نجـــوم الزعيــم في الفنــدق .. وأحــداث شغــب [ صـــور ] الســلام عليكــم ورحمــة الله وبركاته أخــواني أعضــاء شبكة الزعيم وأخص منتدى المجلس العــام أسعــــد الله جميــع أوقاتكــــم بالخيـــر والعافية .. يسعــدني في موضوعي هذا أن أصطحبكــم معي في جولة بقلب عروس البحر الأحمــر ولكنهــا ستكــون جوله غير أو جوله مختلفه أو جوله مميزة فسموها ما شئتـــم المهم أنها بعيـــون زرقـاء ستجــدون فيها نجوم الزعيم عن قرب وسأحكي لكم ما حصــل منذ وصول الوفد الهلالي إلى أن ودعناهم في مطار الملك عبدالعزيز بكل حفاوه وتكريم أرجـو من الأخوة الأعضــاء إبعــاد الأدوات الحادة والمشروبات الساخنة وركزوا معاي :D وصل الوفد الهلالي إلى مطار الملك عبدالعزيز في تمام الساعه 8.30 حسب مصادر أحد الزملاء ولم أكن متواجد بالمطــار نظراً لإنشغالي .. كان في إستقبــال اللاعبين والإداريين لجنة من نادي الأهلي أستقبلت اللاعبين بالورود والإبتسامات الصفراء .. وكلكم عارفين ليه ما يحتــاج أقــول .. إستقبــال من الجماهير الهلالية كبير .. وحضي النجمــان سامي الجابر وياسر القحطاني بترحيب كبير من قبل الجماهير .. توجه الباص إلى مقر اللاعبين فندق ويستن على كورنيش جدة .. توافد كبير على الفندق إلى ساعات متأخره من صباح يوم الخميس .. وكان الجانب النسائي مشارك :D في ظهر يوم الخميس وفي تمام الساعة 12.00 تلقيت إاتصالاً من أحــد الزمــلاء يخبرني أنه متواجد في الفنــدق وأخبرني بأن الوضع رايق يعني بالعربي قال تعــال وهو على صلة بأحد المسؤلين في الفندق .. على طــول قمت توضيت وصليت وعلى الفندق من دون تفاهم أثنــاء الطريق إلى الفندق كنت معلق شعــار الزعيم على المراية الأمامية وعينــك ما تشــوف إلا النظرات بس والله ما أعرف هي إعجــاب ولا إستحقــار :D .. وصلت بحمدالله إلى الفندق وأستقبلني صاحبي عند بوابة الفندق ودخلنا على اللوبي وجلسنــا نتناقش عن المباراة وكيف بندخل الماتش وش الخطه المهم شوي إلا بيسيرو :upset: والله ما قلنا شي المهم معاي صاحبي منتهي قام صاح عليه بيسيرو لين طالع فينــا قاله هليل نو نو :p المهم زعل وجاء عندنا قال وااي نو:mad: صاحبي لخبط قام يقول غنام عزيز عمر قوود:D المهم عرف أن ما عندنا سالفه ومشي :D شوي قال يالله مشينا للاعبين هم بالمطعم فوق أعلى الفندق قلت مشينـا .. طلعنــا على المطعـم ومالحقنــا إلا الشلهوب :thumbup: وياسرs60s والله ونمتحنهم طفشناهم حياتهم وحمسناهم على الماتش قالوا ولا يهمكم علينا اليوم والآن أترككم مع الصور وهنا الكــاسر ياسر مع أحـــد المعجبين http://www.alzaeem.com/news/1.jpg الجميع تجمهروا في بهو الفندق لإلتقــاط صور تذكاريه مع نجومهم المميزين أترككم مع الصور http://www.alzaeem.com/news/2.jpg http://www.alzaeem.com/news/3.jpg http://www.alzaeem.com/news/4.jpg http://www.alzaeem.com/news/5.jpg http://www.alzaeem.com/news/6.jpg وهنــا صورة لسيـــارة أميرنا المحبـــوب أبو سلطــــــــان رولز رايس :eek: بسم الله ماشاء الله اللهم لا حســــد http://www.alzaeem.com/news/7.jpg بعــدها أتجهنــا إلى الملعب مع باص اللاعبين والكل يزفهم وكأننا نعلم أن الفــوز لنــا ولن يدعونا نعــود خائبين وجدنا الرابطه تضع اللمســات الأخيرة على تجهيزاتها وزحــام كبير عند بوابات الجماهير بدء اللقــاء في حماس من قبل جماهير الناديين وشيله من هنا وشيله من هنا .. أحد الشعارات اللي كان الجمهور حاطها ( جده كلها مشتاقه لك ) .. تأخر لاعبين الهلال في النزول فيما بين الشوطين سجل الأهلي الثاني في الشوط الثاني وكان عندي احساس اننا راح نعادل ونفوز والله وفعــلاً سجلنا تعادل وفوز واليكم صور من اللقاء وقت نزول اللاعبين للشــــوط الثاني http://www.alzaeem.com/news/8.jpg وهنــا بعد الهــدف الثاني http://www.alzaeem.com/news/9.jpg http://www.alzaeem.com/news/10.jpg أنتهــى اللقــاء وحيينــا اللاعبين من الملعب وجاء موعد الخروج وجــات المشاكل مع الخروج وقسم بالله ما تصــدقون لو أقلكم أن الحجــار اللي كانت تجينــا بحجم أو أكبر من الجوالات وأحــداث أضرار في بعض سيارات الأعلاميين والمسئولين فيما الجمهــور اللي أنصــاب أنصــاب واللي فر نجــا بجلــده ومنهم من رجع إلى مدرجات الملعب ومنهم من طلع مع البوابة الشرقية متضاهرين بأنهم من جمهــور الأهلي لأن معاهم أطفــال صغــار والله ثم والله ثم والله حرام هذا اللي جالس يسير وين المسئولين وين الناس اللي تشوف المصابين وأنا بعــد سمعت أن فيه حالات وفاة لأنه واحد من أصحــابي حكالي بالجوال أنه 10 من جمهور الأهلي متجمعين على شاب ومعه طفلين .. للأسف ما قدرت أصور ولا تذكرت أصلاً من الخوف والفجعة:D الحمدلله حاولت الخروج إلى أن خرجت بسلامه وأتجهنــا إلى الفندق قالوا البعثه راح تسافر على طول يعني من الملعب على المطـــار ودعنــا اللاعبين هنــاك وأليكم صور لسامي مع أحد الأطفــال المعجبين وألتقينا بالشيــخ محمد العريفي وسولفنا معاه وهنئنا بالفــوز وقالنــا أنه راح يحصــّن اللاعبين وهو في الطيــاره .. :thumbup: حسيـــت أنه هلالي تدرون وش قال لنــا يقول زوجوني وحده أتحاديه عندكم وأنا ألعن أبو شيطانهــا :D يا حليله والله أنه حبوب والأيمــان باين على وجهــه http://www.alzaeem.com/news/11.jpg http://www.alzaeem.com/news/12.jpg http://www.alzaeem.com/news/13.jpg أستضفنــــا الزعيــم وودعنــاه توديع أبطـــال لأنهــم كانوا يستاهلون ومحل الثقه .. كل الأمنيــات أن أكـــون قــد غطيت لكم الحدث ولو بنسبة 10% . ودمتـــم زعمـــــــــــــاء ،،،، |
هلالي الماسي اخبار جاي اليوم وحاط لنا صورتك يبيلنا نسوي البوم نجمع فيه صور الاعضاء بس ياخي الصور حجما كبييييييير من الصبح وانا بالماوس والأزره يمين ويسار بس موضوع مهضوه كتير لان فيه صورتك وصور اللعيبه وصوره الشيخ العريفي بالاخير يا حبيله ولا صوره الروز اف والله شي انا ابي اللوحه بس ابن واحد واحد يوقفك والحمد لله على سلامتك تعال انت كنت مع الرابطه الي مسويها ابو الشباب...... تشـــــــــاو |
الله يعطييك العاافيه اخووي والصور اكثر من حلووووه والله يوفقك ويوفق نجووم الهلال وشكراً |
هلا وغلا بالحلو هلالي الماسي حلاوتك غطت على ياسر :d ماشاء الله عليك ياحلو :p لو أنك مصغر مقاس الصور أحسن <-يحمد ربه انه مركب دي اس ال :p ومشكور على الصور خيووو |
السـلام عليكـم ورحمـة اللـه وبركاتـه,, هـلا بك يـاسـر << على ماأظن اسمك كذا صح .. صح والا مو صح :D اذا كـان صـح فـ صح عليّ .. واذا ما كـان صـح فـ اعـذرني و ان شاء اللـه المـرة الثـانيـة أقـولـه صـح .. << غثيـتك صـح :D مشكـــووور الـف الـف مشكـووور عـلى تغطيـتـك اللمـيزة للحـدث العـالمـي الكبيـر .. وهـو حضـور نجـوم الزعيـم في جـدة .. وجـدة ( غيـر ) بـ وجـود نجـوم ( الهـلال ) و بـوجود الشيـخ ( محمـد ) .. واللـه تعجبنـي .. كـذا والا بـلاش .. صـور حلـوة و رائعـة بـس كبيـرة شوي .. لو تتصـغـر تكـون أحسـن !! تصـدق أنتـظر مباراة الهـلال الثـانيـة اللـي بجدة .. عشـان تسويلنا تغطيـة ولا أحـلى .. |
تقرير ولا اروع |
أخوي هلالي ألماسي ممكن مداخلة سلمك الله لايحق لنا ولو كنا في قمة إفراحنا أن نتهم الشيخ محمد العريفي بإنه قال سأحصن اللاعبين وزوجوني أتحادية وألعن ابو شيطانها !!!!!! فياليت نكون واقعيين شوي وأرجو أني أكون ماجرحت مشاعرك |
ونااااااسه التقرير والصور ولا احلى خصوصا العريفي ,, ما شاء الله عليه مشكور خيوو |
إقتباس:
والله ثم والله ثم والله الذي جل جلاله أنه قال الكــلام هذا بالحرف الواحد والله يجعلني ما أقـــوم من مكاني إلا بشلل أو عاهــه مستديمه أني ما تبليتــه وأنا ما أنقــل كلام مو صحيح وبعدين الشيخ وش قــال عادي كان يمازحنــا بس أنت اللي أعتقــد أنك متشدد وتشك حتى في نفســك لو منت مصـــدق أن الشيخ قال الكلام هذا راسلني على الخاص وأنا وأعطيني أيميلك وأنا أضيفك وأقابلك بالشبــاب اللي كانوا مع الشيــخ في المطــار أكثر من 10 أو 12 وهم شاهدين على الكـــلام هذا .. همســـه : عيب تكــــــذب الرجــــــــال |
وش جاب العريفي هنا ياناس اذا شفت هالرجال ارتاح مدري ليه الله يحفظه وان شاء الله اللاعبين استانسوا بوجوده معهم |
يعطيكم العافية على كل شيء |
آسف لو فهمت أني كذبتك عموماً وأعتذر لك وحصل خير |
إقتباس:
إقتباس:
تحياتي لك يا هلالي ألماسي :) |
ياليتك تغير توقيعك " الحياء شعبة من الإيمان " |
الله يعطييك العاافيه اخووي |
الوقت المعتمد في المنتدى بتوقيت جرينتش +3.
الوقت الان » 01:41 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd