24/12/2006, 11:59 PM
|
| زعيــم مميــز | | تاريخ التسجيل: 05/05/2005 المكان: R ! y a d h
مشاركات: 2,831
| |
 | إقتباس |  | | |  |
الرسالة الأصلية كتبت بواسطة نبض الحرف |  | | | | | | | | | النفس طابت يابوسلطان * لاتصدق لابورتا وتبريره
البرشا ينعاف عقب نعمان* حرام تدفع له ولا ليره
حنا الزعامة لنا عنوان * المجد حنا في أول طوابيره
وحنا يشهد على فعلنا الميدان * مثل موج بحرٍ تزايد هديره
وياما فريق عقبنا صار خسران*ماينفعه كثر هذره وتبذيره
بلا شعور يصدّر تصاريح وبيان* خل الحكم والحظ أول تباريره
يهمنا مجدٍ نحوزه وكيسان * ماهو مجيء لاعب وتصويره
إن كانك للفلاشات مغرم وولهان* رئيسنا للكاس يواصل مسيره
خلك على فلاشك مفلس وخيبان * وإلا دروب المجد صعبه وعسيرة
ترى البطولة ماهي تزويرٍ وبهتان* ولانشرة مأجورة وأعلام تديره
ثلاث سنين عن البطولة تايه وحيران* مايفلح اللي جستنيه وزيره
سمعتك شينة على كل لسان * أتلاتها عقد نور وتزويره
والفندق اللي سكنته في اليابان* يشكي علينا مرسل فواتيره
تذكر يوم دور الأربعة تهزم وتنهان * يوم إن فريقك صار عبرة وسيرة
وتذكر ياسر يوم ردك ندمان * خلاك مع الياقوت بحالة كسيرة
ياسر ولد سعيد نسل قحطان * يبغى زعيم الأندية ويبغى جماهيره
جمهورك اللي للبطولات عطشان * مايرويه ايتو لو كثرة مشاويره
وحنا جعلنا الله للبطولات حيتان * كل ماأخذنا كأس دورنا غيره
رئيسنا الظاهرة عاملك باحسان * ثم اكتشفنا أن نواياك شريرة
هذا فارس من صلب فرسان * ولاشرواك يوضع في الحظيرة
يالايمي أبيات قلتها وقيفان * حرفي نبض يرسل تعابيره
حتى القصايد اشتراها بالأثمان * مرة ينافس وردة ومرة شهيرة
منصور يفخر بجيت الأسبان * يبي يطّفي غضبة جماهيره
قام يتباهى بهل الصلبان * اليوم لابورتا وبكرة مديره
يبغى يعوض خساير ونكسان * ذاقها من الزعيم في المستديره
فريقه يعاني تردي ونقصان * شباكه بالأربعات صارت شهيرة
يرشي بن همام ويا فلمبان * الوسيلة عنده لها الغايات تبريره
ماهي غريبة على بن حمدان * الجار يسعى لهدمه وتدميره
فريقنا صار له غول وطوفان * هذا هدف وهذي شوته وتمريره
هزايمك منا مثل نكسة حزيران * قدامنا تصبح عزومك قصيره
بإذن الذي أرسل نبيٍ وقرآن * ماتنتصر لوهي فلوسك وفيرة
حنا لنا بالمجد أوسمة ونيشان * وأنت وفريقك من جرفٍ لدحديره
حطيت لك نشرة تشبه الحيطان * تصدّر بذيء القول رغم محاذيره
وضميت للنشرة ضفادع وغربان* صاروا لك أبواق يالله الخيرة
هذاك ينعق وذا يشخمط بجدران * والكل منهم اجتهد في مسيره
على حربنا تحالفوا بني خيبان * الكل منهم باع ذمته وضميره
أنته عايش على فضلتك الجيران * اللاعب الفاشل لهم تعيره
وصاروا يعلنون حبك إعلان * يارب أبوثامر تحفظه وتجيره
صرنا لكم عقدة على مر الأزمان * فريقكم لاشافنا صابته قشعريره
يشهد لنا الصائغ وملعب الصبان * وتشهد نتائج المباريات الكبيرة
أنت ويا الكذب عملة ووجهان * ماينوثق بك لو حلوفك كثيرة
صحافتك مابين بكيلي وعدنان * الكل منهم جهز لك منابيره
هذا يشكك ويفتري قول بهتان * وهذاك يدور لبوثامر معاذيره
إعلام جارنا عقب ماصار طفران * راح وتوجهلك عشان تستعيره
تجمعوا في نشرتك تقول ذبان * مستنقع آسن بيارة وبيرة
بالرشاوي لاعبك صار كسبان * يوم ابن همام فصّل عليكم معاييره
ودليل كلامي ترشيحه لخلفان * اللاعب اللي ماله ذكرٍ وسيره
ماتقول ليه ماتواجه كمالشجعان * وإلا الزعيم أرعبكم بمغاويره
أنا على مثلك مانيب شرهان * كيف نشره على الدب ودشيره
ماباقي إلا قولة أبي أجيب زيدان * تضحك على أهل العقول الصغيرة
عندك هوس شهرة وصل للإدمان * يصعب عليك الدواء وعقاقيره
جنون العظمة أصبحت به مرضان * حالتك حرجة وأظنها خطيرة
وكانك تبي الدواء كوية بالأمتان * بمخطرٍ على نار توهجّ سعيره
جمهورك الساذج انطلى عليه ماكان * بالمؤتمرات تطمنه وتزيد تخديره
حالتك معهم سراب يتبعه ظميان * حتى شعار ناديه فرضت تغييره
مشاعري تهيجت كما حمم بركان * أبغى ألجم الثور وازيد تحقيره
غايتك صورة تظهر لك في جرنان * وتقول شوفوني تراي في الديره
عطرك اللي سميته بالإتي ثمان * قصدك تغيض الجار تبغاها معيرة
ماينشرى والله لو تهديه مجان * وماينشرى لو هو بدون تسعيره
| |  | |  | | صح لسانك
الممدوح يستاهل المدح واكثر
كفيت ووفيت
من ناحيتي اجيز القصيده <<<<<<<<<<<شاعر المليون |
الوضع العادي
