هذا ماحدث معي بالضبط ليلة البارحة وهذا رد الزعيم - نادي الهلال السعودي - شبكة الزعيم

بندر خالد العنزي · #1 08/12/2006, 02:42 PM

[CENTER]بسم الله الرحمن الرحيم
أعزائي الزعماء,,,
مساكم الله باالخير جميعاً
وبعد,,,أحب أبارك لكم جميعاً فوز الزعيم (مقبرة الخصوم)
وللأسف الأحداث اللي صحبت المبارة واللي راح اتكلم عنها بعدين مع لجنة الانحطاط.
وراح احكي لكم أبش اللي حصل بالضبط
أمس أتصل علي واحد من الشباب وقالي بالضبط تعال وشف المباراة عندنا في الاستراحة وبعد فرصة علشان نضحك عليك وعلى فريقكم ((الخايس)) انا ماتكلمت قلت كلامنا في الميدان
وقال انتم والعجوز اللي مسجلينه هاوي علشان يكمل عدد اللاعبين في الملعب
قلت اوكي انا جاي
المهم قلت فرصة أروح واقهر الطفيليين والمرتزقة والواطيين من الجماهير الأخرى
رايح وأنا متإكد أنا الزعيم ماراح يخذل والاواحد من مشجعية وخصوصاً أذا صار متحدي فرق أخرى
المهم بدت المباراة وانتم زي ماشفتو البداية كانت أهلاوية الين جابوا الهدف الاول وبعدين انا قلت اصبر لكل جواد كبوة
انتهاء الشوط الأول وانا صراحة خايف من المباراة تنتهي على النتيجة هذي
بس كان عندي ثقة كبيرة وشوي جاء الهدف الثاني وقامو الشباب يضحكون وانا ماخذ الموضوع عادي
المهم انا كان ودي يطب سامي علشان تنتهي المهزلة هذي كله
وبعدين جاء الهدف الأول
وبرضو ماني مطمن
المهم ويطب سامي (فديتة)
قالوا هذا العجوز خلنا نشوف وش راح يسوي قلت طيب
المهم ويسحب لك الدفاع ويجيب بلنتي
ويجي الهدف الثاني
ويسكتون كل اللي معي في الاستراحة
ويطب الجمعان ويجيب الهدف الثالث
وكلهم ولا كلمة ردو
عرفوا انا الزعيم قلب الطاولة في وجههم
ويلوموني بحبك يازعيم
بعدها بدو يشككون بالزعيم وأهداف المباراة وانكم اشتريتوها مثل ماشريتو مبارة ((اللحوج)).
اما الاحداث التي صاحبت المباراتين لي موضوع راح انزلة انشالله عن هذي الاهداف في موضوع اخر
وبوصف بسيط كانهم بزران اذا ماحققو اللي يبون يخربون ويصيحون
الف الف الف الف مبروك فوز الزعيم
رسالة موجه الي الزعماء جمهور الزعيم
أولاً والله ان الهلال لن يقدم ولن يتقدم بدونكم وبدون دعمكم وحضوركم
واذا واجهتم مشاكل في الملعب من الناس (الواطيين)
ضعوا أمام أعينكم حاجة واحدة فقط دائماً الناجح محارب

رسالة شكر أوجهها الي سامي عبدالله الجابر (روح الزعيم)
وأشكرة على المجهود اللي يبذلة في خدمة الزعيم وأقوله تسلم يمناك
والشكر أيضاً لعبدالله الجمعان واتمنى منة المزيد والمحافظة على مستواه
والشكر للقناص وفعلاً أسم على مسمى لو لله ثم القناص كان ماجاء الهدف الثاني
والرسالة قبل الأخيرة موجهه لنواف وأتمنى انه يعود لمستواة وأقوله عن جد الزعيم محتاجك في الفترة القادمة
والرسالة الأخيرة لكم يازعماء القرن أشكر كل من تعنى وحظر المبارة وواجهة مشاكل من الطفييلين والمرتزقة وقليلين الذوق
أصلاً هم ماعندهم غير هذ الحركة لان الزعيم عمهم كلهم وحارق دمهم

والسلام عليكم ورحمة الله وبركاتة[/CENTER]

الزعيم حارق دمهم · #2 08/12/2006, 03:03 PM

مشكور أخوي وصدقت سامي نزل غير مجرى المباراة وياسر والله أبدع ونفس الشي الجمعان هدفه رائع ونواف ما عليك البلنتي يتعوض المهم مستواك الرائع وأعجبتني والله حطته للجمعان

فهد السويقي · #3 08/12/2006, 03:38 PM

مشكور وسامي حاله شاذه في الرياضه السعوديه
ولكن ما تعرض له جماهير الزعيم كان خطير ولا يسكت عنه