بسم الله
ساروي لكم قصتي من يوم ذهبت الملعب
وكان يوم الخميس نكد × نكد
قبل ماروح الملعب وديت ثوبي المغسلة
وشوي جيت لاخوي بالغرفة
وكان يقولي تعرف صاحبي
الي في العمل الي جانا ذاك اليوم
توفى (مات)
قلت ان لله وان اليه راجعون
الله يرحمه ويسكنه فسيح جناته
وببعدين :
اخذت الثوب من المغسلة
ولبسته وشغلت السيارة
ومشيت الملعب
عاد وصلت وقاعد ادولر مواقف ماحصلت الى اخر الدنيا
السيارة كانت بعيدة عن الملعب
وقفت السيارة
رحت قطعت تذكرة
ودخلت الملعب وكان بعد صلاة المغرب
شوي بدا الجمهور الهلالي يزحف للملعب بشكل رهييييب
وكنت اسولف مع واحد جنبي عن الهلال
وعن المباراة
وشوي اشوفابجمهور يصايح
ويرمي علب البيبسي(جمهور الهلال)
وقفت لاستطلع الموقف
واذا به رجل امن واحد من مسئولين الملعب
يريدون اخذ علم هلالي كبييير
تزايدت صيحات الجمهور
وذهب رجل الامن والمسئول
ولم ياخذو العلم
وبعدين رجعو مرة ثانية
ومعاهم واحد بنغالي
عاد سحبو العلم
ونزلوه اذ بالمسئول يوطي برجله
على العلم وهاتك ذاك الرمي
والسب والبنغالي كانت بتجيه
ضربة باحد علب البيبسي
ولكن مرت من جنبه وصفقت في رجل الامن
يعني ماراحت بعيد اذ مو البنقالي رجل الامن
عاد اخذو العلم واخرجوه بره الملعب
والصراحة هذي الحركة نرفزت الجماهير
وشوي نزل عبد العزيز الخثران يسخن لوحده
قلت في نفسي
المطوع شكله مخربها مع المدرب
او يعاني من اصابه(وهذا هو الصحيح)
وبعدها نزل الحراس للتسخين
ولقيو تحية كبيرة من الجمهور
وبعدين
نزل لاعبي الهلال للتسخين
ولقيوا ايضا تحية كبيرة
وكان الجمهور يهتف
لياسر وسامي والشلهوب ولايهون الباص عيون
عاد بدت المباراة وكان الشوط الاول
بارد من الطرفين
وسجل الاهلي الهدف الاول
تمالكت اعصابي وقلت يعوضونها انشاء الله
انتهى الشوط
وبدا الشوط الثاني ومع اول 5 د
سجل الاهلي الهدف الثاني
قلت في نفسي عز الله انا ورطنا
والصراحة كنت متخوف من هزيمة تاريخية
مقارنة بمستوى الهلال
وبعد الهدف ب5د
انطرد لاعب الاهلي علي العبدلي
تفألت كثيرا وقلت انشاء يجيبون التعادل
عاد جا فاول للهلال انبرى اليها
تفاريس كالعادة وسجلها
وكان كل جماهير الهلال بالملعب
يحسبون الي جاب الهدف ماجد المرشدي
كما اعلن من المذيع الداخلي
وكتب على ساعة المباراة
وشوي اذ مرجم الهلال
طاير مليووووووووون على جهة البدلاء
والجمهوووور يردد ساامي ساامي
واذ به يستدعي ساااااااامي
قلت عز الله راح وطي الاهلي
واذ بسامي من اول لمسة
يوكد ان الذهب لايصدا
تمريرة جميلة من الذئب ولكن قطعها الدفاع
وبعد ها يتبادل لاعبي الهلال الكرة
واذ الكرة توصل لسامي في منطقة الجزاء
ويعطيك هذيك السحبة ببدرة
ولكن بدرة ابى ان لايمر الذئب
وعرقله داخل المنطقة
جا البلنتي وقلت مابغى اشوف البلنتي
وكنت معطي ضهري الملعب
واطالع بالجمهور
اذا فرحو بفرح
وكنت اطالع بذاك المشجع المتعصب
اذا فرح يعني جا هدف
وكنت اطالع لنواف اول مايجي يشوت البلنتي
بالتفت لجهة هذا المشجع
وشوي المشجع
وشوي المشجع حط يده على راسه
عرفت ان البلنتي ضااااااع
ولكن جيت بالتفت لجهة الملعب
اذ بذيك الصفعة تجيني من ذاك الدب
وقام يمسك فيا ويسلم عليا
واذ الجمهور كله يناقز
وهذا الدب لساعه ماسك
قلت في نفسي ياليت ماجا الهدف(امزززززززززح)
وشوي اذ المترجم ماشي مليووووووون وثلاث مئة
قلت الله يعين من المدرب
لاينزل محور ويورطنا ويلعب على التعادل
وشوي انه يزهم الجمعااااااااااااااان
قلت الله يعينك يالمسيليم من القذائف
واذ تمريرة الى الجمعان
ويجيك الجمعان يمحط الكووورة بالشبك
كانت فرحتي ن الكورة ماصقعت بالمسيليم اكثر
من الهدف(برضو امزززززززززززززح)
انتهت المباراة وفاز الزعيم
احداث بعد المباراة:
نزل ربع جمهور الهلال خارج الملعب
وبقيت الاغلبية تشجع
واذا الجمهور يجري بجهت فووووووق
يناضرون خارج الملعب
قلت ليه اتبقف واروح اشوف ايش فيه
ورحت اناظر الى جمهووور الاخهلي يجري ناحية جمهور
الهلال الي خرج وقلت في نفسي الله يعينكم ويرجعكم بالسلامة لاهاليكم
قعدنا محبوسين بالملعب ورحت جلست جنب الرابطة
واذا به شخص اسمه محمد كان يغني
ويقول يلا نزلنا نشجع بره الملعب
اذا به يأتي ابو خليل
ياخذ منه المكرفون
ويقول ياشباب لاحد يخرج من الملعب
ولكن محمد ملزم انه يغني خارج الملعب
واذ الحقوي ياخذ المكرفون مرة ثانية
ويقول ياشباب انا ماارضى اي واحد من جمهور الهلال ينضرب
ولكن محمد ابى ويقول من حقنا نفرح
قاله الحقوي كلمة اعجبتني كثيرا
وكبرت في عيني ياحقوي والله
قال الحقوي لمحمد
انا اضمنلك جمهور الهلال
بس ماتضمن جمهور الخصم(يقصد الطحالب)
ويقول لمحمد انت انسان كبير وفاهم
وبعدين قاله ابيك في موضوع بيني وبينك
عاد راحو
ورحت انا تلقفت مرة ثانية
خليني اناضر من فووووق لخارج الملعب
لاستكشف الوضع
اذا به رجااال الامن يهجمون على الجمهور الراقي
ويبعدونهم عن الملعب
وجو رجال الامن عندنا بالملعب يقولون
اخرجو بسرعة والله كاننا رهائن
عاد نزلت وقاعد ادور السيارة
وهي كانت بعيدة كما ذكرت سابقا
رحت مشيت لين قربت من السيارة
واذا به العساكر واقفين
بعيد عن الجمهور
بعشرة متر
وجمهور الاهلي واقف عند سيارتي
يلعن ام النكبة
ولكن العسلكر هجمو عليهم مرة ثانية
واذا بجهور الاهلي يهرب كالاطفال
وركبت السيارة ورميت الشال بالشنطة
ومقفل قزاز السيارة
وقاعد اصايح لحالي
مسوي قوووي
الي رجال يجي
وبعدين رحت البيت بصحة وسلامة
معليش ياشباب على الاطالة
هذه قصتي من يوم ذهبت الملعب & دعس الشعار&كبرت في عيني ياحقوي بعد الي سويته 
الوضع العادي
