وطوووووووه ..تسيف تسطــــــــــون؟؟ ... - نادي الهلال السعودي - شبكة الزعيم

اليزابيث هيرلي · #1 28/12/2006, 04:59 AM

السلام عليكم
بالخير
هلا وغلا ومرحب
وشلونكم يابعدهم
تسيف أصبحتوا؟
كيف أمسيتوا؟
ياسيدي كيف الحال ؟

هذا السلام الوطني حق ريري .....

يعني بإختصار افهموا أنا عند الثلاثي المرح((البقرات الثلاث)) ريري ونيني وشيشي >>>>>>يا تسذبي يا كبر

أمري ياهملالي ياجوري تسيف اسطي اصلآ نيني بمنى

>>>>>>حج يا حاج ....

وجع يا شيشي قاعدتن توحين هرجنا >>>>>الله يصلحتس انتي وهالدب اللي لا بسته برجله ..

تسيف اعلمه واوصيه

((وأنا الوليه عليهن لأن أمهن ونيني

حاجات وموكلاتن عليهن)>>>>>>ريري أز سبيكينج>>>>>الله

ياكثر الوليات على قل السنع على قولتهم لا كثرت دبرت هاذي اهلها جايبينها ( نتولاها) وصارت وليه علينا

وتشخص...

المهم تسيف اقوله لا تلبسين هالدببه اعنتوتس يتلبسونهن بإسم الله

لا ويادافع البلا تنام بهن بعد مير والله ما عندتس

أحد .. لا وريري الله يسلمه تفسخهن لا نامت وتلبقهن جنب السرير

.. اعنتوهن ما أدري وش يضرهن لا جدعنهن برا

الغرفه>>>>>> ريري أز توكينج ((ترى كل هذا خايفتن على عمره عشانه بتخمد عندنا ولا مهب جودن به

...

المهم يالشبيبه والشابات أنا وبنات العم الأجوديات كد صارت لنا سالفه مع باص الهلال يوم انهم يجون للرس وتذكرون

سردت لكم الأحداث البته بتاتآ ... وفيه سر خطير لازم أفصح عنه .. ألا وهو

أن الشله اللي معي هن البقرااات الثلاث >>>> ريري أز هرجنق ((احترمي نفستس لا اقضبتس الباب تطسين لبيتكم ))

المهم أنا إلى التو واللحظه مشتبتن تسبدي من سواق هكا الباص تسيف شاخط ولا كأن فيه مشجعات يلحقنه؟

تسيف يسطي؟

إلا وش هالسطاوه؟؟

مير الوعد ثالث العيد .. هذا معنا خطه أمنيه مدروسه نعرض به الطروق اللي من الممتكن يقطعه الباص أثناء رحيله

..

هل سيقطع الجاده 7 أم 9 ((لنيني)) أم تونتي ون ((لريري)

)..

الزبده لاحقينه وتابعينه الله لا يعوق بشر ...>>>>> هذا وأنا تيتشر ليز وتسذا الله يستر على الأجيال ..

إلا على طاري التيتشر .. من بعد مباراة الهلال والنصر .. كنت عند ثاني متوسط وكان الدرس فيه كلمة(( club))وعشان

أوصلهم معنى نادي كتبت على السبوره AL_HILAL CLUB قالوا لي على طول نادي .. المهم قالت وحده وهي

معصبه: أستاذه وش معنى الهلال يعني ليه ما كتبتي النصر؟؟

قلت: كيفي أكتب اللي ابيه

.. ردت وهي قابسه

:كيفك يا أستاذه بس تراك مع الظالمين يوم القيامه

>>>>> كله عشان

هاالهدف لا أبوكم لا أبو اللي جابكم ما نقصن إلا البزران ..

المهم قامن يتخانقن قبست أنا ومير أزقرهن قائله:STOP TALKING.

..

.....

المهم الهلال بيسيرون وقلت لأمي بشري ألف مبخره ببخر الشوراع

...عاد نيني ياقليبي مشتبتن تسبده عشان بيفوته الباص

...

تدعي تقول ياعلكن ما تلحقنه .. مير هيهات العلم عندي وأنا أم هندي

..

عاد تصدقون أمي دايخه على طارق التويجري

.. مرتن من المرارير وحيته ترمس لأم ريري بالتلفون: أن تسان النائب

بيجي بنخليهن يلحقن الباص والله أن الزين زين بس اسمعي لا بغن يطلعن يلحقنه نبي نتعلث ببنده وأمر آخذتس

.. عاد

ردت عليه أم ريري : ما شفتي المدرب يفضخ القلب احمر عطر

>>>>وشبعين تسان الامهات هاذا حتسيهن >>>والله

لنوصلها للبابا >>>>>ايه ده هي الدنيا مالها ايه الي جرالها مقلوب حالها

...

والآن بنسوي مسابقه أحجيه على شكل لغز ... المطلوب منكم أن تحجوا وشو

؟

ريري خربش قلبه خربشه من خربشت واحدن خارشن عقله يقاله الـخ .........

وللمساعده : تدعي ربه يصير من ضمن الناس اللي بيسيرون للرس .. احجوا من هو هذا الحكم وللتنويه تراه ملحن >>>>>

ياعيني على التمويه

...

((تكز الأجوبات مع الردود ... وأي إجابه تجينا وذ آوت رديشن أت ول بي كنسلنيشن

...))

وهابي أيد آند مبرروووكينيشن ..كونجراتيوليشن .. آند إكيوزييشن على التقصيريشين ;) ...

وتمسوا على خير ترى نحنا سرينا .. غابت القمرا علينا ..

القطار وفاتنا ... عاد من يودينا

... >>>>> صح لسااانه ليووز .. ريري أز تتدخلنيشن >>>>> تراه تعقب أنا اللي

ناظمه البيت لأجل خاطر الملحن اللي خارشه .. بليزز احجوا لا تنسون

.

وتقول لكم شيشي ... أبااااتشششششش

عزوز الأزرق · #2 28/12/2006, 05:49 AM

< < < < هذا المستخدم غادر الى اقرب فراااااااش,,,

وش ذا الموضووووووع .. يبيلي اتنووووووووم عشرة اياااااااااام

انا دختا ... دختا .. شنو هيدا....

بليز اف يوووووو وونت رايت اباوت اني سبجكت ..بليز اونلي يوز اربك اور انجلش لانقوج..

<<< قابلوني اذا فهم شيء من المووووووووضوع ..

ماي سيستر .. بليز دونت دو ذس اجييييين

انتهى ( فنشد) , , ,

عاشق مدريد · #3 28/12/2006, 05:57 AM

مع اني قصيمي لكن ثلاث ارباع هرجتس مافهمتوه

ياليت تعيدين صياغة الموضوع باللغة العربية الفصحى

اهم شي في الموضوع سالفة AL_HILAL CLUB انتي معلمة

وكل عام وانتي بخير

الكلاسيكي · #4 28/12/2006, 06:59 AM

لو سمحتوا جيبوا مترجم كود انه يفك الالغاز ويحل الكلمات المتقاطعه ..

ياهلا وغلا فيتس اختي الاستاذه القديره .. ليز ..

اول شي خلي هذي مدري وش اسمها ريري مدري فيفي خليها تنام باللي تبغى ..
خليها تنام ع الجنب اللي يريحها .. وراك معصبه .. لاتصيرين نصراويه ..

شوفي تبغين الحل السليم .. لما يجون الزعيم .. <<سجع

قبل ماتنتهي المباراه بعشر دقايق مالك الا تتعليقين في الباص .. قبل لا يمشي ..
وبرأفون بحالك وبيركبونك معهم في الباص

اما الطالبه النصراويه هذي كان نقلتيها لحائل .. :p
لانها مخالفه وتحتج كثير وتتكلم كثير .. اذا ماكتبتي الهلال من تكتبين ابو ثلاثه ..

وسلميلي على طارق التويجري ..

دمتي بخير ..

وبالتوفيق لتس في حياتس .. وحج ياحاج .. :p

اليزابيث هيرلي · #5 28/12/2006, 06:58 AM

العزي ...

تقولك ريري نومة عنقا ...

سوري .. آي لايك تو يوز إنجلش آند آربك لانجوشز آت ذا سيم تايم ..

جود نايت هني ...

ريري>>>>> شف (انا ما عندي يا اماه ارحميني) لاعنجليزي و لاعربي(ما عندي الا قصيمي...

يا عزوز كسر البزبوز (رجاء غير النك بتاعك)...

بس الاحترام واجب لانك سمي ابوي الله يغمد روحه الجنه......

ياربيه ليز ماتخليني على راحتي>>>>>>مسويه مشرفه علي>>>>>سهل على غفله.....

ابي اكتب كلام كثير بس تحذف نصه قصدي ثلاثه ارباعه تقول انه افشله عند بعض الناااااس (حطو تحته ميه خط )الا بعض

الناس لو تدري ليوز جابت خبري ...

اليزابيث هيرلي · #6 28/12/2006, 07:18 AM

هلا بعدول تسيف أصبحت ,, دخلك تسيف أمسيت؟ ...

أجل تبا مترجم ... وش ذا الحكي ؟

هيهيهيهيهيهيهيهيهيهيهيهييهيهيهيهيهيهيهيهيههيهييههيهييهيهيهيهيهيهيه >>>>> ريري أز قابسينق: إلا اسمي ما تحرف فيه وش انتي يا فيفي ؟ خاف أنه ضاربتن فيوزك ...

والله اني أقول لليز سبيني في حالي شوفي ((العدلي)) وهرجه عين العقل ..

والباص الخطه اللي قلته قد طرحت سابقا وتم التصويت بالرفض حيث أنه أي خطه تنص على أن يتم التنفيذ داخل الباص وليس خارجه لضمان حق اللجوء الهلالي ..

وطارق آه آه آه آه ياويل حالي وين اودي ويهي منه لو سألني عن غلاه ...

مير الزين زين لو يقوم من منامه ... وعادل شين لو حط كل ماله >>>>> يابعدي تغار ... جرب نار الغيره .. جرب و وصف لي ...

والبنت مبرقتن به للجنة الإنضباط ننتظر الرد عاد من حب العين لفص الثوم ...

اليزابيث هيرلي · #7 28/12/2006, 07:20 AM

عاشق مدريد ...

أنا أشهد أني معلمه خطيررررره بس ما حولي أحد ...

~SaKaB · #8 28/12/2006, 10:55 AM

أحسن شيء رجعة هاليوزر إلا الموضوع ما فهمت منه شيء

عوووااااافي

هامور البورصه · #9 28/12/2006, 12:07 PM

موضوع تحفه الي قبلي كلهم محد فهم شي اغبياء بس مااعليك انا فكيت الرمووز هههههههههاااي

يابنت وش هالكلاام قسم بالله مافهمت شي قرية اول الموضوع فكرتك تستهبلين انتقلت للنص الموضوع

بعد فكرتك تستهبلين للحين يووم رحت للخر الموضوع نفس الشي والله مافهمت شي بس فهمت ان عندك

بنت امها راايحه تحج ولاابسه دبدووب مدري شنو وتنووم فيه طيب شفيها خليها تنووم بلسبها يعني ماتبينها

تنووم بلبسها الا تعاالي بساالك انتي من وين يعني من وين في افريقياء السمراء يعني في الصومال النيجر

الامااكن هذيك هم الي بيفهموون للغاازك الي حاطتها في موضوعك هههههههههههههههههههههههااااي

اليزابيث هيرلي · #10 28/12/2006, 01:03 PM

سكب الهلال ...

هلا بك أكثر يا غلاهم ...

يعطيك العافيه على المرور ..

اليزابيث هيرلي · #11 28/12/2006, 01:07 PM

هامور البورصه ...

يعني بتقنعني بالغصب أنك ما فهمت شي يااااي وش ذا الحكي ياعيني ...

أقولك مهب لازم تفهم ..

أجل افريقيا يالتعبان ...

عاد إلا القصيم والرس ما أسمحلك نهائي .. ما سمعت باللي يقول الرس رسك لو الزمن رصك ...

أحمد ربك أن ريري نيمه ولا كان ورتك الشغل >>>> اصلها متهوره ...

طحت لك بالحبيبه اللبيبه ليوزز >>>> ياحبيلي يأنا ...

هامور البورصه · #12 28/12/2006, 01:44 PM

إقتباس

الرسالة الأصلية كتبت بواسطة اليزابيث هيرلي


	هامور البورصه ... يعني بتقنعني بالغصب أنك ما فهمت شي يااااي وش ذا الحكي ياعيني ... أقولك مهب لازم تفهم .. أجل افريقيا يالتعبان ... عاد إلا القصيم والرس ما أسمحلك نهائي .. ما سمعت باللي يقول الرس رسك لو الزمن رصك ... أحمد ربك أن ريري نيمه ولا كان ورتك الشغل >>>> اصلها متهوره ... طحت لك بالحبيبه اللبيبه ليوزز >>>> ياحبيلي يأنا ...

وقفي وقفي ابيك تشرحين لي الجمله هذي

وطوووووووه ..تسيف تسطــــــــــون؟؟ ...

انا صرااحه مافهمتها بس شراايك استعين بالخال الي يشتغل في الورشة الي ورى ترااه من النيجر يعني يفهم عليك

بعدين وش هاللهجه هذي مهيب لهجة اهل القصيم عاان ردود القصماان قالو مافهمنا شي كلها اتس وتسي ومتس

ومدري شبعد

============> شكله بينطق عااد المنتدى كله قصماان ياحبي لهم بس

بعدين انا وش قلت في اهل القصيم ماقلت فيهم شي بالعكس مافهيم الا كل خيير بس انا اتكلم عن موضوعك بس ابشرك بستعين

بصديق عشاان يجي يشررح لي موضوعك طبعن الصديق هذاا عاامل في الورشة الي ورى بيتنا يغسل سياراات

وبعدين من ريري الي نيمه ونيمه حطي تحتها سبع طعش الف خط

الكلمه هذي مافهمتها الا يووم استعنت بالقاامووس

والحين انتي الحبيبه اللبيبة اجل الله يجيرنا من ريري شكلها متوووحشه

بعدين الحين انا من اهل نجد مافهمت علييك اجل اهل الحجااز وش يقولون الله يخلف بس

ودمتم سالمين

LBa your heart · #13 28/12/2006, 01:23 PM

خخخخخخخخخخخخخخخ
من جدك أنتي وش هالموضوع اللي مدري شلون قايل

او هذا اللي يسمونه تخريف مبكر

عـز الهلال · #14 28/12/2006, 03:46 PM

وعليـكم السلام وحمه الله

_ _ _ _ _ _ _ _ _ _

والله مـ ـ ـافهمت شي , حتى بعد مـ ـاشربت الشاهي بالنعناع

بس الي فهمته زين مره وافتخر اني فهمته :p هو انك فهمتيهم
كلمه club بعد مـ ـ ـا ربطتيها بكلمه الهلال , وعصبوا بعض البنات

لكن مـ ـ ـو مشكله

.
نقرا الموضوع ثانيه وثالثه الين نفهم

<<< افلقوني ان قراه ثانيه

.

_ _ _ _ _ _ _ _ _ _

المهم ترجمي لنـا في الرد الجاي ولا

أعصب
<<< تكفى تكفى لا تعصب :p .

سلاميشو ...

عزوز الأزرق · #15 28/12/2006, 04:56 PM

إقتباس


	العزي ... تقولك ريري نومة عنقا ...

انا اشهد انها عنقا ... كلهااااااا جن وهياكل عظميه ..
وكنز مدفون وسط بحيرة .. وبنقالي متزوج سعودية وبياخذ عليها ثانيه..
حسبي الله عليك ماصار نوووووم .. خمس هياكل عظمية يمكن شفت ..
حسبي الله عليك ياريري ..

إقتباس


	ريري>>>>> شف (انا ما عندي يا اماه ارحميني) لاعنجليزي و لاعربي(ما عندي الا قصيمي... يا عزوز كسر البزبوز (رجاء غير النك بتاعك)...

ههههههههههههههههههههههههههههه

اخيرا قالت كلام ينفهم ذا الريري ..

بس اغير النك هو ذا الفكره كانت متواجده بس لانك من مؤيدينها بكنسلها هههههههههههههههههه

ليز .. بليز لاتخلينها على راحتها << لقافه ..

إقتباس


	بعدين الحين انا من اهل نجد مافهمت علييك اجل اهل الحجااز وش يقولون الله يخلف بس

ههههههههههههه اهل الحجاز ..

< < يشك ان ذا كلام بالقصيمي البريطاني ...

إقتباس


	وقفي وقفي ابيك تشرحين لي الجمله هذي وطوووووووه ..تسيف تسطــــــــــون؟؟ ...

اي والله ياليت تشرحينها يابله /: لييييييييييز..<<داري ان ريري مامنها رجا

ههههههههههههههههههه

سي ياااااااااااااااااااا

انتهى , , ,