#1  
قديم 27/12/2006, 06:56 AM
زعيــم مميــز
تاريخ التسجيل: 22/12/2001
المكان: ارض الله الواسعه
مشاركات: 1,703
الآسيوية : أبي فريق يستاهلني !!

السلام عليكم ،،،

مطلب الجمهور الأول : الآسيوية !!
تهقون نقدر نجيبها ؟


وضع الهلال الحالي .. هل يساعد على التأهل للدور الثاني من البطولة الآسيوية - فضلاً عن تحقيق البطولة - ؟؟؟

نعم ، أتكلم وأنا أعني ما أقول .. صعبة ينافس الهلال على الآسيوية .. والأسباب كثيرة .. منها :

- عناصر الفريق : لو نشوف عناصر الفريق نلقى فيه ثغرات واضحة وفي مراكز حساسة جداً .. قلب الدفاع ، الظهير الأيمن ، صانع اللعب التقليدي ، الهجوم ..

4 مراكز تعتبر العمود الفقري لأي فريق !!

ناخذها بالترتيب ، قلب الدفاع ، تفاريس ما عليه كلام .. المرشدي .. نقول كويس .. طيب .. فرضاً أصيب المرشدي أو اصيب تفاريس في مباراة حساسة ومهمة .. من البديل ؟؟ المفرج السيئ جداً ؟؟ خليل البطئ والكبير في السن ؟؟ من البديل ؟؟ للأسف لا يوجد بديل !!

طيب وش الحل ؟؟ الحلول كثيرة .. استعارة أحد اللاعبين المحليين المبدعين في هالخانة يعتبر أحد الحلول .. ماجد العمري كمثال ، اللاعب ممتاز مع فريقه الاتفاق وأعتقد ممكن يفيد الهلال بشكل كبير ..

الظهير الأيمن ، الخانة اللي نعاني منها بعد رحيل الدوخي (( كانت ميب ذاك الزود على أيام الدوخي لكنها أرحم بكثير من اللي نشوفه الآن !! )) .. مع احترامي للكابتن العبدالسلام الا انه موب اللاعب اللي يسد الخانة باقتدار .. معقولة ننافس في الآسيوية بالعبدالسلام ؟؟؟ اللاعب يعتبر عادي في هالخانة .. إمكانياته عادية جداً جداً - ما أدري عن إمكانياته في الوسط - .. لكن كظهير أيمن .. ما يعتمد عليه أبداً .. وش الحلول ؟؟ الحل إننا نجرب العنقري اللي صار على صفقته مد وجزر .. والله إذا كان كويس خير وبركة .. إذا كان موب الطموح فحسن معاذ موجود .. لاعب مبدع وممتاز دفاعياً وهجومياً .. يمكن المشكلة اللي تواجهنا هي ناديه - الشباب - .. لكن لاحظوا ان الرئيس هو خالد بن سعد واعتقد ما عنده مانع يبيع أي لاعب خصوصاً إذا كان العرض كبير ..

صانع اللعب ، وهنا مربط الفرس .. صانع اللعب الوحيد هو طارق التايب فقط .. الشلهوب مستحيل يصنع وينظم خط الوسط .. رودريقو لاعب مكمل مستحيل يشيل الوسط .. نواف الله يرحم الحال بس .. لا يوجد غير التايب .. والتايب عنده مشكلتين تقلل من حظوظه في المشاركة باستمرار .. المشكلة الأولى هي اللعب مع منتخب بلاده .. وش يضمن لنا ما يستدعونه والهلال مقبل على مباراة مهمة ؟؟؟ هذي نقطة .. النقطة الثانية هي اصاباته المتكررة .. طبعاً هي قضاء وقدر ولا أعتقد أنها مزمنة .. لكن اللي أعتقده أن اللاعب عنده قابلية كبيرة للإصابة .. بمعنى ، احتمالية إصابته أكبر من باقي اللاعبين ، يمكن يكون لضعف العضلات ، ضعف العظام ، الله أعلم .. لكن الأكيد أن اللاعب قابل للإصابة أكثر من غيره وتاريخه مع الهلال يشهد ..

وش الحل بخصوص صانع اللعب ؟؟ أعتقد التعاقد مع أجنبي ممتاز يكون معروف انه صانع لعب بالمعنى الحقيقي كفيل بسد هذه الخانة ..

بالنسبة للهجوم ، ياسر مؤدي دوره كما يجب وزيادة .. لكن لازم نعرف أن ياسر بشر !! ياسر معرض للإرهاق خصوصاً في ظل طريقة اللعب الحالية - اللي يجهد ياسر نفسه فيها كثيراً - .. من البديل ؟؟ العنبر العائد من الإصابة ؟؟ خيار مناسب .. الصويلح ؟؟؟ ما أعتقد أنه مناسب أبداً !! الخراشي ؟؟ ممكن يكون مناسب لكن انقطاعه عن المباريات يقلل من احتمالية نجاحه ..
سامي ؟؟ كثر الله خيره .. كفى ووفى .. لكن البطولة يبغى لها نفس طويل .. ولعب باستمرار ..

الحل ؟؟ الحل استقطاب مهاجم محلي ، ليش ما يكون عبدالرحمن القحطاني مثلاً ؟؟ خصوصاً انه يجيد اللعب على الأطراف كثير وممكن تلعبه مهاجم ..

هذا بخصوص اللاعبين ..

- مدرب الفريق : هو أحد الأسباب اللي ممكن تصعب من فرصة تأهلنا للأدوار الثانية ، المدرب له أخطاء كثيرة .. التشكيل اللي يبدأ به كويس و ممتاز .. لكن التغييرات هي المشكلة .. تطلع وسط وتدخل محور وتقدم الغامدي .. هذي ميب طريقة .. ممكن تقدم الغامدي اذا كان معه صانع لعب تقليدي .. لكن تقدمه وما معه الا رودريقو !! فهذي مصيبة .. ولا واحد منهم يقدر يشيل الوسط .. وهذا مأخذي الوحيد على المدرب ..

- الإدارة : إدارة أبو سلطان أسعدتنا كثيراً وكجمهور هلالي نحب أبو سلطان وكأنه أحد رموز الهلال .. ولكن ، لازم يركز على الآسيوية بشكل أكبر ولا يفكر في الشكليات - مثل برشلونه وخلافه - بشكل كبير .. قدامنا آسيوية والآسيوية لها متطلبات كبيرة .. بالتأكيد ليس من ضمنها احتفال الخمسينية .. التعاقد مع لاعبين محليين وتحسين وضع الفريق من الناحية التدريبية - مناقشة بوسيرو مثلاً - أعتقد أنه سيساعد الهلال كثيراً في المنافسة والحصول على اللقب ..

ختاماً ، البطولة الآسيوية يبغى لها جهد كبير .. لاعبين مثل العبدالسلام والبرقان وخليل والمفرج والصويلح لا يمكن تعتمد عليهم اذا خُذلت من الاتحاد السعودي أو إذا فاجأك أي ظرف قاهر ، تذكروا البطولات الآسيوية الست اللي حققناها ولاحظوا الفرق بين نوعية اللاعبين بل وحتى الاحتياط .. تبي تكتشفون أن الآسيوية يبغى لها شغل ومجهود كبير من الإدارة .. وإن شاء الله أن الإدارة قدها ..

تحياتي للجميع ،،،

اخر تعديل كان بواسطة » أبوحمـــ15ـــــــــــد في يوم » 27/12/2006 عند الساعة » 07:33 AM
اضافة رد مع اقتباس
  #2  
قديم 27/12/2006, 08:59 AM
موقوف
تاريخ التسجيل: 01/10/2000
مشاركات: 126
مشكور اخوي ابو حمد ,,

صدقت في كل كلمة قلتها و لا اعتقد ان فريقنا في الوقت الحالي قادر على الحصول على الآسيوية ,,

و اعتقد ان الدفاع و الظهير الايمن اهم مشاكل الهلال ,, لان العبدالسلام مهما تطور مستواه الا انه اقل من الطموح ,

الفريق يعاني و الله يستر من الجاي ..
اضافة رد مع اقتباس
  #3  
قديم 27/12/2006, 09:01 AM
زعيــم متألــق
تاريخ التسجيل: 07/04/2005
المكان: المدينة المنورة
مشاركات: 1,220
الله يوفق الزعيم ويجيبها غصب عن اللي مايرضى
اضافة رد مع اقتباس
  #4  
قديم 27/12/2006, 09:12 AM
الصورة الرمزية الخاصة بـ $الجوهره$
زعيــم فعــال
تاريخ التسجيل: 27/04/2006
المكان: الرياض
مشاركات: 276
الأسيويه ان شالله نقدر نحققها..
بس لو الله يفكنا من الاتحاد السعودي والاسيوي كان احنا بألف خير ;)
اضافة رد مع اقتباس
  #5  
قديم 27/12/2006, 09:22 AM
زعيــم فعــال
تاريخ التسجيل: 01/11/2006
مشاركات: 371
امممم
انا ما أدري لكن اشعر ان المدرب ناجح
و خطوط الفريق متكامله سوى العبدالسلام و بديلين الدفاع

اعتقد ان المهم التعاقد مع لاعبين بدل العبدالسلام + مدافع

والتايب صانع العاب من الطراز الأول
اضافة رد مع اقتباس
  #6  
قديم 27/12/2006, 10:04 AM
زعيــم مميــز
تاريخ التسجيل: 26/02/2005
مشاركات: 11,521
الله يعطيك العافيه
اضافة رد مع اقتباس
  #7  
قديم 29/12/2006, 04:06 PM
الصورة الرمزية الخاصة بـ هلالي ثنياني
مشرف سابق في منتدى الجمهور الهلالي
تاريخ التسجيل: 15/01/2002
المكان: جـــــ 15 ــــدة
مشاركات: 14,273
للرفع
ولي عودة باذن الله بحجم تميز وأهمية الموضوع
اضافة رد مع اقتباس
  #8  
قديم 29/12/2006, 04:56 PM
زعيــم متواصــل
تاريخ التسجيل: 31/08/2006
مشاركات: 62
ابو حــــــــــمد
والله انك صاز الصراحة تقل انا اللي اتكلم
طلعت اللي براسي
مشكور مشكور
من زمان وانا ودي اقول مثل هالكلام بس عجز
اضافة رد مع اقتباس
  #9  
قديم 30/12/2006, 03:48 PM
الصورة الرمزية الخاصة بـ السلطاني
عضو ادارة الموقع الرسمي لنادي الهلال
تاريخ التسجيل: 20/03/2001
المكان: @alsultany15
مشاركات: 22,840
أبو حمد
كل عام وأنت بخير

بالنسبة لصانع اللعب التقليدي الفريق يحتاج إليه اليوم قبل بكره في ظل كثرة إصابات التايب وهبوط مسوتى نواف وأنانيته

والظهير الأيمن أن من وجهة نظري أن العبدالسلام كويس وكذلك العنقري لم يأخذ فرصته
ولكن خوفي من حاجتين بس

الأولى : الإتحاد السعودي أخاف يعمل فينا مثل الموسم الماضي ويمنع اللاعبين الدوليين من المشاركة

والثانيه: المدرب الداج بسيرو وتخبطاته.............. والله ما ظنتي أنه كفو يقود الزعيم
اضافة رد مع اقتباس
  #10  
قديم 31/12/2006, 04:45 PM
الصورة الرمزية الخاصة بـ اللمسة السحرية
زعيــم متواصــل
تاريخ التسجيل: 07/12/2006
المكان: ليبيا
مشاركات: 115
انشاء الله الزعيم تتعدل أموره الفترة الجاية
اضافة رد مع اقتباس
  #11  
قديم 31/12/2006, 04:49 PM
الصورة الرمزية الخاصة بـ اللمسة السحرية
زعيــم متواصــل
تاريخ التسجيل: 07/12/2006
المكان: ليبيا
مشاركات: 115
انشاء الله تتغير الامور وتتعدل ونرى الزعيم في قمة الستوى
اضافة رد مع اقتباس
  #12  
قديم 31/12/2006, 04:52 PM
الصورة الرمزية الخاصة بـ اللمسة السحرية
زعيــم متواصــل
تاريخ التسجيل: 07/12/2006
المكان: ليبيا
مشاركات: 115
والله ياستر
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:38 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube