#1  
قديم 16/12/2006, 10:42 PM
الصورة الرمزية الخاصة بـ أبو ميار
مشرف سابق في منتدى الرياضه السعوديه
ومنتدى المنتخب السعودي
تاريخ التسجيل: 11/10/2003
المكان: العاصمة معقل فريق القرن
مشاركات: 15,938
قصتي مع جريدة الرياضية ومطعم الرومانسية

السلام عليكم ورحمة الله وبركاته

وشلونكم كلكم عساكم بخير ومرتاحين ,,,

اليوم ما أدري وش فيني براسي إني أكتب موضوع مدري ليش ,,,

مع إن الشباب باللجنة الإعلامية موصيني بشغلة لكن والله براسي إني أكتب موضوع ,,,

المهم مالكم بالطويلة

جاء على بالي إني أكتب موضوع عن قصة جريدة الرياضية تلك الجريدة الوردية اللون

هذا يا طويلين العمر والسلامة أمس الجمعة وفي تمام الساعة حدعش صباحاً أطلقت صافرات الإنذار بالبيت إيذاناً بقرب صلاة الجمعة ....

جميع أساليب الإيقاض من النوم أستخدموها أهلي طبعاً النومة كانت ثقيلة لأني سهران فرحان برباعية الهلال على الشباب .

المهم يوم صحصحت من النوم وتروشت وطلعت للصلاة . وبعد الصلاة بدأت رحلة البحث عن جريدة الرياضية >>>> مو دعاية أبد أبد .

دخلت البقالة الأولى وأخذت عصير وقلت لراعي البقالة صديق واحد رياضية

رد علي مافيه رياضية كلاص .

قلت له ليش سؤال ما أدري وش يبي ؟؟؟

طلعت للبقالة الثانية وكانوا فيه شباب يتسامرون >>> الكلمة مو محلها الظهر ولكن المعنى ببطن الشاعر

قلت فيه رياضية ونفس الجواب الأول . مافيه كلاص

قالي واحد من الشباب : هلالي الأخ.

قلت الحمد لله.

قال الله يخلف عليكم

صدقوني الهندي جلس يضحك لكن تأكدت إن الهندي ما يضحك علي يضحك على هالمتخلف

طلعت للبقالة الثالثة واللي يبيع فيها يماني .

قلت صديق فيه رياضية .

قال لا الرياضية خلصت من بدري .

تفاجأت من اللهجة وجلست أتأسف له قلت معليش فكرت إنك هندي.

قال لا عادي >>>>>>> شكله متعود أبو الشباب

جلست أدردش معه : من متى خلصت الرياضية

صدقوني قال : إذا فاز الهلال وبمباراة كبيرة وبإجازة الأسبوع نحرص نفتح البقالة بدري

ونحط الرياضية برى تعرف يجي الواحد يبغى الرياضية ويشتري معها كم حاجة ونستفيد من فوز الهلال .

المهم قلت له وش رايك بالهلال؟

قال أهم شي الفلوس

شكل أبو يمن البقالة له وحنا ياغافل لك الله .

قبل ما امشي قال ما تشتري حاجة

قلت بس متقهوي الله يسلمك

طلعت للبقالة اللي بعدها وأخيراً قلت أنتهت المشكلة

شاهدت واحد واقف ويقرأ الرياضية الأخيرة

جلست أنتظره يخلص والرجال منهمك بالقرائة .

تصدقون أتوقع حتى اعلانات المفقودات قراها كلها

وأنا جالس أنتظر وشريت عصير وأتأكد من عباراة ممنوع القرائة هي موجودة والا لا

وسويت ذكي رحت عند الجرايد وأخذت جريدة الاقتصادية وأول ما فتحتها قلت للهندي صديق فيه مشكلة أنا يقرأ هذا جريدة

قال ما في مشكل

قلت طيب ليش أنت فيه يحط ممنوع قراءة >>> أبغى الدلخ اللي جنبي يفهم

قال الهندي هذا كفيل ما في مخ

شكله ما استلم الراتب وخربها الهندي

المهم أتت ساعة الصفر وسكر الجريدة اخونا في الله ويصفطها ويا خذها معه ويحاسب عليها

لعنبوك والله لو أنها 200 صفحة كا امداك تخلصها بس شكله عرف أني ناوي على الوردية

قلت والله ما خليها له طلع من البقالة وأدار سلف سيارته ومشى في أمان الله

وأمشي وراه وأحده على الرصيف علشان علشان يشرب من نفس الكأس التي ارتويت منها

رحت للبقالة اللي بعدها وأسئل السؤال الصعب فيه رياضية قال لا .

وألمح شي وردي قلت هذي مو الرياضية

قال مهجوز يابو هنود حرام عليك صار مثل اللي يدخلون الملعب العصر ويحجزون ألف مكان

قلت أنا فيه يشتري خمسة ريال >>>>>>>> أبوك يالمطنوخ

قال مهجوز

قلت عشرة ريال

قال مهجوز

قلت : 15 ريال

قال مهجوز

انقهرت من هالهندي وقلت هذي خمسة بس علمني من اللي حاجزها والولاء اللي عندك له

قال هذا حق بيبي حق كفيل ط

قلت معذور يالهندي الشرهة علي اللي وصلت قيمتها 15 وهي ما تسوى

المهم قلت بلاش من الرياضية أصلاً شبكة الزعيم تنزلها لا ولهم موقع >>>> جالس أعزي نفسي

أتصلت على أهلي قلت تبغون شي من برى

قالوا ما شاء الله عليك كل هذا خشوع بالمسجد أو نمت بالمسجد

قلت لا يكثر تبغون شي

قالوا جب لك غدا لأن الغدا خلص

رحت للرومانسية وطلبت مدفون لحم >>> أبكافأ نفسي على التعب اللي تعبته

وبعد ما خلصت شفت الجلسة اللي جنبي وفيه ثلاثة واحد منهم يقرأ الرياضية

عاد أنا ما أنعطى وجه قلت ما عليش يالشيخ ممكن الرياضية إذا خلصت

قال تراها لي مو للمطعم

قلت أدري والا متى الرومانسية يحطون الرياضية

ماكدونالدز ما حطوها تحطها الرومانسية

قال آسف أخوي مقدر أبخذها للبيت أبخلي أخوي يقراها

جلست أترجأ فيه وهو يعتذر بإبتسامة

والله لو اني أطلبك الجنة

المهم رحت للبيت وكرهت الرياضية وكرهت اللون الوردي

وقلت كله منك يالهلال وكله منك يا جمهور الهلال.

عاد أبشركم في الليل طالع أشتري خبز للبيت وأدخل البقالة الوحيدة اللي ما دخلتها وحصلت الرياضية

لكن آثرت على نفسي وحفظت كرامتي ولم آخذها ولم أقراها نهائياً

..............................

أحذروا القادمين من الخلف وأعني الوحدة وما أدراك مالوحدة.

............................

تصدقون فيه فريقين مباراتهم تعتبر الديربي الأول رصيده 30 والثاني رصيده 11 الحمد لله على ما نحن عليه واللهم حوالينا ولا علينا

.........................

كلمت واحد بعد بلنتي النصر اللي والله ما ادري بأي قانون بس شكله بقانون نيوتن قلت مبروك الهدية شوي وينفجر بوجهيي ويقول .............. الخ .
طبعاص سمعته صوت القطار مو خوف لكن لأن الكلام مكرر.

.....................

الجالية المصرية الموجودة معي في الدوام تسئل عن ياسر وهل سبق له الاحتراف بأوربا
قلت له سبق له الاحتراف بالقادسية
ولكن الهلال سر لا يعرفه الا ياسر

..................

وسألوني وقالوا ليش أجانبكم يتحمسون وكأنهم هلاليين.
قلت هم هلاليين وكفى . وأفهم يا فهيم

..................

أهلاوي الى الآن منغث من الهلال ويقول آه بس متى يجي الدور الثاني
تصدقون جلست أحك راسي أتخيل ياسر وش بيصلح .

.................

معلق سبورت 7 اليوم في مباراة النصر يقول نقاش حاد بين الحكم المقهوي واللاعب ما ودي أقولكم وش أسمه .
والله قالها باللفظ هذا علماً ان اللاعب نصراوي عاش التعليق .

...............

تصدقون اليوم شفت الرياضية عند أول بقالة شفتها ولا شريتها

..............

يقولون إن النصراويين يسئلون عن كيفية الغاء جوال النصر والله حاله ... إذا فازوا أشتركوا وإذا أنهزموا كلهم أرسلوا حرف الــ غ

..............

تصدقون نصف أهداف الهلال بالدور الأول في مرمى الشباب والنصر والاتحاد والأهلي

..............

يا زين تحليلك يا كابتن ماجد

..............

علاء الكويكبي بعد المباراة أخذ محيسن الجمعان وأخذه ركضاً الى جمهور الوحدة ملكّع أنت يالكويكبي

..............

العصفور تلقى الضرب وطرد من عنده لاعبين نصراويين والسر يكمن في أنه هلالي .

...............


إلى اللقاء
اضافة رد مع اقتباس
  #2  
قديم 16/12/2006, 10:50 PM
زعيــم فعــال
تاريخ التسجيل: 14/02/2002
المكان: الرياض
مشاركات: 240
الله يخلي شبكة الزعيم من طلعت وانا مطنش جرايد إلا الجزيرة حبيبة قلبي رافعتـن ضغط جمهور النار ( الله يحفظنا من النار)...وزعيمهم الأخ عــــــــــــــــمـــــــــاد...
اضافة رد مع اقتباس
  #3  
قديم 16/12/2006, 10:51 PM
زعيــم فعــال
تاريخ التسجيل: 13/08/2006
مشاركات: 312
شهيتنا بالرومنسيه
اضافة رد مع اقتباس
  #4  
قديم 16/12/2006, 11:09 PM
مطرود
تاريخ التسجيل: 06/12/2005
المكان: مابين باريس ولندن
مشاركات: 1,183
ههههههههههههههههههههههههههههههههههههههههههههههههه


لا حول .. والله المعاناه ..


يعطيك العافيه
اضافة رد مع اقتباس
  #5  
قديم 16/12/2006, 11:20 PM
زعيــم مميــز
تاريخ التسجيل: 22/06/2005
المكان: أم الدنيـــا
مشاركات: 2,226
اللــه يخلي لنا الزعيــــم
اضافة رد مع اقتباس
  #6  
قديم 16/12/2006, 11:31 PM
زعيــم مميــز
تاريخ التسجيل: 01/05/2006
المكان: في ديار ابو متعب
مشاركات: 2,956
هع هع هع
الله يرجك يا مولع .. لا صار الهلال فايز وبكرى جمعة قم بدري
ورح اقرب مسجد يطلع مبكر ..وبإذن الله تلقى الجريدة (وجه يبتسم ابتسامة شموخ)<<وش يبي ذا
على العموم موضوع يوسع الصدر الله يوسع صدرك بالعافية ..
ووالله لو الوحدة جازمين على الكديش كان 9او 10 والنقاد والمحللين يعرفون الشي هذا<<<يا حبيلك يابوسلطان ..
تقبل شكري وتقديري



تحياتي
اضافة رد مع اقتباس
  #7  
قديم 16/12/2006, 11:31 PM
زعيــم مميــز
تاريخ التسجيل: 02/01/2006
المكان: الجوازات
مشاركات: 2,272
خخخخخخخخخخخخخخخخخخخخخخخخخخخخخخخ

لا تعودها
اضافة رد مع اقتباس
  #8  
قديم 16/12/2006, 11:31 PM
زعيــم نشيــط
تاريخ التسجيل: 19/10/2006
مشاركات: 931
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههه
اضافة رد مع اقتباس
  #9  
قديم 16/12/2006, 11:44 PM
زعيــم مميــز
تاريخ التسجيل: 06/09/2006
المكان: هلالي اكيد في المنصه
مشاركات: 2,600
<< المستخدم هذا كل جمعه مسنتر عند الرومانسيه وابو يمن عارفيني ومجهزينلي الورديه

وغير الجمعه انا متفق مع ابو هنود حق البقاله الرياضيه عند الباب

قبل ما تفتح البقاله

عاد مره قالي كله سعوديه ما فيه مخ

بس نوم اكل يقرا جريده

قلت لا يكثر بس


اقول وش رايك بكنافة الرومانسيه..!
اضافة رد مع اقتباس
  #10  
قديم 16/12/2006, 11:49 PM
زعيــم متألــق
تاريخ التسجيل: 25/08/2005
مشاركات: 1,400
بالعكس أنا لقيتها عند باب البقاله تأشر لي تقول تعال خذني خخخخخخخخخخخخخخخخ

من جد معاناة مع الرياضيه

مره ثانيه اذا فاز الهلال دق على البقاله من أمس وأحجز لك وحده حقت بكره خخخخخخخخخخخخخ


إقتباس
معلق سبورت 7 اليوم في مباراة النصر يقول نقاش حاد بين الحكم المقهوي واللاعب ما ودي أقولكم وش أسمه .
والله قالها باللفظ هذا علماً ان اللاعب نصراوي عاش التعليق

من هو اللاعب ؟؟؟ وش قال للحكم ؟؟؟
اضافة رد مع اقتباس
  #11  
قديم 16/12/2006, 11:50 PM
الصورة الرمزية الخاصة بـ زعــيــ511ــم
زعيــم مميــز
تاريخ التسجيل: 09/12/2006
المكان: شبكة الزعيم
مشاركات: 32,278
هههههههههههههههههههههههههههههههههههههههههههههههههههه

الله يرجك يا مولع وربي مت من الضحك

يعطيك العافيه
اضافة رد مع اقتباس
  #12  
قديم 16/12/2006, 11:52 PM
الصورة الرمزية الخاصة بـ rayan0099
زعيــم متألــق
تاريخ التسجيل: 04/03/2006
المكان: الرياض . .
مشاركات: 1,495
هههههههههه كان قلتلي لاني كنت شاري الجريدة من بدري ههههههههههههههههه امزح
اضافة رد مع اقتباس
  #13  
قديم 16/12/2006, 11:55 PM
زعيــم مميــز
تاريخ التسجيل: 01/10/2006
المكان: هق... هق
مشاركات: 2,947
الله لا يغير علينا
اضافة رد مع اقتباس
  #14  
قديم 16/12/2006, 11:56 PM
عضو لجنة التغطيات بالموقع الرسمي لنادي الهلال
تاريخ التسجيل: 02/11/2006
مشاركات: 1,688
والله وأنا أقرى موضوعك إني أضحك أضحك أضحك ..

الحمد لله الرياضيه تحجز لي يومياً عند هندي البقاله ولو راحت صفقته ..
اضافة رد مع اقتباس
  #15  
قديم 16/12/2006, 11:58 PM
زعيــم متواصــل
تاريخ التسجيل: 12/02/2006
مشاركات: 189
يعطيك العافية
وسع الله صدرك
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:42 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube