السلام عليكم ورحمة الله وبركاته

أحبتنا الكرام
حنا نفكر يوم وراء يوم في انتقالات اللاعبين وأيهم أجدى للهلال وعندي فكرة لو عملنا بها ما راح تروح فلوس الملايين المملينة على الطاير بالعكس راح تبقى عندنا وأنتم تشوفون الأيام هاذي واللي يبي مالك معاذ واللي يبي محمد أبو تريكة واللي يبي عبدالرحمن القحطاني واللي يبي ماجد العمري واللي يبي صالح بشير واللي يبي كماتشو يرجع ثاني واللي يبي كاسانو واللي يبي عيسى المحياني واللي علاء الكويكبي واللي يبي سعد الحارثي وغيرهم
المهم يا أحبابي أنا ما ضدكم في ها المطالبات باللاعبين اللي ذكرت أسماءهم أنا معكم

بس يا ليت نفكر شوي ونقول

ليش ما يكون عندنا كشافين يمشو للنوادي خصوصا الدرجة الأولى أو حتى الدرجة الممتازة في فئة الشباب ونجيبهم للزعيم من يكون بارز خصوصا الهجوم بناء على القاعدة اللي تقول ( خير وسيلة للدفاع الهجوم ) وبالذات في فترة الانتقالات اللي جاي الحين.

وخلني أعطيكم مثال زين

اللاعب الفذ ( سعد الذياب ) ما كان معروف عندنا بس والدنا الرئيس الذهبي للهلال سمو الأمير بندر بن محمد آل سعود مشرف القاعدة السنية شاف اللعب هذا بارز مع ناديه الطرف بالأحساء فجابه للهلال

نفس الشيء لاعبنا ( محمد العنبر ) كان في نادي السد بالخرج لعب وبرز مع ناديه الأول في بطولة الخرج فجابوه برضه للهلال

نفس الشي لاعبنا ( ماجد المرشدي ) كان في نادي الجبلين بارز معاهم فجابوه للهلال

الحين أنا أوصيكم باللاعب ( محمد الكدادي ) لاعب الخليج وتدرون كيف كان مستواه في مباراة الهلال الماضية مع الخليج

برضه بزميله في الفريق محمد الغامدي وكيف كان تمريراته بالدقة
برضه زميلهم في الفريق الكابتن عبدالغفور المزعل

في النهاية أقول لكم قبل العيد

من العايدين قبل الزحمة

كل عام وأنتم بخير

عيدكم مبارك وعساكم من عواده

تقبل الله منا ومنكم

والسلام خير ختام

والسلام عليكم ورحمة الله وبركاته

يعطيك العافيه

والله اتمنى طرح الثقه بلموجودين وان ابدعوا ترا اعمارهم كلها تخدم لسنواةطويله لماذا لا نئتي بلاعبي ناشئين واشبال احسن

هلا وعليكم السلام والرحمة والاكرام


بس لعيبة الخليج مب بمستوى الهلال


عبد الرحمن القحطاني وبس


ومن ثم مالك معاذ


ومن ثم عبد المحسن الدوسري

مشكور

ناصر الشمراني

او

علاء الكويكبي

الاعبين ممتازين وسريعين ومهارات