصل لها

لان مافي نظام يردعهم اصلا

وبعد حنا يالسعوديين نتحمل جانب من الموضوع

يعني حنا بعد قليل نلتزم بالنظام فطبيعي هم راح يقلدونا بشكل او باخر

وبكل الاحوال من امن العقوبة اساء الادب





إقتباس
قلنا لها اخر شي ياغريب كــن أديب

قالت أنا حسكت وحكون احسن منكوو

قالت قريبتي جعله في بياضتس اللي أعمـانا << يقالها تسبها هع هع هع


سديراويات ماينخاف عليكم :p


إقتباس
وكنا حنا 13 مابين بنت واطفال " ماشاءالله


عسى كلهم هلاليين بس

تصلحون فريق كورة ماشاء الله 11 واثنين احتياط

هين انتي مكانك مكان سامي معروف

بس حطوا نواف اساسي لايزعلون بعض الناس ;)


إقتباس
تبــون الريـاض تخف زحمتها انخلوا هالاجانب وكل واحد يروح لديرته وتشوفون وشلون اللي بالسويدي
يسمعه اللي بالريان من الفراغ


هههههههههههههههه اخاف بعدين من زعاقكم تقولون وين الاجانب رجعوهم


إقتباس
عــاد باتسر ان الله أحيـانا ودفا الجو شوي نبي نكشت في البر ان سمحوا لنـا الأجانب

عاد ماابي احطمتس لكن ماظنتي انه دفا


الف شكر صاحبة المجد على الموضوع الحلو

ولا تبطين عنا بمواضيعك
اضافة رد مع اقتباس
  #14  
قديم 03/01/2007, 06:47 AM
الصورة الرمزية الخاصة بـ هامور البورصه
عضو سابق في اللجنه الإعلامية
تاريخ التسجيل: 13/08/2005
المكان: الرياض
مشاركات: 7,426
انا اول ماقرية العنواان قلت والله المباالغه يعني للدرجه هذي الريااض صاار باارد مثل حلب

بس لما قرية موضوعك قسم بالله ضحكة ضحك بعدين انتم ماشاءالله ثلاث طعش مووب عاائلة مركز صيفي <<< شكله بينطق

والمصريه فتنت عليكم جتها ام العبيد ههههههههههههههههههااي بغت تطقكم بس الله رحمكم لو متفلته عليكم رحتو في دهيه

على العموم اهم شي انكم لقيتوولكم مكاان تتلينون فيه على قولتك وتاكلوون فيه قصدي تزرطوون وهذا الاهم

والمصري الي ممدد رجووله على الكرسي قسم بالله مايستحي مصري ماعليه شرهه النااس في مكاان عاام المفرووض تكشخ وتزكرت وتسووي نفسك اوتكيت وهذا مرفع رجووله

الله يعطييك العاافيه على الموضوع ولا عدمنااك وشكراً لكٍ
اضافة رد مع اقتباس
  #15  
قديم 03/01/2007, 08:55 AM
الصورة الرمزية الخاصة بـ عـز الهلال
زعيــم مميــز
تاريخ التسجيل: 06/04/2005
مشاركات: 3,352
انـا مصري ومابسمحش لـ حد يأأول حاقه وحشه عننـا احنـا اهل الأهرام
والفراعنه والأصول ياست ياغلبانه ...


خخخخخخ امزح ترا

والله صدق فيه بعض الأجانب .. يجيبون المراره .. يخربون ويحوسون
في ديرتنـا كأنهم في بيوتهم .. وترا حنـا بعد بعض الأحيان نقل ادبنـا عليهم
والله يسامحنـا ويسامحم
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 07:09 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2020, Jelsoft Enterprises Ltd

Google Plus   Facebook  twitter  youtube