مساكم الله بالخير يالزعماء

جتني قصيدة لاحد النصراويين وكان يسب فيها الهلال . والمسكين يسمي نفسه بشاعر النصر
افتخارا بشعره .. عموما انا تهيضت لما قريت قصيدة المكونة من 10 ابيات وكتبت لكم هالابيات
وان شاء الله تنال اعجابكم بعد قصيدتي فالامير محمد بن فيصل ..

صلوا على النبي .. وتوكلوا على الله ..

هذي قصيدة النصراوي :

هات القلم واكتب من الشعر كاوي = للي بدأ بالقاف من دون مقياس
يا كاتب الأبيات مخطي وغاوي = افعالكم يا ورع ما ترفع الراس
ان كانها راحت لضرب الأهاوي = ما لك قديمة مع بعيدين الأرماس
وان كان جات اللازمة والعزاوي = تجحر مثل ما يجحر الكلب دواس
جساس بكاكم كبير الخطــاوي = واخذ من افضلكم بماله وما انحاس
نادي فشل نادي طغى بالرشاوي = والكل فيكم عارف(ن) بنيت الساس
وين انت يا موينع ضعيف الهقاوي = ذكرهم بماجد وللعز نبراس
اشرح وخل الناس تسمع حكاوي = ان الكباري في النهائي لها احساس
ويا شاعر القيفان مخطي وغاوي = عسى يصيبك في شوا البطن خفاس
خلك مع اللي يلبسن الغطاوي = وانته سوات الرمل بالرجل ينداس

/////////////////

وهذا ردي عليه ..



الله خلقني للصعيبات طاوي
اطوي صعيب القاف وآصمّد الراس
. . . .

والله خلق فكري للاعتام ضاوي
اضوي بحرفي سود نجسات الانفاس
. . . .

اشرب قصيدي شربتي للقهاوي
واهز فنجال الشعر لحتما الطاس
. . . .

شاعر سبيعي والفكر فيه لاوي
يلوي يميني لانزف حرف محتاس
. . . .

ياللي تحسب انك على الكل قاوي
لابوك لابو من صفق لك بالأخماس
. . . .

ياتفه من الذرة على كف شاوي
وأتفه من البومة على كل قرناس
. . . .

لايزيد هرجك لاتجيك الهقاوي
اللي تخلد سيرتك يا أحقر الناس
. . . .

حنا الزعامة ساسنا.. والبلاوي
تحذف بوجهك حذفة السيف للراس
. . . .

اساسنا عزة وقوة وحاوي
أبطال ترسم بالقراطيس نبراس
. . . .

فرسان يوم الوقت جاك متهاوي
بانت أصيل الخيل وأذيال الأفراس
. . . .

نصرن جمع في غبته كل خاوي
بين النطيحة والردية والإفلاس
. . . .

تضرب به الأمثال في كل هاوي
ولا الصعايب حرمة دون الأنجاس
. . . .

والكايده ياسهلها للهواوي
اللي هوا طلعة معاجيز الاطعاس
. . . .

هذا الهلالي والهلالي ياشاوي
شيخن على ناديك وانتم له احراس
. . . .

مير اقصر الهرجة وكب الحزاوي
وخلك بعيدن عن مدا راس حساس
. . . .

مادمت عايش والهلالي غلاوي
تبطي عظم توطا للازرق على ساس

وسلامتكم ,,

محبكم : عبدالعزيز السبيعي ( جنرال روما )