اولا :- ابارك لكم الفوز المستحق 
تانيأ :-
لا رايد ان اذكر قصتي مع بداية ذهابي للمباره وإنما سأذكر قصتي مع بداية هجوم الفئه الضاله على جمهور الهلال ليس داخل الملعب وإنما خارج أسوار الملعب بعيدا عن أعين الكاميرا:-
بعد ان أطلق حكم المباره صافرة النهايه بدأ الجمهور الهلالي يشجع ويؤازر الهلال مع اسد المدرجات إبراهيم حقوي بمناسبة الفوز ومن ثم جاني إتصال ضروري من احد أقاربي وطلب مني الحضور الآن فتركت المدرجات وإذا بنزولي من بوابة المدرجات المؤديه إلى الساحه الخارجيه شاهدت الجمهور الهلالي يرجع للمدرجات خوفا من صواريخ أرض جو بسرعه وبعض المشجعين معاهم اطفالهم الذين لا تتجاوز أعمارهم 10 سنوات و بكائهم المستمرالذي لم يتوقف والخوف يعلوملامحهم البريئه
فسألت احد المشجعين : خير وش فيه ؟
فرد علي وقال الجمهور الأهلاوي تهجم علينا بما أوتي به من قوه !
فنزلت الساحه المؤديه إلى خارج االمدرجات لكي استطلع الأمر عن قرب
فشاهدت في ساحة الملعب الداخيله المؤديه إلى المدرجات ( ساحة المعركه ) جميع الاسلحه المستخدمه
مثل ( طوب + حجار + عصي + حديد + قوارير موية صحه + قوارير زجاج مكسره على الأرض+ نعال) >>> الله يكرمكم
لم ينقصها إللى الأسلحه الناريه والقنابل المسيله للدموع>>> ماصارت مباراه صارت حرب
وشاهدت بعض الإصابات الطفيفه والبالغه في صفوف الجمهور الهلالي وشاهدت سيارات جديده وفخمه كانت واقفه في ساحة الملعب الداخليه مهشمه بالكامل>>> لو تنزلها التشليح ماتنباع
وشاهدت رجل أمن مختبئ وراء شجره خايف من قذائف الهاون
فسألته: وين قوات الطوارئ عن هذا اللى يحدث ؟
فقال لي اتصلنا بالعمليات وننتظر فرقة مسانده !!
ومازال القذف من جانب الفئه الضاله مستمر والجمهور الهلالي مأسورين في المدرجات وفي الساحه الداخليه المؤديه للمدرجات (يعني محاصرين لا نستطيع الخروج ) واستمريت في ساحة المعركه ولكن بعيدا عن صاوريخهم مختبئا خلف نخله>>> (ياروح مابعدك روح )
وكان بعض الجمهور الهلالي المتواجد داخل الساحه الداخليه المؤديه للمدرجات يردون على قذائفهم بالمثل ( العين بالعين والسن بالسن )>>> والله أبطال
ولكن مالحظته من بعض عقلاء الجمهور الهلالي قاموا بتهدئتة الجمهورالهلالي وقالوا لهم لا تقاومون الكيان الصهيوني>>> ليه حنا في فلسطين
ولا تردون عليهم لانهم جمهور متعصب لعلا وعسى أن يذهبوا ويتركونا في حالنا ونستطيع الخروج سالمين
وبعد ربع ساعه جاء الفرج
جاء باص الشغب
وما أن سمعوا الفئه الضاله صوت السيفتي >>> (وي وي وي وي )
وشاهدوا باص الشغب والجنود البواسل نزلوا في الميدان لمقاومة الفئه الضاله
وإذا بالفئه الضاله فارين >>> خوافين
والجنود البواسل ورائهم
حتى تم تأمين المخرج للجمهورالهلالي وخرجنا مسرعين على دفعات
والجمهور الهلالي يردد ( الله اكبر الله اكبر )
وكنت موجود في أول دفعه لأني مستعجل وكان هناك بعض الفئه الضاله مختبئين في سياراتهم
ومن سوء الحظ ضيعت السياره في المواقف ( يعني نسيت وين وقفتها لان المواقف كبيره ومع الربكه والخوف ونشوة الفوز الواحد ينسى ) ومن سوء الحظ قصدي من حسن الحظ كنت لابس شال الهلال
وطقم الهلال والفئه الضاله عيونهم علي ولسان حالهم يقول نبغى نتوطئ في بطنك >> اتحداكم
وانامازلت ابحث عن السياره وجاني من السب والشتم ( لاأريد ذكرها احتراما للزعماء )
والتفت يمين ويسار ابي اشوف رجل أمن أحتمي فيه بس ماحصلت كلهم بعيدين عني قصدي مشغولين بالفئه الضاله المهم استمريت في بحثي عن السياره وانا جالس التفت يمين ويسار وأمامي وخلفي خوفا من قذائف الغدر وماسمع إاللى السب والشتم يا ... ويا...
المهم والأهم اعترضتني سياره وبها ثلاثه أشخاص وكان زجاج السياره مفتوح
فسألني السائق : وقال إنت هلالي ؟
فاقتربت من سيارته وكلي شموخ وقلت له بالحرف الواحد : (( هلالــي وافــتخـــر ) والله ماكذب عليكم
المهم الطحلب طرطع وجالس يسب ويشتم وانا كنت لحالي وسحبت نفسي على طول مارديت عليه لان الكثره تغلب الشجاعه وعلى فكره ارد على مين وخلي مين ومازلت مستمر في بحثي عن السياره
وفجأه شخص يظهر لي و يقول لي طيب ياخي فوزوا بجدارتكم
قلت له بالحرف الواحد ردنا في الملعب وجالس يهذري بكلام المهم عطيته جلى وسويت فيها إني ماسمع
والفئه الضاله جالسين يتحرشون بأي واحد هلالي وشاهدت في بحثي عن السياره اكثر من خمسه
أشخاص من الفئه الضاله اعترضوا اثنين من الجمهور الهلالي حاطين على زجاج السياره الخلفي شعار الهلال ( على ماعتقد إنهم في المقبره او العنايه المركزه إذا ماتوا الله يرحمهم فهم إن شاء الله شهداء وإذا باقين على قيد الحياه فالله يشفيهم ويقومهم بالسلامه إن شاء الله )
وعلى طول انا سحبت نفسي واستمريت في البحث عن الكنز المفقود قصدي السياره حتى وجدتها
وعلى طول فتحت الشنطه ورميت الشال وفسخت الفنيله>> >>بس الفنيله
ورميتها في الشنطه واركب السياره واقفل الأبواب وأشغل السياره وادعس على البيت وشلت شريط خالد عبد الرحمن من المسجل وحطيت السديس
وجالس ادعي في السياره الله يستر الله يستر >>>افا والعلم ماتعرف ربك إاللى في الشده
إلين خرجت من منطقة الخطر ورجع كل شئ على طبيعته ورحت البيت صليت ركعتين حمدا وشكرا إن الله نجاني انا وسيارتي من الفئه الضاله بدون إصابات وبعدين اتصلت على الشخص إاللى اتصل فيني وحكيت له بالسالفه واعتذرت منه .
وايضا اعتذر منكم على الإطاله وإن شاء الله تتقبلوني بصدر رحب >>> والله إنك غثى
بس حبيت تكونون في وسط الحدث >>> لايكون الأخ شغال في قناة الجزيره وأنا مدري
قـصـتـي مـع الـفـئـه الـضـالــه ؟؟ 
الوضع العادي
