كان التاجر "محمد بن خالد" جالس في حديقة قصره وهو قلقان حتى
دخلت سيارة السواق إدريس فارتاح نفسيا نزلت بنته نورة وجت إلى أبوها
وقربت منه وحبت راسه وقالت:يبه ليه ما نمت للحين!!
قالها:يابنيتي مقدر أنام لين تكونين في البيت ياقرة عيني.
قالت: بس أنا ماتأخرت الساعة12 بالليل وتونا بدري وأنا الحين بنت
كبيرة…لاتخاف علي.
قالها: بس انتي تعرفين إني أخاف عليك ومقدر أنام الى وانتي عندي في البيت.
قالت بتأثر: لهدرجة تحبني ..يبى أنا ماكنت عند ناس أغراب كنت عند خالتي.
قالها:يانورة انتي عارفة انك دنيتي يابنيتي وما أطمئن الى وانتي جنبي.
..قامت نورة وحبت راس ابوها وقالت: راح أوعدك اني مااتأخر عليك مرة ثانية.
قالها: يالله روحي بدلي ملابسك ونامي..انتي عارفة ان ورانا سفر بكرة الصبح.

..راحت نورة لغرفتها ونادة الخادمة ..أول مادخلت الخادمة الغرفة قالت نعم!
جت نورة بتتكلم ومسكت راسها وصرخة صرخة مدوية وطاحت على الأرض
مغمى عليها..نادت الخادمة أبو نورة الي نقلها للمستشفى مباشرة، جلس ينتظر
برى غرفة الفحص بعد خمس ساعات طلع مجموعة من الدكاترة وعلى راسهم الدكتور سالم صديق عمر ابو نورة الي جاء ل أبو نورة وقاله ووجهه فيه هموم الدنيا كلها..الحقني على مكتبي..ابو نورة خاف وأول مادخل للمكتب سئله والخوف والجزع باين على وجهه ..ها بشر يا سالم.
سكت الدكتور لحظات ونزل راسه للأرض فكيف يفاتحه بالموضوع وهو يعرف
مدى تعلق صديقه بابنته الوحيدة ..فضلا على أن الدكتور يعتبر نورة بمثابة بنته
فهو يعرفها من ولادتها ،يوم توفيت أمها وكانت دايم تناديه باسم عمي سالم..
ها يادكتور قطع بهذه الجملة ابو نورة صمت الدكتور سالم الي قال:يابو نورة بنتك وبنتي نورة اكتشفنا بوجود ورم كبير من نوع خاص في راسها..وسكت الدكتور سالم لحظات يداري دمعه تبي تطلع ثم واصل وحسب دراستنا للحالة وتقديرنا لها تبين لنا أنها لم يبقى لها بهذي الدنيا طبيا الا 14 شهر..قاطعه ابو نورة وقد تحول شكله وكأنه ازداد أربعين سنة ومافي علاج لها؟
قاله الدكتور سالم: لو في علاج كان سويته بس للأسف مافي علاج
قال ابو نورة :أجل باخذها برى تعالج
قاله الدكتور:الحين يقوم الدكتور العالمي وأفضل طبيب في مثل هذه الحالات
الدكتور جورج واطسون بزيارة للرياض وبامكاني اني اجيبه لك،
قاله أبو نورة:أكون شاكر لك.
ومن بكرة الصبح كان الطبيب العالمي يكشف على نورة وبعد مجموعه من الفحوصات والتحاليل ابدى أسفه وايد كلام الدكتور سالم..وأسقط في يد أبو نورة….قاله سالم في علاج وهو عبارة عن مسكن للمرض لاأكثر وأتمنى منك يابو نورة أن تجعلها تعيش باقي أيامها بسعادة في الايام الباقيه لها من عمرها.



..رجعت نورة لبيتها ولاحظت ان ابوها من رجعتهم الى البيت وهو ساكت
وواجم والدنيا قافله بوجهه..سئلته وقالت: بابا وش فيك ساكت وضايق
صدرك..وش فيني أنا!!!

قال: مافيك شيء .
قالت: كل هالسكوت ومافيني شيء!!
ناظر بنته بحنان الدنيا كله وقالها يابنيتي أنتي تعرفين ان أي شيء يجيك
يضيق صدري.
راح كل واحد فيهم لغرفته ..ابو نورة جلس طول الليل يفكر ببنته . في آخر الليل دخل على بنته وهي نايمة يبي يتطمن عليها لقاها تقول وهي نايمة
"ريان-ريان-ريان ..حبيبي ريان وينك..حبيبي ارجع لي" عض ابو نورة على شفته من القهر وطلع..دخل غرفته وهو يتذكر ريان الشخص الوحيد الي حبته بنته لأبعد الحدود..كان ريان شاب وسيم جدا..لاينسى هو أبدا أول لقاء كان بين ريان ونورة ..وكان هالكلام خلال زيارة قصيرة قضاها ابو نورة وبنته
لسوريا ..التقا ريان مع بنته في الفندق ..انشدة نورة له من أول لقاء ،كان أبوها لايمانع بمثل هذه الصداقات فهو عاش ودرس في الخارج وصار عنده تحرر
كبير خرج عن نطاق الدين والعادات الاجتماعية…تكررت لقائات نورة وريان في سوريا ،وبعد مارجعت نورة للرياض ..استمرت العلاقه بينهم، نورة تعلقت بريان بشكل كبير واحبته ،وريان مثل معها دور المحب"والا هو حاط عينه
على اموال ابوها الفاحشة".
بعد فترة تقدم ريان يخطب نورة ورفض ابو نورة في البداية ولكن مع اصرار نورة وافق..كان ابو نورة يعرف الشباب من طراز ريان معرفى تامة..لذلك سعى ابو نورةان يفشل هذا الزواج واستطاع..ولكنه اكتشف ان هذا كله ماخلى نورة تتنازل عن حبها لريان..لذلك عزم على قرار بينفذه وغمض عيونه ونام.
..من بكرة الصبح أرسل أحد موظفيه لبيت ريان..شان يعلمه ان ابو نورة يبيه.
في الساعه ثنتين الظهر جاء السكرتير لابو نورة وقاله:ريان برى.
قاله خله يدخل.
أحس ابو نورة بتوتر وهو ينتظر ريان ..دخل ريان على ابو نورة بقامته الطويلة
ووسامته المعهودة وحيويته وشبابه المتفجر..سلم ريان على ابو نورة وجلس على الكرسي الي قدام المكتب حق ابو نورة وناظر ابو نورة بتحدي وقال: نعم ،قالوا لي انك تبيني!!
قاله ابو نورة وبلهجة جافة:أنت للحين بوظيفتك أم 2500ريال!!
قاله ريان:أنت جايبني هنا شان تتشمت فيني!! انا صحيح اني ماني مثلك راعي مليارات وراتبي قليل لكنه الحمد لله كافيني والحمد لله اموري ماشيه تمام
وبتزوج قريب"قالها بلهجة خاصة"
قاطعه ابو نورةبقوله :هههههههههههههه لاتكون تقصد سعاد؟
قاله ريان :ايه، ضحك ابو نورة بقوة وقاله :انسى سعاد تراها طارت منك
بتتزوج من غيرك بعد ماتعبت من تأجيلك للزواج أكثر من مرة.
قاله ريان:كـــذاب سعاد ماتسوي كذا.
رد عليه وقال :بتعرف اليوم .
سكت ريان شوي وقال :طيب وش تبي طالبني!!،،قاله ابو نورة :نورة مريضه
وماباقي لها من العمر الا القليل وشرح له الحاله..قالها ريان بحزن:الله يشفيها ونورة بنتك شابه والدنيا قدامها ..من يصدق مابقى لها الا 14 شهر!!
قاطعه ابو نورة وقاله :ابيك تتزوجها.
انصدم ريان وقال :ايييييش أتزوجها؟؟أنا عندي خطيبتي سعاد بتزوجها.
رد عليه ابو نورة: سعاد طارت منك ،وبالظروف العادية لايمكن اني أطلب او أقبل بمثل هذا الزواج ولكن الظروف..آه منها.
قال ريان:انسى اني أقبل مثل هالصفقه ..قاله ابو نورة:فكر وتعالي بعد ماتفكر.

..طلع ريان ومو مصدق أن سعاد طارت منه،راح لم بيت سعاد الي استقبله ابوها وقاله:ياوليدي الدنيا قدامك وسعاد تقدم لها شخص ووافقنا عليه وياوليدي الدنيا قدامك وان شاء الله تلقى لك وحدة أحسن من سعاد.
طلع ريان وكان هالحدث بمثابة الطعنة له..سعاد هي البنت الوحيدة الي حبها
طارت منه شان الفلوس..وبعد طول تفكير قرر انه يتزوج نورة وهي ستعوضه
عن الشيء الي طول العمر محروم منه " الفلوس"
من بكرى الصبح راح ريان لابو نورة وقاله:ماعندي مانع أتزوج نورة.
قاله ابو نورة :اجلس شان أعلمك وش لك ووش عليك.
أولا الي لك:بتسكن معي في القصر،وبحط مبلغ كبير لك في البنك،وبكتب باسمك مشروع صغير "لازم زوج بنتي يكون قدام الناس غني،وبرتب لك راتب ثابت شهريا" وبيكون لكم زواج وعرس كبير.


والي عليك:انك تسعدها في الباقي من عمرها وتخلص لها لين آخر لحظة بحياتها.
وافق ريان على الشروط فهو وان كان ماحب نورة ..الا ان نورة ملكة جمال وحبوبة وتحبه كثير ..وأيضا المميزات المالية مغرية .
كان الطرفين ينظرون للأمور على أساس انها صفقة تجارية ،ابو نورة وان كان قلبه يتقطع على هالي صاير ولكنه يشوف ان هذا أفضل طريقة لاسعاد نورة.
اشترط ابو نورة على ريان أن لايخبر نورة بهذا اللقاء وطلب منه ان يجيه المغرب
يخطب نورة .
..أول مارجع ابو نورة للبيت نادى نورة وقالها عندي لك مفاجئة حلوه.
قالت ببرود:وشي!!…قالها توقعي من جاني في المكتب اليوم!!
قالت:مين! قالها:ريان،،،أحتاست نورة وارتبكت وقلبها قام يدق بسرعه ويدينها قامت ترجف وقالت بصوت يرجف:هاه وش يبي!!


قالها ابوها:أبد جاء يخطبك مره ثانية الرجال مصر يبيك..وقلت له ماعندي مانع بشاور نورة،،،،طارت عيون نورة مستغربة شلون أبوها يوافق على ريان بهالسهولة،قاطعها أبوها قالها موافقه والا أتصل على ريان أقوله لا "قالها وهو عارف جوابها".
سكتت نورة ماهي قادرة تتكلم من الفرحة والمفاجئة قاطعها أبوها وهو يرفع سماعة التلفون بقوله:شكلك منتي موافقه خليني أتصل عليه،نطت ومسكت يد أبوها وهو يضحك ومبسوط شانها فرحانة.
جاء ريان المغرب وكتبوا الكتاب وخلال أسبوع بس تزوجوا وسافرت نورة وهو لشهر العسل وبعد مارجعت كانت تعيش احلى أيامها وكان "ريان" بحق
ممثل بارع وخطير فقد مثل معها دور الزوج العاشق بشكل رائع.



..كان ريان دايم اذا كان هو وابو نورة لحالهم يتعاملون مع بعض بطريقة جافة جدا وخشنة ومن يوم تجي نورة تتغير هذه الطريقة الا الود والحب بينهم.
في يوم من الأيام وريان ونورة جالسين في الحديقة وساكتين..قال ريان:
نورة وش تفكرين فيه!!…….قالت:أفكر فيك وأحمد الله أنه رزقني فيك
ومدري حياتي كيف بتكون بدونك،أحس ريان بتأنيب للضمير بعد سماعه هالكلام.
في يوم وريان يمشي بالسيارة رن جواله رد وجائه صوت نسائي!طلعت سعاد وقالت :أهلين ريوني..قالها:نعم خير!!…قالت:كيفك حبيبي!
توتر ريان كثير فهو أحب سعاد كثير ولكنه تماسك وقالها:وش تبين!!
قالت:تراني أحتريك تطلق زوجتك وتجيني تتزوجني!!!!!!!!!!!
طارت عيون ريان من وقاحة سعاد وصرخ فيها:أصلك ماتستحين على وجهك
أنا الحمد لله عايش حياتي بسعادة ,احب زوجتي..وقفل الخط بوجهها ،ريان
ماسوى هالشيء خوف من أبو نورة بل كان انتقام لكرامته الي أهدرتها سعاد
وحفظتها نورة.



رجع ريان للبيت واستقبلته نورة بفرح حقيقي كعادتها والحب باين من عيونها
وحس بالفرق بين سعاد ونورة،وفي نفس اليوم بالليل كان ريان ونورة في الحديقة
يتسامرون وفجأة صرخت نورة وطاحت مغشي عليها ،نقلها ريان للمستشفى
وصل لها ودخلوها لغرفة الطوارىء.
كان ريان برى ينتظر النتيجة ..وصل أبو نورة للمستشفى وهو يناظر ريان نظرة فيها جزع الدنيا كله ،تجاهله ريان وهو يمشي في الممر كأسد جريح بعد مدة طويلة جدا خرج الدكتور سالم وفريقه ووجهه مسود وتجمع عليه ريان وابو نورة..دنق الدكتور سالم راسه وبعدها ناظرهم والدمع في عينه وزال عنه القناع
الذي يضعه الأطباء على وجيههم وظهر سالم الانسان في هذه اللحظة وقالهم
والصوت يتحشرج "للأسف المهله المتوقعه من قبل تقلصت والحين نورة وصلت
لمرحلة حرجة جدا يعني مو باقي من عمرها طبيا الا أقل من شهر والأعمار بيد الله" ناظر ابو نورة ريان نظره فيها كره العالم كله وقاله يالله أفرح بتفتك من نورة،ناظره ريان وقاله برجع كل شيء لك بس أهم شيء تعيش حبيبتي .
..دخل ريان على نورة لقى عشرات الأسلاك متوصلة بجسمها وقرب منها
وجلس يلمس وجهها وشعرها والدموع مغرقة عينه ووجهه..فتحت نورة عينها
وناظرت ريان بتعب الدنيا كله ومع ذلك ابتسمت وقالت"أسف حبيبي تعبتك معي" ضمها ريان لصدره وقالها:نورة أحبك..نورة هالمره أقولها لك أحبك من أعماق قلبي،نورة أرجوك عيشي أبقي على شاني نورة أحبك.
قالت:أخيرا ياريان أخيرا قلتها من قلبك الحين اموت مرتاحة ، ريان حبيبي أكيد بتلقى غيري كثير أحسن مني …أسف حبيبي تعبتك معي.



قالها: مأبي الا أنتي ،وقطع كلامه دخول الدكتور سالم الي ناظرها بحزن وقال في أمل بسيط وهو عملية جراحية لاستئصال الورم ولكن أحتمالية نجاحها أقل من 1% دخل أبو نورة وكان سمع نهاية الكلام وقال :لا اذا بتموت خلها تموت طبيعية بيننا مو في غرفة العمليات.
..تكلمت نورة بصوت واهن وقالت: أنا موافقه أنتظار الموت يعذب يا ياخذني
أو أطيب الانتظار يعذبني أكثر .
رفع ريان وجهه وقال:أنا موافق..قال الدكتور أنت تكفي بس نبيك توقع على الأوراق اللازمة وراح نخليها هنا يومين نسوي لها الفحوصات اللازمة قبل العملية.
..وفي يوم العملية كان ريان وابو نورة من الصباح عند باب غرفه العمليات
يبكون ويدعون الله ان يقوم نورة بالسلامة والجميع متوتر
وبعد عشر ساعات كانت عليهم كعشر قرون طلع لهم الدكتور سالم وفريقه الطبي…كان الدكتور مدنق راسه..قالوا ها يادكتور بشر!!!
رفع راسه لهم ووجهه يسبح من الدموع فنورة يعتبرها بنته وقالهم وصوته
يتحشرج العملية وسكت شوي ودنق راسه ثم رفعه مره ثانية وقال :العملية نجحت ونورة الحين بخير ونعمة ..وفي مشهد لم تشهده المستشفى من قبل احتضن ريان عمه أبو نورة والدكتور سالم وكان حقا مشهدا لن ينسى..


وفي حديقة القصر كان هناك طفل صغير ،ضمته أمه الى صدرها ونظرت لأبوه
بحنان وحب شديد وقالت : لولا الله ثم حبك وشجاعتك ياريان ماشاف
ولدنا النور..

|:©؛°¨¨°؛© مع تحياتي/أخوكم الكاسر888©؛°¨¨°؛©:|