نادي الهلال السعودي - شبكة الزعيم - الموقع الرسمي

- منتدى المجلس العام (http://vb.alhilal.com/f1/)

- - اختبار ومطر ! مايجي !!!! (http://vb.alhilal.com/t355792.html)

هلا نوبتن أقين:)

إقتباس:

الا اقول يـ شين ورى مادعيت لي ن ذ ل

وشلون تبين تنجحين وانتي عجله مجلعده الشر يتطاير من عيونتس:mad:

بصي شوفي وش أنا كاتب:

إقتباس:

على أن أعدك بأني سأقدم اجازه اضظراريه لمدة يوم وألبس الشورت وألقط السنــّاره واتفرغ للنقد الهادف البناء

انا كنت مشغول وما قريت وش أنتي كاتبه أنتي ووجهتس:mad: وضغطت على ايقونة الرد على طول أحسب الموضوع طويل قلت أرجع أفصفصه بعدين:mad:

لكن نيـّــتك شينه :mad: على طول نذل وما ادري وشو ؟؟!! جعلتس تسقطين:D

إقتباس:

هطلت أمطار غزيره ع مدينة الرياض صباح اليوم + رعود وبروق " جمع رعد وبرق "

صدز عاد:eek: رعود وبروق جمع رعد وبرق!! سبحان الله العظيم غريبه هالدنيا اشوى أنك علمتينا أنا احسب رعود يعني دفايه ، وبروق يعني صامولي:D

إقتباس:

اللهم اجعلها امطار خيراً وبركه ، اللهم حولينا ولا علينا اللهم ع الاودية والسهول والجبال

آآآمين،، ما قلنا شي
لكن لحظه وشو سهول وجبال؟؟:D أخبرها سهول وأودية ، ما تعرفين تدعين:mad: لا وتبي تنجح:laugh:

إقتباس:

عاد ماوصيكم الله الله بـ الدعاء لي ان ربي يوفقني وينجحني ويسهل ع اموري واختباراتي

الله يوفقك وييسر عليك :mad:
وبعدين تراي منب السديس عشان تنهبلين يوم ما دعيت لك:mad:

إقتباس:

بكراً عندي ذاك الاختبار اللي جايبه فيه نتيجة اقل من 5 يعني لازم اجيب بـ هالميد درجة زينه علشان انجح ..

عسى مهوب القاء:confused: لا تخافين منوّل نقول كذا وتضيق صدورنا وبالاخير نشد حيلنا ونجح بمعدل زين:yes:

إقتباس:

ماصار الجو يهبل إلا يوم غبت ، عاد رياضيات ومطر ! ماينفع ابداً ..

مهوب بكر لاجبتي بالرياضيات واحد ونص من ميه جيتي تقولين ادعوا لي:mad: ترى مناااب فاضي لك كل شوي أقعد أدعي:sleep:

صحيح الجو زين ويوسع الصدر ، لكن يوم أنا أدرس كنت أعتبر شي ايجابي :yes: افتح الشباك واقعد اقرا على هالجو الحلو:yes: تاي صادز منب أكذب:mad:

ان شاء الله نبارك لك قريبا بالتخرجs13s بس تكفين مرتبة الشرف الثالثة:yes: أعلى منها مانبي

فمااااااااااان الله،،

خخخخخخخخخخخخخخخخخ رياضيات اجل

الله يرحم حالك :D

بالتوفيق ان شاء الله

وعلى طاري وقت المطر لي ربع في ادارة بالدوام عندنا ومحجر لهم المدير ابن امه ينتق
ماله الا دقيقتين بس لامور خارجه عن السيطره :D غير كذا مافيه

لاجا الجو الزين رحت اطل عليهم (( بالله ذا جو مكتب )) :D

الله يكون في عونهم ويكتب البركه في هالخير اللي جانا هالسنه

إقتباس:

الرسالة الأصلية كتبت بواسطة ولد وايل (مشاركة 4401662)

يا حليلكم .. يحق لكم تنبسطون .. مرة بالسنة يجيكم المطر :D

[ السلام عليكم و رحمة الله و بركاتة ] ,,

ايهب يالمطر عيا يوقف المطر !

حنا ما ذقنا و لا قطرة !

الوديان عندك سيول و عندنا مابه غير الضبان يتمشون :d ..

"ما شاء الله تبارك الله , و اللهم لا اعتراض :) " ..

الله يوفقتس و ان شاء الله تنجحين .. و ان ما نجحتي تـرى مكانتس محجوز ما شاء الله سنويا تمرين عليه :D ..

التسناري

السـلام عليـكم ورحمـة اللـه وبركاتـه !!

اللـه يـديـم الأمطـار و الخيـرات و البـركات ..

ويديـم تواجـدك في المنتـدى ...

بـ صـراحـة فقدنـاك ..

يعـنـي مهمـا كانت السنـة صعبـة

ضحـي بـكم ساعـة في الأسبـوع وطلّـي ع المنتـدى ..

أزين شي .. وحنى نختبر ينزل المطر s60s
لأن وقتها يصير دوشه وهبال ع المطر ومن هـ الكلام <<< أول مرة يشوفون مطر
فـ تجينى كم معلومه :p .

وغير كذا

واللـه انـا اليوم في اختبار الريـاضيـات ,, كم سؤال عارفهم بس ناسي الواعد حقتهم
وفي وقت هطووول المطر , والله دعيت ربي والحمدلله انهيت الإمتحان وانا مطمئن البال :yes:

عشان كذا

الله يكثر الأمطار الي في وقت الإمتحان ,, ومعروف ان دالدعوه وقت المطر غير :thumbup: !!
واللـه يرقنـا . آمين :)

سلاميشو :)

للأسف انكم غير حريصين على العلم

شلون تبون نتطور وانتم كذا

هالجو افضل جو لمذاكرة النحو<<< بلا نصب:D

إقتباس:

هطلت أمطار غزيره ع مدينة الرياض صباح اليوم + رعود وبروق

فيه احد يناديني :D

إقتباس:

عاد ماوصيكم الله الله بـ الدعاء لي ان ربي يوفقني وينجحني ويسهل ع اموري واختباراتي :cool:

الله يوفقك ويسهل لك امورك ويحقق لك الي في باالك :yes:

عاد ما اوصيك شدي حيلك يالدووبا واذا طلعت نتيجتك اسدحيها لنا هنا علشان نشوف دعاوينا جابت نتيجه ولا لا :D

يااازيييين المطر زينااااااه...
يبرد القلب صدق,,,
والله لو شفتي البنات بالجامعه
كل بنت خايفه على شعرها يطلع على حقيقته :dهههههههههههههاااااااي

إقتباس:

، بكراً عندي ذاك الاختبار اللي جايبه فيه نتيجة اقل من 5 :cry: يعني لازم اجيب بـ هالميد درجة زينه علشان انجح :yes: ..

تخيلي انا جبت 24 من 25 في كيميا العضويه :thumbup:(مدري وشلون:d)
>> بغت تنجن من الفرحه :d

فيو ماقصدي اقهرك ابد والا اجاكرك ابد
بس عشان تشدين حيلك :) :d

يارب درجه كامله ان شاء الله ,,,

فيووو فيذااا :eek: انا من زماااان وانا اقول المـطر مايجي الا ويجي معه خـير :D

اولهم فيروسة:)

يازين الأجواء في الرياض .. الله يديم هالخير علينا ... يارب ..

بس المربعانية مررره معصبة الله يهديها:cry: مووووت برررد :upset:

ان شاء الله وقت المطر ندعي لك بالتوفيق وتجيبين أضعاف هالخمسه يارب ..

موفقة يالغالية ...

هلا والله بفيفو <<<<دلع فيروسه :D

انتي عندك اختبار :eek:

وش مقعدك هينا :D <<<مهتم لمصلحتك :D

انتي عندك اختباااار

و انا عندي يومياً باص المدرسة :D

وصل هذا و رح جب هذا

يعني ما امداني اوصل الا و الطلبات شغالة غير العزايم و الطلعات اللي ما تخلص :D

الله يوفقك يا فيروسه في دراستك و يسهل دربك و درب الجميع ;)

سلامـ

آآآآآآآآآآخ يـ القهر :wallbash: :wallbash: :wallbash: :wallbash:

بـ الله عليكم عمركم شفتوا جامعه ماعندها مولدات احتياطية :rolleyes: !! الحين أغلبية المدارس الأهلية فيها مولدات كهرباء احتياطية :yes: !
الغوا الأختبار بسبب عدم وجود كهرب :upset: ! والمصيبه رجع التيار بعد مالغوا الاختبار يقططططططططططع ابو الحظ :upset:

يـ الله قدر الله وماشاء فعل والخيره فيما اختارها الله :( بس من جد جامعه غبيه :rolleyes: ! الحمدلله ماعندي شبكة :D والا كان صارت مسخره :p ...

اللي قاهرني ورافع ضغطي الشعبه الثانيه اختبروا :mad: ! بعدي بـ إستاذتهم عربجيه :thumbup: لكن اللي تدرسنا رفضت نختبر بـ الظلام :D قالت بـ تصير فوضى :rolleyes: غير كذا في بنات معترضات ، انا مايرفع ضغطي الا اللي تعترض خليك طبيعيه وليش تحايدين :D ، يـ حبي لي بس ماقد اعترضت حتى لـ درجة صرت مره فدائية s13s ووافقت اختبر اختبارين فـ يوم واحد :yes: علشان ماانكد ع شعبه كامله !

ع العموم ،،

لي رجعه لكم :) لكن بعد ماذاكر اختبار بكرا s13s ---->> قايله لكم من زمان اختبارات الجامعه مثل السبحه اذا طاح واحد تناثروا الباقين :D ...

الله يعين ويلهمني الصبر :) ... والله اني متحسفه اقول لو اني مذاكره اختبار بكرا اصرف من هـ الرياضيات لكن وش اسوي ! قدر الله وماشاء فعل :cry: ...

سي يا " وجه فيه النوم "

الفيروسه الزرقاء

الله يعينك ويوفقك

الله يوفقك ذاكري زين

وادعي لنا بالمطر ترانا الغيم مانشوفه