وراح تكون باذن الله في ثلاث حلقات علشان ماتملون وعلشان بعض الناس يقرونها ولايحطموني ويقوولون طويلة وتراني مختصرة الاحداث والحوارات:p

والحلقات كلها هنا بتنزل بنفس الموووضوع بشكل يومي لمده ثلاث ايام:p
اتمنـى انهـا تعجبكمـ وان ماعجبتكم الايام قدامنا
فقبل ابد احب اعتذر لاي عضو او عضووة ماكتب اسمه معنا بس تعرفون العدد كبير وحاولت اكتب الجميع بس مدري اتوقع اني ناسية احد فالعذر والسموحة والي ماشاف اسمه بالحلقه الاولى فيه حلقتين ثانيه
ووالي كتبت اسمه وماعجبه الدور فالعذر والسموحه ايضا
واحب اشكر صديزتي رعبوبة الزعيم على مشاركتها في بعض الاحداث
وصديزتي محبوبة الزعيم على طقم التصاميم:p
وشكرا:p

وخروو وجع وش هالغبار اف عليكـ بس يالمزعج
وتهاوشت رعبوبة مع نمر لان الغبار دخل بعيونها كلنا يالبنات خفنا الصراحه هواش مو طبيعي
طمرت وردة زرقا :: تنادي حبي تيماوي يفكهمـ وجا وسحب نمر معاه
وسحبنا رعبوبة ودخلناها الخيمه وعدت السالفه

دخل علينـا هلالي الماسي بالخيمه
ونطت بوجهه رعبوبة وش تبي انت بعد
مسكين هو تنح ومستغرب وش هالي تصارخ عليه
عاد قال لنـا تعالو فيه مساجله شعريه بينا وبينكم

الهنووف :: اقول حافظين قصايد تراني انسى بسرعه
سحر الشرق :: والله مدري
اميرة الاحساس:: اول اخاف نخسر ونتفشل منهم
هلاليه من الرياض :: تراهم عيارين عاد فيكم شده قمنا
فيروسه :: عندي طه اذا حسينا نفسنا متوهقين وحده منا تسوي نفسها تعبانه
هههههههههههه هههههههههههههههه جبتيها والله

ورحنا بطموح الفوز واحنا بالطريق بصوت مرتفع
عليهم عليهم عليــهم

وتجمعنا :p

وبدت المساجله من الشباب
مطيع الهميمي ::
احبك حب لو يرمى بصحراء
غدت بنيان وبحور ومواني .
سحر الشرق
يخاطبني السفيه بكل قبح فاكره ان اكون له مجيبـا.
. يزيد سفاه فازيد حلما كعود زاد الاحراق طيبا

البنات :::: طيبا
ابوريمان ::
ان العيون اللتي في طرفها حور
قتلننا ثم لم يحين قتلانا

رعبوبة الزعيم ::
انا بنيهـ كتبت اسمي على قلب الشعر تحديد .;) .رقيت بعزتي قافي وكل الناس مخبوره

واثق الخطوة::

هى شمس والبنات كواكب ******* فاذا ظهرت لم يبقى منهن كوكب

اسيرة الزعيم :::

بلادي وان جارت علي عزيزة ..واهلها وان بخلو علي كرامُ
الشباب توقفووو هنا
الهنووف ::خلاص دورنا واحد صفر:p

الماسة زرقاء
ماني من اللي ينحني بسهولة..
لي هامة تخضع لها العز وتلين.

بنت العرب بنت الأصل والحمولة..
بنت في مطلع العز تبـــيـــــن

ابو يارا المغترب
نعيب زماننا والعيب فينا ومال زماننا عيب سوانا

رائدة الزعيم
أروني مدى الإيام عهداً معطراً

هلالي الدانه ..
وش ذا كملو طيب
هلالية سنعه ::ماعليكم منا خلاص كملو بس

هلالي الظهران::
ألأ ايها العشاق بالله خبرو اذا حل عشق بالفتىفماذا يصنعُ

وهنا بدا الصراخ ياهوووووووووه
والشباب دخلو جو هنا ولسان حالهم :: أي والله

البنات :: ماعرفوو يكملوون
ونتقل الدور للشباب

الفارس الحائر::
أنا لولاي أنا من تكونين
أقولها وأنا نعم فيك مغرور
أنا جعلتك نور وإنت من الطين
جرّت قلم وأمحيك من عالم :p

البنات :: يناظرون بعض حسنو انهم بدو يدحدرون شووي
هنا غمزت فيروسه ;)
ندووش :: أي أي واتعصر بمكاني
البارق :: وش فيها
محبوبة الزعيم :: من امس تعبانه يمكن لفحها برد
مقدر الهلال :: شيلوها الخيمه طيب

ورحنا كلنا البنات للخيمه وصلنا ومن الضحك تسدحنا بالارض
وعدا الموقف على خير

ولما جا الصبح اجتمعنا على الفطوور وتجي سياره من بعيد
ديك الجن :: تغطوو من ذا الي جا
سهل ::هذا المـ وووج اجلسوو جاي يشوف الاوضاااع:p
قمنا نجيب القهوه والشاي لزوم الضيافه نخاف يقول ارجعووو
ونجلس نسولف شوي

الا يقوم المووج ويفتح الجيب وينادي هامور البورصة ويطمر معه
وجايب له الله يطول بعمره

الهنووف :: وووواوو ببسي فرصه مادام ابوي مو معنا :p
وينزلون شي ويقول هذا للبنات

البنات .. ووووووواووو ووووووواووو حيوو المووج حيووووة حيووووة ياهوووه

ونطالع الشباب :: ونقول مساكين مساكين
الشباب :: عصبو والو وش هذا بنات ويسوقون دباب وش ذا يالمووج
المووج :خلهم يوسوعون صدورهم مافيه احد حتى اذا بغو يسوقون سيارات مافيه حولكم احد:p
البنات :: متقطعات من الوناسه
الهنوووف :: امنيتي اسوق سياره >>>تلمح
وفرصه ضايعه :: وانا بعد
وكل البنات وانا نبي بعد
محد معطيها وجه من الشباب
الهنوووف :: مالي الا الكلاسيكي بقوله يعطيني مفتاح احد السيارات وانزل اخبار المجلس بداله
ووافق الكلاسيكي وصدى الامس ماعجبه الوضع
صدى الامس :: هلالي الظهران تعال اقولك
هلالي الظهران :: ماعلي منك وش يفكنا من المشرفين عاد
صدى :: ماعليك
وراح صدى وهلالي الظهران وحطو

رحنا بنركب انا والتميمه ووردة زرقاء وفرصه ضايعه ورائدة الزعيم
الهنووف :: بروح انادي رعبوبة والبنات
التميمه تفتح الباب :: وتصارخ وتطيح بالارض من الخووف
وجينا كلنا مسرعين
حبي تيماوي :: من الي حط الضب بسرعه
هلالي الظهران :: مو انا لاتناظرني هذا صدى
صدى الامس :: يالخاين مسرع وعلمت
سهل :: جيبووه

وعقاب له

الهنوووف:وش رايكم بنات عندي فكره
كلنــا :وشهي
الهنوووف:نروح عنهم بعيد ونشب نار ونجلس نسولف لما ينامون الشباب نرجع ونسرق الدبابات :p لان دباب المووج ماعرفنا نشغله:p
رعبوبة:ايه وناسه يالله بسرعه وبجيب القهوة والمكسرات معي
فييرووسة :<<<<تفكر تنتقم من هلالي الظهران ليش يتشمت علينا
الماسه:::فيوو وش فيك سرحانه بإيش تفكرين
الفيروسه:أنـا أباخذ بثاري
الماسه::::من مين
الفيروسه:من هلالي الظهران والعنا بعد ليش يتشمتون علينا علشان ماأخذنا الدبابات
بنت الزعيم:ياشيخه ماعليك منهم بنعلمهم إن شالله مين حنا
الهنوووف:يالله يالشيوون بتروحون ولا لا
نجمه:ايه يالله مشينا
كلنا:يالله توكلنا على الله
وقمنا رحنا وجلسنا نتمشى ووصلنا لمكان حلو ونظيف المهم بسطنا فيه وشبينا النار وجلسنا
سوالف وضحك
سحر الشرق:بنات تتذكرون الحرب اللي سواها القاضي بالإجازه الصيفيه:p
رعبوبة:أكيد ماراح ننساها والله كنا مرجوجين بقوووة
الهنوووف:والله أيام حلوة راحت ياليت ترجع
سوسو:بنات بقولكم نكته
كلنا:قولي
سوسو:في واحد راح سوق الخرفان يبي يشتري خاروف وقام يقلب ذنب الخاروف قام الخاروف قاله
انت تشتري ولا تستهبل
كلنا:قمنا نضحك :p
المهم بعدين شفنا الساعه الا متأخر قلنا أكيد نامو العيال خلنا نرجع
أسيره الزعيم :الحين حنا من أي جهه جينا
سندريلا:أضن من الشمال
أميرة الإحساس:لا أعتقد من الشرق
إليزابيث:حنا جينا من ذيك الجهه اللي هي الغرب
الهنوووف:يالله تذكروا من وين جينا<<وكان باين على وجهها الخوف
رعبوبة:<<جالسه تصيح
تغريد :خلنا نتوكل على الله ونروح من الشمال ولا تخافون علشان مانصير مربوكين ونضيع اكثر
وبعدين قمنا نمشي وكل مامشينا نحس الطرق يتغير مو هذا اللي جينا منه ونص البنات جلسوا يصيحوون
هلاليه وافتخر :خلاص انا مقدر امشي تعبت من المشي
التميمه:وان ميته من البرد احس اني بتجمد
الورده:معليش اصبروا وادعوا ان حنا ندل الطريق
محبوبه:يااارب بس بنات ياويلنا من حبي تيماوي عسى مايرجعنا بس
سحر:لا ان شالله مايرجعنا

وقفنا نستريح شوي الا ونشوف من بعيد لمبة سياره ونفررح ونطامر ووقفت

وش صــار للبنـــات بعدين...!!!
ومن كان بالسيارة ..!!!

>>>تسمع بالاكشن :p

..

تابعونا غداا في نفس الموعد بالحلقة القادمـة :p .



..

ورا مــالي شـعــر مـضـبــوط مـثـلـهــمـ ;)

_______________________________

يــالله بـكـون أحسن مـنـكـ وبـسـويلـكـ >> تكفى

ابـــداع فــن وفــلــه * * * * * * ** * * * * والهـنـوووف أحـلـى وحـده

الهـنوف يسلام ماقصرت رعبوبه * * * ** * * * ننتظر حلقه ثانيه معدودهـ


________________________________


يــزيــن الكشـــتـــة .. بــس تــصــدقـــون .. كــان ودي أعـطيـكـمـ دبـابي الدورة بــ 5

بــس الكـنـاري والنـفـيـخـة قـالوا لي لا تـعـطـيـهـمـ >> طيـحـوا فـيـهـمـ طــق

والطـريــق كــان فـلـه وخـاصـة بـسـواليـف ][ هلالي الظهران و عزوز ][ ...


مــوضــوع حــلــو 10/10
____________________________________________________________

(f)°¨¨™¤¦.@.السلام.؛؛.عليكم.؛؛.ورحمة.؛؛.الله.؛؛.وبركاته.¦¤™¨¨°(f)

(l)(l)(f)(l)(l) اشتقت لك (l)(l)(f)(l)(l)


يشرفني اول من يرد عيكي واني اكون اول مشتركة معاكي في الموضوع
يلا سلاااااااااااااااااااااااام

موضوووع خطيير ويوسع الصدر تسلمييييييين هنووفه


حيوو الموووج حيووووووه

في انتظاار الحلقه القااادمه

بسم الله علينا حنا يالبناات عسى مايصير فينا شي

خطيييييييييييييييييييييييييييره يا الهنوف

بس عجلي علينا وش صار للبنات

والانتقام لا تنسينه






























طحياتي : بنت عبدالعزيز

دايما مفاجأتك حلوه

موضوع رائع وسيناريو أجمل

يعطيك العافيه

ههههههههههههههههههههههههههههههههه

وش ذا الكشته ..


بجد اني حنيت عليكم ... امانه لاتضيعون والله الشبكة بدونكم اشك انها تستمر<<اصص


هنوفه تراني دخلت جووووو ... صدق اني مااحب المسلسلات .. و افضل الافلام ..
لذلك انا بعتبر موضوعك فلم .. والفواصل اعلانات تجاريه ..هع

إقتباس رعبوبة الزعيم ::سهل ترى لنا اربع دبابات والشباب اربعه الهنوووف::ايه انا ابي الاحمر الجاحظ : معصي

ماش يالجاحظ .. اخاف يعلمون عليك هيئة حقوق المرأة .. انتبه ترى فيها غرامة و سجن ...


تعودنا نا نتوقع قبل الحلقة الاخيرة ... تردون وش اتوقع ؟؟

* وحده من البنات تنكسر .. ههههههههه
* العقرب تقرص العقرب .. الا وينه العقرب ماعاد ينشاف ؟؟!
* ثعبان طولة خمس امتااااااار يهاجم المخيم .. ويتم القضاء عليه ..بخطة ولا خطط باكيتا مع الهلال...
* زيارة سامي الجابر .. نواف التمياط .. الشلهوب .. الخثران .. والامير محمد للمخيم..

<<<< يقولون انه بيطول المسلسل ذا ...



انتهى , , ,

الله يهديك الهنوووف كملي اليوم ملزمه تكملين غداً << متحمسسسه ..

الهنوووف وش هالحركتات هذي نبي نعرف منهي سياارته هذي هههههههههههههههههههههههههههه
ههههههههههههههههههههههههههههههههههههههههههههههه

الله يرجط قسم بالله ضحكة ضحك ماشاءالله عليك خيال احس اني عشة القصه واتخيلكم وانتو مضيعين

ولا عااد التميميه يووم تفتح الباب وتلقى الضب غريبه مامسكته وبعدين انا بس طالع في دور

انزل بباسي ههههههههههههههههه وش هالدور هههههههههههههههههههههههه

على العموم الله يعطييك العاافيه على الكشتة الحلووه وترى بانتظاار الحلقه الجاايه بكرة هاه

ودمتم سالمين

ههههههههههههههههههههه

ياحليلكم بس وراكم مااخذتوني معكم

لو انكم قايلينلي طان جبت لكل واحد دباب هارلي

موضوووع يوسع الصدر . . تسلمين اختي الهنوف . . الله يعطيك العافيه

في انتظاار الحلقه القااادمه . .


واحد مايعرف يلمح >>> اسمي ماهو فيه :p

يارب . . يارب . . يارب . . تذكر اسمي يارب

إقتباس من بطولة لبطول الذهب محد يطوله غيرك انتي اولد وايل

استريـــــــــــــــــــــح

انا قايلن من سنة جدي انك مبدعه من قلب
وفضاوتك الواضحه دايما تعجبن ;)

فكرة الموضوع متعجبن منها انا ياوالله الفراغ

عاد متواعد انا وكلاسيكي انه يركب معي قدام لا كشتنا ويصب لي شاهي ولا يلمس المسجل :p

بس انا زعلان عليك ماجبتي طاري كحيلان

عوافي اختي وننتظر جديدك