حـصـريـاً طريقة إرسال البرامج من الجوال ( تـخـيـل ) - للجيل الثالث - بالشرح الممل - نادي الهلال السعودي - شبكة الزعيم

دن أويلاه · #1 25/12/2006, 01:42 PM

.

( يمنع منعاً باتاً الرد من قبل النساء )

السلام عليكم ورحمة الله وبركاته

أضع بين أيديكم برنامج متصفح الجوال ProfiMail ومنه تستطيع إرسال البرامج

لا صيغة الملف محمية ولا غيره ،، إرسل على كيفك

نبدأ بالشرح :

أولاً / حط بطاقة الذاكرة بالقارئ وحطه بالكمبيوتر

وخش مثلاً على Other أو أخرى

وسولك ملف وسمه مثلاً Program بالأنقليزي لا تنسى

وحط البرامج اللي تبي ترسلهن للعالم داخل الملف اللي سويته

بس لازم يكون أسماء البرامج بالإنقليزي

(( يعني إذا كانن بالعربي عندك بالكمبيوتر أعد تسميتهن وخلهن بالإنقلش ))

إذا خلصت ركب بطاقة الذاكرة بالجوال ..

ثانياً / البرنامج اللي بالمرفقات كزه ( إرسله ) لجوالك وثبته

إدخل البرنامج تطلعلك شاشة زرقاء يقولك لازم إعادة تثبيت وخطأ بالرقم ( Error )

إضغط على الزر الأحمر (( اللي يصك السماعة )) >>> صك السماعة بوجهه

وإدخل البرنامج ثاني مرة يطلعلك كلام بالإنقلش يقول تبي تسوي إيميل .. إجحده وإضغط على ( No )

دوس يا حسين على ( Menu )

تلقى فوق كلمة ( About ) أو تحته كلمة ( Registration )

إدخل عليه وإضغط على زر القلم مرة وحدة وإختر الأرقام علشان تحط رقم التسجيل

وإكتب خمس أصفار ( 00000 )

وبكذا صار البرنامج كامل

طيب الحين رح لـ Menu ثمن Tools ثمن File Explore

يطلع الآن C و D و E

رح للـ E وإضغط عليه ثمن رح لملف الـ Other وإضغط عليه يطلعلك الملف اللي سويته مثلاً Program

إضغط عليه يطلعن البرامج اللي حطيتهن (( إذا كنت ماسميتهن بالإنقلش يطلع أسمائهن إستفهامات ؟؟؟؟؟؟ ))

رح للبرنامج اللي تبي ترسله وإضغط Menu ثمن Send by ثمن بالبلوتوث

وبالهناء والشفاء

وبكذا خلصنا الشرح (( بالتفصيل الممل ))

طبعاً تقدر تحط ملف ثاني بـ Other وتسميه مثلاً Program2 وتحط برامج للجيل الثاني

وترسل للعالم اللي معهم جوالات الجيل الثاني (( برنامج القرآن أو المؤذن أو ....... إلخ ))

- فرصة عظيمة جداً -

الآن برامج الجيل الثالث مابعد إنتشرت مرة مثل الجيل الثاني ولهذا

أي واحد تشوفه معه جوال الجيل الثالث على طول إرسله برنامج القرآن والمؤذن وغيره

يعني كل ما قرأ من القرآن لك عداد حسنات بإذن الله تعالى أو تذكر الصلاة من برنامج المواقيت لك الأجر

أو أي برنامج مفيد تنوي إنك تساعد أخوك المسلم لك الأجر بإذن الله

تخيل يقعد الجوال معه سنتين أو سنة وهو يقرا من برنامج القرآن تجيك الحسنات وأنت ماتدري

والله وناسة

الله يوفقنا لعمل الخير دائماً

نتشرف بإستفساراتكم وآرائكم وإقتراحاتكم

.

figo622 · #2 25/12/2006, 01:54 PM

جزاك الله خير يالغالي

وبصراحة يالغلا منذ مبطي وأنا ابحث عن هالبرنامج

figo622 · #3 25/12/2006, 01:56 PM

لكن الغريب يا أخوي أنك ذكرت برنامج المؤذن وهو حتى الآن مانزل !!!

دن أويلاه · #4 25/12/2006, 02:02 PM

.

أولاً / وإيـاك يا أبو عابد

ثانياً / يا أخي أسعدتن يوم إنك تقول من مبطي وأنت تدوره

لأني أتشرف بخدمتك يالغالي

ثالثاً / برنامج المؤذن اللي أقصده هو برنامج الـ Organizer

إذا كنت ماتعرفه أنزله لك يا قلب

تحياتي

.

الأمل البعيد · #5 25/12/2006, 02:35 PM

مجهودات تشكر عليهاا...
.
.
.
يعطيك العافية

تحياتي

blueto0oth · #6 25/12/2006, 02:56 PM

يمنع منعاً باتاً الرد من قبل النساء ؟؟؟؟؟؟؟؟؟

بأي دين هذا وأي ملة

دن أويلاه · #7 25/12/2006, 03:03 PM

.

.. الأمل البعيد .. الله يعافيك ..

.

figo622 · #8 25/12/2006, 10:36 PM

إقتباس


	يمنع منعاً باتاً الرد من قبل النساء ؟؟؟؟؟؟؟؟؟ بأي دين هذا وأي ملة

يا أخوي هذا موضوع الرجال لو بغا مايخلي أحد يرد بكيفه !!!

إقتباس


	ثانياً / يا أخي أسعدتن يوم إنك تقول من مبطي وأنت تدوره لأني أتشرف بخدمتك يالغالي ثالثاً / برنامج المؤذن اللي أقصده هو برنامج الـ Organizer إذا كنت ماتعرفه أنزله لك يا قلب

تسلم يابعدي وخيرك سباق

اما بالنسبة للبرنامج احسبك تقصد اللي بالجولات القديمة لأني متعلقن فيه بالحيل

عموماً ماتقصر يالغالي وكثر الله من أمثالك

الاسطوره هنري · #9 25/12/2006, 11:21 PM

مشكوووووور

الهلال حـبي · #10 26/12/2006, 12:10 AM

الله يعطيــك العاافيــه ؛؛

دن أويلاه · #11 26/12/2006, 02:51 AM

.

أخي العزيز figo622

يا بعدي والله يا أبو عبدالله

شاكر لك ردك الشافي والوافي

أحرجتنا بردودك الطيبة

الـ الاسطوره هنري والـ الهلال حـبي

نورتونا وشرفتونا

شاكر لكم ردودكم

.