يقولون "يامن شراله من حلـّـه علاله" !! (قصة حزينه) السلام عليكم ورحمة الله وبركاته .. صباح / مساء الخير .. في واقع الأمر أعيش لحضات صعبه بين تلك المناديل "المصفـّطه" يمنة ويسرهـ .. واُبدع بـ جميع أنواع العطسات .. من آآآتشو .. إلى تسو .. يالله انك تشفين وتعافين .. يا من شراله من حله علاله قالها القصبي يومًا ما .. وأنا عارف انها يامن شراله من حلاله علـّه .. عشان مايتفلسف أحد يعني .. يقولون "كل إناء بما فيه ينضح" ويقولون "الماء سر الحياة" ويقولون بعد "العقل السليم في تشجيع الزعيم" <<<<<<ياشين اللي ما يعرف يقول مقدمه :p موضوع يا (جماعة الربع) سـ يتمحور في قصتي مع الزكام وكيف وصل لي .. طبعًا بما اني طالب جامعي أطلع من الجامعه جوعان .. كل يوم وأنا راجع بـ تلك السيارة بعد 30 كيلو أقطعها ذهابًا ومثلها إيابًا .. أوقف عند السوبر ماركت وأنزل أشتري 2 أو 3 حمضيات على حسب المزاج .. وأشربها حسب أوقات مجدوله .. وأحيانـًا أخربها زي ما يقولون وأزود جرعات الحمضيات إلى أربعه .. وبالتأكيد أنا عارف انها ماتنفع بـ قدر ما هي تضر .. لكن الواحد يحس انه ينعنش .. وأزين من اللي الله بلاهم بحب البيبسي .. الله يعينهم <<< راحمهم :rolleyes: .. المهم ذات يوم حسيت ان حلقي فيه شوي ألم .. يعني بوادر مرض .. فـ سارعت بـ مقاطعة ذلك المشروب .. وكان يوجد 2 حمضيات بـ الثلاجه فـ سارعت بـ إهدائهما لـ أخواني لكي لا أتهور وأشرب واحد منهم .. وتركت الماء البارد وقصرت على مستوى برودة المكيف .. كل هذا عشان مايزيد ألم حلقي ومنه يوصل لـ الكحه والزكام كـ العادهـ .. لأنه مستلمه الأهل كلهم من قبل 3 أسابيع وأنا ما جاني شي ما شاء الله .. أروح لـ الجامعه وأنا أتنقل بين المباني سلطه كان في هواء بارد .. والنفس أحسه يصعب لأني أمشي عكس التيار .. أقصد عكس إتجاهـ الهواء .. وما أصدق أدخل مبنى عشان أدفى وأجلس أرتاح .. وللأسف آخر محاضرهـ في مبنى يوجد فيه مكيفات ما تخرب .. تكييف مركزي وبااارد .. نعنبوا ابليسهن هالمكيفات مايتعبن من النفخ !!! وقلت الله يستر .. وبدأ يلعب الصداع في رأسي .. ساعتين وأنا أتراقص على نغمات الهواء البارد إلى أن أعلن الدكتور عن نهاية المحاضرهـ .. زي مايقول كـ العادهـ "إنصرفوا راشدين" إنصرفت وإذا بي أركب السيارة وطبعًا ماشغلت المكيف .. عشان ماأزكم .. دق الجوال .. *******055 يتصل بك .. أنا : ألو المتكلم : السلام عليكم أنا : وعليكم السلام المتكلم : محمد أنت طعّمت تطعيمة الحج أنا : :eek: هاهـ ايه لا وشو .. <<<<عقدته الابر من يوم هو صغير .. المتكلم : وشو أنا : لا والله وشي تطعيمته هذي المتكلم : يوم جيت أطلع لك تصريح الحج قالوا لازم يطعم وتجيب ورقه من المستشفى أنا : وشوله طيب (بكل براءهـ) المتكلم : قالوا لازم يجيب ورقه من المستشفى انه طعّم .. أنا : خير ان شاء الله .. ابروح المستشفى وأجيب الورقه وأرسله لك على الفاكس المتكلم : طيب لا تأخر لازم باتسر "هكذا قالها" تجيبها أنا : ان شاء الله المتكلم : طيب مع السلامه أنا : مع السلامه طبعًا المتكلم زوج خالتي .. لأنهم يسوون حملات حج وأنا قلت أبحج أنا وبعض من أفراد الأسرهـ .. وعلى أساس يطلع لنا تصاريح بس أبلشونا بـ التعطيمه هذي .. رجعت للبيت .. وأول ماوصلت .. السلام عليكم .. عطون بندول .. وبالفعل إبتلعت قـُـرصان من البندول .. <<<<لا يجي أحد يسوي فيها نكته ويقول قرصان ولا جريش .. :rolleyes: وإذا بـ رأسي قد هدأ وزان .. لكن ألم الحلق لا زال يواصل مسيرته .. نمت .. وإذا بي أقوم وأحس إني بي كحه .. كحيت وطلعت كحه قويه حسيت صدري قال "أححح" معها .. قلت بس وصلت لـ الصدر .. الله يعين .. وأبلع ريقي وأحس بألم قوي .. اللوز ناطات .. قلت بـ صوت خافت حلقي يوجعن .. وإذا بالوالدهـ تجيب لي مرّهـ .. وأشربها وأحس أزين من أول .. وفي نفس اليوم وصل اللي ماكنت أنتظرهـ أبدًا .. "(<الزكام>)" وعلى طول حبة لورين .. والإتجاهـ مباشرة إلى أقرب كرتون مناديل .. والآن أنا في حالة يرثا لها .. زكام وكحه ولوز (وإختبارين) في يومين !!!!!! الإختبارات عدت الأولى ضبع والثانيه سبع :p ........ فقط هذا ما لدي .. مايُستفاد من هذا الموضوع .. أدعوا لي ان الله يشفين .. وإن الله ييسر لنا الحج ويسهل علينا .. واني ما أحس بـ الابرهـ وهم "يطزونن - يبطونن" <<<<تحسونه خايف :D أيضـًا أتسائل كيف أقدر أفك عمري من المشروبات الغازيه ؟؟ وليش حنا ما نترك البارد الا إذا مرضنا !! وحنا نعرف انه راح يمرضنا ؟! والله النيه موجودهـ لـ تركه .. لكن ماقدرت إلى الآن .. اللي عندهـ طريقه سحريه يعلمني بها وأوعدهـ راح أرسل له كرتون بيبسي هديه .. :p وأبسألكم بعد ليش حنا نشتري بـ حلالنا شيء يضرنا مثل المشروبات الغازيه ؟! :upset: لذلك ينطبق علينا المثل القائل "يامن شراله من حلاله علـّـه" وحبيت أسلم عليكم لأني من زمان عنكم .. هذا كل مالدي والموضوع لا يخص شيء معين وأنا دخلت على موضوع جديد وأنا والله ماأدري وش راح أكتب .. :yes: و ... بس .. يبقى أن أقول بالتوفيق لـ الهلال في مباراة الخليج في يوم الغد .. أطيب تحيه لـ أطيب ناس .. :) |
وعليكم السلام ورحمه الله وبركاته,, صبــــاح الخيررر يابو حمضيات :d إقتباس:
احسدك ع هيك المقدمه :p ياحظك عندك زكمه مثل سامي :d >>خخخخخخخخخخخخخخخخخ الزكمه عذاب مزدوج الم جسدي ( ارهاق غير طبيعي تحس جسمك كله مكسر :() والم نفسي ( من المناديل والارق ومافي راحه بالنوم ابد:( ) ومشكلتها مالها علاج ابد الا اذا اخذت فترتها المحدده مسبقا اي بعد اسبوع او اكثر :( خالد الفيصل قال في الزكمه :: الـــــزكـــــمــــــه تجيني على موعد ومن غير موعد جت وأنا ما دعاني للوصل شوق ومشتـاق تجيني متى شاءت لها كل وقت وقـت تهز البدن والروح مـا دونهـا واقـي وإذا ما هقيت أني من معاشرتها مـت تفهق وأشـوف بقـى بالعمـر باقـي وفاها معي يذبح ورا ما تخون وخنـت أبا أسمح جعله اتلى مواعيد الأشـواق :d :d :d :d وحظك ماشاء الله بتحج ..؟!! عقبالي ان شاء الله .. وتقبل الله مقدما والله يعينك على الجمرات وترجع سالم بدون كسور والا حوادث :d وطهور ان شاء الله .. :::: الوردة الزرقاء |
الله يعينك عذااااب الزكمة غثاء ومناديل وحوسه كرتون رايح وكرتون جاي المهم تسان فيك كحة ولا اي شيء من ضيق شعب هوائية وكحه .. و . و . و .. إلخ .. رح للصيدلية وقل للدختور يعطيك شراب أسمه بروسبان .. * دواعي الاستعمال : * نزلات التهاب الجهاز التنفسي الحادة المصحوبة بالسعال * معالجة اعراض التهاب الشعب الهوائية المزمنة * طارد ومذيب للبلغم * موانع الاستعامل : * في حالة عدم تحمل الفركتوز ( سكر الفاكهة ) يجب ان تتم المعالجة بإستشارة الطبيب ===================== * العلاج هذا ممتاز جداً وانا الآن أستعمله والحمد لله شعرت بتحسن كبير وملحوظ . * دائماً أي علاج للكحة والتهابات التنفس يكون طعمه مر جداً جداً جداً , لكن هذا حلو وطعمه قريب من آيس تي ( الشاهي المثلج ) والشراب طعمه حلو بسبب انهم مستخدمين فيه سكر الفاكهة اللي يستخدم للرجيم . |
وعليكم السلام ورحمة الله وبركاته هلا والله بابو العطسات هلالي القرعاء :) إقتباس:
وترى مهوب زين اللي يكتمها يقولون انها تنفجر خلايا بالمخ .. فلذلك اعطسوووو ولاعليكم من احد .. :) استخدم المناديل اللي فيها كريم عشان مايسبب قشور وجفاف اتشوو ...تسوو تصلح نغمات :) بس اتشووو تبرد التسبد :) إقتباس:
إقتباس:
إقتباس:
إقتباس:
<<<مجربتهن قبل اسبوع :) إقتباس:
إقتباس:
تراقل تبي تحلل مادريت الا رقبتها طايحه اغمى عليها :( قل لابوتس من ابره شف تخيّل انها نمله بتقرصك وتمر الاموور بسهوووله :) إقتباس:
واستبدلها بالشاهي والا العصير .. الله يصلحنا حنا نضر انفسنا باشياء ماتفيدنا مثل الببسي والفاست فوود وغيرها وغيرها إقتباس:
إقتباس:
يعطيك الف عافيه خيوو محمد وان شاء الله تطيب قريبا ومشكور على الموضوووع الرووعه .. دمت بخيــر ..’’ |
ماتشوف شر ياخووي توني مفتكـة منهـا ياانها قلق وتخلي الواحد يكره نفسـة عاد الزكام نهضمـة شوي كلش اذا صاحبه الم بالحلق والله اني قبل مدري كم يوم يومني تعبانة :( :d: اني قايمه من نومي شوي واصيح من القهر احس مافي بيدي شي وحلقي يتقطع وانا اتفرج >>قولي والله :kany: :d: مالولمكـ ياخوي انفلونزا تجيب المرض >>وهي وشي :d: انا توني احس بطعم العافيه لما تعبت وصرت احسد الناس عليها اثاري الحج فية تطعيم الله يعينكـ :d:>>> بتصرف النظر الظاهر :d: اقول خذ العلم من الحين ترى اذا جيت من الحج بتتعب بعد اهل الرياض لازم شي طبيعي مدري انتم يمكن غير لانكم قريبين من الاجواء وحج مبروور وادع لنـا وبنرتكز عند التلفزيون علشان نشوفكـ هناك ولاتنسة الهدايا عاد ياحركات يالي بيحجوون عسى ماتهون بس يالله عقبالي ان شاء الله وخذ اقراص (كلينرز ) للزكام ....وحبوب مطهره للحنجره(ستليبرز ) >>>جايبه العلبه وتكتب الاسماء فيه حروف ناقصه وزايد لاتشره علي عاد والببسي ومادراك مالببسي المشكله انا ياليت بس امرض تذبحني انفلونزا منه لا انا يجيني الام بالمعده والكلى وكل هالمناطق من الببسي ومع ذلك اشربه وازيد الطين بله واخذ معاه مكسرات ويصير الوضع مزري عندي ويشتد الالم اليوم التالي :( يارب تكرهني في الببسي قولو امين احس اني بديت اسولف وومسكت خط ترجع بالسلامـة وطهور ان شاء الله وعليكـ بالمشروبات الساخنـة والبس ملابسك الي بالدولاب كلهاا علشان مايزيد عليك برايفت http://www.alhilalclub.com/vb/images...s/ismile01.gif اقووول الابتسامات واللون واضافه الصور وتغير الخط ماتشتغل عندي وش السالفه انا اشك اني ضاغطه زر وخرب علي هالاشياء وش هالي ضغطته مدري ياليت تفيدوووني وتراني مغيره اللون الحين كاتبه رد بمنتدى ثاني ونسخته هنا علشان يتغير اللون حتى الابتسامات حقتهم مو حقتنا :d: الهنوووف كانت هنا ورحلت |
[ و عليكم السلام و رحمهـ الله و بركاتهـ ] ,, هلا و غلا ابو حميد .. زمان عنك .. ما تنشاف الا قبل مباريات الهلال بيـوم ما تلاحظ ؟! اذا مباراة الهلال تبي تجيبك جعل مبارياته يوميا الا اذا كنت مزكم ما نبيك نخاف تعدينا :D .. على العمومـ ,, ما تشوف شر و طهور ان شاء الله .. و تقبل الله حجكـ ,,, التسناري |
الورده الزرقاء إقتباس:
إقتباس:
وأنا بسألكِ وش الداعي لوجود أل التعريف قبل كلمة مقدمه مع انها ماتحتاج .. :rolleyes: إقتباس:
لا والله أي حظ هذا اللي تتكلمين عنه .. الله يشفينا ويعافينا .. أجل أبقترح على سامي نسوي دعايه لـ مناديل أنا وأياهـ .. نصف جنب بعض وخشومنا حمراء ونجيب منديل ونمسح على خشومنا ويروح الزكام ونقول واااو ماأروعه .. مثل دعايات هاليومين .. :D إقتباس:
هو هذا اللي حاصل لـ الأسف .. حتى وأنا نايم منديل يميني ومنديل يساري ومنديل تحت المخدهـ .. إقتباس:
لأني أهوجس اني إذا ماشغلت المكيف على البارد ولا شربت بارد وكل شي نظامي انه بيروح الزكام .. إقتباس:
الله يبعدها عنا ويفكنا منها .. إقتباس:
إقتباس:
إقتباس:
الله يعين الجميع .. ان شاء الله ما يصير في شي .. إقتباس:
محمد إقتباس:
الله يعين الجميع .. إقتباس:
بس الوالدهـ تقول المرّهـ أزين .. وبعد عسل مع ليمون وماء دافي .. إقتباس:
إقتباس:
ألف شكر يا محمد على المرور المليء بالفوائد والمعلومات .. يعطيك العافيه .. بـ ر ـب |
هلا بالقاطع وينك ماتنشاف الا يوم زكمت والا قبل لاتحج علشان نحللك !! :rolleyes: والف سلامه عليك بس دام مامعك حراره فانت بخير لان الحراره تكرهك عيشتك.. والمشروبات البارده مانقدر نتركها لاصيفا ولاشتاء توني مخلصه سطل ايسكريم من باسكن روبنز وعادي التعب فينا فينا.. وبالنسبه لاختبارين في يومين ماراح تكون مثلي اليوم 3 اختبارات بيوم واحد ماقدر صارت ولا راح تصير صرت اشك ان دكتوراتنا يعاملونا مكاين مواوادم وكل ماده تقول الصعوبه عندي .!! :upset: :confused: :upset: وحج مقبول ان شالله وترفقوا وانتم ترمون الجمرات ولاتنسى تدعي لنا والله يعينك على بطة الابره . |
,,, ,, , ماشاءالله تباركـ الله ,, هلالي القرعــاء موجود ,, انعم واكرم وياهلا والله فيكـ .. :) اولا ماتشوف شـر وانا اخوكـ وعوافي عليكـ ,, واسال ربكـ انها تكون كفارة ذنوب ,, ويمكن انها خيره لكـ زكمه قبل الحج ولا زكمه بعده لاني مجرب مرض بعد الحج اذكر انه طيحني عشر ايام :cry: بس الحمدلله على كل شـيء ,, بالنسبه لـ المشروبات الغازيه ,, عن نفسي قررت ذات حين اني اتركـ المشروبات الغازيه كلها بـ جميع الاصناف ,, وبصراحه اتبعت طريقه وحصلتها مجديه واتمنى تفيد معكـ يالغالي ,, اولا : اوجدت البديل وهي العصائر سواء مع الاكل او بدونه وفيه اصناف من العصائر حلووه والحين توفرت محلات العصائر الطازجه واكيد تبي تطيح لكـ في عصير تدمن عليه مثل ماادمنت على الحمضيات ثانيا : اكتب تاريخ المقاطعه بـ ورقه عندكـ او في جوالكـ .. وهذا يفيدكـ انكـ متى ماحبيت تشرب مشروب غازي تتذكر التاريخ وتقول صبرت كل المده حرام اني اخربها .. وانا كان تاريخ المقاطعه في 5 ديسمبر 2005م يعني قبل سنه تقريبا .. ثالثا : تذكر ان اسوأ المشروبات الغازيه هي اللي تحمل ( الوان ) مثل الفرواله / الحمضيات / الميراندا / والببسي والاخف هو سفن اب .. لان الالوان هي اللي تجلس اكثر فتره في المعده وهذا على حسب دراسه قريتها .. رابعا : ادع ربكـ بالتوفيق وهو الحامي عن كل شيء في الاول والاخير :) **** ماتشوف شر يالغالي .. وحج مبرور وسعي مشكور مقدما .. وبالتوفيق لـ الهلال في مباراته القادمه s60s **** كن بخير ...SoMe OnE... |
هلا وغلا بالغلا هلالي القرعاء .. نورت الحته .. والله يعينك ع الزكمه .. والله يشفيك من الزكمه والكحه لاني داري انها بتجي .. والله يوفقك في الاختبارات .. وان شاء الله تكفير انك تذاكر وفيك زكام .. والله يتقبل منا ومنكم صالح الاعمال .. وحج مبرور وسعي مشكور باذن الله .. اجل قصه حزينه .؟. بعدين لازم نشوف لك حل يفكك من الحمضيات .. اتوقع لو درت شركة التعبئه انك من اكبر المستهلكين لها راح يعطونك شهادة شكر وتقدير .. اما ليه نشتري غازات واحنا نعرف انها مضره .. انا اتوقع حب فشخره .. او نبرد على قلبونا بعد هم الدراسه .. اووووو .. مدري والله بس كل الناس تشرب .. << تشرب حمضيات .. وغازات .. اتمنى لك الشفاء .. ودمت بخير .. وبالتوفيق .. |
هلا يابو :D تصدق موضوعك مدري وش يبي ؟ يعني بتعلمنا انك حساس وانسان ضريف ؟ كخخخخخخخخخخخخخخخخخخ مجرد مزح :D فيه علاج يابو اسمه فلوتاب > انصحك به انه كويسس بالمره :D اشتقت لهواشك انت والتسناري :D نايف يسسلم عليكم الحين مسافر لبنان بيشتري علاج للكحه :D |
الله يتقبل حجكـ ،، والله يشفيكـ ،، وما انصحكـ تشرب حمضيات اشرب ديو :thumbup: عشان تقوي قلبك <<< متأثر بالدعايات:D يلا سلاااااااام:p |
الانفلونزا هذي بادتن على خلق ربي كلة:confused: وفيها ميزة انفلونزا هالسنة تروح وترجع ماتروح مرره لا تروح وترد اقوى من الاولة:cry: بصراحة انتم يالشباب ماتلبسون :upset: يعني هالحين نمر من عند مدارس الثانوي للأولاد تلقاهم ماعليهم الا ثوب أبيض وتلقى أمه مسكينة ولا أبوه قبل يطلع للمدرسة في حالة صراع معه عشان يلبس ..:cry: يعني أنتم ماتحسون ولا كيف:D من جد احنا نعاني من مشكلة ان احنا ماننتبة لانفسنا الا اذا وقع الفاس في الراس .. وهذي مشكلة بحد ذاتها:) الله يشفيك ويعافيك وان شاء الله ربي يسهل عليكم حجكم وترجعون لأهلكم بالسلامة وان شاء الله التطعيمة تطيح بيد ممرض يدة خفيفه:D وبالتوفيق ان شاء الله |
هلاليه سنعه إقتباس:
إقتباس:
لذلك أحيانـًا أسدهـ إجباري .. أو أحاول أخففه .. :yes: إقتباس:
ما نبيه ياصلنا .. جاهـ الوصل معنا .. :upset: إقتباس:
إقتباس:
إقتباس:
أحسن شي أختك خدروها قبل تعطونها الإبرهـ .. عشان ماتخاف :p عاد لا تصدقون اني أخاف .. تخرب السمعه الحين :d بس أنا من أول أكثر شي أخاف منه الابرهـ .. لأنه مرت علي فترة وأنا صغير كل أسبوع آخذ ثلاث أبر أو ابرتين .. إقتباس:
الشاهي الله يسلمك ما بقيت زمزمية شاهي بالبيت ماشربته من يوم مرضت .. وأدمنت عليه .. صرت أكيّـف وأنا أشربه :d مع العلم أني ماأشجع الشاهي ولا أشربه الا إذا جانا أحد .. وللأسف اللي يضر نحبه واللي يفيد ما فرقت معنا .. إقتباس:
الشوط الأول راسي ياما راح يمين ياما راح يسار أنود من الملل .. :mad: ما شفنا مستوى أبد .. والنتيجه غير مرضيه .. لكن الجايات أحسن ان شاء الله .. الله يعافيتس .. ومشكووورهـ أكثر على مرورك الرائع :) الهنوووف <<<جالس يعد كم واو حط :d إقتباس:
إقتباس:
أما إذا لوز فـ المرّهـ ممتازهـ له .. ^ ^ متأثر بالوالدهـ .. .. والله أنا إذا كان حلقي ناشف آخذ حبوب نعناع من الصيدليه .. زينه .. بس ناسي اسمه .. إقتباس:
أجل أنتي مثل واحد الله يصلحه .. :p إقتباس:
حنا قريبين منهم بس أجواء الحرم بالذات غير .. عشان الناس جايه من كل مكان .. الله يعين الجميع .. إقتباس:
أما عاد تشوفونن ما في أمل .. عساي أنا أشوف نفسي هناك .. :d يالله زنـّـي (بمعنى ألحّي) على أهلك السنه الجايه تحجون .. ان الله عطانا عمر وعافيه .. إقتباس:
كلكم مجهزين أسماء الأدويه .. :p الله يعطيتس العافيه .. ما في إشكاليه بالنسبه للحروف .. تصير في أكبر المنتديات .. إقتباس:
مشكله والله اذا وصل الألم للكلى وأنتي تشربينه .. أخوي كان مدمن بيبسي دايت .. ومن يوم بدا يحس بالآلام شطح لـ الحمضيات وعلى خفيف بعد .. حاولي تتركينه .. تراهـ اللي عندنا كلهم تركوا البيبسي لأنه ضرهم كثير .. إقتباس:
زي ما ذكرت آنفـًا ما بقيت زميزمية شاهي ما شربته .. وبعدين جدهـ الأجواء عاديه .. مب ذاك البرد مثلكم .. لو أبلبس كل ملابسي فطست من الحر .. أجل جتك الحاله اللي جتني قبل فترهـ حقت الألوان والخطوط ههههههههه .. لا ما أعتقد أنك ضغطتي زر ولا شي .. بس الظاهر حاله تجي وتروح .. أنا صارت معي بـ رمضان وجلست معي حول الشهر .. أغير الخطوط والألوان بـ منتديات ثانيه .. وبعدين راحت ورجعت .. والحين راحت وأغديه ما ترجع ان شاء الله .. نــايــف إقتباس:
لا الله يسلمك أدخل بس قبل المباريات يكثر الدخول عشان نجلس نحلل ونشوف أخبار اللاعبين قبل المباراة .. عاد لو مباريات الهلال كل يوم ما أمل .. يكفين أشوف سامي وياسر والشلهوب .. s13s الشر مايجيك عزيز قلبي <<<جديدهـ بس تمشي .. :d حياااك بـ ر ـب |
الوقت المعتمد في المنتدى بتوقيت جرينتش +3.
الوقت الان » 07:36 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd