اعجل من العاجل : غصبا عنك ياكلبي الاقرط ( بأفرح بالعيد ) ( اول موقف مضحك بالعيد - نادي الهلال السعودي - شبكة الزعيم

عزوز الأزرق · #1 30/12/2006, 06:46 AM

السلام عليكم ...<<< مختصر بقووووه ..

كل شيء عندي باختصاااااااااااار ..

وماااااااات صدام مدري شنق .. خير ياطير ؟؟!

لااحد يناقشني فموته ... قبل لا ننتهي من العيد ...

وش تبوووووووون ؟؟!

كل عااااااااام وانتم بخير وسلامة ...

اول موقف صار لي في ذا العيد /:

رحت اصلي الفجر قبل شووووي .. بعد الصلاة طلعت ...
ادور حذائي الجديده ... ههههههههه نهي نهي مافيه ..

يانعاااااااااااااااااالي... يانعااااااااااااااااااااااااالي ... وينك يا نعال العيد ..

وقفت ع الباب .. اناظر وانا مو مصدق ... ياهووووه وش ذا الموقف ...
الناس بتعيد وانا حافي ههههههههههه .. مايصير والله ..
حسبي الله على سؤالك ياماجد ( من بعد ذاك السؤال في ربوعيات وانا والحذايين سالفه )
المهم بتقولن ياعزوووووز وش بتسوي المحلات مقفلة وانت ذلحين بتعيد كيف ؟؟1
باقولكم ... الحمدلله فرررررررررررجت ... اللي شال حذياني .. بالغلط رجع واعطاني اياها ... ههههههههههههه وهو يضحك ع الموقف اللي لقاني فيه ....

انتم هاتم قصص .. اضحكوا علي .. باركوا لي .. باركوا للخرفان .. سووا اللي تسسونه .. لكن ان خربتم ذا العيد .. اعلموا اني انا بشنقكم لا بركة في كل من
اصبح لعبة بيد بوش ... كأنه المؤشر بيد الهوامير...

عيد سعيد ....

سي ياااااااااااااا افتر عيد و نوووووم ..

واعلن لكم من الان .. اني سااااحب ع الغدا .. وموعدي مع العشاء ...

حياكم الله ... سلام ,,,

ساقي الـعُطـور · #2 30/12/2006, 07:08 AM

السلام عليكم ورحمة الله وبركاته

هلا والله

كل عام وأنت بخير

وبعدين تستاهل من قالك تلبسه في صلاة الفجر فرحان بها للدرجة ذي

كنت ناوي أرسلك بالبريد المستعجل بس ربك حلها

يلا خلنا نلحق على الصلاه

سي يو>>>اقولك مع السلامه

^*اموت في سامي*^ · #3 30/12/2006, 07:35 AM

يارجال الموقف عندي انا ،، الله لا يوريكم ...!!!

صليت العيد انا والوالد واخواني الصغار

<< مسوي طبيز (( مكشخ )) ..ههههههههه

المهم يوم رجعنا من الصلاة قال الشايب رح ياولد جب الضحيه ..؟؟

<< زعلان على كلمه ولد وهو صار رجال .. هع هع هع هع

والله يوم اروح اجيب الضحيه من الحوش ابي اوديها لغرفه الاعدام _ السلخ _ وانا ووجهي ماسك الحبل

واستهبل على التيس واقول له اليوم يومك ،، ياويلك ويلاه << تخويف ..ههههههههههههههه:p

المهم مالكم بالطويله وانا اسحبه وراي شوي مادريت الا يوم نقز ذيك النقزه ويحط رجله ..

لكن ربكم ستر ان الحوش مقفل وانا الحقه من مكان لمكان وياهو لعب فيني ،، مرمطني مرمطه الله لا يوريكم ..

شوي الا الشغاله (( توسيره ))

<< جاب العيد وقال اسمها ..ههههههههههههههه

قالت ايس فيه ..؟؟ قلت اتركي القرقره وتعالي ساعديني ..!!

المهم وتنقز ذيك النقزه تقولون طاير سنوكا المصارع وتمسكه وتقول لي ..؟؟

يقدر يودي قرفه ولا مايقدر << قمة الاهانه ..ههههههههههههههههه

قلت الا اقدر هاته وانا اوريك فيك ،، واخذه وانا خايف لا يفرك مره ثانيه ..

المهم وديته غرفه السلخ وتمت عملية الذبح ولله الحمد ..

وكل عام وانتوا بالف خير ..

الهنوووف · #4 30/12/2006, 10:34 AM

صبحكم الله بالعيد

العيد عليكم مباركـ

صحيت من النوم علما باني مانمت الا الفجـر

مدري وش صحاني

نزلت لقيت ابووي قال ماشاء الله صاحيه :p

والا نايمه بدري
قلت لا والله :p
قال والا تبين الروحة (يعني نمشي للديره)

واخذت لي طله على المطبخ
شفت حركات وكذا الي كانت امس خرووف :p

وطلعت

وكنت نازلة ودي اشوف الخرووف قبل يوديه ابوي
لاني بالليل اكتشتف اني خوافه
ماشفته و ظلام ومايبين من الشباك زين

:p
قلت بالصبح بيطلع اوضح

خلف الشباك طبعاا وخايفه تراني :p
وانا ارقى فوقي حسيت اني ضايق صدري واناظر الشباك الي يقع خلفه الخرووف

الصراحه الي انصدمت منه هالبرد وقسمن شي غير طبيعي برررررررررد

وبديت اعطس الله يستر
الله يعين هذا واحنا الصبح

اجل الليل بنتجمد

وماحسيت بالعيد لاني بالرياض

ادعو لي بالوصول بالسلامـة
علشان نحس بالعيد ونسهر ونسولف ونحووس

عاشق مدريد · #5 30/12/2006, 11:07 AM

خخخخخخخخخ هذي مشكلة اللي يكشخ مبكر وخاصة قبل الذبــح

ياخوي المفروض ماتكشخ ووتزين الا بعد مايخلصون العالم ذبــح

يالله عيش وتاكل غيرها

وكل عام وانت بخيـــــر

juve1897 · #6 30/12/2006, 08:10 PM

ركبت سيارة احسبها سيارتي وكان صاحبها ترك الباب مفتوح وادخل المفتاح ولا تدق سلف

بغيت انهبل

الكناري الأزرق · #7 30/12/2006, 09:38 PM

كل عــام و انت بخــير .. و اليوم الحمد لله ما مر علي مواقف .. ! [ معليش عالرد اللي مدري وش يبي لكن عندي كيبورد يرفع الضغط ] .. !

عزوز الأزرق · #8 30/12/2006, 11:19 PM

ياهلاااااااااااااااااااااااااااااااااااااااااا..

كل شهرين وانتم بخيييير ياحبايبي .. فردا فردا ..

خذ بوستين واحصل على الثالثه مجانا ... واللي اخذ نصيبه يفكنا و الله يعينه ينتظر لمناسبه قادمه ..

على طاري التبويس .. مدري وش فيهم اليوم علي ... كل شوي واحد يقولي عبدالعزيز ( انت سلمت علي ؟؟!) مدري وش فيهم ...

ابشركم .. مضى اليوم الاول كما خطط له ..
نوم من 9.30 الى 5 عصرا يتخللها بريكات متفرقه ...

طبعا سحبت ع الغدا ... ولله الحمد ...
سوينا الاضحية بالليل ةتعشينا عليها مع الاقارب و الجيران ..

وهانذا الان اقبع امام كيبوردي ... مدري وش جابني ..

بس الدنيا بررررررررررررررررد لا بحر ينفع ولا بر .. مالها الا الاستقرار في البيت ..

سي ياااااااااااااااااااااا ... وكل شهرين وانتم بخير ...

الفيروسه الزرقاء · #9 31/12/2006, 02:26 AM

هلا بـ عزوز الازرق

ياحراااام اجل فقدت جزمتك :p ، يااااشين هـ اللحظات

اذكر من اول اذا كنا مجتمعين ببيت جداني بـ العيد وخبصه وحوسه لازم يضع لي شي

ولا القاه الا بعد ماينتهي اليوم الاول

--->> حظها شين

.

المهم هـ العيد ماااااااااااله طعم ابد ماكننا فـ عيد الصراحه تنقال

، اخبر العيد جمعه وفله وحوسه وخبصه

! هـ العيد سكتم بكتم

مافيه حركات وخبصه

،،
كنت مواصله ورحت صليت صلاة العيد لحالي

ورجعت وجلست الى الساعه 8 وحطيت راسي ونمت

مادريت الا الساعه 10 مقومني اخوي الصغير ومزعجني ، قمت وناديت الخدامه تلبسه ولبسوا اخواني وراحوا عند جدتي وانا رجعت ونمت

، ماصحيت الا ع ازعاج جوالي نغمة خاصه حاطتها لوحده من البنات

اتصلت ع وانا فـ سابع نومه قمت برد لقيتها قطعت عاد ناظرت الساعه 7 قلت بدري

وارجع اكمل نومتي --->> عيدها نوم

ع الساعه 9 قمت غصب

جاء يزن وقال قومي ماصار عيد

يالله بنروح لعزيمة عماني ، قمت ولبست وتجهزت وكان من المفترض نروح نتعيد عند عماني

لكن سحبنا عليهم

يزن اخوي قال مايبي يروح ومشتهي يتعشى بمطعم تشيلي عاد ماعترضنا ع فكرته واتصلنا ع المطعم وحجزنا ورحنا تعشينا هناك واخذنا لنا لفه ع التحليه وشارع الامير سلطان والعليا وبعدين رحنا لـ د.كيف تقهويت وصحصحت

وكملنا دوران فـ شوارع الرياض والضحك ع تلعيقات اخواني و ع الساعه 2 رجعنا للبيت

..

اقولك عيدي ماله طعم

! من جد امي لهافقدددددددددددده

ع الاقل كنا نطلع ونجتمع مع اهل امي مع عماني موب كننا منعزلين عن العالم ، جلست افكر اقول هذا عيدي

! ووووين الحوسه والخبصه وين جمعتي مع البنات
مستغربه هالعيد بصراااحه ماكان اليوم عييد

، جلست افكر بـ الناس اللي ماعندهم اهل ، مقطعوعين من شجرة

شلون بيكون عيدهم

!

الفيروسه الزرقاء

البالون · #10 31/12/2006, 02:34 AM

إقتباس


	حسبي الله على سؤالك ياماجد ( من بعد ذاك السؤال في ربوعيات وانا والحذايين سالفه )

لا تغــلــط على موضــوعي

<< داخـل طـووول

كل عام وانتم بخير ..

أنا قـررت أني ما أقـول ولا موقف إلا بعد ماتعطيني العيدية

سلاااااام

البالون · #11 31/12/2006, 02:40 AM

أقـول مابي شيء

بقـول لي موقف ..

طبعـا الـرياااض بـرد بـرد غيـر طبيعـي ..

درجـة الحـرارة يـوم ذبحنـا الخـروف بالحوش حـول 6 درجات مئوية

فمـن المـواقف المضحكـة يوم مخيـنا راس الخـروف ..

إلا ويطـلـع دخـاااان وبخـاااار من جسمـه

أنا قعـدت اضحـك ضحـك ..

وهو من جسمه الحـار و الجـو البارد ..

طبعـا أنا أول مـرة أشـوف هـ المـوقف بحكم اني ساكن بـ مكة ومكة مابها بـرد ..

وبالرغم من أن السنة الماضية ضحينا بالرياض لكن البرد كان خفيف ..

فيـه مواااقـف واجـد لكـن نعطـي الشبـاب فرصـه << يقـالـه مهم

الزعيم الغيور · #12 31/12/2006, 02:41 AM

كان الله في عونك

هلاليه سنعه · #13 31/12/2006, 03:16 AM

زين الله عقل جزمتك والا ان كان رايح في خرايطها
برد وجمده وقزاز وحصى ..

الصراحه حنا خرفاننا مدلعااات نسووي لهن نقااهه ونمشيهن قبل همين نجيبهن صباح العيد

بس كان ودي اني اشووفهن واتاملهن ليلة العيد

مر العيد بسلاااام وقضينا عليهم بالضربه القاضيه

بس ماااش فيه ضيقة صدر اليوووم
عين على المطبخ وعن على التلفزيوون نتابع صدام

وذبحوووه حسبي الله ونعم الوكيل .. الله ينتقم من اعداء الاسلام ونشووفهم ضحايا ..

اليوم بصراااحه برد مهوب طبيعي ومهما نتدفى نبرد الله يكوون بعووونا اخاف نصير قوالب ثلج

عزووز كل عام وانت بخير ... وعيدك مبارك .....
شكرا على المووضوع ..

سوسوالهلاليه · #14 31/12/2006, 07:19 AM

هههههههههههههههه
عزوز وش هالموضوع اللي يبث الدفء ونحن في غمرة البرد<<بدت تكلج الاخت((لاتسألوني وش معناها اسألوا ....مليت وانااشرح لكم))

هههههههههههههههههه
نعالك
ههههههههههههه
ورجعها

ياحرام تلقى نعالك صغير عليه ولا دفاه
ولا نعالك يمكن ماعجبه
ههههههههههههههه
ولا يمكنه مثلك ناسي نعاله حقة العيد
ههههههههههههه

اموت في سامي
اجل توسيره هاه؟؟
ههههههههههههههههههههه

البالون

إقتباس


	أنا قعـدت اضحـك ضحـك ..

وانت دايم تضحك؟؟<<دايم الناس يقولنها لي وماعمري قلتها لاحد غيرك
اسم الله عليك موتقول سوسو عطتني عين عسى الضحكه دوم

إقتباس


	خذ بوستين واحصل على الثالثه مجانا

لابوستين تكفي ..اخاف حبيبي يزعل:p

هنوفه&فيو
احسكم داخلين طول<<على قولة البالون
الموضوع مواقف العيد
مو يوم العيد..

وعني انا ماصار لي مواقف ولله الحمد
لاني مااخرج كثثير ولااقابل اي احد
وبمعنى اخر عيديتنا بكرة حياكم كل ابوكم عندنا العشاء بكرة

فـارس الـزعـيـم !! · #15 31/12/2006, 08:18 AM

إقتباس

الرسالة الأصلية كتبت بواسطة juve1897


	ركبت سيارة احسبها سيارتي وكان صاحبها ترك الباب مفتوح وادخل المفتاح ولا تدق سلف بغيت انهبل