22/12/2006, 07:22 PM
|
 | عضو سابق في اللجنه الإعلامية | | تاريخ التسجيل: 13/08/2005 المكان: الرياض
مشاركات: 7,427
| |
|
] .. يوميــات عنترة بن شداد .. [الجزء الأول >> لا يفوتكم (ضحكXضحك)
السلام عليكم ورحمة الله وبركاته ،،،
المقدمــه :
هذه قصه خياليه فكاهيه تتكلمــ عن حياة عنترة بن شداد العبسي
نشأته وولادته :- >>>> متأثر بمـــادة التاريخ
نسبــــه : هو عنتـــره بن شداد العبسي
ولد عنتر من أب يقال له شداد ولكن مع إن اسم أبوه يدل على أنه غير مثقف فكان العكس كان شداد من مثقفين قبيلة بني عبس .
وأمه عندما كانت حامل به كانت ترى في المنام أن قرد يرمي الناس بالحصى
فسئلة شيخ عن تفسير الرؤيا ، فرد الشيخ :- ولدك بيكون مؤذي للناس
وكانت امه عندما كانت حاملا به تتوحم بــــالباذنجان >>> ما ينلام الولد يكون اسووود
من ذو نعومة أظافير عنتر وكانوا يتوقعون منه أن يكون له منصب كالدكتور خاصة دكتور بيطري <<<< كثر لي منها
وكان الأب وده يخلي ولده مثقف وعاقل ولكن عيال عمه مخربينه
والولد كانت عليه بعض الحركات اللي تدل انه رايحاً وطي ...
أبوه ياما و ياما هاوشه انه ما يطلع للشارع حافي
أو أنه ما يبول في الشارع و الأكثر من كذا لا يبول وهو واقف ..
].. المهم بلغ عنترة سبع سنوات ..[
قال أبوه :- يله بابا بكره بتروح المدرسة .
عنترة : مابي مابي ابي اقعد عند تيته .>>> وش عنده كويتي..
ابوه :- من هي تيته ?
عنتر وهو متورط : جدتي يعني ..
ابوه : ايه ايه اقول يله بس رح نم ..
] .. في الصبـــــــــــــــاح .. [
عنتر وهو بردان ولابس عشرين شراب : يبه أبا فسحه .
عطاه ابوه دينارين قال :- وش دينارين والله أنها ما تجيب حتى كيندر , عطني عشره زي العيال
الا والحذوه في راس عنتر (( الحذوه :- نعال ولكن تلك بلغة البادية ))
ابوه : قم ياورع لا يكثر .
الاب يحليله شاري لولده مطاره بس العنتر المسكين ما عرف يستخدمها يقول ما اعرف اشرب الا عن طريق البراده
] .. في المدرســـــــــــــــــــــه .. [
دخل مدرس الرياضيات (( مصري الجنسيه )) للصف وقاعد يتفلسف عليهم شوي الا والمدرس يصرخ :
الواد الزفت النايم في الزاويه مين؟؟ ((( عنتر جاي متأخر ولا لقى مكان الا في الزاوية )) ,
عنتر رايح في خرايطها نايم ولا يدري وش السالفه
المدرس تغاضى عنه لانها اول حصه بس اخذ فكره شينه عن عنتر
جت الفسحه راح عنتر بيشتري من المقصف ويوم جاء يدفع قعد يدور فلوسه مالقى ولا دينار (( مامداه يضيع الفلوس ))
قعد عنتر في الفسحه جوعااااان قال في نفسه :- أن لم تكن ذئب أكلتك الذئاب
وقام عنتر يصفق الطلاب ويأخذ فسحهم >>>>>>>>>> مسوي قوي
راحوا للمدير وهم يبكون من جبروت عنتر
اتصل المدير على ابو عنتر
المديــر : السلام عليكم . .
شداد :- وعليكم السلام . من معي ?
المدير :- معك مديـــر مدرسة بني عبس الابتدائيه . .
شداد : خير انشاء الله وش صاير . .
المدير :- ترا ولدك مشغل العالم ، ما خلى ولا واحد الا وسرق منه فسحته . .
شداد :- ونا ولد ابوي . .
المدير :- شف ما نبي نسوي تعهد لولدك عشان ما يتعقد من الدراسه بس فهمه اذا جاء البيت ان السرق حرام وأن هذا عيب . .
شداد :- ولا يهمك بيض الله وجهك . .
رجع عنتر في البيت واستقبله ابوه استقال جيد وقعد يعلمه ان السرقه حرام وقعد يبربر عليه
أبوه : يا ورع ترى السرقه حرام . .
عنتر : ابك اللي سرقت منهم فلوس ذولا رخوم .
أبوه : ولو كانوا رخوم عيب انك تسرق ، الا وشلون الدراسه .
عنتر : والله بايخه ، كل الطلاب يعايروني باقـــــــــــيراا . .
ابوه :- ما عليكم منهم اشتهد في دراستك بس .
عنتر : صار عندي صديق اسمه حزام .
ابوه : مل من سواليف عنتر (( عنتر ما ينعطى وجه )) :- زين زين .
كان هذا اليوم الاول من ايام دراسة عنتره للمدرسه
].. عنتر ومدرس الرياضيات ..[
بما ان مدرس الرياضيات أخذ فكره وحشه من عنتر فصار ما يطيقه
وعنتر المسكين مشكلته مشكله ما الرياضيات حتى ما يعرف تلت التلاته كم >>>>>>>>>> وش دخل ذي
جاء المدرس يسأل الطلاب عن اساميهم وصل عن صديق عنتر اللي هو حزام
المدرس :- اسمك ايه ؟
حزام : حزام يا استاذ .
المدرس : - خخخخخخ حزام حزام .
حزام :- ايه .
المدرس :- خخخخخخخخخخخخخخ وأسم ابوك ايه .
حزام : ناسف .
المدرس:- يلهوي يعني انت اسمك حزام ناسف .
حزام : ايه .
المدرس :- دي اولتها وزفت اللي جنبك اسمه ايه .
عنتر : انا يا استاذ .
المدرس :- لا امي ، ايه انت اجل مين .
عنتر : عنتــر . .
المدرس : والله هنــا فيه اسماء تحف .
عنتر : وأنت اسمك ايه ياستاذ .
الاستاذ : و وتوقع ايه يا شاطر .
عنتر :- يعني مصري أكيد بيكون اسمك كـــــــــــرفته .
الاستاذ : وش بتقول !!!! .
عنتر :- كرررفته . .
الاستاذ : يخرب بيتك اطلع برا .
عنتر : أصلن المدير يباني (( يباني :- يعني يريدني ، يبغاني بس لغة الباديه هكذا )) .
الاستاذ : المدير مش ياباني ، المدير بدوي مثلك وسخ (( يحسب انه يقول المدير جنسيته ياباني ))
المهم هذه كانت بدايات عنتر في دراسته .
ومشى حاله في الابتدائيه مع انه بغى يسقط والسبب كله من ابوه شرى لولده سيكل وعنتره ما صدق يلقى سيكل ..
اربع وعشرين ساعه في الشارع ، المهم بما أن ابوه يعرف وكيل المدرسة فالولد مشى حاله ونجح من الابتدائية بالدف
الحلقة الجايه بنتكلم عن انتقاله للمرحله المتوسطة و الاجازه الصيفية اللي قضاها عنترة ....
ما بغيت أطول لان الكلام إذا طال سمج ......
لا أحد يسألني ويقول :- وش قصتك مع عنتره ؟ مره في القفص والحين هنـــا ؟
بايــــــــــــو . . . . . .
اخر تعديل كان بواسطة » هامور البورصه في يوم » 22/12/2006 عند الساعة » 11:03 PM
السبب: تســــــــــــــذا
|
الوضع الشجري
