غداً الخميس هو اليوم الأول لشهر ذو الحجة . - نادي الهلال السعودي - شبكة الزعيم

سهل · #1 20/12/2006, 07:40 PM

ثبت لدى مجلس القضاء الأعلى الأن
أن يوم غد هو اليوم الأول لشهر ذو الحجة .

@ فعلى من من ينوي الإحرام الاستعداد @

واللي يبي يضحي يقصص أظافره وشواربه باكراً

وبالنسبة لي ولكون إن أسعار النعيمي والنجدي وصل سعرها 1100 و 1200 ريال
قررت أعطي أحدى الجمعيات الخيرية 300 ريال ويضحون عني
ويشترون لي بربري يحبه قلبكم

وبعدين الفقراء اللي حولي ما شاء الله يجيهم خير من هاللحوم
فحسن إن الواحد يفكر بإخوانه المسلمين بأنحاء العالم

نسأل الله أن يتقبل منا ومنكم ..

نـــــــ15ــــــمر · #2 20/12/2006, 07:49 PM

سهل عيني عليك بارده

اول باول تجينا الاخبار

إقتباس


	وبالنسبة لي ولكون إن أسعار النعيمي والنجدي وصل سعرها 1100 و 1200 ريال قررت أعطي أحدى الجمعيات الخيرية 300 ريال ويضحون عني ويشترون لي بربري يحبه قلبكم

وش هالجمعيه خل نروح لها
اجل النعيمي ب 1200 ليش والله لو انه جاموسه
ما ينفع اضحي بدجاج؟؟؟
تشـــــــــاو

الجاحظ · #3 20/12/2006, 08:11 PM

الله يتقبل من الجميع

شكرا على الخبر

ساقي الـعُطـور · #4 20/12/2006, 08:52 PM

السلام عليكم ورحمة الله وبركاته

هلا با أخوي سهل

الله يعطيك العافية على الخبر والله يتقبل من الجميع ودمت بود وسلامة .

Mr.GoaL · #5 20/12/2006, 09:01 PM

سهل -- وزير مصلحة الارصاد الجويه

سهل عالم الفلك

الله يبارك فيك يالغالي وعلمنا في هالجميعه علشان بعد نضحي عندهم

تحياتي

الهنوووف · #6 21/12/2006, 12:11 AM

كل عام واتم بخير >>>ماتدري وش تقول

ترى فيه جمعيه ب200 بعد كانكم تبون

:p

حجا مبرور لمن اراد الحج

رعبوبة الزعيم · #7 21/12/2006, 12:30 AM

//
//

هــلا والله ..
وحــج مقبول للي يبي يحج
مـاأتصور بــاقي 10 أيام على العيد بس توني أدري
كــل عام وأنتم بخــــير

وجهزوا الخاروف من الحين

//
//

Turki(الرايق)Turk · #8 21/12/2006, 01:14 AM

مشكور اخوي سهل

~بنت الزعيم~ · #9 21/12/2006, 01:15 AM

كل عام وانتم بصحه وسلامه
والله يتقبل من اللي بيحجون
ومشكور اخوي سهل على التنويه...

الله الله بصيام التسع للي ما يبي يحج لانها تعادل العشره الاواخر من رمضان
والله يعيينا واياكم على القيام بالطاعه خالصه لوجه الكريم

الـــوردة الزرقاء · #10 21/12/2006, 01:19 AM

الف مبروووووووووووووووووووك >>

الله الله بالصوم بعشر ذي الحجه ابدوا من بكره ,,,

سهل عوافي ...

سندريلا الهلال · #11 21/12/2006, 05:29 AM

ماشاء الله تبارك الله ياسرع الأيام والله الله يبارك لنا في أعمارنا ان شاء الله .

..

حسبي الله على ابليسكم ان شاء الله

هالحين الجوالات تشترونها على 2000 و3000 ;) والضحيه تبون بربري لا وب300 ريال بعد

ترى هالأضحية لله

يعني الواحد وده يدفع ويشتري الأحسن والجيد وعسى الله يتقبل منا ..

لا والهنووف تقول فيه ب200

انتم طلعتوا مثل سالفة اللي في رمضان يقولون اي مسجد يطلع بدري

الله يعيينا ان شاء الله ونصوم عشر ذي الحجة والله الله بالتكبير ..

عاد ماشاء الله عرفة بيصادف يوم الجمعة يعني الخير خيرين بيصير..

ان شاء الله يصير جو يوم العيد زيين عشان نشوي في السور

الله يجزاك خير سها ماقصرت ..

هامور البورصه · #12 21/12/2006, 10:47 AM

كل عام وانتم بصحه وسلامه

ومشكور اخوي سهل على التنويه...

ودمتم سالمين

هلالي مكة · #13 21/12/2006, 01:21 PM

كل عام وانتم بصحه وسلامه

ومشكور اخوي سهل على التنويه...

ودمتم سالمين

جراح الهلالي · #14 21/12/2006, 01:41 PM

يعطيك العافيه والله يتقبل من الجميع

إقتباس


	الله يعيينا ان شاء الله ونصوم عشر ذي الحجة والله الله بالتكبير .. عاد ماشاء الله عرفة بيصادف يوم الجمعة يعني الخير خيرين بيصير..

الكلاسيكي · #15 21/12/2006, 08:46 PM

ألله يتقبل منا ومنكم صالح الاعمال ..

ماشاء الله .. سهل تعرف تقتصد .. والله زادتا لميزانيه وارتفعت الاسعار ..
الله يكون في العون .. والله يخلي الوالد .. والا لو علينا عز الله قعد النعيمي ماذبح ..

ودمتم بخير ..