|
مهم لكل هلالي فاهم ...عن ART.....!! السلام عليكم ليه كل البشر مو عاجبتها الار تي ليه لانها غاليه مثلاً وليه التشبيه بينها وبين قناة الجزيره الرياضه انا عندي لك شي يالهلالي الفاهم وانشاء الله كل الهلاليين فاهمين مافيه قناه مثل الارتي في التغطيه التحليل والكاميرات ومميزات يعني لكل واحد فينا يهتم في دوري يحبه مثلاً الي يحب الدوري السعودي ......> A R T الدوري الانجليزي ......> A R T دوري ابطال اوربا......> A R T الدوري المصري......> A R T الدوري المغربي......> A R T وكثير من الدوريات وعندها 7 قنوات والثامنه والتسعه في الطريق وين تلقا معلق مثل الشوالي او رؤوف خليف او الحربي او عدنان حمد والله الارتي من افضل مايكون يعني تبي كل هالدوريات تكون بـ 100 على فكره قناة الجزيره لم يحصل التشفير لسبب مادى انما لسبب نقل الدوريالايطالي يجب تشفير القناه التي تحتكر الدوري الايطالي والكل يذكر قبل 3 سنوات تقريباً كان الدوري الاسباني ببلاش انا حبيت اطرح الموضوع لتفهمه وليس >>>>> يجيك واحد قال نصابين او اي شي والكل يتمنى الان ان لاتاخذ الشوتايم الدوري الانجليزي :rolleyes: :rolleyes: :eek: تقبلوا تحيات هلالي المحبة |
مو السعر العالي هوّ المشكله ،، المشكله هوّ تركيز صالح كامل على السعوديين ورفع الأسعار ولا كأنّهم من ابناء بلده .. وكمان التعصب من بعض المحللين للاندية الاخرى ،، اخرها كان الفودة !! ومن ناحية النقل والاخراج متميّزين ، يكفي انه سعد الوثلان " بتاع اوربت :D " انتقل لهم مع بداية الموسم .. المشكله بعض المتعصبين يقولون الاخراج بايخ ! هوّ نفس المخرج ، بل بالعكس حتى كاميرا الارتي حاليا ً افضل من الاوربت اول ! اما اللي يقولون تغطية سيئة وتقطيع ،، اعتقد هذا كلام أوّل ،، الحين شي ثاني .. موضوعك حلو ..;) |
اقول شباب بلا ارت وبلا الجزيرةs13s خلونا علا الارضي....:laugh:ومشي الحال اما مباريات القوية خلونا علا الكوفي شوب......خمسة ريال ومشيها وخلها علا ربك ان شالله الله يفرجها الله يلعن التشفير ابو اللي اخترعها:upset: |
^^^^^^^^^^^^^^^ هذا الصحيح وقولوا اللي تقولون |
مشكورين على المرور بس اعرف شي اذا ماشتركت اليوم بتشترك بكره او الي بعده بالكثير ههههههه يعني في مباريات قويه لازم تشوفها والمقهى كلا دخان ومعسل وانت ماشي >>>> اخوكم هلالي المحبة |
والله مو غاليه بصراحه بالكويت اهني اشتراك سنه كامله art 1 الى art7 وقناة الافلام الاولى والثانيه وسينما واللي طلع افلام اجنبيه 75 دينار كويتي مايعادل 980 ريال سعودي سنه كامله اشوف الدوري السعودي ومبارايات المنتخب السعودي والدوري الانجليزي ودوري الابطال والانديه العربيه والخليجيه وكأس الامم الاسيويه الانديه الاسيويه والدوري الفرنسي والدوري الاسكتلندي نهايك عن رياضه اخرى السله ولا بلياردوا ولا حتى المصارعه يحليله ممدوح شو ييب مصارع مصخره عشان يتمصخر خليه هييييييييييييييييييييييه اخرها المناظره اللي صارت بين نائب رئيس الهلال مع فوده وامور قادمه مهمه اشتري راحتي والله ويكفي اشوف مباريات الزعيم |
ياشيخ والله انا مشترك من وقت تشفير القناة من خمس او ست سنوات تقريبااو اكثر ما اذكر بالضبط والصراحه نقل الدوريات الاوربيه كله اوكيه لان الكاميرات والاخراج ماهو من موضفي الارتي ولكن الدوري السعودي والله ان ما في راسه المخرج والصوره كل شوي تقطع ولا فيه مقارنه بينهم وبين الجزيره لانها افضل بكثير من الارتي وحياديه في التحليق ومعلقين ممتازين مع احترامي لرؤوف والشوالي لان من المعجبين فيهم اما الباقي اسمحلي وخاصه عبدالله يقلد المعلق الاماراتي ولا وصل لمستواه لكن وش اللي صبرك على المر قال اللي امر منه يكفي نفاق ومجاملات للا رتي |
ماهمني غاليه انا واحد مشترك من قبل الدوري السعودي بس الاخراج تعبان صح انهم افضل من الرياضيه السعوديه لكن يضيعون هجمات عليك من كثر مايعيدون والا من كثر ماهم مركزين على خشش اللعيبه عطني الهجمه وخلي الباقي لما يتوقف اللعب بعدين صراحه ماعندهم محللين زي الناس وليد الفراج يجيب الناس وكنها قناته اسلوبه غريب بس لما جابو البكر اسلوبه راقي جدا وحنا مستبشرين خير ان شاءالله |
عجيب والله اذا بشترك في الرياضة لازم اشترك في الأفلام هذا اول شيء وثاني شيء ايش جاب الدوري الأسباني والأيطالي عند الدوري السعودي والا المصري والمغربي وغيرها ( صاحي انت ) اصلاً الدوري السعودي مااتابع فيه غير مباريات الهلال واللي ماينقلها التلفزيون السعودي القهوة قريبة عشرة اشخاص بخمس ريال |
مشكلة الاي آر تي انها لو تضيف بطولة شطرنج طلبت فلوس زود من المشتركين الحاليين مثلاً : انا كنت مشترك قبل كاس العالم وعند نهائيات كأس العالم طلبوا اربعمية ريال زود ثم عند اضافة الدوري السعودي طلبوا عشرين ريال عن كل شهر باقي من الاشتراك وكل هذا زود يعني خلال سنتين ثلاث بتلاقي الاشتراك تجاوز كل التوقعات حسبي الله على اللي في بالي |
art حاقدة على الهلال والهلاليين عامة ؟؟؟؟؟؟؟؟؟؟ وانت شكلك من اذناب art وجاي تسوي دعاية لها !!!!!!!!!!!!!!! |
للأسف لا افهم شي في الاي ار تي |
عندنا الارتي لكن فيها تعصب ضد الزعيم الفراج+مدني رحيمي +فوده المحللين ما فيها الا محي الدين خالف +وأتمنى يجيبون الشتالي وإن شاء الله تتحسّن اكثر وبالتوفيق ومشكور على الموضوع التطبيلي |
الإشتراك في مصر من دون القناة السابعة بـ 540 جنية أي مايعادل 355 ريال سعودي (تقريبا) ((في السنة)) ولكن الإشتراك في مصر يجب أن يكون بإسم مصري وعندما ذهبنا للإشتراك في السابعة رفضوا إلا أن يتم من السعودية وتم الإشتراك من السعودية بقيمة 180 ريال لمدة تسعة أشهر هذا من ناحية أما من الناحية الثانية فقد تم إلغاء الإشتراك ولم يكن هناك تعويض مع العلم أن تم الإشتراك بناء على شريطة أن تكون قنوات الجزيرة الرياضية من ضمن الإشتراك؟؟؟؟!!!! |
اسمحوا لي ان ادلي بدلوي لست مدافعاً عنهم ولكني اكرههم بسبب حرمانهم لنا من مشاهدة المنتخب فقط ولكن احقاقاً للحق فيكفيك انك تشاهد جميع مباريات الزعيم وبالنسبة للسعر فهو عادي وقليل مقارنة بكثير من القنوات الأخرى وعلى سبيل المثال الشوتايم وهي لدي اشتراك شهري 230 ريال أي ما يعادل 2760 ريال سنوياً بينما هم اشتراكهم مع سبورت 7 لمدة سنه 960 ريال ولاحظ انك تشاهد الدوري السعودي والإنجليزي وغيرها وأفلام وبعدين مشكلة الجزيرة معهم هي من الجزيرة نفسها علشان ما أعطوهم كأس العام 2006 وعلشان كذا ما جددوا معهم وراحوا للشوتايم وممكن واحد يقول طيب ابي اشترك في الدوري السعودي فقط اقول له ليش ما تقول للوكاله شئ لما تشتري قطعه كاملة لسيارتك مع انك محتاج منها شئ صغير . |
[ السلام عليكم و رحمة الله و بركاتة ] ,, إقتباس:
اول شي المـُـخرج سعد الوثلان .. ياخي هالمـُـخرج نصراوي و رافع ضغطي .. يعني مباراة الهلال و النصر اللي بإستاذ الملك فهد الموسم اللي فات .. ما غير يحط الصورة على جمهور النصر و جمهور الهلال عجزت اشوفه !! حتى ولد عمي و اغلب الجمهور الهلالي لاحظ هالشي !! و بعدين ياخي بمباريات الهلال ما يعيد اللقطات .. مثلا هدف يعيده بسرعة مرة و ان كثر مرتين .. و بعد فيه كور يكون مشكوك ان فيها ضربة جزاء و يتغاضى عنها و لا يعيدها !! بالنسبة للصورة .. اي ما في تقطيع !! و الله موجود و بكثرة بعد و انا تعقدة منهـ ,, و اذا دخلت الكــرت ساعة عشان تفتح .. و زيـادة على هذا كل يوم لهم سالفة !! يعني اول ما تشترك قالوا لك الجزيرة مهي منقطعة .. و انقطعت ! و رحنا اشتركنا بميتين ريال و راحت علينا 96 ريال !! و مشيناها ! الا و شوي يشفرون رقم سبعة و بعدها رقم 8 و 9 !! يا ناس هبلتوا فينا .. وش هالنصب ؟! شاكر لك " هلالي المحبة " .. ! [ السلام مسك الختام ] .. |
اخوي باختصار 1- تشفير المنتخب بمباركة من سلطان بن فهد 2- انت مشترك وانا مشترك طيب لو حصل وفازوا بحصرية نقل لاي دوري المفروض تفرح وانا افرح ولكن هم العكس لانهم كل مافازوا بحصرية اضافوا قناة جديدة ورسوم جديدة وهذا يجعل من المشترك القديم والعميل المستمر معهم لايستفيد ابدا توقع ::: لو حصل وفازت الارتي بنقل الدوري الايطالي اتوقع تفتح قناتين جدد وتحط اشتراك جديد النهاية مهزلة الواقع الله يستر ومشكور |
اختلف معك استغلال بما تعنيها الكلمه |
بس الدول الثانية سعرها اقل من ربع اللي عندنا |
وهذا الشتالي في الطريق والله اني مو من تبعهم ولكن الحق يقال يعني اكثر الدوريات اثاره وتشويق بلا زعل هو الدوري الانجليزي بلا منازع السبب فيه اكثر من منافس فالصغير يهزم الكبير والعكس حاصل ماشستر يونايتد البلوز الارسنال ليفر بول وست هام تونتهام ايفيرتون يعني والله المنافسين كثار مو زي الدوري الاسباني ماعندك الا الريال والبرشا ويمكن الحين طلع اشبيليه او فالنسيا الدوري الايطالي مافيه الا روما والانتر مع سقوط ميلان في الدوري واليوفي في السيريه بي كن واقعياً لاتكن عندك تحيز الى قناة ما اخوكم هلالي المحبة |
الدوري الإنجليزي إبتداء من السنة القادمة على شوتايم باقي دوري أبطال أوربا والدوري السعودي هل هذه تستحق 9 قنواة ؟؟؟؟؟؟؟؟؟؟؟؟؟؟؟؟ المسئلة ماهي بعدد القنواة بل بمضمونها ماذا سيقدم في لسنة القادمة على هذه التسعة القنواة ؟؟؟؟؟؟؟؟؟ بعدين إنت الحين شفرت الدوري السعودي طيب المفترض يكون هناك مراعاة للمشتركين القدامى من الظلم أن يتساوى شخص مشترك من 5 و6 سنوات مع شخص جديد المشكلة أن جميع العروض للمشتركين الجدد لكن المشكلة ماهو في الشبكة المشكلة فينا أحنا كل ماقالوا قناة جديدة رحنا ودفعنا انا عن نفسي والله ما افكر في الإشتراك في القنوة الثلاث الله يخلي القناة السعودية اما باقي المباريات مالها داعي الحين يبو ينقلو دوري شباب وناشئين ودوري درجة أولى الحين بالقوة الجمهور يتابع مباريات الشباب والوحد يبغونا نتابع دوري درجة اولى والله مسخرة |
لا تعليق |
.. كلاااااامك صحيح ومشكووور .. .. اللي يقول مدني رحيمي متعصب والفودة ما عليك منهم انت شف المبارا بنقل وتعليق رااااائع والباقي منت في حاجته .. .. والدوري الانجليزي ودوري الابطال بدري عليهم يحللون فيه .. .. ومشكورررررررررررين .. |
شكلهم داهنين سيرك مضبوط تسقط اي ار تي فلتذهبي أنتي ومالككي إلى الجحيم |
إقتباس:
صـــــــــــدقت ونا رأي من رأيــــــــــك |
النهم معتبرينا بقر حلوب الجماهير السعوديه عامه إقتباس:
وياليتهم يعطونا الدوري السعودي ولانجليزي بدون الافلام كان افضل:confused: |
مشكووووووور خوي |
art ممتازة يكفي انها تنقل كل مباريات الجولة وهذا لم يحصل من اي قناة اخرى .. ولكني لايعجنبي تعاملها التسويقي مع عملائها سواء الحاليين او المحتملين ..وهذا سبب كره الناس لها .... ... ولكن لماذا التطبيل لها ؟ يعني ليش تفرد موضوع تطبل لها الضاهر انتقلت حمى التطبيل من الاسهم للرياضة .. على العموم مشكور اخوي على الموضوع .. ودمت بود اخوك السلماني |
بصراحة انا معجب بال art رغم انها استغلالييه شوي واهم شئ نشوف الزعيم |
المناقشة لا تفسد في الود قضيه ياليت الكل يعرف اني مو من تبع ART تراني حالي حالكم اخوكم هلالي المحبة |
فيه فرق شاسع وكبير بين الجزيره الرياضيه و art من السهل ان تفتح 100 قناة لكن من الصعب انك تقدم منتج متكامل الجزيره فتحت فقط اربع قنوات لكن بتقنيات وتصوير عالمي واجهزه متقدمه يكفيك ان لدى قناة الجزيره الرياضيه مركز تدريب عالمي تستطيع ان تلتحق به وتأخذ شهاده عالميه مصدقه ***ملخص الكلام**** ان ال art اهتمت بالكم وعدد القنوات التي افتتحتها مع ان نصف هذه القنوات (اخطاء وتقطيع بالصوره ) ان (الجزيره الرياضيه ) اهتمت بالكيف ولو كان العدد قليل لكن المهم تقديم ماده مميزه ومتكامله للجميع |
نصااااااااااابين يستقلون كل سعودي وصالح كامل مقطع اربع اربع باكستاني جلف مصري لسانه يلوط اذانه وعايش بسعوديه وماخذ الجنسيه ومعادينا حسبي الله عليه اشتركت 240 رياال جعلها بطنه حريقه بس لعيون الهلال ندفع اكثر مجنون بحبك يالهلال |
انا مشترك بالارتي من قبل كاس العالم هي صحيح انها غاليه شوي بس والله مباريات والدوريات الي فيها خصوصا الدوري السعودي والانجليزي بالاضافه لدوري العرب هذي الاشياء لازم الواحد يشوفها |
بالنسبة لخبرتهم فهي مازالت في المهد يعني لازم نصبر المشكلة هي في الباقات وطريقة توزيعها وفرض قنوات انا ماابغاها باقة 30 ريال في الشهر قناتين رياضة وقناتين افلام مصرية ( وين الرابط بينها) باقة 60 ريال نفس المشكلة مع زيادة قنوات الرياضة انتقال الدوري الانجليزي بنسبة كبيرة جدا جدا ل الشوتايم وش يبقى ابطال اوروبا والباقية مانبغى الا مباريات الزعيم يعني كثير 990 ريال على بطولة كبرى واحدة |
المسأله أن الباكستاني يستغفلنا كل شوي يطلع لنا بحركه جديده وأخرها الدوري السعودي طيب أنا وش ذنبي مشترك فيها من زمان |
سمعت انهم يبون يشفرون ياسر إقتباس:
إذا انت مو تبعهم فهاذي ادهى وامر:mad: فأنت تقبض منهم لكي يطبل لهم :upset: ياخي يكفيك ماكرهنا في المنتخب السعودي غير لارتي وتشفيره واسعاره الغبيه :yes: وقنواته اللي تقطع لا تقول ماتقطع لان اغلب المشتركين يشكون من التقطيع:rolleyes: لا ووش عذرهم الرسيفر :cry: يايبا بلا نصب واحتيال والرجاء تغيير نكك لانك بكذا تشوه سمعت الهلال:upset: ؟؟ وسمعت بعد ان ارتي تبي تشفر القحطاني بقناه الوحده:laugh: وتخلي اشتراك بفلوس بعد يعني اي كوره تجي القحطاني يقطعون الصوره اذا ما اشتركت:laugh: |
الله يعين بس |
المشكلة في النقل دايم تقطع |
| الوقت المعتمد في المنتدى بتوقيت جرينتش +3.
الوقت الان » 12:06 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd