صورة لطفلة ادخلتني في نوبة بكاء - نادي الهلال السعودي - شبكة الزعيم

العنفوان الازرق · #1 26/12/2006, 06:13 PM

السلام عليكم ورحمة الله وبركاته

مقطع قصيده تحكي احساس يتيمه

ابكت اكثر من 500 شخص

للشاعر البحريني إياد المريسي

يبه وينك؟!
تعبت انتظر ..
تعبت أتخيل ايدينك ..
يبه وينك ...
تعبت أسأل زوايا البيت ..
تعبت أسأل ثوبك المكوي
تعبت آشم عطرك
واحضن غيابك ..
تعبت اكذب على دمعي
وارتب عيني وثيابك ...
يبه وينك؟!
الف الدار ..واتذكر ....
هنا ..يمشي ...
هنا يجلس ..
هنا يضحك ..
هنا كنا على شانه
نجي نسهر ..
يبه وينك ..
ويقطع حزن هالافكار ..
باب الدار ...
واصيح بصوت ...واتحشرج ..
منو بالباب ؟!..منو اللي دق هذا الباب؟!
انا مابي لعب ..واقلام ...
انا مابي هدايا
انا ما ابي اشوف اصحاب ..
يبه وينك ؟!
يبه .. يرضيك حالي اللحين ؟!
كرهت المدرسه ...والدرس ..
ولا حد فيني حس ...
تذكرني بغيابك... شهاداتي ..
معلمتي ...
وباب المدرسه ...
والدرس
اصحابي وعلاماتي ..
يبه وينك ؟!
كلامي يا يبه حارق
كلامي مر ...
وانا اقرا في الدفاتر هنا ..
(يوقع ولي الامر)
من اللي فرحتي تتكحل بعينه ؟!
وضحكاته
يبه ..وينك ..؟!
نجحت ..وتختنق فرحه
وسط صدري ..
تجيني الناس وتبارك ....
وهذا الحزن بي حارث ..
ولا تدري ...
باني يتيمه ..
والسبب حادث.. )
وبدت تذرف دموع
تشق صدر الليل
سواده ...حيل يشبه له شعرها ..
يشبه له غياب...الاب..
غايبه ..
ما وراه غياب..
ولا يمكن يعوضه ..
القريب / الاخ / والاصحاب
ثقيله هالدقايق
اذا كان الوجع..بـ عمر ..أانسان
بغيضه يالدموع اللي على خدين طفله
بعمر الورد
حزينه يا الاماني ..ليه ؟ّ
حزينه يا الاماني ..ليه ؟ّ

اخواني يعلم الله ليس قصدي ان تتألموا من هذه الصورة ولكن تعلمون أن عيد الاضحى لا يفصله الا ايام قليلة

فتذكروا اخواكم المحتاجين واليتامى وجودوا بما تجوده ايديكم تلقونه عند الله اعظم

دمتم بخير

هامور البورصه · #2 26/12/2006, 06:42 PM

فعلاً الصووره تااثر فييك

بس على معتقد الموضوع هذا كتب قبل كذا والصووره هذي بعد

على العموم الله يعطييك العاافيه وشكراً على القصيده وصح لساان قاايلها

ودمتم سالمين

الكناري الأزرق · #3 26/12/2006, 07:56 PM

الله يجزاك خير ؛؛
و الله يطول بأعمار والدينا و يساعد الفقراء و المساكين ؛؛

مجودي الهلالي · #4 26/12/2006, 08:14 PM

كل عام وانتم بخير

والصوره فعلا مؤثره

وصح لسان قايل القصيده

ولاتنسون اليتامى والمساكين

مجودي الهلالي

زعيم الاوطان · #5 26/12/2006, 08:16 PM

والله الصوره مؤثره

الــــ شكر ــــــف

وان شاء الله نتذكر اخواننا اليتامى والمساكين

20 ياسر الجابر 9 · #6 27/12/2006, 12:01 PM

رعبوبة الزعيم · #7 27/12/2006, 05:25 PM

يـــاعمري

الله يكون بعونه ..
ويرحم أبوه ويشوفــه ان شالله بالجنه

ساقي الـعُطـور · #8 27/12/2006, 08:08 PM

لاحول ولاقوة لا بالله

هذه الصوره محزنه والله

وجدت نفس الصوره في احد المنديات انه بنت سعوديه لكن لا اعلم صحة ذلك ؟

والله يعطيك العافية أخوي

الـساقي · #9 27/12/2006, 09:37 PM

واللــهـ الصــورة تخـلي الوااحد غصـب يصـيح ,,

فديــت هالدمـووع ,,

وماأقووول ألا اللــهـ يخليهـااا لأمهــااا ويحفظهــاا رب العاالمين من كل شر ,,

ابو همس الهلالي · #10 27/12/2006, 09:54 PM

قصيدة مؤثرة شكراا لك

هلاليه و افتخر · #11 27/12/2006, 10:14 PM

فـعـلاً الـصـوره مـؤثـر

يـعـطـيـك الـعـافـيـه اخـووي

R.O.M.A _10 · #12 28/12/2006, 04:21 PM

الصورة معبرة مشكور أخوي

الزعيم الغيور · #13 28/12/2006, 05:25 PM

بسم الله الرحمن الرحيم

السلام عليكم ورحمة الله وبركاته

لا أملك إلا أن أقول

** لكنما هي آهات نرددها أوهـ لو أجدت المحزون أواهـ!!!