يــاهلا وغلا بكــــــم كل ابـــوكم ...

كيفكـــم ..؟؟ وشلون بركــم اللي جيتوا منه ..؟؟


كنــت ابي اروح معكــم لكن والله تعبــانه بالحيــل من عيــد الفطــر الى يومكم ذا
وانا بــس اكــح والحرارة وما ادراكـ مالحرارة تصك الاربعــين واحيانا تزود ...
ذبحنــي البرد جدتي كل ماشافتني ماتقول وشلونك ؟؟؟ تقول الحمد لله ع السلامه ..


صقعــوني ابــر ياااااااااااويلي بس بغيت اروح فيهــــا >>> بسم الله على قلبــــي ..


امــس الدختور يقولي عوزه حئنة والا دواء ؟؟
قلت ..تكفى ابي دواء قال ليش ..
قلت كذا ما احب اخذ ابــر
قال .. الابرة وحشــه ..
قلت ..ايه
قال ..ليش .علشان اذا جاني مريض عاوز ياخذ ابرة اقول لا الابرة وحشة ..
قلت وانا معصبـــة .. انا حرة بكيفـــي ..
والله وهو يسكـــت ..
>>> مايدري اني من كثر ما اخذ ابر صاروا يبطوني الابر فوووق بعض
وتعورني طلعووو روحي ..


مافــي مناعــه انا مــدري شلون هالناس مايمرضون مثــلي ..( ماشاء الله )
والله البــس لبس مو طبيعــي اربع كنزات وجكيت للركبـــة ..
وقفزات ولفــة وطواقي هذا بالمدرسة طبعا وبالبيت عن الدفايات
وعند النار بالمشــب ..

اقول انا نفســـي مرة انظف من ريحة الحطب والدخان ..





المهم نرجع لمحور حــديثنــا .. ( بجيبلكم طاري ماتحبووونه )
انا واعوذ بالله من كلمة انا بمدرسة اهلية>>>>>> عرفنا انك باهلية اخلصي
( دقيقه خلوني اتكلم مثل بنات الشيوخ )

خبرك دوام الثانوي لوحدة ونص او ثنتين المهم احنــا دوامنـــا لوحدة ونـــــص ظهرا..
عاد انا اصلا احب اكنسل السكول وانووووووووووووم ..
فمابالك بالبرد بس غصبا علي لازم اداوم ذلونا وزارة التربية والتعليم بالاختبارات الاسبوعية
المشكلة ان درجاتنا بين ايادي لاترحـــم ..

المهم المدرسة الاهلية تعطي انقليزي وفرنسي وحااسب ورياضة طبعا حصص اضافية
ودايم تكون هالمواد بحصتين اخر الدوووام ...

عاد بالله عليكم تبون مهوووسة تحظر هالحصص انا اصلا يالله احترمهم واحظر الاساسي

ووووووومن اول الترم الى يوم الاحد اللي راح لان الاثنين كنسلتواااا ... وانا اداوم الى 11,40


اقولك شلون ..؟؟؟

المدرسة ثانوي ومتوسط وابتداي ( بنات واولاد) وروضه ( بنات واولاد )
وكلنـــــــا نطلــع من بــــــاب واحد ...

وانا اخواني كلهم معي بالمدرســة طفشت منهم بحلقي حتى بالمدرسة ..
وعندي واحد بالروضه ويطلع 11,40يجي السواق ياخذه
واقول لا تطلع الا اذا طلعت معك

والله ماحد يدررررررررررررري طززززززززززززززز بهم كلهم اطلع ولا اسال باحد
ولاحتى استاذن ...وماحد فاقدني من مدرسات الاضافي لانهم مايعرفون شكلي
اصلا لو شافوني بالفصل يطلعوني برا يحسبوني ماني منهم ...

عاد اطلع اتقهوا واناااااااااااام ووووووووووووووووناسة ..
بس مساكين اخواني اللي معي بنفس المدرسة بابتدائي يجلسون للساعه 2 الظهر ..
ومرة رحمتهم اخذتهـــــــــم كلهم معي
وتجي اختي اللي بالابتدائي خايفه وتجلس بالمريول الى
ماجت امي من المدرسة ..

قالتلها امي ليش بالمريول وغريبه اليوم طالعه بدري ..
قالت اختي ... اصلا انا انحشت مع مهوووسة >>> حرمة تقول اسمها الحقيقي بعد ماعرفها ولد خالها
قالت امي ووووووووووووووووش ياويلك والله لاعلم المديرة عليك ..

وانا اموووووووووووووووووووت من الضحك ياحرام ضميرها يانبها توها ماكرفت مثل ماكرفنا
تقويم مستمر ومدارس اهليه ياحسرة علينا ضاع الشباب وحنا نحفظ جداول الضرب ...

التفت امي ... قالت وانا اقووووووووووول وش هالدوام ولا مدرسة بالعالم دوام كذا من 8 الى 11,45

قلت اي هين والله اطلع يعني بطلع ..وحرمت اطلعهم خيرا تعمل يعلمون عليك

عاد انا امي ماتقولي شي اللي ابيه اسووووووووووووووي ...
>>> دلوعة ماماه ..

ياخي وووناسة انا ما الوووم الشباب يوم ينحاشون من المدرسة
فررري قووووووووووووود
تحس باتعاااش وطاقه بوم بوم

جربووووووووووووووووووووووووها يابنات للي توهن يدرسن

الشــي الثاني عندنا بالمدرســة حصة بالاسبوع رياضة وانا ما احظرها الا نادر
اذا قدموها قبل موعد مغادرتي ابواب سجن يسمى المدرسة ..

طبعا نلبس بناطيل وفيه مدرسة رياضة ( كابتنه) ومعاها صفيررررررررررررررررة ..
والله تنقط سعابيل وتفلان ووووووووووووووووووووووووووووووووووع ...


انا كنت اتمنى يكون عند البنات رياضه ..
لكن الحين قلت لا لا والف لالا ..

الحين يقولون للبنات البسوا بناطيل وبلايز طويله وواسعه تحت المريول ...
البنت العكس بناطيل ضيقه وحزامات وبرموده بعز البرد ( اي والله اللي تبي الدح ماتقول ااح)
ومافي وحدة تلبس من البيت تعالوا شفوهم وهم يبدلون ملابسهم اللي وراء الباب
واللي خويتها ماسكتلها عباية واللي تقوووووووووول عيب يابنات لاحد يناظر..

اي والله انهن بنات ..
بس احسن مافيهن مايدرن وش الكورة ويشجعن فريق اسمه مع الخيل ياشقراء ...

المهم انا بالحيل اعرف العب بس مايلعبون قدم يلعبووووووووون سلة ...


والله العظيم لو تشوفون كيف بالملعب الحين اللي معاها الكورة كلهم يلحقووونها
وتطيح بالارض ويطيحووون كلهم فووووووووووووقها ..وتصفر الابله ولا احد يمها
معارك دامية والى ماتجي تصرخ عليهن ...يقومن ..عاد تعال شوف الشوش وانواع التمعيط

ذيك اليوم البنت طاحوا فووقها وانكسرت ايدهاا ...

افاااا ياذا العلم تكسرن القوارير
هههههههههههههههههههههههههههههههههههههههههههههههههه

وبعدين كرة السلة تهضم حق النعومات امثالي >>>>>> قصدك القصار ..

ياخي والله ماحنا قصار بس حنا نعومين المشكلة ياليت حنا دبات علشان اذا طحنا على وحدة نكسرها الحمد لله لاهذي ولاهذي وفي عندنا اربع بنات طوال وجثث
( انا شايله همهن شلون بيلقن رجال طوال )

يمة مرة لعب الفصل كلة حنا رحنا فيها عمري مامسكت الكورة اشوفها تطير من فوقي وتروح لذيك وترجع تطير وتروح هناك لو اقمز من هنا لبكررررررررررررررة مامسكتها

ههههههههههههههههههههههههههههه

وش يبون اطول من 160سم

مرة رحنا الملاهي وقلت لاخوي انا انتظرك هنا لاتروح وتتركني ترا اضيع
قال عادي نلقاك قلت شلووون تعرفوني قال ننادي اقصر وحدة بالملاهي اللي يشوفها يوديها الادارة ..


وذيك اليوم نمنا عند خالتي واخواني يلبسون من عيالها الا انا ...
وعندها بنت برابع بس شوي مليانه رحت لبست من عندها بجامه بس طلع علي برمود عاد انا استنست بعلمهم اني طويله
رحت قلت لامي شوفي الطول عز قالت من بجامته قلت بجامة ريم قالت لعنبو هالزوال
ياخي ماشاء الله كل اهلي طوال بالحيل علشان كذا يمكن عقدوووني ..

تصدقون حــتى بعض البنات اللي عندهم اخوان بالروضه صارن يقلدن ...
خـــلص شبعت قرقره ..
وكل عام وانتم بخيــر
من العايدين ..

فمان الله

من العام وكل عام وانت بخير ...


ههههههههههههههههههههههه

صار تهبقين هااه ..!

هههههههههههههههه

اقول يا حسين التركي << كبتن الهلال فالسله ..

مايهمك .. 160 والا 180 عادي ارميها من بعيييييد .. بس اهم شيء انتبهي من الرباعي الثقيل عندكم ... ههههههههههههههه


بالتوفيق الممل ياهووسه ..

وان كنت تعقدتي من 160 انصحك تكثريييييين موووز .. واضمن لك عرض وطووووول ههههههههههههههه..

اما عن ذا المرض اللي ماسك فيك ..

فالله يرفع عنك ولا يبلانا ..

وبيني وبينك ذا الايام ماتوقع المرض بيسيبك ....والله ياهووو جاينا برد غير طبيعي ..
<<<<<< من قالك تقول ماعندنا بردددد نسيت ان فيه ناس ماتعطي خير ..والمندسين ياكثررررررررررهم .. والا الهلاليين مايجي منهم الا كل خير ان شاء الله ..

مهووسه عيدك مبارك مرة اخرى .. فمان الله ..


انتهى , , ,

مشكوووورة على السواليف..

اظن كل سواليفك انتهت..

إقتباس ياخي والله ماحنا قصار بس حنا نعومين المشكلة ياليت حنا دبات علشان اذا طحنا على وحدة نكسرها الحمد لله لاهذي ولاهذي وفي عندنا اربع بنات طوال وجثث ( انا شايله همهن شلون بيلقن رجال طوال )

وينهم شكلهم نفس جسمي..

يـا هلا بيك انتي والحمدلله حنى بخير وصحه وعافيه
والبر كذلك :p .

_ _ _ _ _ _ _ _ _ _

صرتي بعد انتي تنحاشين من المدرسه :p يـ ـاكثر الي تنحشوا ذا السنه ;)
ومـا ألومهم ولا أحد يقدر يلومهم , حتى اهاليهم حاسين بمعاناتهم <<< امحق
أمـا سالفه كرة السله فـ أنصحك تتركينها :p لاني كل مـ ـ ـالعبتها جتني اصابات
حتى وانـا بدون الكوورة .

امـا اذا كنتي قصيرة فـ أنـ ـ ـا عندي الحل
أول شي المـــــــــــــــوز فهو يطول وأحسن شي هو وانـا انصح به مع حليب
يعني حليب بالموز
ثاني شي عندك اللبن قبل النوووم يطول بعد .

أنتي جربي وبتدعين لي .

_ _ _ _ _ _ _ _ _ _

سلاميشو ...

إقتباس يــاهلا وغلا بكــــــم كل ابـــوكم ...

ياهلا فيك مهوسه وهلا بالقطوعه

إقتباس وانا اخواني كلهم معي بالمدرســة طفشت منهم بحلقي حتى بالمدرسة

ماشاء الله طالع مجمع عوائل

إقتباس بس مساكين اخواني اللي معي بنفس المدرسة بابتدائي يجلسون للساعه 2 الظهر

أنانيه إحتفاظك بالكره أكثر من اللازم ((أدري مالها دخل))

إقتباس عاد انا امي ماتقولي شي اللي ابيه اسووووووووووووووي ... >>> دلوعة ماماه ..

من قدك

إقتباس ياخي وووناسة انا ما الوووم الشباب يوم ينحاشون من المدرسة فررري قووووووووووووود تحس باتعاااش وطاقه بوم بوم

الله يرجك ياصديقة السوء ،،، ترى أي واحد ينحاش أنتي الي متسببه عليه راح نحضرك عند مديره

إقتباس الحين يقولون للبنات البسوا بناطيل وبلايز طويله وواسعه تحت المريول ...

ههههههههههههههههههه نفسي أشوف أشكالهم

إقتباس وكل عام وانتم بخيــر من العايدين ..

وأنتي بالف خير
وعساك من عواده

انواع الدجة


على طاري التمعيط وكل يكسر الثاني


ذكرت اننا مررة خربناها ولعبنا كرة قدم أمريكية وخذ من هالتكسير

إقتباس اقول يا حسين التركي << كبتن الهلال فالسله

اسمه تركي التركي

عزوزالازرق ..

كيفك .؟؟ لامافي مندسين هووون ..؟؟
وبعدين يازين بردكم عند بردنــاااا ..
وانت بخير وصحه وسلامه يارب ..
وينعاد عليك ..
علمنـــي كيف اجواء جدة بالعيد وش فاتحين جديد





البرنس الهلالي الازرق ..

باقي شوي مخليتها بعد العيد ..؟
لالا اظن اطول منك شوي ..



عزالهلال ..
دوم ان شاء الله تكون بخيــر ..
المشكلـــة يحسس جسمي من الموز واللبن ...
وبعدين انا عاجبنــي هيـــــك ..



الفارس الحــائر ..
يامرحبتين شخبارك ..؟
ايوووه من قدي خلني ادلع ..


juve1897 ..

هلا .. تبيني ابلع لمبات اجل .
هين اوريك ..

كيف يلعبونها كرة القدم الامركية مو مثل عندناا؟؟


فمان الله

...

اول شي الله يشفيك من المرض اللي ما تركك ابد


بس أنا ابسأل اللي تلعبونها كرة سلة ولا كرة قدم امريكية


اما من ناحية الهروب من المدرسة فحدث ولا حرج


خصوصا مع هالاجواء الممتعة


اذا كان الجو حلو يسوي الطالب مقارنة بين الثمامة ووجه المدرس:p



طبعا الافضل وجه المدرس لحرص طلابنا على العلم <<< واضح



والله عندنا بنقالي هو اللي يفتح الباب


عاد اخوياي مبسوطين عليه يكلمونه بالفسحة ويعطونه 5 ريال


وهو ما يصدق ويفتح لهم الباب

مشكوووور اخوي الرايق على التصحيح !!

إقتباس علمنـــي كيف اجواء جدة بالعيد وش فاتحين جديد

هووسه مدري مهووسه .. والله مدري اليوم حسدت اهل نجد...
على الاقل يدرون انهم بيعيدون في برد ..
انا مدري اعيد بثوب شتوي والا عادي ..
تخيلي محتاط .. ( ثوب شتوي - غتره ) ( ثوب عادي - شماغ )
يعني اذا كان الجو بيلعب معي هجوووم من الصبح بااعتمد على دفاع المنطقة و اسوي التشكيله الاولى ..
اما ان كان هع .. من جنبها وخايف .. فاني بلعب بالتشكيله الثانيه ..

الشاهد فالامر .. انك بغيتي وش جديد .. الله اعلم بالجديد وانا اخوووووك ..
ماعاد بقي محل مافي سووووق ... الى درجة هالايام .. صاروا يحطون لوحات السوق قبل لايكتمل تشطيبه < < انواع العقووول..


قبل لااطس .. وفي رواية اذلف ...
يقولون ان ثلوجكم يااهل الشمال .. هي السبب بعد ارادة الله في ماتتعرض له جدة هذه الايام من برد غيييييييير طبيعي وجدة غير ..

واجابة على بعض الاسئلة الذكية زي سؤال الماجد ماجد ..
وين تروحين اذا هجيتي .. فاظنك تقولين اروح البيت والا مو؟؟!
<<<<<< هالايام صاير ملقووووف ..


انتهى , ,,

سلاااماات و انا المرض من اسبوعين و لسا اثاره موجوده

و على طاري الطول انا كان جسمي موب ذاك الطول و العرض لكن صرت اشرب حليب يوميا و الله ممكن في 4 اشهر طلت 15 سم تقريبا او اكثر .