*-_ & حوار بلاتر خلف الكواليس يغير مسار الجائزة&_-* - نادي الهلال السعودي - شبكة الزعيم

Y A S E R · #1 19/12/2006, 08:27 PM

هذا الحوار دار خلف الكواليس .. ومن منطلق حرصنا على الأخبار الحصرية أحببنا أن ننقله لكم :

الجائزة الذهبية : ممكن سؤال لاهنت ؟
بلاتر : ااخلصي وش تبين ؟

الجائزة الذهبية : ابد بس حبيت أقولك ممكن أروح لزيدان ؟

بلاتر والشرار يتطاير من عينيه : تبين تجيبين لنا الكلام ! تراه رجال(ن) متزوج

الجائزة الذهبية: وش فيها يخوي مجرد صداقة الله يخليه لعياله ماقلنا شيء !!

بلاتر : ماينشره عليك ابك ماتدرين جبناه الحفل بحب الخشوم تراه موب فاضي لك

الجائزة الذهبية : فديت زوله أبو انزو شيخ(ن) ولد شيوخ مايرد طالبينه !!

بلاتر : ها تبين شي ثاني؟ اخلصي ياوخيتي ترا ورانا حفل !!

الجائزة الذهبية : طلب أخير لا هنت .. تكفى مابي روني تراه مطفشني آخر سنتين وقررت اقطع علاقتي معه
تراه جعص ومايعرف شي غير الكورة موب متفرغ لي أبد !! عطونن مصفطى إدريس حتى أهم شي ماروح مع ضريس

بلاتر : لا تشيلين هم يبطي عظم يطلعك معه !!

الجائزة الذهبية : لا زيزو ولا روني !! أجل وين الديت الليلة ؟

بلاتر : ازهليها وأنا أخوتس شفنالك واحد(ن) مملوح(ن) يحبه قلبك

الجائزة الذهبية : مملوح ! ويحبه قلبي ! من ولده ؟

بلاتر : واحد(ن) إيطالي يقاله فابيو آل كانافارو من الصمّان يابعد حيي

الجائزة الذهبية : هذا لاعب ريال مدريد الجديد ماغيره ؟

بلاتر : إيه وأبشرك عطوه نفس رقم زيدان لانه كفو ويستاهل !!

الجائزة الذهبية : أجل موافقة .. يالله ريحته ولا عدمه مثل مايقولون

بعد ساعة من بدأ الحفل = One Hour Later

الجوائز الذهبية والفضية والبرونزية يناظرن زيدان ويقولون بصوت واحد : يارب إن تسخر لنا زيدان

زيدان : ارضوا بالنصيب بالنسبة لي كلكن بنات ناس والنعم فيكم واللي من الله حياه الله

الجائزة الذهبية : زيزو تراني أحلاهن وإنت تعرف وش زيني أكثر من غيرك ماتبي أكون معك ونرجع ذكريات زمان ؟

زيدان : ماطقيت لك خبر .. الله يحفظ لنا أم انزو بس

الجائزة الذهبية: شلون ماطقيت لنا خبر وانا توني شايفتك مع كرة أديداس الذهبية !! لاتصرف أوكي

زيدان : أبد والله ماأصرف بس إنتي مناشبتني تراني أحب التغيير

لحظة الحسم

بلاتر : الفائز بالجائزة البرونزية .. روووووووووووووووووني

الجائزة البرونزية : برب شباب

بلاتر : الفائز بالجائزة الفضية ... زيزوووووووووووووووووووووووو

تسقط الجائزة الفضية مغم(ن) عليها وسط الحشود .. ويتم عمل الإسعافات الأولية لها !!

الجائزة الفضية بعد استعادة وعيها : والله شعوري لا يوصف مدري وش أقول .. بس الوكاد إني رايحت(ن) فيها
وخاقت(ن) مع زيزووو

بلاتر : الفائز بالجائزة الذهبية .. كاناااااااااااااااااااااا

الجائزة الذهبية : منت شين ودام إن زيدان مايبيني مابيدي شيء .. وتراك كيوت بالحيل

ملاحظة : الهدف من الموضوع تغيير الجو العام في المنتدى بموضوع فكاهي

<------ اثاريني عادل إمام !!
رجاء لجميع الأعضاء ترا الموضوع ماطرح للنقاش أبد .. فقط من باب الدعابة ووساعة الصدر

أبــو غــامــد · #2 19/12/2006, 08:32 PM

للمعلومية الجائزة البلاستيكية وصلت اليوم على بيتنا مع فيديكس

T W I N S O U L · #3 19/12/2006, 08:58 PM

هههههههههههههههههههههههههههههههه

اما برب كخخخخخخخخخخخخخخخخخ

مشكور أخوي على هذا الموضوع

Y A S E R · #4 19/12/2006, 10:50 PM

إقتباس

الرسالة الأصلية كتبت بواسطة هلالـــ الجنوب ـــي


	للمعلومية الجائزة البلاستيكية وصلت اليوم على بيتنا مع فيديكس

ترا مافهمت أبد

أبوماضي · #5 19/12/2006, 11:05 PM

خخخخخخخخخخخخخخخخخخخخخ

مشكور على الموضوع الرائع

الثعبان الازرق · #6 20/12/2006, 09:39 AM

روووووووووووووووعه
هههههههههههههه

زين ماقال

تغطي يابنت

Milan_89 · #7 20/12/2006, 12:50 PM

ما تــدري الكرة الخشبية من اللي بياخذهـ ..؟

يقولون أدريانو يبيه بس هي ما تبيه ..!

شيكرن على الموضوع الفكاهي :p بس الجائزة الذهبية ملّت من زيدان .. ثلاث مرات وتبي الرابعة بعد .. وش وراهم ذولا

GREAT INTER · #8 20/12/2006, 01:17 PM

خخخخخخخخخخـ والله من زود التنسيم ..

يعطيك العافيه على الموضوع وعلى تغيير الجو يا بطل

^^GREAT INTER^^

Z I D A N E · #9 20/12/2006, 01:38 PM

اللـــــه يـــــــعطيــكـ الـــعافية

مــوضــوع رائـــــــع

هههههههههههههههههههههه

أجل تبيـــــــــه

هــــــــــاه

ThE MaGiCiAn 10 · #10 20/12/2006, 05:20 PM

شلون تقول موضوع فكاهي ونبتعد عن الخلافات.....وانت قاعد تستهبل على رونالدينهو...!!!

إقتباس


	بلاتر : الفائز بالجائزة البرونزية .. روووووووووووووووووني الجائزة البرونزية : برب شباب

طيب ليش ما تقول هالكلام على زيدان..!!!

ولا عشانه مدريدي..!!

G o L d E s T · #11 20/12/2006, 06:28 PM

إقتباس


	شلون تقول موضوع فكاهي ونبتعد عن الخلافات.....وانت قاعد تستهبل على رونالدينهو...!!!

هو يستهبل عشان رونالدينهو اوسم لاعب بينهم

<<< وانت وش دخلك ترد عليه:p

اما برب خطيرة

Y A S E R · #12 21/12/2006, 07:12 PM

إقتباس

الرسالة الأصلية كتبت بواسطة ThE MaGiCiAn 10


	شلون تقول موضوع فكاهي ونبتعد عن الخلافات.....وانت قاعد تستهبل على رونالدينهو...!!! طيب ليش ما تقول هالكلام على زيدان..!!! ولا عشانه مدريدي..!!

استهبل عليه !! ياخي أنا أمون عليه إنت وش مزعلك بس

لايكون كلمة برب جرحت مشاعرك !!!

عاشق مدريد · #13 21/12/2006, 08:21 PM

هههههههههههههههههه اما برب احلى شيييييييييييييييي

يعطيك العافية خيووو

Vise President · #14 22/12/2006, 04:47 AM

أما برب خخخخخخخخخخخخخخخخخخخ من جد ترا انصدم البرونز حتى لستة العشرة انصدمت منه قالوا وش الواسطة ذي ؟؟؟؟؟ و فعلا الجوائز ما تمل من زيدان فهو ما يقصر معها ( لا تفهمون غلط

)

إقتباس


	طيب ليش ما تقول هالكلام على زيدان..!!! ولا عشانه مدريدي..!!

هلا والله شيخ 2004 خخخخخخخخخخخخخ .. والله يوم اعتزل زيدان بدت تخرج الأفواه ، وحتى زيدان اللي مقتنع به العالم وذولا ما إقتنعوا به إلى ويبون التهريج يكون إسطورة و على أي واحد يقال له اسطورة .. والاسطوانة المشروخة ،،، بصراحة أنا لو اني برشلوني راح أكون أول معارض إنه يكون بين الثلاثة حتى ،، ياخي وينه عنكم في المباريات الكبرى بس شاطر يستعرض قدام البزرا وكأننا في حصة رياضة .. خخخخخخخخخخخخخخخخخخخخخ

AHMAD_Z5 · #15 22/12/2006, 09:31 AM

آآآآآآآآآآآآآآآآآآآآآآآآآآآآآآآآآآآآه

يازيدان