|
أنــــــــا معقـــــــده..!! السلام عليكم ورحمه الله وبركاته.... البنت هذي معقده لأنها ماتغازل ولأنها تؤمن بجدول عوازل ولأنها تخاف ربي واهلها ولأنها ماهي إنسان طالع ونازل إنسانه تحس إنها إنسان غالي وعن هالقناعه مستحيل تنازل تنئ بسمها عن كلام الشماميت وعن الملاحق والقصص والمهازل يا حبني للي مثلها والي تقدر تغازل بس ترفض تغزل / \ / أنــــــــا معقـــــــده..!! لأني أخاف ربي.. ولأني على الغلط ماارضى ولأني ماسمع أغاني.. ولأني أحط يدي تحت عباتي ولأني ماأشقر ولاأنمص.. ولأني ما ألبس قصير وعاري.. ولأني ما أحب النميمه.. والقيل والقال والكلام الفاضي... ولأني ضعيفه بطيبتي وشخصيتي...ولاني ولاني بس ما ابي كل الكلام يكون ضدي ادري مو بس انــا فيه كثير قابلتهم مثلي واحسن بعد كل اللي حواليهم يلقبونهم بـــالمعقدات... ما والله كتبت هالكلام لشي بس ابي اطلع حرتي هذا كلام قالوه ناس قراب وبعاد.. وياكثر من أنعاد وزاد.. يبوني أكون مثلهم.. وبالغلط معهم.. يبوني أكون مسلمه بالإسم وبلا إيمان وخوف وطاعه كأن ربي خلقنا عشان نسوي إللي على كيفنا من غير كتاب وسنه ومرجع يدلنا على الصح يأمرنا وعن الغلط ينهانا. . . نصحت يوم وتعجبوا مني ..!! وشفيك إنتي معقده طالعي حواليك.. شوفي البنات وشلون.. هذي تسوي...... وهذي تفعل...... وإنتي تقولين حرام وحرام حنا في سنة ألفين وسته.. يعني إللي حرام حللوه الناس ولاتستغربين من أي شي يصير.. ولا تحاولين وتنصحين هي قناعه عندي ماتغير بسهوله يعني مابكون شاذه عن الناس وغير بنت فلان وفلان أنتي معقده.. والزمن هذا مو زمانك صدقيني في هالزمن ماتعيشين لو عن هالمبادئ ماتغيرين صدقيني بتتعبين وبتملين إحمدي ربك ماصرخت في وجهك ولامشيت وسفهتك صدقيني لو أحد غيري كان سوى وسوى... بس مابي احرجك وأكسر بخاطرك كل الكلام إللي قلتيه على عيني وعلى رأسي بس تكفين مع غيري لاتقولينه.. شوفيني حذرتك وأنتي وكيفك..!! . . . مرت سياره من جنبنا وكان صوت الاغاني مرتفع حطيت يدي على إذني وسمعت صوت ضحكه من وراي وسمعت صوت وحده هناك وش فيك إنتي شلي قاعده تسوينه سبحان الله ..حرام لو كانت بيدك بس بالشارع ماهي بيدك والله صدق معقده... يــالله هالإنسانه غريبه.. عن هالكوكب جديده وبها الزمن وحيده.. . . . . . كنا جالسيين بجمعه بنات قامت وحده وسئلت سوال سخيف وتافه ماورا من اجابته أي فايده .. والسوال اصلا كان ...ماقدر اكتبه بس والله كان قلة حيا المصيبه واللي اعظم قامت الثانيه تدقها ابن عثيمين قصدها انا قاعد معنا وشفيك انتي مخبوله... تسالين قدامه ...الاولى اوووه نسيت سوري يا مطوعنا لا وبعد معنا السديس والله اني رحت فيها... استفزني ردها وكانت اللي جنبي تحاول تسكتها بس قلت لها خافي من الله ثم خافي مننا ... وهالمشايخ لنا الشرف نكون مثلهم ونتبع نهجهم بس صدقيني كل كلمه اتقولينها الله يحاسبكِ عليها . . . مره كنت رايحه المدرسه وكان الجو بارد وممطر قالت لي امي البسي هذا تدفي ... لا تروحين كذا وتمرضين ...كانت امي احرص علي مني ويوم لبسته ورحت اسئلتي وحده ليه لابسه كذا قلت امي قالت لي البسيه عشان ما تمرضين ردت وقالت لي حتى امك بلبسك تتحكم انتي طفله عشان تسمعين كلامها ما تعرفين تقولين ما ابي هو انا اللي بمرض والا انتي تعجبت حيل من ردها وشلون هي مع امها .. عادي وش يعني لو اصيرطفله..يعني ما يسمع كلام امه الا الطفل والا عشاني كبرت اتكبر على امي ونصايحها.. . . . صدق أنا معقده..!؟ وعن هالناس شاذه..!! لاني عن الحرام ابعد بعيد وعن اللي يامرنا به الله اسويه بكون معقده بنظركم دام اللي اسويه يرضي الله ودام اللي اسويه صح وواجب علينا نسويه معقده لاني احاول اصلح اخطاء غيري وامر بالمعروف وابعدهم عن المنكر معقده لاني احبهم واحب انصحهم معقده لاني ابيهم معي بالجنه (باذن الله) معقده لاني ابي ابعدهم عن الشيطان واهله معقده لان هذي تربيه هلي اللي ربوني عليها / \ / حتى .... >>> قالوا لي انتي معقده من بقى بس ما قال ... يجي هنا يكتب انتي معقده مدري على ويش بنوها والا على أي اساس قالوها بس هذا الكلام ما ينطبق علي وحدي... ياكثرهم المعقدات بهالمجتمع بس كلهم ساكتيين وتغيروا عن منهج كان منهجهم لمجرد كلمه من وحده ونغزه من ثانيه ..راحوا تلاشوا ليش بس لانهم ما يبون كلمه معقده يا حسافه عليهم ...من كلام الناس تغيروا واتبعوا منهج ضلال وكله من حكي هالناس وخطى الشيطان الله يثبتنا على ما احنا عليه والله يزيدنا فوق اللي عندنا زود ~ باختصــــــار ~ انا معقده لاني مو مثل ما يبون الناس... خالص التحيه والاحترام لكم....منــار |
صح لسانك ومشكورة وموضوع جميل جدا واصلي ابداعك |
هذا اخر الزمان اللي قال عنه الرسول صلى الله عليه وسلم شكراً على الموضوع الهادف وكثر الله من امثالك اختي بنت الزعيم |
..والله العظيم انك صادقـه .. أنا والله تعبت من هالناس قريبين وبعيدين يقولون هالكلام ..! تخيلي وحده تقرب لي الروح بالروح تقولي خرابيط وحب وكلام فاضي واذا وضحت لها ان هالشي مب زين ولايصلح قعدت تقول انتي وش فيك كذا ممله ومعقده خليك فريي وفله ولا اذا احد اخذ جوالي ومالقى فيه اغاني يقول جوالك ماله امه داعي صراحه ويقعدون يتطنزون ..!. للاسف هذا اخر الزمان الله يعين ... اللهم انا نسالك الثبات |
قال رسول الله صلى الله عليه وسلم (بدأ الإسلام غريباً وسيعود غريباً كما بدأ فطوبى للغرباء) نعيب زماننا والعيب فينا وما لزماننا عيب سوانا مشكوره أختي وماقصرتي بصراحه موضوعك كان رائع وجميل................ .....تحياتي لكي ولجميع أعضاء المنتدى العام..... |
اختي منار ... وربي مثلك يفختر به ... اسأل الله العلي العظيم ان يهدينا الى الصراط المستقيم.. و يثبتنا على الطريق القويم .. قفي للحظة .. انظري في عينها .. قولي في قلبك ( الحمدلله .. حسنة جديدة الى رصيدي ان شاء الله ) ابتسمي ابتسامة الواثقة من نفسها ,,, ادعي لها بقلبك ( الطيــب) اشفقي على تلك (المسكينة).. أختي منار .. مثلك قليل في ايامنا .. هم كالجواهر .. ابقي كما انت جوهرة مصونه .. وستعلمينهم من المعقد .. اقسم بالله العظيم .. لن يكونوا لو صدقوا مع انفسهم ومعك .. لأجابوك .. والله كل اللي سويناه تنتهي لذته الزائفه بانتهائه ...لان رب العباد هو اعلم بما يسعدها.. أحب الصالحين ولست منهم .. لعلي ان انال بهم شفاعه.. انتهى , , , |
انا معقده لاني مو مثل ما يبون الناس صدقتي ياختي خصوصا في مجتمعنا كبنات خلاص كل شي صار عادي الاغاني صارت تجوز باعتقادهم الله يثبتنا على طاعته والله صرت ماحب اجلس مع اي احد احس ان بعض البنات شبهة:rolleyes: بس نصيحـة ابتعدي عن هالاشكـال لانها احيانا يمكن تغيرك وانت ماتحسين بطبيعتنا بنات وننجرف بسرعه وكثره جلوس البنت مع هالنوعيات بتخليها تفكر ليش ماسوي مثلهم ليش عبايتي على الراس ليش ماسمع اغاني وواوسع صدري وليش هذي عندها صديق وهالكلام لانها بتلاحظ الي حولها عادي وفري فيمكن تنجرف فابتعدي عنهم افضل ومثل ماقلت القافله تسير والكلاب تنبح ايه نعم انا معقده واعلى مافي خيلهم يركبونة يوم القيامة ماراح ينفعني الا عملي مو خرابيطكمـ:mad: ومثل ماذكر الرسول صلى الله وسلم القابض على دينة كالقابض على الجمـر وهذا الحال هالايام اسال الله ان لايزغ قلوبا بعد اذا هدانا :cry: الله يثبتنا واياكـ والجميع s60s إقتباس:
إقتباس:
عندنا وعندكم خير بس القافله تسير والكلاب تنبح |
الغاليةالمبدعة اختي منار ... قال الله تعلى (( وان تطع اكثر من في الارض يضلوك عن سبيل الله )) عجبا لاولئك الذين اصبح المنكر عندهم حقا والحق منكرا ... لست انت اختاه من يعني من هؤلاء فكثير من العقلاء يجدون منهم انكر النعوت في هذا الزمن اصبح الذي يلتزم الحق والخلق ضعيفا شاذا معقدا ولا حول ولا قوة الا بالله ... اختاه ... سير في درب الحق ولا يضيرك كيد الكائدين او ضحك المستهزئين ... فوالله لن ينفعك احد منهم ولن يغنون عنك من الله شيء ... كثيرا ما يستغرب بعض الاشخاص عندما يعلمون اني لااسمع الاغاني وينظرون الى باني متخلف وانا ولله الحمد كلي عزة بهذا الشيء وكثيرا ما يتعجبون من الشاب لانه لايغازل ولا يرقم !!! ساروي لك هذه القصة التي حدثت لي اليوم ... كان هناك رقم يزعج احد قريباتي اخذته واخذت معلومات عن صاحبه من الاتصالات واتصلت بصاحب الرقم عندما واجهته وقع في شر اعماله وحاول الانكار ثم اغلق الجوال ارسلت له رسالة تهديد وبينة له انه من السهولة ايجاده مهما كان ومن كان بعد 3 ساعات اتصل بي يعتذر ويعترف بخطئه وكان عذره انه طيش شباب ولن يكرره تبا لطيش يهتك اعراض الناس ... حينما رأيت ذلته وانكساره حمدت الله على نعمة العقل والستر .. اخيتي ... ان حبل الباطل قصير ونهاية الغرور وخيمة وما كان لله فهو الباقي ... كوني على طريق الصواب .. وسبيل الحق .. ولا يغرك كثرة الهالكين ولا حول ولا قوة الا بالله ... اختي منار ... ربما ألم قلبي وحرقة موضوعك سبب جعلني اكتب بلا وعي فلا تاخذيني ... دمت بحفظ الله ورعايته ,,, |
أهــلا بكـ منــار .. عجباً لهؤلاء .. ماذا يرضيهم .. العصيان .. التبرج .. العقوق .. غضب الرب .. صخطه !! هل يعتقدون ان الحريه يالامور التي ذكرتها !! لا والله.. فهذه امور تغضب الرب .. وافتخري كونك معقده من هذه النواحي .. ويامرحبا بالعقده اذا كانت بهذا النوع .. كثير من الناس وللاسف الشديد يعتقدون في ظل التطور وتغير الزمن يعتقدون ان الرب يتغير .. ماذا جرى بهم .. كل معصيه ستكتب . وكل معصيه محرمه .. وكل ذنب عصيان .. اختي منار .. سيير بطريقك .. وسيري على نهجك .. والله في عونك .. وانتي هكذا محرره من الشيطان .. وهم من استحوذ عليهم الشيطان .. فقط ادعي لهم بالهدايه .. وجزاك الله الف خير .. ولو ان اكثر الفتيات من امثالك .. لكانت الدنيا بخير .. شكرا على ماخطت اناملك .. وواصلي خطواتك .. دمتي لنا متألقه .. يامنااار |
هلا وغلا بمنار .. وش هالزين كله ماشاء الله .. كلامك مريح .. الله يجزاك عن كل حرف كتبتية حسنة .. (( من عمـل صالحاً فـلنفسة ومن أسـاء فعليها )) الكل يملك عقل ويملك رأي .. والخير واضح والشر أوضح .. والباقي .. على الشخص نفسة .. الله يهديهم ويثبتنا ان شاء الله .. موفقة يالغالية .. |
أهــنــيــكـ عـلـى هـ الـكـتـابـه [[ الـراقـيـه ]] .. { واصـلــي } |
في شي اسمه ااخره في شي اسمه يوم الحشر يوم القيامة يوم يقول الأنسان ياليتني كنت ترابا اختي اذاكنتي تريدين اخذ كتابك بيك اليسار ففعلي ماتشائين ام ان كنتي تخافين الله وتواظبين على الصلاة فهنيئا لك فلقد اخذتي كتابك بيمينك باذن اللله |
هههههههههههه توك تدرين ان هذه النوعيه معقده عاااااادي كلمه اعتدنا على سماعها وحتى رسايل على الايميل تجي كيف تصير انسان منفتح((غير معقد)) والله لو اجيبه لكم تفطسون ضحك..؛؛طبعا مو كلكم؛؛ ياقلبي عليك بس والله بعض الاحيان تصير لنا مواقف مانقدر نرد او بمعنى اصح هم مايعطوننا مجال نرد مثلا تجيك وحده تقول لك كم جوال عندك اقول لها واحد تقول لا مو قصدي كم جهاز قصدي كم شريحه؟؟ اقولها ايه واحده تقوول لا مو معقوول مستحييل !! واقول ايش فيه خير تقول وماعندك شريحة بوي فرند وانا بكل براءه: بالله تستعبطين وهي تموت ضحك وتدقها صحبتها جوالك رن.. ويعطوني قفاهم ويمشون... والله اننا صرنا في زمن مايرحم بس مو معنى هذا ان نصير زيهم وبعدين بالنسبه لي صار شي عادي واساسي في حياتي وسعي قلبك واسفهيييييييييييييهم اصلهم منغاضات لاننا مانعطي للحرام وجه مثلهم منوورة موضوعك رااااااااااائع سلمت يمناك ولا عدمناك اهداء لكل وحده تقول لي انتي معقده.. بيجيلك يوم ينقال لك هذي الكلمات... http://songs.dubaimoon.com/arshef/5aaynh-alemeel.ram |
يمكن تقول اني معقده لاني مااغازل ..واحط لنفسي عوازل... واشوف نفسي ارفع من هذي المهازل ;) انتي واثقه ان الي تسوينه صح يعني ماعليكي من احد :yes: |
الزمن تغير اللي يعصي الله مو معقد!! واللي يخاف ربه يصير معقد!! سبحان الله وش هالزمن ؟! أصبروا بتشوفون أشياء أكبر من كذا (يازينك وانتي معقده) :d |
| الوقت المعتمد في المنتدى بتوقيت جرينتش +3.
الوقت الان » 10:11 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd