#1  
قديم 26/12/2006, 04:30 AM
زعيــم فعــال
تاريخ التسجيل: 17/12/2000
المكان: الرياض
مشاركات: 466
يا سامي الجابر ويييييينك؟؟

.
.
.

عاد سامي في مباراة النصر صحيح ما لعب بس فرحنا بوجوده بالاحتياط بعدين جت مباراة الاهلي ولعب سامي وفرحنا اكثر وقدم لمحات حلوه ابو عبدالله وحسيت بروح جديده بالفريق . وجت مبارة الشباب قالوا انه مصاب بالانفلونزا قلت سلامته وما يرى باس نجمنا المحبوب . وجت مبارة الخليج وبعدها الوحده وسامي اسمه غير موجود مع الاحتياط ! ولا يوجد اي تبرير من ادارة الهلال او المنتدى هنا !

سامي طال انتظارنا لك والموسم ما بقى منه شي ويقضي نبيك تمتعنا في ايامك الاخيره قبل اعتزالك مثل ما متعتنا سنين وسنين يا سامي .


سامي نشكرك كل الشكر ونقدم لك كل العرفان على الاشياء لكثيره اللي قدمتها للهلال ولنا واللي ما نقدر نحصرها او نوفيك حقها لانك رمز كبير وانا برأيي انك ابرز لاعب مر على الهلال لأن الأرقام تحكي ذلك وما حققته للهلال من بطولات اسعدتنا كلنا من سنة 1410 وحتى العام الماضي لا يمكن يحققها لاعب غيرك مهما كان .


أنت نجم اسطوري ياما وياما صفقنا لك وتعبنا وحنا نصوت باسمك وندافع عنك امام سخافات الحاقدين من الفقراويه وغيرهم اللي دايم ما يصغرونك لكنك وغصبن عن خشومهم كبير كبير كبير .


سامي ما بعد شبعنا من متعتك الكرويه .. وبصراحه ما ودنا الموسم يقضي لان الاشاعات تقول انك ناويه الاخير


سامي بصراحه وان كنا نحبك ونقدر كل الاشياء الجميله اللي قدمتها لنا كهلاليين لكن يا بو عبدالله غيابك طول هالشهور بدون مبرر مقنع لنا شي صعب نتقبله بسهوله . لأننا نبيك يا سامي نجم وقدها وقدود حتى آخر ثانيه لك بالملاعب .


بصراحه ورغم ان الفريق يقدم مستويات كبيره هالسنه ورغم ان اللاعبين رائعين بقيادة القناص ياسر والموهوب الشلهوب الا انه ماش ..! أحس ان الفريق ناقصه شي .. ناقصه روح كروحك يا سامي .. ناقصه خبره كخبرتك يا سامي .. ناقصه كبير كما انت يا سامي .


سامي وجودك على الاقل لو بالاحتياط يعطي شي كبير للفريق . يعطي دافع للنجوم الشباب .


سامي ان كنت ناوي فعلا ً الاعتزال اعلنه الآن لو سمحت وخلنا نرتاح من انتظار عودتك للفريق .

والا يا سامي ارجع وعزز من قوة فريقنا في باقي مشواره بالدوري وكأس ولي العهد وكأس فيصل والأهم بطولة آسيا .

أتمنى فعلا ً انك تقود الفريق لتحقيق بطولة آسيا ومن ثم التأهل لكأس العالم وللي بيكون خير ختام لمشوارك المرصع بالألماس والذهب يا كبير .


كل التقدير والاحترام
اضافة رد مع اقتباس
  #2  
قديم 26/12/2006, 05:58 AM
زعيــم فعــال
تاريخ التسجيل: 05/05/2006
المكان: قلب الزعيم
مشاركات: 409
مشكور ويعطيك العافيه على الموضوع
وانا معك من جد اشتقنا له
صراحه زودها وطولها بغيبته
اشتقناله
بليز سامي ارجع لنا
اضافة رد مع اقتباس
  #3  
قديم 26/12/2006, 06:23 AM
زعيــم متواصــل
تاريخ التسجيل: 20/09/2005
المكان: في داخل قلب سامي
مشاركات: 175
سامي سبب غيابه الانفلونزا والآن بدأ يتمرن مع الفريق وعودته ان شاءالله بعد العيد
اضافة رد مع اقتباس
  #4  
قديم 26/12/2006, 06:36 AM
زعيــم نشيــط
تاريخ التسجيل: 05/08/2005
المكان: جنب بيت جيرانا
مشاركات: 874
صدقت اخوي والله مشتاقين للذيب كثير

لكن على ما اعرف ان معاه اجازة الى بكره

لان معاه انفلونزا حاده ( ما يشوف شر الغالي )

وعندي احساس ان هالموسم سامي راح يرفع الدوري وكاس اسيا ان شا الله

تحياااااتي
اضافة رد مع اقتباس
  #5  
قديم 26/12/2006, 07:50 AM
زعيــم فعــال
تاريخ التسجيل: 11/05/2006
مشاركات: 368
سامي مصخن فيه الفلونزا وصدق من قال ماتشوف الهلال ترجع هويته الا بسامي انا مدري وش بيكون حال الهلال بدون سامي... الله يفرجها ويقوم الكابتن سامي بالعافية
اضافة رد مع اقتباس
  #6  
قديم 26/12/2006, 08:11 AM
زعيــم فعــال
تاريخ التسجيل: 20/03/2004
المكان: في بيتنا
مشاركات: 421
يالذيب ياللي شاقني ممشاه

ياويلي ويلاه وياله 000000 ماذبحني كود حبي للذيابه
اضافة رد مع اقتباس
  #7  
قديم 26/12/2006, 08:13 AM
زعيــم مميــز
تاريخ التسجيل: 14/10/2002
المكان: جدة
مشاركات: 6,039
إن شاء الله سامي سيعود ويزيد إلى رصيده المزيد من البطولات


إن شاء الله لن يكون هذا موسمه الاخير بدعم ومطالبة الاعضاء
اضافة رد مع اقتباس
  #8  
قديم 26/12/2006, 12:53 PM
زعيــم فعــال
تاريخ التسجيل: 17/12/2000
المكان: الرياض
مشاركات: 466
شكرا ً لكل من رد .


وأتمنى عودة سامي بأسرع وقت
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:56 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube