السلام عليكم ورحمة الله وبركات .


ماحبيت اكتب الموضوع بصراحة في منتدى الجمهور الهلالي أخاف يقولون مندس

التعصب الرياضي الى أين ...!!؟

بدأ يومي هكذا في المدرسة عندما سألت طلاب في الصف الرابع الإبتدائي من هم أعداء الإسلام ..؟

فأجاب طالب اليهود وقال الآخر النصارى وأجزموا على أنهم اليهود والنصارى .

قلت لهم : جميل جدا .

ثم سألت محمد من هو عدوك كونك انت مسلما ..؟

ظننت انه سيقول اليهود والنصارى فقال خالد .

أوقفت خالد وقلت له من عدوك كونك انت مسلما ..؟

فقال محمد و ولؤي ومساعد .... ؟

فاوقفت مساعد. فقلت له من هم أعدائك كونك مسلما قال كل النصراااوين .

رجعت الى أحمد وقلت له وانت من هم أعدائك فقال الهلاليين .

سبحان الله .

كره وتباغض من قبل الطلاب لكون هذا نصراوي وهذا هلالي .

نعم أنا هلالي الأصل والمنشأ ولكن لأاصل الى هذا الحد من التعصب بدات بتوجيه كلمات النصح والإرشاد لهم ولكن لاحياة لمن تنادي .

فالمعلم الذي سبقني كان قد زرع فيهم هذا المبدأ مع الأسف فاصبح الفصل قسمين هلالية ونصراوية .

أنا لا أمانع من كون هذا موجود فالرياضة شي جميل ولكن مايمنعني هو التعصب الرياضي لدى الطلاب .

انتهى الدرس ذهبت الى غرفة المدرسين اقول المدرسين " مشوار اللغة العربية "

لقيت ابو صالح مرتفع الظغط عنده وبراطمه صايره زرقاء من قوة الظغط وماسك ترمز الشاهي بيده ويتهاوش مع ابو ابراهيم .

وابو ابراهيم يضحك ويقول يارجال المشعل متسلل ببراطمه وابو صالح يقول اصلا انتم ماتفزون الا بالحكام .

لو أجيب ولدي صويلح قال هدف وابو ابراهيم يقوله يارجال لو الهلال لعب معكم بالرديف كان فاز عليكم خمسة بس الفريق الأول قالو نبي نستعد لمبارة الأهلي ونسخن عليكم

واشتد الوطيس بين الأثنين " الوطيس " أي المعركة وفي رواية قربت المضاربه .

قام ابو صالح بفنجال الشاي وطراااخ على رأس ابو ابراهيم وقال موب أنت اللي تعلمني بفريق النصر .

يالهي لكمه خطافيه من ابو ابراهيم تجاه ابوصالح . وقال ماباقي الا نصراوي وبدات الفوضى داخل غرفة المدرسين .
وفجأه يتدخل ابن همام " مدير المدرسة " ويناديهم تعالوا يالبزران عندي بالمكتب . ويقلبون الاثنين على المدير مابزر الا أنت ماباقي الا شبابي يتكلم ترى عددكم اربعه وواحد مات العام بحادث وصرتوا ثلاثة ,.

فإذا بالمدير يقتلب مثل الهجمه المرتده ويعبس أمام الاثنين حينها فقط تذكرت وجه لاعب الشباب أترااام .

وقال وراه ماتنطم يابو ثلاثة يالهي يقصد ابو ابراهيم الهلالي واذا ببو صالح يضحك ويقهقه عاليا واذا بالمدير يطلق صاروخ ارض ارض جو الى ابو صالح وانت يابو الستات والخمسات انثبر .

واذا بي اتدخل واهز راسي يمينا وشمالا امحق مدرسين . وذهبت الى الإذاعة المدرسية لعلني اجد مايسرني .
وجد ابو محمد مدرس الدين وقلت له ابا محمد ياترى مالذي دهي هذه المدرسه كل هذا من تأثير مبارة الهلال والنصر .

قال : لاتستغرب فوكيل المدرسه طلق زوجته لأنها شجعت الهلال ضد النصر عنادا له وهو ينتمي الى الكيان الأصفر . ولكن طلقة واحد ثم ارجعها عندما حلفت له وعاهدته أن تشجع النصر .

إنا لله وإنا اليه راجعون وفجأه أقدم الي طالبا يبكي ياستاذي لقد فلقني احد الطلاب بقوطي ببسي . " فلقني " اي ضربني وبرواية اخر " طقني مع رأسي " وعند العرب شج رأسي "
إنها جريمة شنعاء وكيف احضر قوطي الببسي وهو ممنوع فاحضرت الطالب المجرم وقلت له كيف تفلق زميلك .

قال ياأستاذي انه هلالي . ويشتم نادينا العالمي والطالب الهلالي يبكي وأنا احاول ان اهدئ من روعه ولم يهدأ وقلت له بإذنه لاتخف . أن فهد المفرج فلق عدة مرات مع رأسه وكافح من أجل الهلال .

فسكت الطلاب وقال اي والله يااستاذ . وامسكت الطالب النصراوي فعلكته علكا حتى تأدب وأخذت عليه عهدا بعدم احضار المخدرات " اقصد الببسي الى المدرسه " والا سأخبر المدير .

والتفت الى مدرس الدين قلت ياخي مشكلة الهلال والنصر ذولي اذا كانوا الطلاب صايرين كذا .
فقال لي : اي والله مشكلة والله لو هي مبارة التعاون والرائد . فقلت له مازحا من زين الرائد كلهم نجيريين مازحا .
فإذا به يطلق على المكيرفون حق الإذاعه ويربط السلك علي ويقول طس ماباقي الا واحد يشجع التعاون يتكلم على الرائد .

قلت لها مازحا لا لا لا انا لااشجع التعاون ولا الرائد أشجع ابوي وامي اخاف اقول الهلال ويطلع نصراوي .

الله المستعان بس اذا هذا حال المدرسه كيف حال من في المدرجات وكيف حال رؤساء الأندية والصحفيين وجميع من ينتمي الى الوسط الرياضي " اقصد المتعصبين فقط "

فعلا الحرب الباردة على المسلمين أتت ثمارها . وهي أخطر علينا من حرب بوش على العراق .

وفي المساء ذهبت الى المدرسة اليلية التي فيها الكثير من الشيبان والقليل من الصبيان .

فقلت لهم اثناء شرحي لدرس العلوم .
الحشرات الزاحفه هي التي لها رأس وصدر وبطن ولها ارجل قصير ويدين قصيرتين . مثل النمل .

ثم ماانتهيت من شرحي للدرس حتى سألت ابو ماجد .

اذكر لي مثالا على حشرة زاحفة .

فقال : بكل ثقة الضب ياأستاذ
قلت هل الضب حشره قال ايه يديه قصار ورجلينه قصار وقتها جن جنوني فضحك عليه ابو ثامر في آخر الصف .
وقال له : ياغبي الضب ليس حشرة زاحفه .

كم اسعدتني اجابة ابو ثامر لأنه برد سبدي عليه قلت ابو ثامر ممتاز لماذا الضب ليس حشره زاحفه .
فقال بكل ثقة .: لأنه اذا عصب رفع بطنه الى اعلى وصارت يديه ورجليه طويلة ....

تبا لهذا التدريس تبا لماذا حكم علي كمدرس أن أكون ضحية لمباريات الهلال والنصر .

" عندها فقط قررت الرجوع الى وظيفتي السابقة يوم أن كنت عاطلا عن العمل وهي العمل في قناة زواج "

وماذا ترون معي . ....؟

ابو يارا المغترب

إقتباس انا ارى ان عملك السابق اصرف

حتى أنا اشوف كذا .
مشكور ع مرورك


الكناري الأزرق

إقتباس ياخي ما عمره صار بمدرستنا اللي انت تقوله

شكلك ماشفت مدارس جنوب الرياض خاصة العزيزية

إقتباس لا تكون رايح تدرس بدار التوجيه و الملاحظة كلهم عرابجة

العرابجة بكل مكان اجل ماشفت طلاب المهني ياليل الليل بس لا الحمدلله اني ابتدائي اجل المتوسط والثانوي وش حالهم .

إقتباس بس حقت الضب الزاحف خخخخخخخخخ ,, اكيد انهم يستهبلون عليك

لا لا ترى الشيبان ماعندهم استهبال على نياتهم وياما شفت من المواقف خلها على ربك

إقتباس يا شيخ احسن لك لا تكتب اذا خالفت الواحد رأيه صــرت مندس .. انا الحمد لله محد يقولي مندس من عدد مشاركاتي يعني باين اني هلالي صميمـ

هههههههههههه عز الله انك صادق رايحين فيها هذولي عجزت افهم لهم .

إقتباس تـرى اكبر واحد بمنتدى الجمهور عمره 8 سنوات

وش عرفك

مشكور ع مرورك يالكناري ونفسي اشوف لك موضوع ترى استحيت من كثر ماترد علي وانا ماالقى لك موضوع <<<<< يامؤدب


المهاجر

يعطيك الف عافية على الرد يازميل المهنة


SoMe OnE

ياصعب اسمك ودي اقراه لو مره الله يخلي لنا النسخ والصق

إقتباس امنيتي ان تكون الابتسامة دائما تعلو على جبينكـ فـ لقد ضحكت من شر بلية الناس .. وهذا مااثار استغرابي وتعجبي .. ولكن لا بأس حينما يكون ذلكـ ليس على نطاق العموم ..

يعطيك الف عافية على الكلام هذا وتكون دايم البسمة على شفاتك يالغالي

إقتباس لا تستغرب من هذا التعصب ,, فـ كم من المجالس انفضت من اجل مباراة كرة قدم .. وكم من صحبة افترقت من اجل كرة قدم .. وكم من طلاق وضياع .. وزعل كل ذلكـ من اجل كرة القدم

وهذا اللي قاهرني يعني شجع وحب فريقك بس ماتوصل للدرجه هاذي

إقتباس وماعليكـَ هو ان تعود كما كنت .. قبيل ان يشيب رأس الشباب فيكـ

اذا يبي يجيني شيب لا والله نعود كما كنا وليه لا .

مشكور على مرورك الأكثر من رائع وعلى العبارات الجميله التي استخدمها في الرد ويعطيك الف عافية .

ولد وائل

هلا والله بولد العم يالله حيه .

إقتباس يارجال دام مديركم اسمه ابن همام عز الله مافلحت المدرسه

لا لا الله يرجك موب اسمه ابن همام هذا اللقب اطلقه ابو ابراهيم عليه .

إقتباس ياخي لا تحكم على المدرسه شف البيت الواحد وش يصير فيه لاجات مباراة بين الهلال والنصر تعال شف افلقني وافلقك والابيالات هي ضحية الجبهات

هي واقفه على بيالات ياخي ناس ماتت بسبب كورة قسم بالله شوف بالملعب كم مره سمعنا سقط احد الجماهير عندما ولج مرمى فريقه هدف .

إقتباس ياخي هي متعه بيني وبينك وان كانك تبي الصدز هذي كانت بيننا يالطلاب ايام الثانويه والمتوسطه وبين المدرسين ومع ذالك سمن على عسل صحيح انه بعد المباراة بثلاث ايام يرتفع التعصب والسب واللعن لكن تهدى الامور وترجع المياه لمجاريها مهما حصل

وهذا اللي حاصل في المدرسة عندنا يستتب الأمن بعد ثلاث ايام من المبارة .

إقتباس تحيه لك وعوافي على هالموضوع الفله

الله يعافيك ولد وائل على الرد الأكثر من رائع ولاتحرمنا منك ترى عشاك بكره عند الكناري الأزرق قل تم


المشجع الكبير

إقتباس لو على الكلام هيّن لكن المشكلة انها وصلت لقاتل ومقتول

لاحول ولاقوة الا بالله الله يستر أجل ترى خلاص ببدأ مااشجع .

إقتباس الله يعينك على ما أبتلاك ولكن ترى هذا تعليم الكبار احمد ربك انها جت على كذا بس

الحمدلله على كل حال ومشكور ع مرورك لاتنسى العشاء بكره على الكناري الأزرق .

رحيل الحال

إقتباس وصدقت فيما قلت في منتدى الجمهور والله يصلح الحال

ياكثر من اللي يعانون من المشكلة آآمين اخوي الله يصلح حالنا وحالهم .

أما بقية الكلااام فقل والله درر نعم صدقت في ردك فيما قلت ولك جزيل الشكر على هذ1 الرد الأكثر من رائع حقيقة فنحن مسلمون هاذه الكلمة هي التي تجمعنا وليس الذي يجمعنا هو الهلال والنصر والاتحاد والاهلي وغيرها من الأنديه .

إقتباس موضوع رائع يستحق النقاش وأعذرني على الاطالة وبورك فيك اخي والسلام عليكم ورحمة الله وبركاته

وعليكم السلام ورحمة الله وبركاته وليه تتأسف على الإطالة بالعكس كلامك جميل جد وأكثر من رائع .


مالكة السعودية

إقتباس وع هذا الي ناقص لغه عربيه والله لو تشوف درجاتي في القواعد تذبحني خخخخخخخخخخخخخخخخ درجات ولا احلى وعلا قدماافهمه وتجيني ورقه الاختبار انسا كلششششششششششششششششششششش وبعدين انت تدرس طلاب لغه عربيه مو لغه رياضيه

قلت لك اذا وصل عمرك 17 سنة ردي على مواضيعي

لازم نتهاوش أنا وانتي يعني

" امزح معاك يادوبيه ياللي وزنك 400 كيلو

اللغة العربية هي لغتنا ونفتخر فيها ويكفينا انها لغة القران .

بعدين مدرسين الإبتدائي يدرس اي ماده ماعنده اي مشكلة لأنه مهيأ على الشي هذا والا ليش حطوا لنا كلية خاصة . يعني لو ادرس من القهر تدبير عادي يجي معاي

مجنون الزعيم

إقتباس بالعكس انا ما اشوف ان الطلاب بينهم عداوات بسبب الأندية انا خويي شبابي ويكره الهلال كرررررررره ومع ذلك هو اقرب اخوياي مع انه فيه هلاليين واجد بالفصل

أنت ماتشوف لكن غيرك يشوف اعرف واحد من قوة التعصب اللي عنده اذا اشترى من البقالة وحط له راعي البقاله اغراضه بكيس اصفر رمى الاغراض بوجه راعي البقاله وقال له يالله غير لي الكيس ابي لونه اي شي غير الأزرق .

للمعلومية وأنتم بكرااامه لو دخلت نادي النصر لو وجد كل الوان داخل النادي اصفر وازرق الا دورات المياه وانتم بكرامه لونها ازرق وابيض .

وتقول اشوفه شي عادي من جدك انت

المشجع الكبير

إقتباس ايه انتو مدرسين الابتدائي قويين

ايه قويين نشرب حليب دجاج على الصبح وبيض بقر سلامات يعني من صعوبة المناهج في المرحلة الإبتدائية قم بس قم