السلام عليكم ورحمة الله وبركاته ,,

لاحظت قبل كل مباراة بعض الاعضاء يكتبوا مواضيع عن اهمية الحظور الجماهيري للقاء ..

واشاهد الكثير ( خصوصا اهل الرياض ) تكون ردودهم محفزة وتكون كالاتي : ( لا لا ماعليك الملعب اليوم ملياااااااااان بيكون ) .. ( لاتوصي حريص جمهور الرياض مايحتاج الى دعوة ) ..

لكن .. ! عندما تاتي المبارة وننتظرها نتفاجا بحظور جماهيري قليل ,,

هنا من خلال موضوعي هذا ادعوا ادارة المنتدى ان تقوم بحذف اي موضوع يخص الحظور الجماهيري مثل ( سجل حظورك لمباراة الهلال و .... ) كثيرا مانشاهد مثل هذه المواضيع وتكون الردود كثيرة والزيارات اكثر لكن لاحياة لمن تنادي .. انا اعتقد ان مثل هذه المواضيع لن تجدي نفعا ..

طلب الى ادارة المنتدى ان يتم تنفيذه من الان وصاعدا ,, هذه المواضيع لن تنفعنا بالعكس في طرق اخرى تحفز الجمهور للحظور احسن من الطريقة المذكورة في الاعلى ..


لنشاهد مثلا جمهور الهلال في الشرقية ,, ماشاء الله تبارك الله عيني عليهم باردة ,, اقسم بالله ها الجمهور اللي فعلا لايستحق نداء ..

وايضا المنطقة الغريبة ( جدة _ مكة ) عيني عليهم باردة ..

لكن تتفاجا بالمباريات اللي في الرياض بحظور جماهيري قليل ,, ليش ؟ مالسبب ؟

هذا السؤال اللي ماله حل ..

اتمنى من الجمهور الكريم ماحد يزعل من كلامي ,, اهل الرياض شرفونا في مناسبات كثيرة ,, لكن للاسف في مناسبات اخرى لم يشرفونا بحظورهم ,, خير دليل على ذلك لقاء الهلال والاتحاد اللي قبل فترة في الرياض ,, هل هذاك كان حظور مناسب اتعتقد .. !

انا في وجهة نظري الجمهور اللي حظر قليل الى قليل جدا ,, ولا يناسب شعبية الهلال الجارفة ,, وايضا لاننسى كيف الاعضاء قبل المياراة بفترة طويلة جلسوا يكتبوا انا بحظر ,, والاخر يقول ,, احجزلي مكان جنبك .. !

عموما لااطيل عليكم ,, منتظرينكم اليوم ,, وراح اذكركم بكلامي هذا بعد مباراة اليوم ,,

قبل ان انهي الموضوع ,,

نقطة اود ذكرها وهي ,,

انتم شفتوا كيف الاعضاء متحمسين في كل مواقع الهلال ويطالبوا بالحظور ,, لتشاهدوا اليوم الحظور ,, راح اذكركم راح يكون حظور قليل .. وراح تقولوه هنا في موضوعي هذا بعد المباراة ,,

ختاما انا اسف ياجماهير الرياض اذا كنت زعلتكم بكلامي ,, لكن .. ! هذا الحاصل ,,

والاعتراف بالحق فضيلة ,,

جيوفاني الهلال ..

حرام عليك جمهور الرياض ما يملى الملاعب
ومن الي ملى واجهة استاذ الملك فهد
واستاذ الاميرفيصل
مانقول غير الله يهديك

إقتباس الرسالة الأصلية كتبت بواسطة عاشق الذيب 2005 حرام عليك جمهور الرياض ما يملى الملاعب ومن الي ملى واجهة استاذ الملك فهد واستاذ الاميرفيصل مانقول غير الله يهديك

ومشكور

يااخي انا قلتلك جمهور الهلال في النهائيات ماعليه كلام ,,

بس قلي الان ,, وين جمهور الهلال في مباراة الاتحاد ؟

ابغى منك اجابة .. !

غير ذلك لاذكرك بمباراة الحزم على ماعتقد ,, ويومها كان وصول اللعب دينلسون ,, وذكرها هنا احد الاعضاء وقالها ,, ان الجمهور اللي كان مستقبل اللعب دينلسون اكثر من الجمهور اللي كان حاظر المباراة ؟

هيا قلي وين جمهور الرياض ؟؟

راح اذكرك بعد المباراة واتحداك على اللي تبغاه اذا كان حظر جمهور الرياض مشرف اليوم ,, لي لقاء معك بعد المباراة اليوم ..

والله بالعكس
جمهور الرياض مايقصر
صح كان فيه نوع من القصور في الموسم الماضي , ولكن هذا الموسم انقلب الحال وأصبح حضورهم مميز جدا
وصعب إنك تقارن ملاعب الغربية أو الشرقيةوسعة بمدرجاتها بملاعب الرياض فالفرق بينها شاسع
وإن شاء الله يستمر جمهور الرياض على حضوره في المباريات التي على أرضه وبقية جماهير المناطق الأخرى ستساند الهلال بإذن المولى في حالة تواجده في منطقتهم

نشوف اليوم كيف بيكون الحظور ,,

ليش جماهير الهلال في الرياض ما قصروا < مع احترامي لا رائكم جميعا >

جمهور الهلال يظهر بنص الموسم


لاحظ جمهور النصر كان يحضر بكثافه فيه بدايه الموسم

لكن يوم اقترب الحسم تراجعو عن الحضور

وجمهور الهلال يوم اقترب الحسم ومباريات المهمه بدا منهم الحضور



انا اظمنلك ضمان


جمهور الهلال لن يكون اقل من 10 الاف من اليوم

مشكور

السلام عليكم ..


صح ماقصرو جمهور الرياض .. لكن اليوم نوريكم ان شاء الله منهو جمهور الرياض ..


وشكراً

الصراحة جماهير الهلال في المبريات الغير نهائية حضوره ضعيف

يالله ياجماهير الرياض اثبتوو العكس

اتفق معك