|
خربشة قلم + واحد مواصل يـانـاس قـولولي بريدي صار مـليان @@@ مشاركاتكم بهالمنتدى تراهـن ملنه افـتح واسكـر واضـيف وانا فــرحان @@@ واضحك على ايام مضت بعيد عنه الى فتحت هالمنــتدى صرت طـربان @@@ مابين اعضاء كل زاد فن على فنه هذا ينكـت وهـذا يجيب الخبر طيران @@@ وهذا يجيب علوم وسوالف يبهجنه وواحد يمـدح لاعبً ابدع وصار فنان @@@ وواحـد يـقول هـاللاعب عشقنا فنه اصبح وامسى وانا عليكم ولكم ولهان @@@ واقـول يارب اشوفهم وهم بالجـنه الله يبارك ويوفق زعيمنا وين مـاكان @@@ اللي جمعنا بهالمنتدى من غير منه للمعلوميه : اول محاولة.... وانشالله اخر محاولة اكتبها بحياتي :D وياليت اشوفها محذوفه وسلامتكم .. |
هههههههها والله روعة روعة :) واصل والله محاولة ممتازة وودي اجاوب على استفسارك بالشعر بس خسارة .. ما اعرف :) بس ادخل ملفك الخاص الحين من الخيارات الموجودة فوق في أعلى الصفحة بعدين ادخل تعديل الخيارات بتحصل اختيار موجود اسمه : إستخدام الإعلام البريدي ؟ هذه الخاصية تسمح لك بتلقي إعلام بريدي بوجود ردود على موضوع شاركت به اختر (( لا )) ولا راح يجيك اي اعلام بريدي :) غير كذا لحظة كتابتك للموضوع فيه مربعات صغيرة تحت لما تحصل علامة صح على ( اعلام بريدي ) شل العلامة ولا راح تستقبل شي |
الصراحه روعــــــــــــــــــــــــــــــــــــــــــــــــــــــــــــــــــه الله يعطيك العافيه ونتمى منك التواصل في مثل هالاشياء وغيرها |
مدير اعصار .. مستر سعود ارقام مشكورين على الرد وانشالله ماعودها ثاني مرة:D .... توبة ماصير شويعر نوبة:D اعصار انزلي ابيك بكلمة راس .....غير الأعصار لاينزل احد:D وشوي بعد... لأنه سر خطير... معليش تحملني تبي تصير شاعر ؟ عنديلك حل جهنمي .. صار معي البارح وحسيت اني ابي اصير خلف بن هذال.. انزل وانت ساكت ولا تعلم احد......ولا تفضح سري نم طول النهار :D ومن تصحى تنح على النت :D لين الصبح ومن منتدى لشات والعكس (( هاي وي )) رايح جاي ... بشرطين : الأول... ان يكون وراك دوام:rolleyes: والثاني... وهو الطامة ... ان تكون متزوووووج :D تحياتي ههههههههههههههههههههههههه |
قصيدة حلو مرة !! <<=== على وزن ( نجدية حلو مرة :p :p ) ياليت تكررها :) وتحياتي لك , |
بما أن اللي ردوا عليك قبلي كلهم مايديرون الشعر ،، وبما اني اقرض الشعر قرض :rolleyes: عاد قلت مالي الا اصحي قريحتي وانظم كم بيت في عجاله كرد عليك :cool: يقول الشاعر طمطوم الداج اللي هو انا : هلالي الجوف وش بلاك اليوم حيران @@@ تحكي وتشكي والحل تايه عـنه لا شفت ردك ترى اصير دوم طربان @@@ اقراه وادقـق في عـذبه وفــنـــه المنتدى صوتنا المسموع بين الأوطان@@@ جعله يبقى دوم والهكر مايعرفنه يـسلـم لـنـا بـنـدربن ثامر وين ماكــان @@@ ويسلم لنا رجــال وقــفــوا يــمــه لا تحسب اللي بغـــيــت علينا صعــبان @@@ مير الأعصار كـفـى عـــني وعنه لاكن اطلب من الله يبقى المنتدى عمران@@@ باللي يحب الحق ويدافع عنه وتالي الهرج اصلى على خير انسان @@@ نبينا محمد رسولنا و سيد الأمة اسف اذا كان فيه قصر بس ترى هذا وانامستعجل :D تحياتي ;) |
هههههه ماشاء الله عليك ياعاشق النمر وش هالحركات ووش هالردود أجل أمداك تطبق نظرية الرجال بالسرعة ذي ؟؟ بس تبي الجد غطيت عليه :rolleyes: |
عنووود الصيد ... ماضنيت اني اكررها الا بحالة وحدة . وبقولها بوقتها ;) شكرا على المشاركة تسلم والله يا طمطوم الداج قصدي يا عاشق النمر :D ويسلم كيبوردك :D ابشر انشالله بالرد ... لاكن صبرك علي .. اكيد مابيوم من الأيام الظروف تحدني زي ماحدتني ذيك الليلة .. لاعادت ;) وانشالله المرة الجاية اصير زيك .. مشالله عليك .. مابي اصير زي لاخلف بن جعيثن ولا راشد بن هذال :D :D ابي اصير فوفو الداج . وانت يا مدير اعصار .. مكيف انه غطى علي ؟:) ... عقبال ماتصير فرن :) لاكن شكل ملاحظتك بمحلها ... طلع عشوق طالب شطور .. يسمع الكلام :D شاكرين ردودكم وسعه صدوركم.... اللي يفحط فيها الفكتوري سبعه :rolleyes: تحياتي للزعماء:) |
| الوقت المعتمد في المنتدى بتوقيت جرينتش +3.
الوقت الان » 04:50 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd