بسم الله الرحمن الرحيم

أسعد الله مسائكم بالرضا والعافية والصحة وسعة الرزق

مثل ماقلتلكم بموضوعي السابق الخاص بإصابة الكابتن الخلوق طارق التايب أني قمت بزياره لنادي الهلال قبل بداية التمارين عصر أمس الجمعة وألتقيت بغالبية نجوم الزعيم وأخذت إنطباعاتهم عن القرعة الاسيوية وما آالت إليه.. وكذلك باركت للكابتن خالد العنقري زواجه..
المهم..

صارلي بعض المواقف مع بعض اللعيبه لكن راح أذكرلكم وش صار معي مع الكابتن محمد الشلهوب وحسن العتيبي كلاً على حده <<< متعوب عليه

بداية بمحمد الشلهوب كان قبل آخر لاعب من اللي حظرو من النجوم الزعيم لتمرين الأمس المهم حظر محمد قبل بداية التمرين وكان مستعجل وجاي مشاء الله عليه يتمخطر بأودي جديد الله يحفظه المهم نزل من السياره وهو محيوس وحالة حالة واضح أنه حاس أنه متأخر وكان شايل شغلات بيده ( *****) طبعاً مشفره هذي ماراح أقولها لكم المهم سلمت عليه وكان معي أخوي الصغير بأولى إبتدائي مزعجني يبي يسلم على الشلهوب وياسر وسامي والدعيع فاخذته معي للنادي المهم يوم شاف محمد الشلهوب وقعد يطامر من الفرحه ،، اللي صار وللأمانه يازعماااااء والله أن الكابتن الخلوق محمد الشلهوب كان نازل من السياره مستعجل فيوم شاف أخوي الصغير ومير يوقف ويدنق لأخوي وجلس يسولف هو وياه وكان أخوي لابس طقم الهلال ورقم عشره فقعد يدردش الشلهوب مع أخوي ويسأله ليش لابس رقم عشره طبعا الكابتن محمد الشلهوب إبتسامته المعهوده شاااااااقتة وجهه،، طبعاً صورتهم أثنينهم وقام محمد ووقف وجلست أسولف معه وقلتله الله يعينكم على البطوله الأسيويه والله القرعه صعبه فقالي لاتخاف بنفوز بالطوله إن شاء الله.


أما الكابتن الخلوق حسن العتيبي الله يحفظه ويسلمه فاللي صار

لما وصل الكابتن حسن كان وقتها المساجد تصلي العصر وأنا ومجموعه ثانيه من اللي كانو بالنادي كنا قد صلينا العصر بمسجد النادي بعد الأذان تقريبا بعشر دقايق يعني أننا صلينا بدري...
الكابتن حسن يوم نزل من سيارته وجا يدخل غرفة اللاعبين وبعد ماسلمت عليه قالي ( بتروح تصلي هالحين لأنه أقاموا الصلاة ) فقلتله لا خلاص أنا صليت الحمد لله بمسجد النادي.. قال زين الله يوفقك.

وقتها والله أنه كبر بعيني الكابتن حسن العتيبي.. صح أنه لاعب محترم وخلوووووووق جداً لكن والله أنه كبر بعيني بزيااااااده يوم قالي هالكلام..

أخيراً الحمد لله أن نادينا يزخر بنجوم من أمثال حسن العتيبي..


شكراً لكم وآسف على الإطالة،،،،

اللى يسمعك يقول تصورت مع زيدان ههههههههههههههه امزح معاك لاتزعل

ماشاء الله عليك كل يوم تقابل اللعيبة

ياحـــــــــــــــــــــــــظك

وانا ساكن بجدة ااااااااااااااخ يالقهر

والله ودي اقابل اللعيبة واسلم عليهم واتصور>>>.وجه قوووووي

ـــــــــــــــــــــــــــــــــــــــــــــــــــــــــــــــــــــــــــــــــــــــــــ

والشلهوب وحسن العتيبي

لاعبان خلوقين وهذا مو غريب عليهم

لانهم باختصــــــــــــار

من ابناء الهلال

مشكوووووووووووور اخوي

مشكووووووور

لا تعليـــــــــــــــــــــق

الشلهوب وحسن العتيبي

لاعبان خلوقين وهذا مو غريب عليهم

لانهم باختصــــــــــــار

من ابناء الهلال

لاعبين الهلال اخلاق وادب

ماشاء الله عليك كل يوم تقابل اللعيبة

ياحظكم يااهل الرياض تشوفون اللعيبه كل يوم بالنادي

لعيبة الهلال كلهم طيبين وفيهم الخير واتنمى الآسيوووووويه هلاليـــــه

مشـــــــكووووووووووووووووووووور اخوي على هالموضوع وان شالله الاعبين كلهم فيهم الخير والبركه ونتمنا لهم التوفيق ونقولهم من حسن الى احسن

مشكور

شكراً لمروركم يازعماء

آآآآآآه ليتني ساكن بالرياض