نادي الهلال السعودي - شبكة الزعيم - الموقع الرسمي - الرد الثاني على قصيدة شاعر النصر !!!

بسم الله الرحمن الرحيم

هذي يأخوان قصيدة كتبتها رد على قصيدة جتنا من شاعر نصراوي حاول فيها التطاول

على زعيم اندية أسيا الهلال طبعا كتبها بعد ما قريت القصيدة في رد اخونا السبيعي

عليه والا انا والحمد لله ما عمري دخلت منتديات نصراويه ابدا ولا راح ادخلها ان شاء الله

ما اطول عليكم يا اخوان طبعا بالاول راح اكتب القصيده التي كتبها عن الهلال

هذه قصيدته

هات القلم واكتب من الشعر كاوي = للي بدأ بالقاف من دون مقياس
يا كاتب الأبيات مخطي وغاوي = افعالكم يا ورع ما ترفع الراس
ان كانها راحت لضرب الأهاوي = ما لك قديمة مع بعيدين الأرماس
وان كان جات اللازمة والعزاوي = تجحر مثل ما يجحر الكلب دواس
جساس بكاكم كبير الخطــاوي = واخذ من افضلكم بماله وما انحاس
نادي فشل نادي طغى بالرشاوي = والكل فيكم عارف(ن) بنيت الساس
وين انت يا موينع ضعيف الهقاوي = ذكرهم بماجد وللعز نبراس
اشرح وخل الناس تسمع حكاوي = ان الكباري في النهائي لها احساس
ويا شاعر القيفان مخطي وغاوي = عسى يصيبك في شوا البطن خفاس
خلك مع اللي يلبسن الغطاوي = وانته سوات الرمل بالرجل ينداس

وبتوفيق الله رديت عليه بالاتي :

الفكر هاج من بعد ما كان طاوي
بأسباب ورع (ن) بدا ضرب الاجراس

سب الزعيم واخترع له حكاوي
وبنى سوالف بالاصل ما لها ساس

لا تحسبك بالهرج قوي الدعاوي
الحق بين ما صابه اليوم إلباس

في مكتب الفيفا يا كثر الشكاوي
اللي بليت بها من على ملعبك داس

جبت الفشيله لنا والبـــــــــــلاوي
وطمست مجد(ن) مدون(ن) وسط قرطاس

تاريخ ناديك أسود ما فيه ضاوي
من يوم يومك وانته مضيع الطاس

اسأل الكنج عن سويك العراوي
يومه أكل من العشب كل يباس

لا شاف ياسر تصافق (ن) الخطاوي
مثل الحبارى لا من شاف قرناس

وأهداف النمر لعدها منيب قاوي
جابت لمضحيكم المغص وكل وسواس

وزعيمنا اليوم من البطولات راوي
وأنتم كثيره لكم شوفة الكـــــاس

وختام كل الحكي والرجاوي
ازكى صلاة على اكرم الناس

وسلامتكم ؛؛؛

برايفت لكل نصرواي " هدوا الرمي تراكم مو قدنا "

والف شكر لشاعرنا السبيعي اللي اتحفنا بقصيدته وخلاني أطلع على قصيدة النصراوي