برد يا دنيا برد - نادي الهلال السعودي - شبكة الزعيم

الـنـادر · #1 09/12/2006, 05:43 AM

السلام عليكم و رحمة الله و بركاااااااتوه

كيفكم يا عوال و يا بنات <<<مصري الاخ

عملين ايه يا قدعان <<<<<لسه برضو

كيفكم و البرد

والله البرد ماخلينا في بيوتنا

اما نطلع لو وش

غير كذا نزل علينا الثلج و كلمها ;)

يعني انواع الانزلاقات <<<<مو انبراشات

اليوم اللي نزل فيه الثلج

خذت لي كم صوره بجوال <<<مطفر يجمع عشان يشتري كاميرا

و قلت اليوم انزلها لكم و تشوفناه و تشعرون بالبرد معي شوي

تفزلوا

و في الاخير

صوره فوق البيعه

Mario Power Energy Drink

و في الاخير مره اخرى

اقول لكم

تلحفوا زين

سلامـ

صاحبة المجد الهلالي · #2 09/12/2006, 06:09 AM

وش ذا وينك فيه انت باي ديرة

عندي وحده من قريباتي تبي ثلج ينقط عليها شكله ينفع لها جوكم هذا;)

بعذرك تقول برد مهب برد الا برد وصقيع وغرابيل

انا هنا ومعي فروة اجل فيذاك كيف

الله يطامنا بأسمه ان شاء الله ونقعد في ديرتنا الله لايحدنا على هالديار

hilaly_mot · #3 09/12/2006, 07:06 AM

انت باي ولاية

الكلاسيكي · #4 09/12/2006, 10:54 AM

يؤ يؤ .. وش هالثلج ..

على كذا والله ما احرك من البيت ولا شبر واحد ..

يالله يالنادر هذا انت تكتب الموضوع وتتنافض ؟. انتبه لنفسك ودف نفسك<<خايف عليك ..

الله يكون في عونكم .. حنا بر دبس .. ونتنافض .. اجل انتم وش بتسوون ..

الله يكون بالعون .. دمت بخير ..

♫ ROMAntico · #5 09/12/2006, 12:34 PM

وش ذا ؟؟؟ جميده

الله يعينك حنا بعد والله بردنا ما به ملح نااااشف

ياالله على الصوره هذي تووووحفه

الله يهديك قلّبت المواجع تذكرت ماركو يوم كان بنفس الجو هذا

<< براااااا بلا بزارين :p

واللهِ إنت أقدع مصوّر في الحتّه << مسكت خط :p

ثانكساااات كثاااار على الصور

الســـفير · #6 09/12/2006, 12:49 PM

رووووووووووووووعه الاجواء هاليومين ..

ااحنا بعد عندنا برد قوي وانا احب البرد بشكل مو طبيعي

البس ملابس واطلع تفرج واتمشى في المجمعات وكل الامكان

الخروج في البرد له طعم خاص واكيد النادر برررررد بس استمتع

شكرا لك على الصور الحلوه

الـنـادر · #7 09/12/2006, 03:18 PM

صاحبة المجد الهلالي

إقتباس


	وش ذا وينك فيه انت باي ديرة عندي وحده من قريباتي تبي ثلج ينقط عليها شكله ينفع لها جوكم هذا بعذرك تقول برد مهب برد الا برد وصقيع وغرابيل انا هنا ومعي فروة اجل فيذاك كيف الله يطامنا بأسمه ان شاء الله ونقعد في ديرتنا الله لايحدنا على هالديار

<<<<<طالعي هينا و تعرفين ;)

و على طاري قريباتك

خلوكم في البرد اللي انتم فيه احسن لكم و ادفى لكم

_______________________________________________

hilaly_mot

إقتباس


	انت باي ولاية

Colorado State

_______________________________________________

الكــلاسيكي

إقتباس


	يؤ يؤ .. وش هالثلج .. على كذا والله ما احرك من البيت ولا شبر واحد .. يالله يالنادر هذا انت تكتب الموضوع وتتنافض ؟. انتبه لنفسك ودف نفسك<<خايف عليك .. الله يكون في عونكم .. حنا بر دبس .. ونتنافض .. اجل انتم وش بتسوون .. الله يكون بالعون .. دمت بخير ..

هذا اول نزل الثلج

ما صورته بعد ما وقف الثلج و تشوف الهباااال

غير كذا البرد هينا يشكي

درجات الحرارة العليا في يوم من الايام -4

ما عليك

الحين ما اطلع الا و معي قفزات و شال و بلوووفر و جكيت

<<<<توه يدري ان فيه ناس خايفه عليه

حنا مو نتنافض

نتجمد

تسلم يا الكلاسيكي على ردك

______________________________________________

القمر الهلاليه

تسلمين على الرد

______________________________________________

ســـفير الزعيم

إقتباس


	رووووووووووووووعه الاجواء هاليومين .. ااحنا بعد عندنا برد قوي وانا احب البرد بشكل مو طبيعي البس ملابس واطلع تفرج واتمشى في المجمعات وكل الامكان الخروج في البرد له طعم خاص واكيد النادر برررررد بس استمتع شكرا لك على الصور الحلوه

من ناحية انه برد مو طبيعي

برد مو طبيعي

زي ما قلت للكلاسيكي اقرا

غير كذا الثلج له متعته

ترجيم

والله احلى شي في الثلج الترجيييم

__________________________________________________________

يسلموووو على كل من مر من هينا و ترد بصمته على الموضوع

و في

انتظار المزيد من الخير

سلامـ

برنسيسة الهلال · #8 09/12/2006, 03:57 PM

واااااااااااااااااااوو يجـنــــــن شكـل الثـلــــــــج

بــــــس اللـــه يعينـــــكم علــى الـبرد

تحياااتـــوو خيــووو

هلالية حرة · #9 09/12/2006, 04:52 PM

واااااااااااااااااااااااااااااو الثلللج روعه

بس تصدق اختي عندهم بررد تقوول جمييييد بس مانزل ثللج

الهنوووف · #10 09/12/2006, 07:16 PM

الحمد لله وش اخبارك انت وش ذا البرد الي عندكم

ياويل قلبـي لو انا هناك تجمدت

ياربي ابي اعيش هنـا

احس انكم مثل هايدي :p

اقول ماتبي مرافق يذاكر لكـ

بالرياض ومابقي شي مانلبسناه دولاب تقريباا هناك يبي لنا سووق الله لايعوق بشر

تسلم خـيوو قمت اتنافض من البرد >>>وهي شايفه صورة بس

الهنوووف

كانت

هنا

ورحلت

الكناري الأزرق · #11 09/12/2006, 09:30 PM

و عليكم السلام و رحمة الله و بركاتـهـ ,,

هـلا بالنادر ,,
آه بس ودي اشوف المنتشري و رضا تكر و هم يلعبون بالثلج كورة ..

ودي اشوف اشكالهم و هم من كثر الانبراشات مرة يمين مرة يسار

اتوقع رضا تكر بياخذ ميدلية ذهبية و يرسلونة للدوحة

و لا عاد انا لو اشوف ثلج كان اصير [ مصنع السعودية الوطني لإنتاج الكورة الثلجية اللي يبي ترى اثنين بريال

] .. !

بس ودي اتخيل شكل الامريكان ..
ستيف يقول لجيم :_ نو وي ياللهول لقد دخلت المربعانية

جيم :_ لا يهمك ابد كثر من الزنجبيل و ما تشوف شر ان شاء الله << احلى يعرف الله

النادر ,,
ياخي احبك مواضيعك يا دب ..

و الله يقطع ابليسك شكلي ابصيرمـُـجد عشان ادرس بأمريكا

[ السلام مسك الختام ] ,,

هلالية وراسي مرفوع · #12 09/12/2006, 10:10 PM

الحمد لله وش اخبارك انت وش ذا البرد الي عندكم

ياليته عندنا في جدة

البارق · #13 09/12/2006, 11:23 PM

هلا والله بخبيرنا ..

طيب وشلون طعم الستار بوكس في الثلج ..

أقول لا عاد تجيب مثل هالمواضيع الحين أنا بردان خلقه .. ويوم شفت موضوعك قربت الدفاية جنبي ..

بصراحة صور روعة .. ولا تحرمنا منها والله لو عندي هالمناظر لأغرق المنتدى بصورها ..

بعدين لو إنك بدل الفشخرة بالجاكيت مشتري لك كاميرا ماهوب أحسن ..

يعطيك العافية يالغالي .. ولا تحرمنا من أي صورة من هالنوع ..

تحياتي لك ،،،

~بنت الزعيم~ · #14 09/12/2006, 11:45 PM

وعليكم السلام ورحمه الله وبركاته
الله يعينك اخوي النادر على هالاجواء
ثلوج ودنيا الحمد لله بس على برد الرياض
مانبي ثلوج ماحنا ناقصين

خالص التحيه لك

سندريلا الهلال · #15 10/12/2006, 12:02 AM

أنا والله أحـب الثلوج ياسلام خصوصا اذا جت زي النقط وقامت تتساقط ..

بس ماقد جربت اخاف انها تقطع القلب برودتها

الله يعين حنا هنا اول مادخلت المربعانيه .. صارت البطانيات دبل والجاكيتات دبل والزنجبيل على افاا من يشيل

مساكين ماعندكم زنجبيل وحده تقهركم

ماشاء الله بصراحة صور حلوة وروعة بس تجيب البـرد

الله يكوون بعونكم يارب