نادي الهلال السعودي - شبكة الزعيم - الموقع الرسمي - قــفـله فــي إذن ولــد بــنــدر .. زعـيـمنا في سـطـور .. من فضـلك أبا سلطــان ..

الله يمسيكم بالخير يالغالين .. كيفكم تمام وش أخباركم .. ترى السبت عيد :thumbup: :thumbup:

أنا صراحة ماأدري إنكم طماعين للهدرجة , يعني فريقكم جايب لكم 10 انتصارات ورى بعض , ويجي ويتعادل مباريتين ورى بعض , قومتوا الدنيا وأقعتوها ..

على فكرة , أناهلالي , ومتعصب , وإذا انهزم الهلال , احــــــذر تقعد بجمبي , لأني أحط الحرة فيه ..

لكن إذا أخذناها بالعقل , لازم شوي نخف على الفريق , يعني ماقصروا جابوا 10 انتصارات ورى بعض , ويوم جابوا تعادلين ورى بعض قمتوا تتكلمون ووتتهجمون على بعض اللاعبيين ..

يعني الي قاعد يتكلم على عبدالعزيز العبدالسلام هذا , أنا أبغى شي واحد , أبغى تنزل وتلعب مبارة واحدة كظهير
إن ماطلعت ريحتك ,, ماأكون الأزرق الخلاب , الظهير أكثر لاعب ينضغط عليه , المدربيين العالميين الأن أغلبهم يعتمدون على اللعب من الأطراف , والضحية الأظهرة , ولا تنسى إن العبدالسلام عمره 21 سنه فقط , وأبيك ترجع لمبارة الهلال والوحدة وتشوف الجهه اليمنى للهلال بعد خروج العبدالسلام , وبعدين دور لي ظهير مايأخذ في 13 مبارة إلا كرت واحد فقط , الي أبغى أقوله مو اذا انهزم الهلال قمتم تسبون وتهزؤن على كيفم ..

إلا على طاري الكيف , شفتو رأسية العنبر اليوم , ياهي رأسية بس على قولة فهد العتيبي لو كان العنبر متأقلم مع جو المباريات شوي , كان أضمن لكم إنها هدف ..

أبو سلطان , أنا أبغى أسأل سؤال .. ليه المدرب يلعب بمهاجم واحد , حتى لو أحضر الهلال رونالدو أو روني أو أي مهاجم عالمي للهلال , لن يستطيع أن يفعل شي خصوصاً ونحن نعلم كيف الأندية تلعب إذا قابلت الهلال , وزد على دليل واضح للجميع وأبرزهم أنت يأبا سلطان , كل أهداف الهلال تأتي في الشوط الثاني بعد دخول مهاجم ثاني , وارجع لمباريات الهلال سواء مع باكيتا , أو بيسيرو الأن ..

ليس معنى نجاح خطة 4-5-1 مع باكيتا , ينهج بيسيرو نفس النهج , فباكيتا لدية فكر وبيسيرو لدية فكر آخر , وباكيتا لديه تكتيك وبيسيرو لديه تكتيك , والدليل كنا نشاهد بيسيرو مع لشبونه البرتغالي كان يلعب بخطة 4-4-2 فماذا تغير , هل لأنه شاهد أشرطة الفيديوا لباكيتا وافتنع بأن نهج باكيتا سيجلب له البطولات أم ماذا ...... !!

أقنعتوه بإبعاد الهليل , وكان اقناع لمصلحة الهلال , فلماذا لا تجتمعوا معاه , وتتناقشون فيما بينكم , وتتضح الأمور يعني حتى فوز الهلال الدور الأول بعشرة انتصارات متتالية لم تكن هناك مبارة تحس ان الهلال لعب فيها الا مبارة الشباب , واعتقد ان الحضور الجماهيري والطاقم الأجنبي له دور ..

أبو سلطان ,, لانريد الدوري , ولا كأس ولي العهد ,, بل نريد آسيا حتى لو احتمل الأمر بأن يشارك فريق فيلهو بالدوري وبطولة كأس ولي العهد , فحصولنا على كأس آسيا سيعود منه المنافع الكثيرة لنادي الهلال ..

نواف بن بندر التمياط ... سأكتفي بقول .... ؟؟

يـالـيـت الزمان يعود يوماً ...
لكي أتمتع بك يانواف ...
أبدعت ثم أبدعت ثم أبدعت ثم سكنت القلوب ...
لاأحد يستطيع أن يخرجك من قلبه يانواف ..
أُصيبت ! فتشوقنا لرجعتك ..
رجعت ! فأنتظرنا نثر فنك المخزون لديك ..
لكن !! لم نخبرك هكذا , قلنا كبوه جواد ..
قالوا ؟؟ إنــــتــــــهــــــــــى ..
أنهوه أصحاب الإنبراشات السوداء ..
قلت بأعلى صوت لاااااااااااااااااااااااااااااااااااااااا
نواف سوف يرجع لما خبرناه ..
قالوا , خلاص ولد بندر زمن وذهب بحال سبيله ..
قلت ياليت قلبي يستطيع أن يقول مافي داخله ..

قــلـت ومـازلـت أقــول وسـأظــل أقـــول

نــــواف أنـــا مــتــأكـــد أنـــك ســـتــعود , ولـــعـلـهــا تـــكون الـــبدايـــة مـن الـكـويـت الـكــويــتـي .

على المحبة والمودة نلتقي ..