يالله حي كلن باسمه


يوه من زمان ما بربست من قبل مباراة الهلال والنصر

في البدايه

مدري وش اقول

ثلاث انتصارات زي العسل ثلاث انتصارات بطعم التصدر

في البدايه مبارات مع النصر


* الهلال داخل على انها مباراة دوري النصر داخل على انها مباراة كأس

* لاعبين الهلال كانوا يلعبون للتصدر ولاعبين النصر الضعوف كانوا يلعبون عشان الرواتب والمكافأة والله ينرحمون مايشوفون اعضاء الشرف الا مع مباريات الهلال

* الهدف الاول سينمائي والهدف الثاني تدريس اوربي

* طلال الجريه* مدري وش يبي ليه الزحمه وقلت الادب ليه تسوي شي ماقد سويته في حياتك كلها بس من عاشر قوم اربعين يوم صار منهم

* فاندام منتدى الفقر اجل ناوي تذبح الروقي ياحليلك بس تصدق القناصه اللي ب 170 الف ميب هوينه* ذكرتني بقناص بغداد مع انه يكرم عنك وعن اشكالك






الهلال والأهلي

* تبغون الصدق
المباراة ماشفتها زين اللي تابعته الشوط الثاني والحكم ما اخطأ بأي شي واخطأه ما أثرت بسير المباراة

* بس المباراة كوم والمهندس التويجري كوم
والله والنعم والف نعم هذي الناس الفاهمه هذي الناس اللي تخدم الرياضه السعوديه موب ناس ما معهم شهادة متوسط





الهلال والشباب

* تبغون الصدق حرام اظلم الهلال بأي كلمه اقولها

والله ما فيه كلام بالدنيا يقدر يوصف الفن والابداع والقدره على الامتاع اللي قامو بها لاعبين الهلال

ياسر المفروض ماتلعب الا عشر دقايق والله حرام تحسس بعض الناس ان مالهم بالكوره ابد

محمد الشلهوب ياربيه ودي بس اجيب بن همام واخليه يتمتع بلعبك ويناظر وش يسوي ولد اخته والله فرق

التايب تصدقون قبل المباراة واحد يقول لي التايب مقلب قلت اصبر وشوف وبالفعل ما قصر ولد التايب






النكته الكبيره واللي تفقع الوجه

اتصل علي ولد خالتي وكان معصب

وش تتوقعون قال لي (( تراه نصرواي بس حبيب ))

قال ابي لو مره وحده تفوزون بمجهودكم


معليش ياولد الخاله بس تراك وسيع وجه يعني كل هذا ولا فزنا بمجهودنا

بالله فسروها انتم لي:confused:







الهلال والخليج

هذي المباراة اسميها كبوة الجواد

وزين ان كبوتنا بتعادل وقدام الخليج يعني فريق بعيد عن مناطق الصراع يعني موب ينافس على الصدارة



بس تدرون وشي النكته الثانيه


اتصل علي ولد خالتي (( نفس اللي فوق ))

قال وين زعيم اسيا وراه مافاز على الخليج

قلت انتم متصقعين من الفيصلي ومتعادلين مع الخليج وش تتوقعون رده


قال انت قلتها انا النصر ((يعني ماعلينا شرهه )) لاكن انتم الهلال


اللي بين الاقواس استنتاجي (( يمديكم على الامانه بالنقل ))



خلصت المباريات وباقي اللي بكره مع الوحده صاحب المركز الثاني

الله يوفق الهلال وبإذن الله يغرد خارج السرب متوشحاً بالصداره




السالفه اللي كنت ضاغط ايقونة اضافة موضوع عشانها بس خذتني السواليف

هي سالفة البلوي وبرشلونه


انتم ما لاحظتوا شي

وهذا شي فات على كل الاعضاء بس انا اكتشفته بموهبتي الفطريه وحدسي القوي (( تراي ما اعرف وش معنى حدسي لا احد يسأل عنها ))

الحين ما لاحظتوا ان البلوي ادان نفسه بنفسه وركب على نفسه التهمه اللي قالها ابو سلطان ونفاها هو

موب ابو سلطان قال ان فيه رجل اعمال ورئيس نادي وعمره تعدا الأربعين (( ابد موب البلوي )) حاول بشتى الطرق انه يمنع بشلونه من الاتفاق مع الهلال


طيب دام البلوي يقول انه مادق على لابورتا ولا له نيه يجيب برشلونه

ليه نط كذا وجاب برشلونه ووقع معه اتفاقيات

شفتوا اني ذهين

يعني انك يالبلوي لاعب بذيلك ومسوي حركاتك البايخه ورحت من ورانا وسويت مؤامرتك الدنيه (( اخس ياكونان ))



على العموم ازين مانبي برشلونه خلهم يجيبون اليوفي السنه الجايه اذا صعد للسيريا A

على
طاري الدوري الايطالي موب عاقل الانتر دعس ولا احد رده

ايه الميلان ضايع واليوفي هابط واذا غاب القطو العب يا فار

معاني الكلمات

الجريه / الشخص القوي اللي ما يخاف (( قل شجاع وريحنا ))

ميب هوينه / ليست بسيطه



على العموم انا طولت


يالله فتكوا بعافيه

موضوعك رائع ومشوق

واذا على ولد خالتك النصر اوي قله مبروك عضو شرفكم الجديد بن خمام هههههههههههه ( الطيور على اشكالها تقع )

وعن ابو البلاوي اتمنى ان عقله يكبر شوي ويخلي عنه هالحركات الطفوليه , اخاف يوم الهلال يشتري براد للنادي يروح يعطي شركه البراد فلوس ويجيب البراد لناديه هههههههههههههههه ( الله لايبلانا عنده عقده نفسيه اسمها نادي الهلال

موضوعك رائع ومشوق

مشكووور

تعال كل يوم بربس بموضوع زي هذا ترا البربسه مفيده جده لصحة النيجريين

دمتم بوود

الدب المخفه والله ان خلى العالم تضحك عليه وعلى تفكيره لو الهلال فاوض فريق هندي كان استقدمهم كلهم علشان مايلعبون (على كفالتي ) خخخخخخخ

يا maanmaan

قله ،،

الكلاب (( تنبح ))

والقافلة (( تسير ))

أعرفك تحب الأقواس

هههههههههههههههههههه

بربسه خطيييره

كل فتره تعال بربس لنا << يحب المواضيع اللي فيها تقطيع كخخ

والله موضوع رائع

ووالله قريته نقطه نقطه حرف حرف

واستمتعت بقرائته

موضوعك متعوب عليه ويعطيك العافيه


تقبل مروري

موضوع رائع بس بالنسبة لمستر كرشه او نعمان او البقرة الحلوب الفاسده لاتهتمون له
عقله عقل بزر نعطيه رضاعه يرضعها حتى ينتهي الموسم

مشكووور على الطرح الممتع والمشوق