عضو شرف هلالي يقود مفاوضات لضم المهاجم ؟؟؟ - نادي الهلال السعودي - شبكة الزعيم

مشاعر هلالي · #1 16/12/2006, 11:24 PM

السلام عليكم ورحمة الله وبركاته

أولا أبارك لكم تربع الزعيم على عرش الصداره

وعقبال البطولات المحليه والآسيويه والعالميه

قرأت ياشباب أن عضو شرف هلالي يفاوض مالك معاذ وان الاداره الاهلاويه طلبت 15 مليون

مع التنازل عن عبدالله الجمعان ورودريقو (قوارو)

قلت أنزل الموووضوع يمكن نلقى أحد عنده الخبر الأكيد عن هالخبر

لو ينتقل مالك للهلال بيطلع عندنا هجوووم قووووي

مع أن وجود ابوسعيد وسامي في الهجوم يكفي لكن راح يعتزل سامي ومايبقى الا ابو سعيد

فرصه من ذهب لو انتقل مالك للهلال لأنه لاعب صغير في السن

أتمنى التوفيق لعضو الشرف الهلالي في انهاء الأجراءات اذا صح الخبر

وعاد انتم يازعماء تبون المصدر وهذا المصدر

http://www.alriyadh.com/2006/12/16/article209517.html

دمتم بصحة وعافيه

أخوكم /مشاعر هلالي

هلالي الطايــف · #2 16/12/2006, 11:26 PM

والله مادري اش اقلك بس مبلغ 15 مليون كبير والله كبير لا وبعد يبون الجمعان وقوارو لا ولا والف لا

مشاعر هلالي · #3 16/12/2006, 11:29 PM

أخوي هلالي الطايف أولا شاكر لك عالمروور

ولكن الجمعان الكل يعرف أن مستواه مو مثل أول

وقوارو عندنا الوسط كثير ولاتنسى أن مالك معاذ لاعب صغير في السن وراح يخدم الكيان الازرق لسنوات عده

تحياتي

القـ المجروح ـلب · #4 16/12/2006, 11:32 PM

بصراحة لدنيا تخمة في مركز الهجوم حاليا

وأتوقع أن الكابتن مالك معاذ إذا بقي في الأهلي سيكون أفضل له أيضا

الهلال لديه ( يارس - سامي - الصويلح - العنبر - الجمعان )

ماشاء الله على كذا هجوم شباب وخبرة

بس أنا ضد من يقول أن الـ 15 مليون كثيرة على لاعب بحجم مالك معاذ

تخيلوا هجوم المنتخب السعودي يتكون من أشرس اثنين حاليا في الملاعب السعودية ( ياسر - ومالك )

الخبراوي · #5 16/12/2006, 11:34 PM

اخوي 15 مليون على ايش

بالـ15 مليون نجدد عقد قوارو موسمين إلى 3 مواسم و زياده على كذا يبون قوارو و الجمعان

انا لو الأمور بيدي كان عرضت عليهم 4 مليون + الجمعان بس

الكل يشاهد مستوى الجمعان مع إحترامي للكابتن عبدالله الصراحه مستواوه طايح

و المشكلة 15 مليون على إعاره على ما اظن باقي الموسم بفترة التسجيل الثانيه

الكابتن مالك يستاهل كل خير لكن مو 15 مليون + قوارو + الجمعان

يبون الجمعان + 4 مليون او 2 مليون ميب مشكلة

الإمبراطوره الهلاليه · #6 16/12/2006, 11:35 PM

الحمدالله الي موجودين فيهم البركه .. صح مالك معاذ مهااجم قوي ويشكل ثنائي حلو مع ياسر بس بعد مانتنازل عن الجمعان وخصوصاً قوارو ميه وستين لالا

rayan0099 · #7 16/12/2006, 11:39 PM

ان جاء فيه الخير و البركة وان ما جاء ايضا عندنا الخير والبركة (الجمعان_الخراشي_العنبر_الصويلح...الخ) بس ياريت يجي

ياما وياما · #8 16/12/2006, 11:45 PM

والله لو ياخذون نواف بعد فوق البيعه كان تمااااااااااااااااااام
ويفكونا منه

الجنرال خالد · #9 16/12/2006, 11:51 PM

اقـــول انت ويـاه المفاوضات اشـاعه والاعب نفى المفاوضات
وحتى انه كتب في احد المنتديات الأهلاويه انه ما راح يتـرك الأهلي
وبيجدد عقده مع الأهلي يعني انسوو

ومستحيل يفرطون فيه الأهلاوويه

20ثامر9 · #10 16/12/2006, 11:57 PM

إقتباس

الرسالة الأصلية كتبت بواسطة القـ المجروح ـلب


	بصراحة لدنيا تخمة في مركز الهجوم حاليا وأتوقع أن الكابتن مالك معاذ إذا بقي في الأهلي سيكون أفضل له أيضا الهلال لديه ( ياسر - سامي - نواف - الشلهوب - الخراشي - الصويلح - العنبر - الجمعان ) ماشاء الله على كذا هجوم شباب وخبرة بس أنا ضد من يقول أن الـ 15 مليون كثيرة على لاعب بحجم مالك معاذ تخيلوا هجوم المنتخب السعودي يتكون من أشرس اثنين حاليا في الملاعب السعودية ( ياسر - ومالك )

معليش
ok
100%

هلاليn70 · #11 16/12/2006, 11:59 PM

خبر غير صحيح ولا يمكن تصديقه

هلالـي موووت · #12 17/12/2006, 12:09 AM

يا جماعه

تراكم عطيتوا مالك معاذ اكبر من حجمه

صحيح مالك لاعب ممتاز لكن مو للدرجه 15 مليون

قويه والله !!

ابو خراشي · #13 17/12/2006, 12:20 AM

انا اتمنى والله....والعرض تمااام

لكن لاتنسون ان الهلال يلعب 451

يعني ماتوقع يسوي شيء..

الموري111 · #14 17/12/2006, 12:24 AM

إقتباس

الرسالة الأصلية كتبت بواسطة القـ المجروح ـلب


	بصراحة لدنيا تخمة في مركز الهجوم حاليا وأتوقع أن الكابتن مالك معاذ إذا بقي في الأهلي سيكون أفضل له أيضا الهلال لديه ( يارس - سامي - الصويلح - العنبر - الجمعان ) ماشاء الله على كذا هجوم شباب وخبرة بس أنا ضد من يقول أن الـ 15 مليون كثيرة على لاعب بحجم مالك معاذ تخيلوا هجوم المنتخب السعودي يتكون من أشرس اثنين حاليا في الملاعب السعودية ( ياسر - ومالك )

انا اوافقك بكل شي قلته الا شي واحد هو المهجمين انا اعتقد انا العنبر مع احترامي له مو لاعب يستحق الهلال انا اقول يبيعونه او ينسقونه يكون احسن ..

سامي هاذا اخر موسم له

الجمعان خلااص انتهى عمره الان على ما اظن 29او30 ووزنه ثقيل وهو مو راضي يطور نفسه او على الاقل يرجع مثل اول<<<<< ايام الصورايخ الي تجي منه اهداف :p

يعني مافي الا ياسر والصويلح وما انسى الخراشي ..

فبالنسبة لي انا اوافق بس مو 15 مليون !!!!

5مليون+الجمعان .. فقط ..

اما قوارو اتمنى ان يستمر معى الهلال لموسمين وثلاثة واربعة ..

لا نريد ان نخسره كما خسرنا كماتشو

تحـــياتــــــــــيـــــ .. اخوكم

الموري111 ..

الزعيم 2010 · #15 17/12/2006, 12:54 AM

الحمدالله الي موجودين فيهم البركه